الى ام اسيد1 وكل وحدة حاصلة واش الطيب - الصفحة 464

ام حمزة22 · 2015-09-16, 13:30

لبنات نسيت ما قلتلكمش واش طيبت اليوم
طبقي اليوم كان لوبيا بالبص وطماطم والطريقة في هاد الرابطhttps://www.djelfa.info/vb/showthread...670897&page=18

حياة نور الدين · 2015-09-16, 13:36

اقتباس:

المشاركة الأصلية كتبت بواسطة *أم جابر*

السلام عليكم ورحمة الله وبركاته
حياكن الله اخواتي
وشراااااكم توحشنكم بزاف بزاف والله الوقت ماكاش بزاف مع التربية راكم تعرفو تفكرت الأيام اللي كنا فيها قلت نضرب طلة عليكم ماشاء الله كاين بزاف اخوات جدد
أم حمزة وشراكي اختي الله يجازيك خير راكي قايمة بالواجب وأكثر
اختي صدفات والله توحشتك وأم هديل وكرونو وغزالة و حياة وسلمى وروح مراد يا حسراه على الأيام ربي يحفظكم كامل ويهنيكم

اقتباس:

المشاركة الأصلية كتبت بواسطة omjoujou

لبنات هذا غدايا بروكلو او شوفلور
بصحتكم وش طيبتوا غداوتكم كامل

اقتباس:

المشاركة الأصلية كتبت بواسطة ام حمزة22

ام جوجو بصحتك والله شهيتيني فالدوارة انا الدوارة والبوزلوف ما نشريهمش وما ناكلوهمش الا في العيد ولادي ما يكلوهمش وحتى فالعيد نديرهم ونقسمهم مع عجوزتي الله يرحمها كانت تموت على البزلوف ونفرح كي نديلها هداك التبسي ونشوفها فرحانة والله تفكرتها ودموعي على خدودي هاد العام رايحين نجوزو العيد بلا بيها ربي يرحمها ويوسع عليها تفكر العام لي فات قالي زوجي ما نشروش الكبش مدام عندي ديون مزالت على رقبتي نتاع الدار لي بنيناها عجوزتي الله يرحمها جات تجري لزوجي قالتلو بالاك تعاود هاد الكلام غير الكبش لي تشريه الا ما عندكش نساعدك وهاد العام زوجي تفكر كلامها وراح شرا الكبش حتى ولو مازال ما سلكش ديونو والله حتى هو بكا كي تفكر كلامها
سامحوني لبنات عكرتلكم مزاجكم بصح الله غالب هدا فوق طاقتي
ربي يرحم جميع موتانا ويصبر الجميع على فراق الغاليين

اهلااااااا بكن جميعااااااااا ربي يخليكم
ام حمزة الله يرحم عجوزتك والله بكيتيني هده هي العجوزة اللي تعوض الام انا ملقتهاش
ام جوجو هبلتيني بطيابلك ربي يحفظك
بقلااوة ونور الاسيلام وصدفات وام سوهيل وغزالة وسلمى وحب ووصال اهلاااااا بكن

حياة نور الدين · 2015-09-16, 13:40

انا درت فطور تليتلي مصورتوش كاين في واحد الصفحة هههههههه

يا درا خياتي شريتوا كبش ولا مازال

حياة نور الدين · 2015-09-16, 13:47

اقتباس:

المشاركة الأصلية كتبت بواسطة ام حمزة22

طبق اليوم ان شاء الله يعجبكم انا عن نفسي نموت عليه حى ولادي وزوجي
هو ( اللوبية اليابسة بالبصل وطوماطيش)
نشمخ اللوبية فىالليل كي نوض فالصباح نلقاها تشمخت وتنفخت من بعد نقيها ونغسلها مليح ونحطها طيب غير فالماء
من جيهة اخرى نحضر البصل نقطو رقيق رقيق ونزيد معاه حبة فلفل احلو اي طرشي ونضيفلو العكري والملح والزيت نخليه يتقلة كي نشوف البصل دبال نضيفو فوق اللوبيا كي يدخللها طياب من بعد نضيف الطماطم حب ونصف مغرفة ماكلة طماطم مصبرة ونخلي الكل يتجمر و يطيب بدون اضافت الماء لان الما لي قعد فاللوبيا والمرقة نتاع البصل والطماطم يكفي
نخليكم مع الصور

يعطيك الصحة خرجتلك رووووووعة بصحتكم

omjoujou · 2015-09-16, 14:30

اقتباس:

المشاركة الأصلية كتبت بواسطة ام حمزة22

مشكورغاليتي ربي يحفضك وسامحيني مرة تانية على الازعاج راني بكيتك في هاد اليوم المبارك من ايام دو الحجة المباركة

لالا حبيبتي مكان حتى ازعاج ياك رانا خواتات نفرحوا مع بعضانا و نحزنوا مع بعضانا انا عن نفسي حسيتكم كامل عائلتي الثانية الشيء لي يفرحكم صدقيني نفرح معاكم و الشيء لي يقيسكم و يحزنكم صدقيني يقيسني و يحزني و الله على مااقول شهيد
ربي يفرج عليكم و يسرلكم اموركم باه تخلصو ديونكم حبيبتي و الدار لي بنيتوها تسكنوها بالصحة و الهناء و ان شاء الله تكون عتبة خير عليكم

omjoujou · 2015-09-16, 14:32

الله يسلمك حبيبتي حياة نور الدين وبصحتك التيلتلي نموت عليه

omjoujou · 2015-09-16, 14:45

لبنات درت شوي مخللات وهريسة خضراء حنا نقولولها بوفجوخ و رقدت شوي فلفل حار وجدتم لعيد الاضحى ان شاء الله

حياة نور الدين · 2015-09-16, 14:47

اهلين ام جوجو اختي جوجو راه فرحانة بالروضة
دعاء بنتي تموت عليها كل ما نروح نجيبها تولي تبكي ريحت مني ههههه

حياة نور الدين · 2015-09-16, 14:55

اقتباس:

المشاركة الأصلية كتبت بواسطة omjoujou

لبنات درت شوي مخللات وهريسة خضراء حنا نقولولها بوفجوخ و رقدت شوي فلفل حار وجدتم لعيد الاضحى ان شاء الله

يعطيك الصحة اختي ارسليلي شوية ههههه
شريتوا الكبش لجوجو
انا ما حضرت والو غير راجلي شرا شواية وسفافيد و موس لتقطيع اللحم لخاطر يموووت على اللحم

omjoujou · 2015-09-16, 15:37

الله يسلمك حبيبتي حياة نورالدين معليش نبعثهملك كامل مش خسارة فيك حنونتي
اما لكبش مزال مشريناش انا زوجي يحب الكبش السني كل عام يجيبهولنا وهاذ العام مزال ملقاش لي يعجبو و يعمرلو عينو قالي منا الجمعة يجيبوهولو بصح يخليه عند مولاه حتى يوم عرفة لعشية باه يجيبو لدار لخاطر لالا جوجو و خاوتها يخافوا منو صدقيني كي يجيبوا ميخرجوش لحوش خلاص يبقاو غير يبكيو حتى لغدوة هذيك كي يتذبح باه يتكالماو
مساكن والله ساعات يشفوني وساعات يقلقوني

حياة نور الدين · 2015-09-16, 16:05

انا ايضا مازال ماشراش قالي مازال الاحال وزيد راه يسنى في خوه باش يروحوا كيف كيبف
ان شاء الله نعيدوا كامل بخير
انا تان البنات يخافوا خاصة العام اللي فات الكبش تع عحوزتي نقز فوق راس دعاااء من هداك النهار خلاص ولات تموت منو

omjoujou · 2015-09-16, 16:36

اقتباس:

المشاركة الأصلية كتبت بواسطة حياة نور الدين

انا ايضا مازال ماشراش قالي مازال الاحال وزيد راه يسنى في خوه باش يروحوا كيف كيبف
ان شاء الله نعيدوا كامل بخير
انا تان البنات يخافوا خاصة العام اللي فات الكبش تع عحوزتي نقز فوق راس دعاااء من هداك النهار خلاص ولات تموت منو

ان شاء الله حبيبتي نعيدو بالصحة ولهناء
هههههه ضحكتيني مسكينة حبوبتي دعاء ذرك يديرلها عقدة الكبش كلما تشوفو تتفكر كي نقز عليها وتبقى تبكي

ام حمزة22 · 2015-09-16, 18:57

اقتباس:

المشاركة الأصلية كتبت بواسطة حياة نور الدين

انا درت فطور تليتلي مصورتوش كاين في واحد الصفحة هههههههه

يا درا خياتي شريتوا كبش ولا مازال

بصحتك تليتلي حياة اما عن الكبش مثل ما دكرت فالسابق زوجي شرا والحمد لله وخلاه عند مولاه

اقتباس:

المشاركة الأصلية كتبت بواسطة حياة نور الدين

يعطيك الصحة خرجتلك رووووووعة بصحتكم

الله يسلمك حبيبتي ويعطيك الصحة على الاقتباس انا والله ما نتبهت ندير اقتباس حطيت الرابط والسلام

ام حمزة22 · 2015-09-16, 19:03

اقتباس:

المشاركة الأصلية كتبت بواسطة omjoujou

لالا حبيبتي مكان حتى ازعاج ياك رانا خواتات نفرحوا مع بعضانا و نحزنوا مع بعضانا انا عن نفسي حسيتكم كامل عائلتي الثانية الشيء لي يفرحكم صدقيني نفرح معاكم و الشيء لي يقيسكم و يحزنكم صدقيني يقيسني و يحزني و الله على مااقول شهيد
ربي يفرج عليكم و يسرلكم اموركم باه تخلصو ديونكم حبيبتي و الدار لي بنيتوها تسكنوها بالصحة و الهناء و ان شاء الله تكون عتبة خير عليكم

ربي يحفضك على الكلام الطيب يا طيبة ربي يغرحك ويسعدك ويخبيك لينا والناس لي عزاز علبك

اقتباس:

المشاركة الأصلية كتبت بواسطة omjoujou

لبنات درت شوي مخللات وهريسة خضراء حنا نقولولها بوفجوخ و رقدت شوي فلفل حار وجدتم لعيد الاضحى ان شاء الله

بصحتك ام جوجو انا كنت كل يوم نوصي زوجي على الفلفل باه نرقدو دايما ينساه وزاد نساني معاه انا ما نخرجش بزاف باه ننتبه ونشريه وما نعرفش الموسم لي يدخل فيه الفلفل لي نرقدوه

ام حمزة22 · 2015-09-16, 19:11

اقتباس:

المشاركة الأصلية كتبت بواسطة omjoujou

الله يسلمك حبيبتي حياة نورالدين معليش نبعثهملك كامل مش خسارة فيك حنونتي
اما لكبش مزال مشريناش انا زوجي يحب الكبش السني كل عام يجيبهولنا وهاذ العام مزال ملقاش لي يعجبو و يعمرلو عينو قالي منا الجمعة يجيبوهولو بصح يخليه عند مولاه حتى يوم عرفة لعشية باه يجيبو لدار لخاطر لالا جوجو و خاوتها يخافوا منو صدقيني كي يجيبوا ميخرجوش لحوش خلاص يبقاو غير يبكيو حتى لغدوة هذيك كي يتذبح باه يتكالماو
مساكن والله ساعات يشفوني وساعات يقلقوني

اقتباس:

المشاركة الأصلية كتبت بواسطة حياة نور الدين

انا ايضا مازال ماشراش قالي مازال الاحال وزيد راه يسنى في خوه باش يروحوا كيف كيبف
ان شاء الله نعيدوا كامل بخير
انا تان البنات يخافوا خاصة العام اللي فات الكبش تع عحوزتي نقز فوق راس دعاااء من هداك النهار خلاص ولات تموت منو

ربي يحفض جوجو وخاوتها ام جوجو وربؤ يحفض دعاء سترها ربي انا بنتي صغيرة تموت على ااكباش وهاد نهارات جارنا جلب يبيع الكباش منين يجي باباها من ااخدمة تقولو ديني نشوف لكباش يديها رغم التعب نتاعو
ربي يحفضهم ويحفش جميع وليدات المسلمين
وان شاء الله نعيدو بالصحة والهناء ويتقبل الله منا ومنكم صالح الاعمال