الجزء 78 من واش طيبتي اليوم سموا بسم الله

[zahra30]

مساء الخيرااااات والف مبرووووك العتبة الجديدة وربي يجعلها ديما عامرة بالخيرات وبالناس الطيبييين
ام ميتا مبروووك الكوزينة الجديدة وطياباتك ماشاء الله وربي يدوم النعمة
توحشتكووووووووووم بزااااااف راني في دار بابا وراح نتبعكم حتى نروح ان شاء الله
قولولي واش اخبااار بنت رياحيييين ؟؟؟؟
وسمحولي اذا اخرجت عن الموضوووع وعشانا طعام انتاعلحليب بالقديد وسلاطة ووووالحمد لله
واذا اقدرت نحطلكم شوية طيابات ان شاء الله
سلامي للكل وحدة وحدة مواااااح

[fatalim]

اهلا بالاخوات ممكن تعطولي وصفة مجربة للارز البارح اشتريت ارز بسمتي غالي بصح قالولي بنين

[مرام 1987]

مساء الخير يا بطبوطاااااات
ساندي بصحتك الريفيتايما وما تنسايناش بالصور وربي يعينك على الميناج
أم ماجد وينهوما الصور
أهلا بيك روضة وبصحتك العرس وربي يعينك على القاتو
سهومة بصحتك التحويسة تاع غدوة إن شاء الله وبصحتك واش راحا تشري وإن شاء الله يجاوبوك على العجانة باه ندي فكرة ما تنسايش تصوريهالنا كي تشريها
سبحان الله والحمد لله والله أكبر

[مرام 1987]

المشاركة الأصلية كتبت بواسطة fatalim

اهلا بالاخوات ممكن تعطولي وصفة مجربة للارز البارح اشتريت ارز بسمتي غالي بصح قالولي بنين

حتى أنا طمعت نقولهم يشروهلي قالولي بنين إن شاء الله يفيدوك الأحباب ونستفاد معاك
ارجعي شوي بالصفحات تلقاي أخت حطت وصفة تشهي بأرز بسمتي والله نسيت اشكون هي بالضبط

[مرام 1987]

واش طيبتو عشاكم؟؟؟

[مرام 1987]

اللهم بلغنا رمضان آمييييين يا رب العالمين

[fatalim]

شكرا ماري اتمنى لك الشفاء العاجل من كل قلبي

[natacabell]

مساءكم سعيد و الله هاذا ثالث رد نكتبو ويروحلي كل شيئ0اوووف اليوم صبحت مريضة في حالة لاgغيب راني ب البرودا و محبيتش نحكم لفراش
جبتلكم باروك بنتي حبوبتي اللي جابتلي السانكيام الثمر و التارت الشوكولا ان شاء الله يعجبوكم و تستاهلو ما كثر تفضلوا




اهلا و سهلا زهرة مرحبا بيك توحشناك و بصحتك العطلة في داركم و بصحتكم الطعام باالقديد

[مرام 1987]

أهلا بلي جا وجابأهلا بيك نوال ومبروك على بنيتك السانكيام وعقبال الدكتوراه وتشوفيها في أعلى المراتب
وربي يشافيك حنونة والله لاقريب شويا صعيبة في هذا الوقت
ابعثيلي شوي دقلة تشهي هههههههه حتى التمر وما خليتهاش ههههههه

[مرام 1987]

عطورة كيف دخلت قبيل وخرجت قالت جاوها ضياف نقولها كيف الف الف مبروك على بنتك ورانا نستناو في الصور تاع الباروك

[natacabell]

المشاركة الأصلية كتبت بواسطة mary1987

أهلا بلي جا وجابأهلا بيك نوال ومبروك على بنيتك السانكيام وعقبال الدكتوراه وتشوفيها في أعلى المراتب
وربي يشافيك حنونة والله لاقريب شويا صعيبة في هذا الوقت
ابعثيلي شوي دقلة تشهي هههههههه حتى التمر وما خليتهاش ههههههه

و الله ماخسارة فيك نبعتلك الباطا كلها تستاهلي حنونة

[أم يحي صهيب]

مرحبا بيا معاكم لباس عليكم
توحشتكم ولا لالا
مبروك على وليداتكم راني من البورتابل بيسي ديالى تحرقلو الشارجور
المهم رمضان نجوزو معاكم

[ladymillion]

fatalim اهلا بيك حبيبتي واش راكي بالنسبة للارز بسمتي راهو بنين يهبل

نمدلك طريقة تاكلي لسانك وراها ههههههههه بعيد الشر عليك

اغسلي الارز 3 مرات بالماء البارد عادي

حطي في كاسرونة الماء + ملح + 2م ك زيت كي يسخن شوي الماء حطي مقدار الارز لي راح ديريه ونقصي النار تكون هادئة وخليه يغلي شوي برك دقيقتين وطفي انزعي منو الماء

وفي كوكوط حطي 2م ك مارغارين وقطعي حبة صغيرة بصل وقطعي حبة زرودية مربعات وخليهم يتقلاو شوي على نار هادئة + دجاج او سكالوب داند مقطع + ثوم مهروسة او شرائح اختياري وقليهم مليييح وضيفي التوابل (( ملح ، فلفل اسود ، كركم ، زريعة البسباس شوي برك )) وزيدي عليهم الارز ومرقي بالماء ومستوى الماء يكون مع حد الارز يعني ماديريش بزاف راهو يتشبع بالماء ثم ثم واغلقي الكوكوط ونقصي للنار لازم تكون هااااااااااادئة يطيب 10د وافتحي وكوليه بالصحة

[natacabell]

المشاركة الأصلية كتبت بواسطة السعيدة بربها سارة

مرحبا بيا معاكم لباس عليكم
توحشتكم ولا لالا
مبروك على وليداتكم راني من البورتابل بيسي ديالى تحرقلو الشارجور
المهم رمضان نجوزو معاكم

مرحبا بيك سارة و ان شاء الله تكوني مليح مع الثقل ديالك توحشناك و توحشنا طيابك و كي جوزي معانا رمضان سيتون بون شوز ههههه

[أم إناس]

مساء النور اخواتي العشاء دجاجه محمرة من عندهم يعني مشريه والحمدولله
نتقبل حنونه مبروك على بنتك ان شاء الله لعقوبه لتخرج تاعه ولزواجه
التارت رووووعه بصح الدقله اررررررررواع امممممممممم بصحتك
سارة حنونه وشراكي. والله يكملك على خير
ماري حنونه الله يشافيك