الى ام اسيد1 وكل وحدة حاصلة واش الطيب - الصفحة 46

روح مراد · 2014-10-23, 11:46

يعطيك الصحة أم حمزة إن شاء الله تكوني بخير
أنا نحب اللوبيا خاصة بكري نهار كنت على ديداني
صدفات راني هنا و ما فقدتش حماسي برك راني نخمم في كاش موضوع مفيد باش ننطلق كالسهم (هاههاها)

maloo · 2014-10-23, 11:49

بارك الله فيك وجزاك خير جزاء

crono · 2014-10-23, 12:03

اقتباس:

المشاركة الأصلية كتبت بواسطة ام حمزة22

كرونو ان شاء الله اليوم راكي احسن من الام الراس

ام هديل مازال ماطبيتيش ان شاء الله المانع خير

وكل الغايبين نتمنالكم تكونو بخير ومهنيين

صباح الانوار حبيبتي
يسقسي عليك الخير والله اليوم راني احسن حمودالله

ام حمزة22 · 2014-10-23, 12:33

وعليكم السلام
شكرا ليك حبيبتي لوباراديسا انا ما عندي حاجة فيها بزاف بصح نعرف ناس هابلة عليها
لوبيا بصل وطوماطيش راني درتها في موضوعي هاد نسيت واش من صفحة
وحتى لوبيا باللحم او بالبوزلوف تان جي روعة

ام حمزة22 · 2014-10-23, 12:34

الحمد الله كي راكي مليحة كرونو ربي يحفضك

ام حمزة22 · 2014-10-23, 12:42

اقتباس:

المشاركة الأصلية كتبت بواسطة روح مراد

يعطيك الصحة أم حمزة إن شاء الله تكوني بخير
أنا نحب اللوبيا خاصة بكري نهار كنت على ديداني
صدفات راني هنا و ما فقدتش حماسي برك راني نخمم في كاش موضوع مفيد باش ننطلق كالسهم (هاههاها)

الله يسلمك روح مراد راني للحمد الله
لي يشوف يقول عندك 100 سنة ونتي راكي عروسة جديدة قوليلي واقتاه هدا بكري يا لعجوزة ههههههه

اقتباس:

المشاركة الأصلية كتبت بواسطة maloo

بارك الله فيك وجزاك خير جزاء

ام حمزة22 · 2014-10-23, 12:45

شكرا ليك مالوو بارك الله فيك

hanane09 · 2014-10-23, 12:57

سلام على كل الاخوات ام حمزة حمدلله على سلامة وللدك ورب يحفظ
بصحةكم الوبيا انا اليوم درت شوربة فريك
بشفا لك اخت كرونوام سو يل مشكورة على الوصفة واش تقصد بات سترون انا عندي حبات سنرون
شكرا لكن

آنثى آلمطر · 2014-10-23, 13:27

اقتباس:

المشاركة الأصلية كتبت بواسطة ام حمزة22

طبق اليوم نعرف ان نصف ولاد بلادي يحبوه او تقريبا الجميع ولا واش قلتو
انا ما عندي حجا فيه ما نحبوش بزاف
وعندي اخ لي ما يكلش الشوربة في رمضان ياكل غير هاد الطبق من قوت لي يحبو
وانتم لي راكم طلو وما جاوبوش على موضوعي اليوم راني حابة تردولي ولو بايقونة شكر باه نعرف الا تحبو هاد الطبق ولا غير لي نعرفهم في محيييييطي
المهم طبق اليوم هو شوربة لوبية بالكمون
والوصفة هي
نشمخ اللوبية في الليل والضباح نلقاها تشمخت وتنفخت نقيها ونغسلها ونحطها في القدر طيب
بعد ما نشوفها دخللها طياب نضيفلها الزيت + الملح + الدرسة نتاع الفلفل لي كنت وريتهالكم من قبل للمتكونة من الفلفل اليابس وثوم وهاد المرة نضيف معاها الكمون
نضيف كل هاد المكونات فوق اللوبيا ونخليها تكمل الطياب وتشرب ديك الدرسة من بعد نمرقها بعد ما تغلي نضيفلها نصف ملعق طماطم مصبرة ونخليها تغلي شوية ونطفي النار عليها
ونقدمها بقطرات من الخل

سلام وشراكي ام حمزة صفا
انا نحب لوبيا بزاف يعطيك الصحة

روح مراد · 2014-10-23, 13:37

راني عجوزة كي عجوزتي
كنت على ديداني نهار كنت في دارنا يعني بكري وقت ما كنا نقراو و نجو ميتين بالشر من الثانوية و اللا من الجامعة هاذيك الأيام اللوبيا كانت بزاف عزيزة
أشحال كنت نفرح كي نصيب اللوبيا
أما ضرك عند عجوزتي العزيزة تاكلي غير الكسكس و الشربة و كل شيء فيه المرقة
و الله حتى الماكلة اللي طيب مجمرة لازملها مرقة عند عجوزتي هاذي هي القاعدة
مع الوقت رايحة ننسا واش هو الطياب

أمنية غفران · 2014-10-23, 13:44

أهلا حبيباتي جميعا
أختي روح مراد واش نقول لك خلي البير بغطاه ههههههههه
هاكي هديتي كولي و زيدي بصحتك

ام حمزة22 · 2014-10-23, 14:39

اقتباس:

المشاركة الأصلية كتبت بواسطة hanane09

سلام على كل الاخوات ام حمزة حمدلله على سلامة وللدك ورب يحفظ
بصحةكم الوبيا انا اليوم درت شوربة فريك
بشفا لك اخت كرونوام سو يل مشكورة على الوصفة واش تقصد بات سترون انا عندي حبات سنرون
شكرا لكن

سلام حنان بصحتك الشوربة

اقتباس:

المشاركة الأصلية كتبت بواسطة روح مراد

راني عجوزة كي عجوزتي
كنت على ديداني نهار كنت في دارنا يعني بكري وقت ما كنا نقراو و نجو ميتين بالشر من الثانوية و اللا من الجامعة هاذيك الأيام اللوبيا كانت بزاف عزيزة
أشحال كنت نفرح كي نصيب اللوبيا
أما ضرك عند عجوزتي العزيزة تاكلي غير الكسكس و الشربة و كل شيء فيه المرقة
و الله حتى الماكلة اللي طيب مجمرة لازملها مرقة عند عجوزتي هاذي هي القاعدة
مع الوقت رايحة ننسا واش هو الطياب

لاياس حبيبتي روح مراد خليك متفائلة المهم تكوني صحيحة والباقي راه مكتوبنا ولا زم نواجهو الزمن بالحلوة والمرة
شوفي حبيبتي انا تزوجت كان عندي 20سنة ما كنتش نطيب عند اهلي بصح نسرق شوية كيفيات وطرق الطبخ من عند امي حفضها الله ودرك عندي تقريب 25زواج راني ندير خليط ومزج بين لي سرقتو من عند امي وبين طياب عجوزتي ربي يحفضها تاني
ما راني متمسكة لا بالعادة ولا بالتقاليد راني متمسكة غير بجيب زوجي ومتطلبات ولادي ههههههههه

اقتباس:

المشاركة الأصلية كتبت بواسطة أمنية غفران

أهلا حبيباتي جميعا
أختي روح مراد واش نقول لك خلي البير بغطاه ههههههههه
هاكي هديتي كولي و زيدي بصحتك

اهلا بيك امنية غفران
وحنا ما تقوليناش تفضلو ما عندناش الحق ي هداك البغرير راه يشهي

صدفات · 2014-10-23, 15:43

اقتباس:

المشاركة الأصلية كتبت بواسطة أمنية غفران

أهلا حبيباتي جميعا
أختي روح مراد واش نقول لك خلي البير بغطاه ههههههههه
هاكي هديتي كولي و زيدي بصحتك

هذا بغرير و عليه الكلام وعلاش غي روح مراد انا كذالك ندي شوية روح مراد ما تقول والو عليا صح ولا لا

crono · 2014-10-23, 15:53

اهلابكم من جديد
من قبيل ونا نكتاب ونعواد كلش راح

بصحتكم أختي أم حمزة اللوبية أنا تان ندرها شطيطحة بالبصل وطمطبش حب كي طيب في الاخير نزيدلها شويا كرفس و ملح وكمون وثم نهرسهم ونرمهم فوق اللوبية ازيد يغلي 10د وطفي علها و مع تقديم مغيرفة خل زيت زيتوووووون ممممممممممم

اهلا بيك امنية غفران بصحتكم البغرير راه يشهي

مشكورة أختي hanane09 اليوم حمدوالله

لاياس عليك أختي روح مراد المهم تكوني بصحتك جيدة والباقي راه مكتوب

أخت ام سوهيل مشكورة على الوصفة نجربها و نخبرك

أنا اليوم فطوري عدس

وليدي عندو اليوم فروض قلت نطيبلو وش يحب باش يخدم مليح

حوت وروز
url=https://www.gulfup.com/?lghfPf][/url]

crono · 2014-10-23, 15:57

درت خبز قسمتهم نص في الطجين في الكوشة

مع حوت وروز

ولا هادي لليكم من جنان