همزة وصل بين المعلم والولي : في طبعته الثالثة

[نخله.]

المشاركة الأصلية كتبت بواسطة serine alger

أم الأنانيس/ بالنسبة للرياضيات سهل تمارين عادية على الكسور **كتابة الأعداد العشرية على شكل كسور* وتمرين مشكلة بسيطة فيها عملية القسمة.وواحد في الهندسة.والوضعية/
استصلح فلاح حقلا مستطيلا الشكل طوله 90م وعرضه 70 م. جد مساحة الحقل.
شغل الفلاح عاملا مدة 8 أيام فدفع له 7200 دج أجرة عمله.
-ماهي أجرة العامل اليومية؟
أراد الفلاح أن يحيط حقله بسياج ثمن المتر الواحد منه 95.5 دج .
----كم سيدفع ثمنا لشراء السياج اللازم؟
اللغة/
النص حول عيد الشجرة.
الوضعية
يقام في كل سنة من شهر مارس عيد للشجرة يحتفل به.
للشجرة فوائد كثيرة منها/تلطيف الجو-الثمار-الظل-الأخشاب.
تكلم في 10 أسطر عن هذه الفوائد وما هو واجبك نحو الشجرة مستعملا/اسم موصول-الحال.
الفرنسية/
النص حول *الثعلب* ونص الوضعية حول القط . /قمت بتربية قط .أكتب فقرة من 4 الى 6جمل بمساعدة علبة الكلمات.

سنه رابعة؟؟؟ ام خامسة؟؟؟؟
ابني سنه4 مزال ما لحقوش للمساحات و لا كتابه تحويل العدد العشري الى كسر؟؟؟ ولا الاسم الموصول

[*أم سارة*]

المشاركة الأصلية كتبت بواسطة ~ حراير ~

نشكر كل العضوات الي يحطو اسئلة و تمرينات
شكرا ماريا شكرا اخت مانو
لقيت روحي من مدة نحمل و نهرب يا لطيف مني و اسمحولي


......................
اختي امل لم ريم ماعندي وش نزيد نقول لكن قوليلي نويتي على حل لانه الحل هنا انك تروحي للمدير و تقوليلو ماتشرحش لبنتي " و لا تغشها"

و نضن مش راح تقدري ديرها وحدك لازم يتحدو الاولياء معاك على هك ماهو الحل الي في يدك نورينا معاك
انا فكرت انك تفهمي بنتك انه غش و انها نهار الشهادة مش راح تلقى المدير يساعدها

نقلك الي حز في نفسي انه حتى مع الشرح و نقاطهم متدنية يعني معلم كيما هك و مدير كيما هك وين يروح من ربي سبحانه لا حول و لا قوة الا بالله
معلمة اريج العام الماض ماراتهمش و كراسها تقريبا فارغ و كان اغيلاس يقولي على الدروس الي قراوهم باش نتبع اريج لكن الحق يقال نهار الامتحان المدير مايعملهاش صح نقاط معظم القسم متدنية لكنه لم يغش التلاميذ و لا اوليائهم

اختي ام أريج انا مانقدرش نروح لانه بكل صراحة غير مسموح لي ممكن الزوج يتكلف بالمهمة هذا لوكانت بنتي في الخامسة لكن مادام الامر جرى مع الخوامس وانا بنتي في الرابعة نظن المدير ماراهوش رايح يتقبلها منا وممكن يقول واش دخلكم...نزيدلك امر زوجي يعرف المدير بحكم كلهم في مجال التعليم لكن قالي مانقدرش نتدخل في خدمتو حتى لوكانت ابنتي في الخامسة خاصة ان الاولياء معظمهم عاجبهم الحال تهمهم النقطة فقط والتفاخر بيناتهم بالمعدلات راني شايفة روحي الوحيدة في محيطي اللي حايرة على المستوى بينما الكل يقول هنا ....المهم يطلعو للمتوسط برك...والاكثرية ماتهموش الطريقة وصل الامر السنة الماضية الايام اللي قبل الامتحانات يوصوا على ولادهم حتى ابو ريم قالي الله لا يحطني في هذا الموقف ونولي نحلل على النقطة ولا المساعدة تخيلي انسحب من حراسة احد الامتحانات فقط لان التوصيات كانت كثيرة من المعارف على ولادهم قال فضلت الانسحاب من الحراسة خير ما يحرجوني ...كل واحد يجي يقول عندي وليدي راه في المركز اللي نتا تحرس فيه تهلا برك....الان راه يقول على ريم يهمني مستواها اللي تطلع بيه للمتوسط والحمد لله راضي عنه لحد الان ويقول اللي راهم فرحانين بالنقاط الاضافية والمساعدة في الامتحان راهم يضرو في اولادهم ......زوجي قالي واش نزيد فوق اني في بداية السنة قلت لمعلميها في العربية والفرنسية مانسمحلكمش عند ربي اذا زدتولها نقطة فوق حقها نحب نشوف المستوى الحقيقي

[*أم سارة*]

المشاركة الأصلية كتبت بواسطة نخله.

هذا هو الواقع المؤلم ...............و ما زاد الطين بلة انهم لا يعطون التلاميذ غير المسجلين عندهم في الدروس الخصوصيه علاماتهم الكاملة ظلما لهم . حتى ان بعض الاولياء يسجلون ابناءهم مراعات لهؤلاء الاساتذة فقط و ليس من أجل تحسين مستوى الاولاد الدراسي

فعلا واصدقك القول حصل خلاف بيني وبين زوجي منذ ايام على هذه النقطة ...معلم الفرنسية اللي متعودين في مدرسة بنتي يعطولو كل سنة الخوامس يدير دروس خصوصية ..انا قلت لزوجي ندخلها العام الجاي ان شاء الله مراعاة له كيما قلتي وثاني خفت و=ان بعض الظن اثم= يكون كيما بعض الاساتذة مايعطيش المفيد الا في الدرس الخصوصي واللي ما يديرش عندو تفوتو الفائدة وخاصة ايام الامتحانات ...الزوج كان معترض وقال الحمد لله بنتي ماراهيش محتاجة دروس خصوصية خاصة انك انت تتبعي فيها في الفرنسية مالا سكتت وقلت منا للعام الجاي اذا كتب ربي رانا نزيدو نهدرو

[serine alger]

المشاركة الأصلية كتبت بواسطة نخله.

سنه رابعة؟؟؟ ام خامسة؟؟؟؟
ابني سنه4 مزال ما لحقوش للمساحات و لا كتابه تحويل العدد العشري الى كسر؟؟؟ ولا الاسم الموصول

هههههههه .ماتتقلقيش أختي.هذا تاع الخامسة.

[serine alger]

المشاركة الأصلية كتبت بواسطة أم الولدين

شكرااااا ام عادل ايه سهل لو ركزووو فقط
وضعية الشجرة دكرتيني راح احاول اعطيه يكتب وضعية حولها
ومن بعد تصحيحي مع الشاهد هل من شواااهد ؟؟؟؟
ربي يوفقه و إن شاء الله نقاطك ياعدوله تكون ممتازة بالمواد الاساسية

ان شاء الله ربي يوفقهم جميعا.
بالنسبة للشاهد استعمل الحديث**مامن مسلم يغرس............................كانت له به صدقة** .هذا الحديث قراوه في السنة الرابعة.

[آيات سرمدية]

المشاركة الأصلية كتبت بواسطة نخله.

هذا هو الواقع المؤلم ...............و ما زاد الطين بلة انهم لا يعطون التلاميذ غير المسجلين عندهم في الدروس الخصوصيه علاماتهم الكاملة ظلما لهم . حتى ان بعض الاولياء يسجلون ابناءهم مراعات لهؤلاء الاساتذة فقط و ليس من أجل تحسين مستوى الاولاد الدراسي

جزاك الله خيرا. .....لهذا قلت المثبطات كثيرة......والحديث فيها يطول.....ماعلينا الا ان ندعوا لكل من ظل الطريق....او زين له الشيطان عمله....وكل من تعاماعن النهج الصحيح.......اللهمَّ ارحمهم برحمتك....وارهم الحق حقا وارزقهم اتباعه وارهم الباطل باطلا....وجنبهم اتباعه......وهذا اضعف الايمان...

[*أم سارة*]

المشاركة الأصلية كتبت بواسطة serine alger

والله يا أختي ما أتمناه أن ابني يكون من الأوائل في الشهادة لأنه منذ دخوله للمدرسة وهو كذلك. يعني حبيت يختم الابتدائي بما يستحقه. وكي نتفكر يوم الشهادة والله كرشي توجعني. بصاح راني نحاول ما نخممش بزاف باش نصبر روحي.و عندك الحق حتى التلميذ المتفوق لا يقبل أن تكون نتائج التلميذ المتوسط أعلى منه.اذا لم تكن النتائج مستحقة.
طبعا التكريم مهم جدا للتلميذ وان كانت قصة أو سيالة فهي تبقى رمز للتفوق. مع أن مدرستنا عندها عامين لا حفلة ولا جوائز.

ربي ينجحو ويدي ان شاء الله التكريم اللي يستحقو حتى احنا كاولياء تعبنا معاهم سنوات حتى وصلو للتميز نحبوهم يذوقوا فرحة التكريم والتفوق

المشاركة الأصلية كتبت بواسطة ماريا205

[size=5][color=indigo][b]
اخت امل صح مشكل وهكذ يوالفو التلاميذ لازم يتفاهموا مع المدير اذا حب يساعد التلاميد يزيدولهم حصص تدعيم مش بهذ الطريقة .الحمد لله معلمات بناتي مزيرين في التصحيح يعني نقاطهم هذوك هوما لازيادة ولا نقصان وثاني المدير صارم جدا .

ماشاء الله وربي يكثر من امثال هذو المعلمين والمدير

المشاركة الأصلية كتبت بواسطة miku hatsune

استوقفتني هذه النقطة....اخت ام ريم......هو نفس الموقف الذي حصل....مع ابنتي التي تدرس الان في 2متوسط....كانت في الإبتدائي. ....تتارجح بين المراتب الثلاث الأولى. ..بفارق الفواصل فقط......وعام الشهادة....كانت من كثرة اجتهادها...وتعبها....تخالين أنها امام شهادة البكالوريا....وعندما كنت نقولها....بزايد بركاي.....راكي ممتازة والحمد لله....وعلاش هادا كل......كانت تقولي....ماما حبيت......ندي المعدل عشرة و يكرموني....كانت متحمسة لهذه اللحظة......وتنتظرها بفارغ الصبر......ولكنه يوم اعلان النتائج......كانت المفاجأة. ....احدى التلميذات ممن...درسوا معها....كان معدلها لا يتعدى 6في كل مراحل تعليمها......اخذت اعلى معدل وقتها9،60.....اصيبت ابنتي بخيبة كبيرة....حتى دخلت في حالة اكتئاب. ...في الأيام الاولى......لان حلم التكريم....تبخر.......ويوم ذهبنا لناخذ الكشف....قالت لنا المعلمة.....حسبناالله ونعم الوكيل.....لقد سألت التلميذة التي كانت تدرس عندي واعرف مستواها....بطريقة غير مباشرة.... عرفت منها انهم...قد ساعدوهم كثيرا في الحلول....وقالت لها بالنسبة لي انت الأولى......فمستواك الحقيقي سيظهر في المتوسطة وما بعدها على ان تواصلي بنفس الوتيرة....وصحيح الان هي والحمدلله والشكر له......من الاوائل في متوسطتها.....بجهدها الخاص وبعض المتابعة مني......وبدون دروس خصوصية....لحد الساعة....مع ان المثبطات كثيرة....فليس كل مايتمناه الإنسان يجده....فهناك تحايل المعلمين....ومنهم من يقدم تمارين في الدروس الخصوصية مشابهة لما يقدمونه في الاختبارات.....والحديث يطول.......أحياناً المس فيها خمود ذلك الحماس....تقول لي.....لوكان يعاودوها في شهادة المتوسطة والبكالوريا....او أساتذة ميصلحوناش اوراقنا مليح......ولوكان...ولو....ولو
ساعات مانلقى وش نقولها....نقولها بنتي اقراي لعمرك يجي نهار.....وتلقاي حاجة تفرحك.....ربي علابالو بعبادوا.....ومخبيلهم الخير ....يلقاوه في الدنيا ولا الاخرة......بالاك احنا نشوفوا فيها خير.....وربي يبعد فيها علينا بالاك من وراها شر......انت اعملي واخلصي في عملك....ولا تنتظري تكريما من احد....فربي خير الأكرمين....
هذه....الي لازم نربيو عليها ولادنا.....

فعلا هذي اللي لازم نربوهم عليها لكن يحز في انفسنا اختي ام سرمد انهم صغار وتعبوا كما قلت تعب كانهم في البكالوريا نتمنى لبنتك تحقق التميز والتفوق وتمحي هذيك الذكرى الحزينة بالنسبة لها ونصائحك لبنتك روعة لكن مخاوف الصغيرة بسبب خيبة أملها وان شاء الله تكون اخر خيبة امل

المشاركة الأصلية كتبت بواسطة ام الاحباب

ان شاء الله.......والله كيما قلت لا تكريم ولا هم يحزنون .. لكن الحمد لله ...المهم انا ووالدها نشجعوها ونجيبولها الهدايا ....

والبركة فيكم وربي يخليكم ليهم ويحفظهم ليكم يارب ويفرحوكم دائما وتكرموهم وتحتفلو بنجاحاتهم

[ام الزهراء]

السلام عليكم

مساء الخير على اهل الخير

ان شاء الله يكون اول يوم في الاختبارات مر بسلام و النتائج كانت مليحة

سيرين تهنيتي كي كمل عادل اختباراته

ام اسماء ما شاء الله على مريم تبارك الرحمان ان شاء الله اسماء تحدو حدوها

[ام الاحباب]

المشاركة الأصلية كتبت بواسطة ام الزهراء

السلام عليكم

مساء الخير على اهل الخير

ان شاء الله يكون اول يوم في الاختبارات مر بسلام و النتائج كانت مليحة

سيرين تهنيتي كي كمل عادل اختباراته

ام اسماء ما شاء الله على مريم تبارك الرحمان ان شاء الله اسماء تحدو حدوها

على الجميع انشاء الله..... بالنسبة للاختبارات اسماء عملوا التربية الاسلامية والفرنسية ......وغم انها اعندها اشحال هي تحفظ واليوم ....دارت اخطاء

[serine alger]

المشاركة الأصلية كتبت بواسطة ام الزهراء

السلام عليكم


سيرين تهنيتي كي كمل عادل اختباراته

بصراحة بصراحة .والله راني حاسة أديت العطلة:d:d
الويكاند هادا اللي جاز زيرتو شوية .درنا مراجعة للفرنسية وأيضا المشكلات اللي حطيتيهم أنت وأم منى وأم أسماء. وطلبت منو عمل وضعيتين واحدة على وضف مدينة والأخرى حول حوادث المرور.هههههههه وفي الاختبار طاحت الشجرة. المهم قلتلو هاد الأسبوع أنخليلك وقت مليح للألعاب تاع الميكرو.

[serine alger]

والله عندي استفسار.
الخوامس عددنا قليييييل. ولكن أعرف ومتأكدة أن عددهم كبيييييير هم من وراء الستار. وعلاش مايدخلوش وخلاص ؟
راني نحسب عددهم .هههههههههههه .من بعد نعطيكم الاحصائيات.

[ام الزهراء]

ام عادل ان شاء الله النتائج تكون على قدر التعب

اما بالنسبة للخوامس فهمت قصدك هههههههههه

[ام سوسو*]

المشاركة الأصلية كتبت بواسطة serine alger

والله يا أختي ما أتمناه أن ابني يكون من الأوائل في الشهادة لأنه منذ دخوله للمدرسة وهو كذلك. يعني حبيت يختم الابتدائي بما يستحقه. وكي نتفكر يوم الشهادة والله كرشي توجعني. بصاح راني نحاول ما نخممش بزاف باش نصبر روحي.و عندك الحق حتى التلميذ المتفوق لا يقبل أن تكون نتائج التلميذ المتوسط أعلى منه.اذا لم تكن النتائج مستحقة.
طبعا التكريم مهم جدا للتلميذ وان كانت قصة أو سيالة فهي تبقى رمز للتفوق. مع أن مدرستنا عندها عامين لا حفلة ولا جوائز.

اختي سيرين يارب يحقق عادل ما تحبين ويكون من الاوائل في الشهادة ، لكن اختي المهم هو مستوى اولادنا والقاعدة المتينة التي يسيرون عليها
انا كنت مثلك لما ابنتي كانت في الشهادة ( هي الآن الثالثة متوسط ) وكانت متفوقة ودائما الاولى على المدرسة و التحضير الذي حضرناه للشهادة كانها بكالوريا او اكثر و كل من كان حولي يضحك عني ويقول هذه مجرد شهادة ابتدائي فارد عليهم هي من تريد هكذا و تريد تكون الاولى على المدرسة و تكون من الثلاث الأوائل على مستوى الدائرة فعليا مساعدتها في التحضير الجيد االمهم جاء موعد الفحص التجريبي و حضرت جيدا ودخلت على اساس انها تفتك المرتبة الاولى على الدائرة و هذا طبعا بعد ما انتهت من هذا الفحص لأنها عملت بشكل ممتاز و الفرنسية كتبت فقرة ممتازة و كل من رأى محاولاتها يقول لها لا يوجد احد كتب فقرة مثلك وجائت المفاجئة كنت اعرف معلمة تدرس في المدرسة التي تصب فيها نقاط الفحص التجريبي و كذلك كانت هذه المعلمة من تشرف على تحضير ابنتي في الفرنسية ومتاكدة من مستواها ورأت محاولاتها فصدمت بنقطة الفرنسية واتصلت بي انا في العمل وقالت لي تخيلي نقطة الفرنسية كم قلت لها لا تقولي 7 قالت لا قلت لها مستحيل 5 قالت 3.5 صدمت وهي كذلك مصدومة فقالت لي احضري حالا الى هنا ومعك محاولات ابنتك ويجب ان نرجع الى ورقة امتحانها فذهبت انا وابوها فادخلت هي المحاولة للمفتش كان متواجد هناك فلم يهتم و انا لما كنت انتظر قلت لو ميرجعش حقي بنتي ساشتكي للمديرية وسمعني مدير مدرسة ابنتي المهم حرجنا من هناك فسالني زوجي الاوراق في مدرسة موجودة فقلت له في المدرسة الفلانية فاخذ المعلمة معه وذهبا للمدرسة و دافعت على ابنتي كثيرا وقالت يجب ان نراجع تصحيح الورقة اكيد يوجد امر ما انا متاكدة من هذه التلميذة و اجاباتها في الاول المدير قال الامر صعب ويجب ان نعرف كود التلميذ لكي نجلب الورقة فقالت سأحضره من المفتشية و كان الامر والمهم لما احضروا ورقة امتحان الفرنسية فابنتي اجابت على جزء في الصفحة الاولى وبعدها قلبت الصفحة للخلف واكملت اجابتها ولم تستعمل وسط المزدوجة ( استعملوا اوراق مزدوجة مثل التي يستعملوها في الشهادة ) فالاستاذ الذي صحح صحح الجزء الأول الذي كانت نقطته 3.5 و ولم يجد شيئ في الوسط فلم يتعب نفسه ويرى خلف المزدوجة الذي كانت في بقية الاجابة و الوضعية و هذا الاستاذ نفسه الذي شكر كثيرا في اجابة ابنتي هو الذي حرمها من حقها ولما اخبرناه بالامر فرد علينا آه اكيد ورقتها في المجموعة التي لم اركز في تصحيحها ( وقالها الكوطة التي سقدتها ) ومدير المدرسة التي كانت الاوراق عنده قال هي تتحصل 9.5 في الفرنسية فرحنا لكن تخيلي ماذا فعل ذهب للمفتشية وقال لهم اضعوا لها 7 في الفرنسية وهذا كله لماذا لأن ابنة مسؤول تدرس في مدرسته ويجب ان تكون هي الاولى واخبرنا احدهم من المفتشية بهذا التصرف لكن ماذا فعلوا بهذا التصرف ابنتي بكت كثيرا و قالت حرمني من حلمي و هم بتصرفهم هذا لم يستطيعوا اعلان نتيجة الفحص التجريبي وذلك خوفا من تهديدي الذي سمعه المدير و أنا قلت لابنتي هذا درس لنا لكي نعرف ان هناك مفاجئات احيانا لا نتوقعها وحضرتها نفسيا للشهادة على هذا الاساس وقلت لها المهم القاعدة المتينة و الحمدلله كانت الاولى على مدرستها و الثانية على الدائرة
آسفة اطلت عليك

[ام الزهراء]

المشاركة الأصلية كتبت بواسطة ام الاحباب

على الجميع انشاء الله..... بالنسبة للاختبارات اسماء عملوا التربية الاسلامية والفرنسية ......وغم انها اعندها اشحال هي تحفظ واليوم ....دارت اخطاء

هذا هو الي يغيض .......لكن كيما يقولو رب ضرة نافعة الاخطاء الي تعملها اليوم ما تعاودهاش غدوة

ما تعيطيش عليها خليها مركزة مليح في الي جاي

ان شاء القادم احسن

[ام سوسو*]

المشاركة الأصلية كتبت بواسطة serine alger

والله عندي استفسار.
الخوامس عددنا قليييييل. ولكن أعرف ومتأكدة أن عددهم كبيييييير هم من وراء الستار. وعلاش مايدخلوش وخلاص ؟
راني نحسب عددهم .هههههههههههه .من بعد نعطيكم الاحصائيات.

ههههههههههه انا من من وراء الستار انا حالة ابني خاصة و حتى الدكتور النفسي قال لي لا تضغطي عليه كثيرا الطفل ذكي ومستواه جيد لكن حالته النفسية تاثر عليه فانا الان اتعامل بالتحايل معه و احاول ادخاله في الجو معكم