الجزء 82من واش طيبتي اليوم**تحضيرات العيد**

[ام ساجد]

المشاركة الأصلية كتبت بواسطة سعيدة8888

صباح النور حنونة غير انتي لي رحبتي بيا شهر وانا غايبة ماطانش لي قاتلي صح رمضانك
وما نقبل حتي مبررات منكن
بالنسبة للقاطوات حنونة للأسف ماكانش رمضان وقريب يروح علينا الفطور
شهر صايمين على الشربة و الشلاطة عجوزتي قالت هاذا تبذير ولي حاب يدير فطور مليح يشري من عندو
احنا راكم عارفين رانا نلمو في باقي الدفعة الاخيرة نتاع السكنة
ادعولي ربي يسهلنا راهم قالو بعد رمضان يمدو العقود ولازم نخلصو 6 مليون ومن بعدها ندفعو 45 مليون
ادعولي ربي يوفقنا
صح رمضانكم
راه قلبي يتكتك كي شفت القاطوات والله غير شهيتوني بصحتكم

صباح الخير اختي سعيدة وما تتغشيش لبنات ما يقصدوش رام متولهين في القاطو

معليش ماشي لازم ديري القاطو المهم السكنة وان شاء الله كي تدخليلها تشيخينا قاطوات ربي يسهلك اختي ويفرج عليك وصح فطورك

[nihale89]

ام تااااااجو اين انت راني في الانتظار

[idron0]

المشاركة الأصلية كتبت بواسطة دائمة الحمد

لبنات حابة نقدم شكر خاص لادرينو على حضورها اليومي المتميز بالادعية لي رافقتنا بيهم خلال الشهر الكريم وعلى التزامها بنقل كل الوصفات للقسم الخاص بيهم

بارك الله فيك اختي انتوما الي مونسيني في غربتي احبكن في الله و جعلنا جميعا و اهلنا من عتقاء هدا الشهر .اااااااامين.

[<نَجْمَاتْ>]

المشاركة الأصلية كتبت بواسطة سعيدة8888

صباح النور حنونة غير انتي لي رحبتي بيا شهر وانا غايبة ماطانش لي قاتلي صح رمضانك
وما نقبل حتي مبررات منكن
بالنسبة للقاطوات حنونة للأسف ماكانش رمضان وقريب يروح علينا الفطور
شهر صايمين على الشربة و الشلاطة عجوزتي قالت هاذا تبذير ولي حاب يدير فطور مليح يشري من عندو
احنا راكم عارفين رانا نلمو في باقي الدفعة الاخيرة نتاع السكنة
ادعولي ربي يسهلنا راهم قالو بعد رمضان يمدو العقود ولازم نخلصو 6 مليون ومن بعدها ندفعو 45 مليون
ادعولي ربي يوفقنا
صح رمضانكم
راه قلبي يتكتك كي شفت القاطوات والله غير شهيتوني بصحتكم

مرحبا اختي معليهش ربي ان شاء الله يفرجها عليكم وربي يكثر الافراح والمناسبات السعيدة وديري احلى والذ قاطو ماكانش اللي ممرش باوقات صعيبة المهم نتفائل بغد افضل

[ام ساجد]

المشاركة الأصلية كتبت بواسطة ريتاج تيارتية

اهلا ليزا واش راكي
شيرات باغية نسقسيكم راني باغية نخدم قاطو جلد النمر تاع ام ساجد اليوم صار ماتيبسليش العجينة من فوق

صباح الخير ريتاج لالا ما تيبسش العجين تشيح برك وتشد روحها

المشاركة الأصلية كتبت بواسطة اماني السلام

وiهدا تاع لينا زينتو جا مليح ولا اوفر over

اماني السلام يعطيك الصحة مليح واش خصو

المشاركة الأصلية كتبت بواسطة idron0

دعاء اليوم الثامن و العشرين
أللّهُمَّ وَفِّرْ حَظِّي فيهِ مِنَ النَّوافِلِ ، وَ أكْرِمني فيهِ بِإحضارِ المَسائِلِ ، وَ قَرِّبْ فيهِ وَسيلَتي إليكَ مِنْ بَيْنِ الوَسائِلِ ، يا مَن لا يَشْغَلُهُ إلحاحُ المُلِحِّينَ .

اللهم امين يعطيك الصحة ايدرونو جعلها الله في ميزان حسناتك

[ام ساجد]

ليدي طل القمر عسلامة ومرحبا بيك

اولادي القاطو جاك تحفة والاولاد دارو فيك رايهم ههههه بصحتهم

ام اناس العزيزة واش راكي وربي يتقبل منك امين يا رب

نهال صباح الخير ما زال مابديتيش في البقلاوة

[ام ساجد]

المشاركة الأصلية كتبت بواسطة أم ماجد

لبنات الكوزينة تغلي
مفروطي طاب مممممممم وهذا السنيوة غمرتها بالعسل امممممم



وصلاة تمت القاطو امممممممممم هايل تهنات :d:d:d:d مهمتها تمت بنجاج مازال اختها غدا ان شاء الله








اختي نور صباح الورد اعذريني قريب يؤذن عندنا

ههههههه يا ام ماجد ماشي نعاير راني نحفز فيك باش تكملي ليه ليه

يعطيك الصحة جاك هايل بصح تاع صلاة خير يعطيها الصحة

ماشاء الله

[ام ساجد]

ماشاء الله عطورة ويعطيك الصحة وربي يشدلك في ميمتك

كلشي حطة خاصة هذا الكاس امممممممم 444444444444

[ام ساجد]

المشاركة الأصلية كتبت بواسطة soha1987

صح فطورك ام ساجد
الغريبية راح تنطق هايلة ربي يحفظك قوليلي كيفاش خدمتيها بالتفصيل
انا حبات هبطو بعد ماكانو علين وخرين مالو تقول برج بيزا ههههههههههه مالا درتهم صغار نقصت فالطول بصح الصح جات هشوشة وانا مادرتش ورق الطبخ ذررت الفرينة فالبلاطو حبات خرين فسدو نص الكمية رميتها خخخخخخ
ايا كتبيلنا مذكرة فيها النصائح من لالف الى الياء
راني غرت منك نتاعك باهية ونتاعي باشعة هههههه كي نقعد نحطها تشوفيها هههههه
ام ياسو يهبل مسلسل المقروك
دائمة الحمد الكروكي يهبل كيفاه خرجتي عليه خطوط
ام ريمة بصحتك القواطو ليك وحشة ياغلية
عطورة مممممممم كلشي هايل وسلامتك راسك يالحنونة حاذري على روحك الكوكوطة واعرة حنا مرة طرطقت قريب لا طرطقت الدار من تم وانا بفوبيا الكوكوط

سلام سهى وشكرا اختي

بالنسبة للغريبة ننزع الجزء تاع الوردةونعمر المول بالعجينة نخدمها مليح في يدي ونسويها مليح من تحت ومن فوق بكفوف اليد ومن بعد نرجع الوردة ونضغط عليه شوي ونحط في الصينية وورق الزبدة ممكن الاستغناء عليه ماشي لازم

[lyzzabel]

سلاااام مرة اخرى ،، لبنات ربي يقدركم و يعاونكم ،،
اولادي بوسيلي المشاغبين الصغار ربي يخليهملك
انا هذا واش راني نلبز دروك من بعد انشالله نحطلكم بقية الصور

[nihale89]

ام ساجد مارال مابديتش راني ننتظر في ام تاجو
طولت انشاالله تكون لباس

[أم ياسين الزهراء]

سعيدة حنونة ماتلوميناش رانا ندخلو مزروبين وملهوفين وسخافين هههههههههههههههه اصبري حنونة المهم السكنة وكلش يجي انا حياتي الكل ناكل نشرب نلبس نتمتع ونحوس بصح في الضيق ودقى الحمد لله الحمد لله فرج علي ربي وتامني بربي الدار حطى ومفينية هايلة بصح الموبال انتاعي قديم معليش المهم الحيوط والباقي ساهل يجي بالوقت والمهم فطرت وتلميتو غيرنا الله يعيني صح بنات

ايديرو بارك الله فيك


نهال ام محمد تكون هملت في البلاد ياخي قالتلك راح تخرج ههههههههههههههههه

دخلت زوجي ع نشوف واش جابلي يوم موفق

[nihale89]

ليزا يعطيك الصحة بصح واشنو هذا؟

[nihale89]

ام ياسو الظاهرة صح راهي برا بصح راهي واحد السخانة
ماعليش نزيد نستناها شوي

[أم إناس]

السلام عليكم
البارح فطرة عند عجوزي وطيبت سوفلي محشي باللحم مرحي واخر باللحم الدجاج. عجبهم واليوم قاتلي روخي افطري معنا العاءلة كامل مجمولين بناته والولادة والإحفاد وماعرفتش وش نطيب ندي معيا راهم ماشاء الله





ام ساجد. الله يغزك
سعيدة. اهلابيك وان شاء الله تدخلي دارك كيم اليوم يارب والله يفرج عليك وعلى كل مهموم
أندرو جزاك الله خيرا رانا كامل متونسين بعضانا
داءمة الحمد ربي يشافي ام اسينات والله يحفضلكم اسينات.
اولادي غاليتي ماشاء الله عليك راكي قائم بيه حلويات تشهي وبصحتك
ام ياسين. الله يخليك
ام محمد تاج نسيبتي لعزيزة بصحتكم العرضه وآللمه والله يخليكم لبعضاكم
نهال حنونه وشراكي وبصحتك الحلويات
اليزبال امممممممممواح ويعطيك الف عافيه