همزة وصل بين المعلم والولي : في طبعته الثالثة

[أم أمة الله الجزائرية]

المشاركة الأصلية كتبت بواسطة نخله.

تجربتي مع ابني كانت ساهلة جربي طريقه

فهميها انها لازم تستخرج الفعل كاول خطوة

اما الخطوة الثانيه تحط ne قبلو و pas بعدو فقط


يعني المل على استخراج الفعل هو الاساس

جزاك الله خيرا سأحاول معها واجرب طريقتك بارك الله فيك

[ام الاحباب]

ام اسماء ماشاء الله على اخت اسماء دكرينا باسمها تبارك الرحمن
يعني عام قبل السنة الماضية كان الامتحان ليس بالسهل إن شاء الله اسماء
تكون على درب اختها و ربي يحفظهما لك ياارب و يجعلهما صالحات[/quote]



وربي يحفظلك وينجح لك اولادك.. امين .يا رب العالمين ................اخت اسماء اسمها مريم .

[*أم سارة*]

المشاركة الأصلية كتبت بواسطة أم الولدين

السلام عليكم ورحمة الله

أختي هووووب وللاسف هدا مايحدث باغلبية المدارس إلا مارحم ربي
ولكن المستوى الحقيقي سيظهر عاجلا غير آآجلا في اول عام بالمتوسطة بالكثير

كنت في الاول نظن غير في منطقتنا ومايجاورها لكن من مشاركتك ومشاركات الاخوات لقيت ان هذه الممارسات كثيرة كما قلت اختي في اغلبية المدارس اخي استاذ قال لي دائما كي يجونا الاولى متوسط نديرولهم امتحان لتمييز مستواهم وكل مرة نلقاو العجب فرق كبير بين معدل الشهادة والمستوى الحقيقي

[~ حراير ~]

المشاركة الأصلية كتبت بواسطة أم أمة الله الجزائرية

السلام عليكم
عندي سؤال بالنسبة للفرنسية السنة الثالثة بنتي اليوم عطاتهم المعلمة واجب
يكونوا جمل بهذه الصيغة
ne........pas
هل نعطيها الجمل مباشرة ولا نخليها تجيبهم وحدها وهذا مستحيل.
اللي عندها تجربة مع ابنها او ابنتها تعطيني فكرة وجزاها الله خيرا

و عليكم السلام و رحمة الله تعالى و بركاته
اختي ام امة راكي متاكدة انهم قراو صيغة النفي او مجرد جملة عادية يعني انها تطلب منهم جملة شيئ و انها تطلب منهم النفي فهذا امر ثاني لانهم مازال مادرسوش صيغة النفي و الله اعلم

عموماا اذا صيغة النفي كيما قالت نخلة لازم تتعلم الفعل و ايضا لازم تتعلم gns و بعد ما تتعلمهم مليح باش يقراو صيغة النفي
بما انه امتحان و هو واجب نضن حليهولها انت المهم فهميها انه صية نفي و انه النفي يكون للفعل درك يحبلها مسكينة باش تفهم كل هذا و تعودي تتعصبي على الطفلة و تجي تكحليها تعميها "اسمحيلي على المثل"
و حاولي تتاكدي من البنت ان قراو من قبل هاد الصيغة او قراو الفعل
بالتوفيق ليك و لبنتك

المشاركة الأصلية كتبت بواسطة نخله.

السلام عليكم

ابني سنه رابعة مستواه الدراسي من الاوائل مادمت متابعه معه لكن ان تركته وحده يكون متوسط

مشكل الخط لم يكن يعاني منه من قبل لكن المعلمة الجديده تفرض عليهم السرعة فاي لنقل فتدهور خطو و صار يكثر الاخطاء



الموضوع للي حبيت نطرحو اني لما نطبعلو المواضيع من المنتديات و يحلهم دائما..... يكون الاختبار احد المواضيع للي طبعتهالو و يخدم مليح و يجيب من .8.5 الى 10

لكن اذا ما جاهش موضوع خدمناه من قبل يجب علامة6 او 7 مع انو ساهل و يقدر يحلو نظن انو يرتبك؟؟؟

ه

نخلة ضحكتيني كنتي تشكي منهيه على ماداوهاش فيك جيتي كبرتي خطك زعم هو الي يخليهم يدوها فيك

المهم على الامتحانا حتى بنتي افنان عندها هاد المشكل لحد ما لكني علابالي بيها تخاف معلمتها و امور اخرى
حبيت برك ننصحك انك ادا قلتي امتحان فهو امتحان يعني تقريلو بلا ما تشرحيلو و وقت و مكان مناسب و كلش فهمتيني؟؟؟

و حبيت نقولك على الهمزة خليك فقط و عاودي سؤالك هو اكيد راح يجاوبوك الاساتذة الا اذا ماشافوش المشاركة هنا تضطري انك تعيديها

بالتوفيق لولدك و هو البار بوالدته و الحنون عليها يستاهل كل خير

[serine alger]

المشاركة الأصلية كتبت بواسطة ام الاحباب

عندك الحق اختي سيرين . -تقصدين الغش -.......لكنها حلات نادرة ........انا ابنتي مري م الحمد لله بقيت دائم في الصدارة-معدل 18-

ماشاء الله -ماشاء الله على مريم .ان شاء الله يكونو أسماء وعادل وبقية أطفال الهمزة مثلها. والله هذا ما نتمناه أن يبقى المتفوق متفوقا دائما.

[أم الولدين]

المشاركة الأصلية كتبت بواسطة serine alger

المساء ان شاء الله نعمل لك تقرير.

إن شاء الله سابقى في الانتظار الحمد لله رجعت النت للبيت
ولي ولادهم عملو اللغة ياريت فقط نص الوضعية حتى اركز عليهااا
يونس راه فنيان قلتله هاد الاسبوع نحيلك التفنين نوقفله المسجد و ليكوغ فرنسي
ولا خرووج الا للضرورة خليه يترك مواد الحفظ يمر عليهم مرور كرام و يتركم لغاية الاختبارات هادا مايقلقني منه

[~ حراير ~]

نشكر كل العضوات الي يحطو اسئلة و تمرينات
شكرا ماريا شكرا اخت مانو
لقيت روحي من مدة نحمل و نهرب يا لطيف مني و اسمحولي


......................
اختي امل لم ريم ماعندي وش نزيد نقول لكن قوليلي نويتي على حل لانه الحل هنا انك تروحي للمدير و تقوليلو ماتشرحش لبنتي " و لا تغشها"

و نضن مش راح تقدري ديرها وحدك لازم يتحدو الاولياء معاك على هك ماهو الحل الي في يدك نورينا معاك
انا فكرت انك تفهمي بنتك انه غش و انها نهار الشهادة مش راح تلقى المدير يساعدها

نقلك الي حز في نفسي انه حتى مع الشرح و نقاطهم متدنية يعني معلم كيما هك و مدير كيما هك وين يروح من ربي سبحانه لا حول و لا قوة الا بالله
معلمة اريج العام الماض ماراتهمش و كراسها تقريبا فارغ و كان اغيلاس يقولي على الدروس الي قراوهم باش نتبع اريج لكن الحق يقال نهار الامتحان المدير مايعملهاش صح نقاط معظم القسم متدنية لكنه لم يغش التلاميذ و لا اوليائهم

[serine alger]

المشاركة الأصلية كتبت بواسطة *hope*

فعلا كما قلت ام عادل صرنا نتفاجأ عند ظهور النتائج كاين طفل السنة الماضية يتحصل على 7 بالسيف تحصل على الشهادة ب 8.90 امه تفاجأت وقالتلي ماتوقعتهاش مارانيش عارفة كيفاش جابها لانها حست بلي ماكانش خادم مليح في الشهادة وهذا العام في الفصل الاول ادا 9 من 20في السنة اولى متوسط فعلا المهم نحضروهم للقادم اذا اراد الله عز وجل وربي يقدرنا بصح ياام عادل والله غير نحبو لابناءنا المجتهدين يتميزو بين اقرانهم العام كامل تعبانين ومايحبسوش من الاجتهاد والقراية حتى يغيضونا من كثرة تعبهم واش يحسو كي يتفوق عليهم واحد مايقراش مليح ومايجتهدش قصدي حتى اذا حنا قلنا ماعليش المهم المستوى هوما مساكن تغيضهم كي يتحرمو من الجوائز والتكريم المعنوي قبل المادي

والله يا أختي ما أتمناه أن ابني يكون من الأوائل في الشهادة لأنه منذ دخوله للمدرسة وهو كذلك. يعني حبيت يختم الابتدائي بما يستحقه. وكي نتفكر يوم الشهادة والله كرشي توجعني. بصاح راني نحاول ما نخممش بزاف باش نصبر روحي.و عندك الحق حتى التلميذ المتفوق لا يقبل أن تكون نتائج التلميذ المتوسط أعلى منه.اذا لم تكن النتائج مستحقة.
طبعا التكريم مهم جدا للتلميذ وان كانت قصة أو سيالة فهي تبقى رمز للتفوق. مع أن مدرستنا عندها عامين لا حفلة ولا جوائز.

[ماريا205]

ام ياسين بارك الله فيك على الدعاء راني عدلت في الاختبارين رديتهم ملفي وورد يعني تحمليهم
شكرا ليكم ام امة وحراير هذا اقل شيء يمكن نعمله راني نستفاد من الهمزة في كل شيء
عندي مشكل في الهاتف ما يصورش يقول لا توجد مساحة كافية وكي ندخل لملف الصور او الفيديو يظهر 0 فارغ ما فهمتش اوالتالي كنت نزيد السنة الثانية ووش عندي
ام مانو شكرا على الكراسات هذ وين قدرت نحملهم اعمال رائعة ربي يفرحك اختي وينجحلك اولادك
نخلة ما تمديش المطبوعات واجدة لولدك خصصي كراس تقويات اكتبي فيه التمارين وبدلي فيهم حسب وش قراو وزيدي اسئلة من عندك وشوفي.
اخت امل صح مشكل وهكذ يوالفو التلاميذ لازم يتفاهموا مع المدير اذا حب يساعد التلاميد يزيدولهم حصص تدعيم مش بهذ الطريقة .الحمد لله معلمات بناتي مزيرين في التصحيح يعني نقاطهم هذوك هوما لازيادة ولا نقصان وثاني المدير صارم جدا .

[ام الاحباب]

المشاركة الأصلية كتبت بواسطة serine alger

ماشاء الله -ماشاء الله على مريم .ان شاء الله يكونو أسماء وعادل وبقية أطفال الهمزة مثلها. والله هذا ما نتمناه أن يبقى المتفوق متفوقا دائما.

ان شاء الله.......والله كيما قلت لا تكريم ولا هم يحزنون .. لكن الحمد لله ...المهم انا ووالدها نشجعوها ونجيبولها الهدايا ....

[serine alger]

المشاركة الأصلية كتبت بواسطة أم الولدين

إن شاء الله سابقى في الانتظار الحمد لله رجعت النت للبيت
ولي ولادهم عملو اللغة ياريت فقط نص الوضعية حتى اركز عليهااا
يونس راه فنيان قلتله هاد الاسبوع نحيلك التفنين نوقفله المسجد و ليكوغ فرنسي
ولا خرووج الا للضرورة خليه يترك مواد الحفظ يمر عليهم مرور كرام و يتركم لغاية الاختبارات هادا مايقلقني منه

أم الأنانيس/ بالنسبة للرياضيات سهل تمارين عادية على الكسور **كتابة الأعداد العشرية على شكل كسور* وتمرين مشكلة بسيطة فيها عملية القسمة.وواحد في الهندسة.والوضعية/
استصلح فلاح حقلا مستطيلا الشكل طوله 90م وعرضه 70 م. جد مساحة الحقل.
شغل الفلاح عاملا مدة 8 أيام فدفع له 7200 دج أجرة عمله.
-ماهي أجرة العامل اليومية؟
أراد الفلاح أن يحيط حقله بسياج ثمن المتر الواحد منه 95.5 دج .
----كم سيدفع ثمنا لشراء السياج اللازم؟
اللغة/
النص حول عيد الشجرة.
الوضعية
يقام في كل سنة من شهر مارس عيد للشجرة يحتفل به.
للشجرة فوائد كثيرة منها/تلطيف الجو-الثمار-الظل-الأخشاب.
تكلم في 10 أسطر عن هذه الفوائد وما هو واجبك نحو الشجرة مستعملا/اسم موصول-الحال.
الفرنسية/
النص حول *الثعلب* ونص الوضعية حول القط . /قمت بتربية قط .أكتب فقرة من 4 الى 6جمل بمساعدة علبة الكلمات.

[wahibaazel]

السلام عليكم .ربي يعاونكم قصدي الامهات والابناء امين .هالة عملت اليوم رياضيات والفرض تحصلت على 10 اما فرض الفرنسية هبطت تحصلت على 25;8المهم غدا عندها ثلاث مواد حفاظة ربي ىيهديهم

[serine alger]

المشاركة الأصلية كتبت بواسطة عبد الناصر أمازيغ

السلام عليكم و رحمة الله و بركاته

هذه وضعية في الرياضيات تخص درس المدد لعادل و لكل تلاميذ السنة الخامسة ، أنجزوها وقت فراغكم .

أستاذ**عبد الناصر** اليوم كان اخر يوم لاختبارات الفصل الثاني. عملو المواد الثلاث /الرياضيات -اللغة والفرنسية.
هذا حل عادل قام به الان فقط قبل أن يذهب الى المسجد.
أرجو أن تكون قد فهمت خطه .وطريقة حله. **لأني لم أريد التدخل في أي شئ حتى التنظيم**

[أم الولدين]

المشاركة الأصلية كتبت بواسطة serine alger

أم الأنانيس/ بالنسبة للرياضيات سهل تمارين عادية على الكسور **كتابة الأعداد العشرية على شكل كسور* وتمرين مشكلة بسيطة فيها عملية القسمة.وواحد في الهندسة.والوضعية/
استصلح فلاح حقلا مستطيلا الشكل طوله 90م وعرضه 70 م. جد مساحة الحقل.
شغل الفلاح عاملا مدة 8 أيام فدفع له 7200 دج أجرة عمله.
-ماهي أجرة العامل اليومية؟
أراد الفلاح أن يحيط حقله بسياج ثمن المتر الواحد منه 95.5 دج .
----كم سيدفع ثمنا لشراء السياج اللازم؟
اللغة/
النص حول عيد الشجرة.
الوضعية
يقام في كل سنة من شهر مارس عيد للشجرة يحتفل به.
للشجرة فوائد كثيرة منها/تلطيف الجو-الثمار-الظل-الأخشاب.
تكلم في 10 أسطر عن هذه الفوائد وما هو واجبك نحو الشجرة مستعملا/اسم موصول-الحال.
الفرنسية/
النص حول *الثعلب* ونص الوضعية حول القط . /قمت بتربية قط .أكتب فقرة من 4 الى 6جمل بمساعدة علبة الكلمات.

شكرااااا ام عادل ايه سهل لو ركزووو فقط
وضعية الشجرة دكرتيني راح احاول اعطيه يكتب وضعية حولها
ومن بعد تصحيحي مع الشاهد هل من شواااهد ؟؟؟؟
ربي يوفقه و إن شاء الله نقاطك ياعدوله تكون ممتازة بالمواد الاساسية

[نخله.]

المشاركة الأصلية كتبت بواسطة miku hatsune

فعلا كلش على الضمير وخوف الله ...وكيما قلتي كاين من الاولياء من يعجبو الحال وحتى ويكون ابنو او بنتو تحصل على الشهادة بالمساعدة والتغشيش كيما قالت ام الزهراء تلقايه يتفاخر بالمعدل تاع ابنو وبمجرد وصولهم للمتوسط يبان شكون مستواه فعلا جيد للاسف نقطة الشهادة ماراهيش تترجم مستوى التلاميذ اما بسبب التغشيش او تسهيل الامتحان جدا بحيث لا يمكن تمييز المتفوق المجتهد من المتوسط ونذكر في الطبعة الاولى للهمزة الاخ اغيلاس حفظه الله لما حكى على ابنة اخته التي حرمت من الجائزة الاولى في مدرستها لصالح تلميذ ادنى منها مستوى لكن صادف الامر انه وجد من يغششه فتفوق في المعدل لا في المستوى ففاز بالجائزة التي المفروض تروح للتلميذ المجتهد النجيب

استوقفتني هذه النقطة....اخت ام ريم......هو نفس الموقف الذي حصل....مع ابنتي التي تدرس الان في 2متوسط....كانت في الإبتدائي. ....تتارجح بين المراتب الثلاث الأولى. ..بفارق الفواصل فقط......وعام الشهادة....كانت من كثرة اجتهادها...وتعبها....تخالين أنها امام شهادة البكالوريا....وعندما كنت نقولها....بزايد بركاي.....راكي ممتازة والحمد لله....وعلاش هادا كل......كانت تقولي....ماما حبيت......ندي المعدل عشرة و يكرموني....كانت متحمسة لهذه اللحظة......وتنتظرها بفارغ الصبر......ولكنه يوم اعلان النتائج......كانت المفاجأة. ....احدى التلميذات ممن...درسوا معها....كان معدلها لا يتعدى 6في كل مراحل تعليمها......اخذت اعلى معدل وقتها9،60.....اصيبت ابنتي بخيبة كبيرة....حتى دخلت في حالة اكتئاب. ...في الأيام الاولى......لان حلم التكريم....تبخر.......ويوم ذهبنا لناخذ الكشف....قالت لنا المعلمة.....حسبناالله ونعم الوكيل.....لقد سألت التلميذة التي كانت تدرس عندي واعرف مستواها....بطريقة غير مباشرة.... عرفت منها انهم...قد ساعدوهم كثيرا في الحلول....وقالت لها بالنسبة لي انت الأولى......فمستواك الحقيقي سيظهر في المتوسطة وما بعدها على ان تواصلي بنفس الوتيرة....وصحيح الان هي والحمدلله والشكر له......من الاوائل في متوسطتها.....بجهدها الخاص وبعض المتابعة مني......وبدون دروس خصوصية....لحد الساعة....مع ان المثبطات كثيرة....فليس كل مايتمناه الإنسان يجده....فهناك تحايل المعلمين....ومنهم من يقدم تمارين في الدروس الخصوصية مشابهة لما يقدمونه في الاختبارات.....والحديث يطول.......أحياناً المس فيها خمود ذلك الحماس....تقول لي.....لوكان يعاودوها في شهادة المتوسطة والبكالوريا....او أساتذة ميصلحوناش اوراقنا مليح......ولوكان...ولو....ولو
ساعات مانلقى وش نقولها....نقولها بنتي اقراي لعمرك يجي نهار.....وتلقاي حاجة تفرحك.....ربي علابالو بعبادوا.....ومخبيلهم الخير ....يلقاوه في الدنيا ولا الاخرة......بالاك احنا نشوفوا فيها خير.....وربي يبعد فيها علينا بالاك من وراها شر......انت اعملي واخلصي في عملك....ولا تنتظري تكريما من احد....فربي خير الأكرمين....
هذه....الي لازم نربيو عليها ولادنا.....

هذا هو الواقع المؤلم ...............و ما زاد الطين بلة انهم لا يعطون التلاميذ غير المسجلين عندهم في الدروس الخصوصيه علاماتهم الكاملة ظلما لهم . حتى ان بعض الاولياء يسجلون ابناءهم مراعات لهؤلاء الاساتذة فقط و ليس من أجل تحسين مستوى الاولاد الدراسي