دورة خطواتي الواثقة لأصبح ربّة بيت متألّقة - الصفحة 47

ام صفصف · 2016-10-21, 18:18

بالنسبة لجدول الاطفال كيما قالت الاخت خوخة،حاولو انو يكون بسيط وسهل،لان الطفل في نموه وتطوره يعتمد اولا على الحنان اللعب ثم الاشياء الاخرى

ام صفصف · 2016-10-21, 18:21

ام لينة ربي يشفيك حبيبتي
وبارك الله فيك على فكرة القصاصات و الرسائل الاجابية

omelbanin · 2016-10-21, 18:21

الدرة المكنونة، هذاك نقولولو حنا فطير وهو على ما أظن هو نفسو الرخساس.
ام تينة شكراً على المعلومة، ويجعل ما تقدميه في ميزان حسناتك.

ام صفصف · 2016-10-21, 18:22

الهم صل وسلم على حبيبنا رسول الله

~اسيل ريحانتي~ · 2016-10-21, 18:24

اقتباس:

المشاركة الأصلية كتبت بواسطة فراشات العمر

ام تينة ممكن كتاب او الموقع لي تختاري لنا منه
اسيل ابنك شربيلو مغ صغيرة ماء زهر مجرباتو في ولادي
وبنتك مافهمتكش واش بيها ربي يعينك ويشفيهم
ام راضية مديلي تليفون نتاعك كل يوم نعيطلك ونقلك نوضي تصلي هكذا نربح شوية اجر شوفي كي تحبي تديري حاجة واحد ما يكلحك تذكري أن اللجنة فيها باب اسمه باب الضحى ضرك نبعثلك فيسبوك نتاعي على الخاص. وانتي قدميلي طلب صداقه اكي

فراشات العمريعطيك الصحة قتلك بنتي فيها التهاب اللوزتين عليها راها تتقيئ ههههههه
ليوم راهم شويا الحمد لله

بالنسبة لروتيناتي اليومية كالعادة ككل يوم من ترتيب وغسل الاواني وووو
وعندي نهار الجمعة ندير حمام مغربي مع ماسك للوجه واحيانا للشعر ندير زيوت او خلطة المايونيز هههههههه ومانكدبش عليكم ماكنتش ندير هدو لخلوطات لشعري كنت اكتفي بغسله مرة بالاسبوع بالشومبوا وبلسم وسيروم وخلاص
ممبعد رجعت ندير خلطة زيوت ووووو مع انو مايحتاجش لهدو الخلطات هههههه
ممبعد نصورلكم جدول روتيني للعناية بنفسي انتظروني

~اسيل ريحانتي~ · 2016-10-21, 18:32

خوخة عندك الحق اختي بصح مثلا انا مراحش نصعب عليهم راح اكتفي فقط بوقت لمراجعة وقت لتنظيف الاسنان وغسل اليدين وقت للعب ويوم الجمعة يديرو رايهم ههههه يوم السبت استحمام هدا ماكان مراحش نكثر عليهم مازالو صغار مساكن
ليوم قلتلهم راح نعمللكم جدول تمشو عليه والله لا فرحو ماتتصوروش كل ساعة يجوني للكوزينة يسقسوني وقتاش نوجدلهم الجدول ههههه

خوخة02 · 2016-10-21, 18:54

صح اختي اسيل ربي يكون معاك فتربية اولادك هههههههه مساكن راهم متحمسين المهم متكثريش عليهم خليهم يلعبو اكثر \
انا ولدي عندو 9 اشهر برك ان شاء الله ندي تجارب من عندكم

خوخة02 · 2016-10-21, 18:56

اسيل شعري يحتاج للزيوت قوليلي واش ديري للحمام الزيتي
وشكرا ليك مسبقا

loudjaine · 2016-10-21, 19:37

اقتباس:

المشاركة الأصلية كتبت بواسطة فراشات العمر

السلام عليكم
شكرا لكل من دعا لي بالشفاء.
قررت ناكل انتي بيوتيگ وتوابعه اختي لجين نمدلك اسم الدور
أزيترال،،،،،بريدنيكورت20مغ،،،،،،،،،ألرتين 10مغ خمس علب شعرات لي قعدو زيد نفرطسهم وخلاص ،،،،،،،رانيتدين150مغ
لجين لجين لجين لجين لجين فهميني

السلام هذا دواء عادي جدا لميكروب و زايد حساسية
ازيترال مضاد حيوي ...يقتل الميكروب
برادنيكورت 20 مضاد للالتهاب ... ما تفوتيش 10 ايام على اقصى تقديرىلانو كورتيكويد
الرتين ... مضاد للحساسية .. 5 علب لانو باين عندك حساسية داءمة
رانيتيدين للمعدة باه ما يضركش الدواء تشربيه من المستحسن قبل الاكل

أم تغاريد · 2016-10-21, 19:41

السلام عليكم ورحمة الله وبركاته
اخواتي اسمحوووووووووولي بزاف على الغياب كانت عندي ظروف لذلك غبت
الله يبارك لقيتكم لحقتو للصفحة 47 مازال ماقريتش واش درتو في غيابي بصح باين كلكم نشاط ربي يحفظكم
اناالان صبتوني نخمم ادا نقدر نكمل الاشراف على الدورة او لا
مارانيش حابة نحبسو لانو قاع محتاجين هاد الدورة
لكن في نفس الوقت راني خايفة ادا مانقدرش بصراحة اجد صعوبة كبيرة مع التربية
عاونوني باش نلقاو حل وسط راني حايرة

ام تينة · 2016-10-21, 19:56

حياكي الله اختي ام تغاريد اعانك الله وسدد خطاك سامحيني اريد ان اقترح بعد ادنك بقاااااائك مشرفة على الدورة اللهم بارك مكانك محفوظ وتضعي معكي اخت اخرى من الاخوات المتمكنات نااائبة لكي بحيت يمكن ان تبعتي لها على الخاص واجبات عملية او خطة عمل والله اعلى واعلم تم اخواتي الطيبات سيفدنكي اكتر مني وجزاكن الله خيرا جميعا

جهينة اليقين · 2016-10-21, 20:40

ام لينا الفايسبوك تاع بنتي انا ما عنديش هي تاجوتيك عندها وتقول لي نعطيك الرقم غير بيبي لي برك هههههه

جهينة اليقين · 2016-10-21, 20:44

اختي ام تغاريد ما تخممي ما والو لا يكلف الله نفسا الا وسعها وكي فتحتي الدورة راكي درتي خير كبير ربي يجعلها في ميزان حسناتك الحقيقة رانا والفنا منالدورات السابقة يعني رانا منظمين انفسنا بانفسنا انت غير طلي مرة على مرة وانا نقترح نديرو تصويت على واحدة تكون ناءبة نتاعك

loudjaine · 2016-10-21, 21:30

ما تخاليناش ام تغاريد لازم القيادة حتى لو كانت الدورة صغيرة استعيني بالله و انوي الخير وربي يجازيك

أم تغاريد · 2016-10-21, 21:50

بارك الله فيكم على حسن ظنكم
راني نشوف روحي حاصلة متابعة الدورة تحتاج وقت كبير قبل ما نولد كان عندي متسع لكن الان مازال اصلا ماوالفتش عندي شهرين برك
وبعد الولادة والنفاس داري راهي راسا على عقب
راني معاك جهينة كون تخيرو واحدة تقود الدورة في هذه الفترة اكون لكن شاكرة
وراني نشوف ما شاء الله الاغلبية راهم عارفين النظام وناشطات يعني واحدة تفيد الاخرى
وحتى انا راح يكون عندي وقت باش نفيدكم ببرنامجي وتطبيقاتي وو
شحال راني متمنية تدخل حبيبة او سمراء الدنيا تسلكنا!
اعدروني يا فراشات راكم عارفين الراجل الجزائري متطلب بزاف لازم كل شي في بلاصتو