الجزء 148 من واش طيبتي اليوم كوزينة الاحباب و التفنن في الطبخ - الصفحة 46

أم أماني وعبدو · 2015-10-10, 15:10

1زبدة 3ملاعق سكر قلاسي 2حبات بيض زائد صفار فاني او قشور اليمون قرصة ملح ضروري ملعقة صغيرة خمارة تخلطي زبدة السكر حتى تولي كريمة وممبعد تديري البيض والقشور الليمون وممبعد ديري الفرينة حتى تتحصلي على عجينة لينة اقسمي العجينة على قسمين متساويين افتحي العجينة الاولى وحطيها في المول وممبعد ديري فوقها المعجون وممبعد افتحي العجينة الثانية فوق طابلة وارفديها وغطي بيها المول اسويها مليح في المول وممبعد دخليها للفرن تطيب كي تشوفيها طابت خرجيها وخليها تبرد
حضري قلاساج مكون من سكر قلاسي وحليب وفاني و قطرات من عصير الليمون اقسمي القلاساج جزء خليه ابيض وجزء ديري لو الكاكاو وفرغي نتاع الكاكاو وسويه فوق المول ومباشرة حطي فوقو الابيض وابداي خربشي فيه بالفرشيطة حتى تتحصلي على شكل الرخامة خليه حتى يجمد وممبعد قطعيه
هذ القاطو نسموه الرخامة على شكلو

yasmalak · 2015-10-10, 15:12

اقتباس:

المشاركة الأصلية كتبت بواسطة x ام رحاب x

حنان حبيبت قلبي انت تتوحمي واضلي تتشهاي سامحيني حنونة

ههههههه سيرتو البركوكس عندي كتر من 10 ايام ميتة علييه المشكل علبالي لوكان نطبو ما ناكلوش
قالول قولي لعجوزتك تدرهولك بالصح حششمممممممممممت

ارزاق · 2015-10-10, 15:13

لبنات لي راهم يشربو في القازوز راهو يدير هشاشة العظام ومافيه حتي فايدة

omjoujou · 2015-10-10, 15:14

اقتباس:

المشاركة الأصلية كتبت بواسطة x ام رحاب x

ايلا كنت تحبي صحتك اكتبي في النات مخاطر الكوكا كولا واتشوفي واش ايدير

صح حبيبتي راني عارفة بلي القازوز فيه مخاطر كبيرة وزيد كان عندي حجر في المرارة قبل ماندير العملية ونحيها وقالي الطبيب بلي حتى القازوز يدير الحجر في المرارة كي حكيتلو على ادماني على المشروبات الغازية وهكذاك راني الى حد الساعة نشربها عييت كيفاه نقص منو ولا نقلع عليه خلاص

x ام رحاب x · 2015-10-10, 15:15

اقتباس:

المشاركة الأصلية كتبت بواسطة yasmalak

ههههههه سيرتو البركوكس عندي كتر من 10 ايام ميتة علييه المشكل علبالي لوكان نطبو ما ناكلوش
قالول قولي لعجوزتك تدرهولك بالصح حششمممممممممممت

والله غير غضتيني كون نعرف وين تسكني انقول لدارنا في الجزاير يطيبهولك ويجيبهولك

om wassim · 2015-10-10, 15:15

ام رحاب.ام ساجد. جوجو.ام وابنة.حنان ربي يحفظكم و يرزقكم ما تمنيتو يا رب
جوجو تستاهلي حبيبتي أكثر مالطمينة و الرفيس
أرزاق روعة واش حطيتي شهيتيني و انا راني كارهة التلباز هههه
أم ساجد كي لإعادة تحفة الله يبارك و أدا قدرتي اعطيلي طريقتك فالمطلوع رآه روعة
ام رحاب حبيبتي بركوكس وعليه لكلام ربي يحفظك الله يبارك
أدا نسيت كاش وحدة تسامح راهي النت ثقيلة و كي تكون الصور كبيرة مانشوفها خسارة

زهرة الريف* · 2015-10-10, 15:16

دخلت نطل على خاطر العشية هذه درت كرفي لعمري حطيت قش البلاكار واش يخلصولي
أم ساجد كالعادة روائع من يديك وشكراً على الوردة ياورد
أم رحاب والله عيشك يسخف ويشهي ربي يبارك في صحتك يالحرة
أم جوجو بصحتك شطيحة اللسان من شكله يبان هايل
أم وابنة الواحد يدير الاحتياط فالصحة قبل فوات الأوان وانا كان قصدي العصير الطبيعي لي نوجدوه فالبيت
المعلمة شكراً على القاطو أرزاق لي تارتولات والكرواصو روعة يعطيك الصحة

ارزاق · 2015-10-10, 15:17

اختي ام اماني شحال الزبدة

آيات سرمدية · 2015-10-10, 15:17

السلام عليكم ورحمة الله وبركاته

غدانا ليوم كان لوبياء فصاص....كيما نقولولها حنا.......والي هي لوبياء gريني....كيما سيميها البعض الاخر ومصورتش خاتش ماراحش تبان ....قداااام ابداعات ام ساجد.....وام رحاب....هادو مع دخلت قابلوني.....اطباقهم.....بسم الله ماشاء الله.....ربي يبقي عليكم الستر......ويحفظكم من العين...

بصح مادخلتش بيديا فارغيييين......جبت هادوا لزوم الضيافة.......

اختي ارزااااااق.....كيف الحال؟؟؟؟؟عندي مدة ماشفتش ردودك هنا...!!!!!ماشاء الله هادوك لي تارتولات يشهيو.....لكان عندك تاع القارس غير ابعتيلي.....

ام وابنة.....ام جوجو.....ام اماني وعبدو...يسعدلي مساكم....

عملت معاينة للرد نتاعي قبل مانعتامدوا لقيت......اختي حناااااان حطت لي تارتولات تاع القارس....ايا دبرتها ندي من عندكم لزوج

x ام رحاب x · 2015-10-10, 15:17

ام وسيم والله قلوبنا راهم كامل معاك ربي يفرج حبيبتي
وتسلمي يالعزيزة

yasmalak · 2015-10-10, 15:18

هههههههههههه ام رحاااب نسيتي ياك مانيش فالدزاير دوكا راني وهران
وربيييييييي يحفظظظظظظظظظك كي قلتيلي هكا بزاااف عليا كي شغل كليتو ونحيت السخفة

اييييييييه حقااا انا تان طبقت الخبز تاع ساااجد
انا ما نحبش هدا النوع من الخبز بالصح جااا خفييف هايل مينو عجبو بزااف

اهلااااا اياات بصحححتكم اللوبياااا وما تقوليش هكا نتي تان طيابك لا يعلا علييه
ههههههههه بالصح وين راااهم لي تارتولااات ما حطيييتش هههههههههههه

أم أماني وعبدو · 2015-10-10, 15:19

اقتباس:

المشاركة الأصلية كتبت بواسطة x ام رحاب x

والله غير غضتيني كون نعرف وين تسكني انقول لدارنا في الجزاير يطيبهولك ويجيبهولك

ام رحاب حسبتك نايلية؟؟؟؟؟

x ام رحاب x · 2015-10-10, 15:21

اهلا ايات سرمدية وصحة فطورك حبيبتي وربي يخليك على كلامك الحلو تسلمي ربي يخليلك كل عزيز

آيات سرمدية · 2015-10-10, 15:21

اقتباس:

المشاركة الأصلية كتبت بواسطة omjoujou

صح حبيبتي راني عارفة بلي القازوز فيه مخاطر كبيرة وزيد كان عندي حجر في المرارة قبل ماندير العملية ونحيها وقالي الطبيب بلي حتى القازوز يدير الحجر في المرارة كي حكيتلو على ادماني على المشروبات الغازية وهكذاك راني الى حد الساعة نشربها عييت كيفاه نقص منو ولا نقلع عليه خلاص

الحل الوحيد.......في يدك انت وزوجك......قولوا مايزيدش يشريها

ويبدلها بالعصائر الطبيعية....

ام وسييييييم.....واش راك.....هاد زمان ياك تشفاي عليا

زهرة الريف......حيااااااك الله...كاش طياب

ولا انا لي مشفتش

أم أماني وعبدو · 2015-10-10, 15:21

اقتباس:

المشاركة الأصلية كتبت بواسطة ارزاق

اختي ام اماني شحال الزبدة

انا كنت ندير 125 غ وممبعد عدت ندير باطة كاملة يجيني ازين