الجزء 136 من واش طيبتي اليوم *فلنغتنم عشر المغفرة*

[شباب امراة]

السلام عليكم صح رمضانكم كاملين حبيت نسقسي ام هبهوبة على بنتها واش بيها خاطر عندي بنتي عندها مرض توحد والله معرفت وين نديها وكيفاش نتعامل معاها هي عندها 3سنوات فايتة متهدر منعرف واش راهي حابة نقعد غير نميز ادا عطشانة ولا جيعانة لتعرف كاش طبيب تخبرني واجرها على الله

[ikram08]

يارب يشفيها هي و جميع المرضى أختي داىمة الحمد يعجبني نشاطك و همتك راني تعلمت منكم بزاف أشياء مرات نكون متكاسلة بصح كي ندخل عندكم للكوزينة نغيير و ونتنشط

[أم فاطيمة]

السلام عليكم و رحمة الله و بركاته
ليزا يعطيك الصحة كلش هايل مطرح ميسري يمري
ام ياسوووو ربي يخليلك فحلاتك بسم الله ما شاء الله طالعين لامهم سفرة دايمة
ام الاء ربي يشفي مرت خالك و جميع مرضى المسلمين
دائمة الحمد كي صبحتي و نتائج البيام حتى 5 جويلية على حساب واش قريت ربي ينجح جميع الممتحنيين
اكرام شباب امرة ام الاشبال وداد صباح الخير يوم موفق

[sousi.dz]

ربي ينجح أولادنا جميعا ويشفي جميع المرضى

[وردة سطيف]

ربي يشفي خالة زوجك و ييكون معاها و يشفي جميع مرضى المسلمين يا رب

[ام محمدْ ومريمْ]

المشاركة الأصلية كتبت بواسطة روضة 88

صباح الخير عليكم يا بطابيط
وبن راه ام محمد تاج غايبة عن الساحة.

انا ستنيت زوجي يجيبلي ازيس نغسل قش لفراش نساني وراح هههه
ربي يشفي كل مريض ويقدركم على تربية الاولاد .
شكون الفحلة تعطيني كاش رابط سهل ونفهم منه بلاك نتعلم نحط الصور

صباح الخير روضة راني حطيت البارح كيفاه تحطو الصور وان شاء الله تمتعينى

[أم محمد تاج]

بوووووه عليكم مسارشييييين عليا وانا هذا وين طيشني الفراااااااش ههههههههه
صباحووووو يا بطاتي رووووعة حبيباتي واش حطيتوووو روووعة وخاصة بسبوووسة البسبووووسة الله يحفظها يارب
حبيباتي لي عندها مريض الله بشفيه ويعافيه يارب والله قلوبنا معاكم
عندي ميناج والفطور عندي ولله الحمد والمنة ومعرووووووووضة للسهرية نياهاهاهاهااااااااااا
نكمل ميناجي ونحطلكم ياقرعاجاااااات
سلامي ومواحاتي

[أم هبوبة]

لبنات يادرا نتائج bem بانت و لا مازال خبروني الله يخليكم

[ام نوردين]

صباح الخير عليكم بنتا ونساوين ان شاء الله تكونو لاباس واش راكم مع السخانة ربي يكون فى العون ويتحسب الاجر اجرين قولو امين
ام هبوبة ربي يشافى لبنية ويعافيها علاه ماجربتيش دوا عرب بلاك عندها هاداك المرض الي مايقدروش عليه الاطبة
ام الاء الله يشفى مرت خالك ويعافيها يارب
ام تاجو ربي يعنيك على الميناج وبصحتك السهرة بسوسة اميرة تشهى الله يبارك
روضة ام فطيمة صباحكم فل
سوسي وداد وردة سطيف اكرام شباب امراة متشرفين معريفة خير
دائمة صباح النشاط واش احوالك
لبنات ماحبش يتفتحلى الموع تاع النتائج تاع البيام اعطونى واحد اخر ولا كاين غير واحد

[ام محمدْ ومريمْ]

المشاركة الأصلية كتبت بواسطة وداد ام محمد

سلام اول حاجة افتحي اي موقع تحميل مثلا الثعلب ومبعدابداي ارفعي الصور وكي تبغي التحطي حطي الرابط المباشر راح تشوفي الطريقة بالصور
اول حاجة افتحي موقع تحميل

ومبعد اتخيري الصورة وتفتحيها مبعد ترفعيها

ومبد ما تتحمل تخيري الرابط المباشر

ومبعد تنسخيه

ومبعد تروحي لادراج صورة

ومبعد هذاك الايطار ديري فيه coller


وان شاء الله نكون فهمتك

تفضلي اختي روضة

[ام محمدْ ومريمْ]

والامفهمتيش حاجة راني هنا

[sousi.dz]

انا تاني ماحبش يفتح أخواتي كاش أخبار خبرونا

[ام نوردين]

الي راهم يستناو فى النتيجة تاع البيام شوفو هاد هنhttps://www.djelfa.info/vb/showthread.php?t=1825884
بلاك مازال النتائج ربي ينجح اولادنا والله دارتلي القلقة ربي يجيب الخيرا

[وردة سطيف]

من المفروض تكون النتائج خرجت بصح الموقع راه ثقيل بزاف
ممكن لعشية ولاغدوة بالكثير تعلق النتائج في المؤسسات
لي عندو معريفة في لاكاديمي يقدر يعرف

[ام نوردين]

المشاركة الأصلية كتبت بواسطة lyzzabel

فطوورنا ياامس بسم الله

حرييرة و بوداان و معقوودة سووفلي و شكشووكة و السلاطة بقااتلي فتيييتة من اول امس و خبز الداار جبدت مالكونجيلااتووغ و عصيير اللهلوووبة ممممم منننننعشششش و القهوة بالحلييب و الشاامية ل ن ع داايما حااضرة مع الفطوور ،، و الحمد لله على نعمه حمدا كثيراا طييباا مبااركا فييه

ماشاء الله ياعسولة كلشى من يدك فن توحشتك واش راكى