~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 46

omelbanin · 2016-05-10, 19:22

اختي سيرين قريت الوصفة نتا البطاطا بالدجاج ،هايلة انا تانيك نتقلق من البتاتا، نعود دايما نديرها هكذا.
حبيبتي ام ادم مبروك عليك ،ربي يخلي ايامك قع افراح.
شفتي ختي حياتي كلها امل والله ما حبو يخرجو التصاور

سمراء الدنيا · 2016-05-10, 19:24

اقتباس:

المشاركة الأصلية كتبت بواسطة سرور2

السلام عليكم

اولا يعطكم الصحة رانا ندو من عدكم افكار مشاء الله

ربي ينول كل وحدة وش في بالها ويحفضلكم اهالكم واولادكم وازواجكم

ثانيا الاخت لنجحت الف مبروك لعاقبةللبقية

ثالثا الاخت حياةكلها امل حبيت نسقسيك على الفلفل لحلوكتحبي تحمري بيه ميبننش في المرق كتحطيه فيها يعني يجي طعمو عادي ولا كاين بنة الفلفل في المرق

انا صراحة نقصت من الطماطم المعلب وفي الاغلب نطيب بطماطم حب ومرحي وتجي بنينة بصح مش حمرىكيما نحبو ان شاء الله تكوني فهمتني

وبارك الله فيكم مرة اخرى

اهلا اهلا بالاخت سرور ....جيتي و جابوك رجليك لبنات محتاجينك تشرحيلهم السعرات و لحساب و ما الى ذلك
سمحيلي غير شفت اسمك لصقت فيك ..... الحقيقة الظروف ماراهيش مساعدتني نهتم بهاذ الجانب و انت عندك خبرة كبيرة في حساب السعرات
نتمنى تتعاوني انت و الاخت سيرين راهي ناشطة ماشاء الله و جايبتها عقاب الاكل الصحي

سمراء الدنيا · 2016-05-10, 19:30

مساء الخيرات و المسرات و الافراح
سامحوني دخلت ديراكت لاسلام لا والو هههههه .... و اعذروني في الردود رديت غير على مجموعة معينة ....راني نكتب واقفة .... حتى مقال حبيبة ما قريتوش نرجعلو مرة اخرى ان شاء الله خايفة الراجل ياخد مني الجهاز كنت منفردة بيه وحدي و جا يزاحمني فيه هههههه طول النها و هو يكتب في المذكرة ماراح تكمل حتى نهبل انا هههههه

********************
ما حضرتش لمناقشات الاكل الصحي لكن نقدم هاذ الوصفة البسيطة نتاع لفريت في الفرن اغنتني عن القلي في الزيت
نقي البطاطا و نغسلها و نقطعها اصابع و نزيد نغسلها مليح حتى يروح النشا نتاعها

نشفها مليح حتى ما تلصقش في البلا

نسدفها في صينية الفرن و نحط عليها ملعقتين زيت و نديرها طيب و لما تخرج سخونة نرشها بشويا ملح و تقدري ترشيها بشويا فلفل و كمون و ثوم بودرة امممم تجي بنينة

دخليها للفرن لمدة نص ساعة

و اليوم للعشاء راني مطيبة شوربة خضار بالدجاج و راح نصور المراحل و طريقة التخلص من الدهون فيها
و مناقشات التحضير لرمضان المبارك هاذي مشاركتي

هاذو تحضيرات السنة الماضية ممكن تاخدو افكار
الفلفلة نشويها في الفرن و نظفها و نقطعها و نحط بكميات قليلة في صاشيات هاذو صوفر الصغار و نخبيهم في المجمد

و بنفس الطريقة نخبي الكفتة و الحمص مشمخ و طايب و لوبيا ماشطو و جلبان ما تاخذليش مكان في المجمد

و القصبر نرحيه رقيق و نقسمو على ليبوات نتاع لي قلاصون و نغطيه بالورق البلاستيكي و لما يجمد نحطو في ساشي و كل ما نحضر لحريرة نرمي قالبين

و الثوم حضرتو العام للي فات مازال باقيلي درتو بطريقة زينب نشفتو في فرن ساخن و رحيتو

ام آدم · 2016-05-10, 19:36

غزالة حنلونة الله يبارك فيك ويحققلك كل امانيك ان شاء الله تفرحي بنجاحات ولادك شفتي يا لحبيبة ربي سبحانو كان مخبيلي حاجة مليحة لانو ما يخيبش عبدو راني دعيتو وانتوما ثاني علابالي دعيتولي ربي يحفظلكم لعزاز
عليكم
سمورة يبارك فيك حبيبة صح انتم وجوه السعد والله منين عرفتكم وحياتي وعقليتي تبدلت للاحسن تغلبت على التشاؤم والسلبية وحددت اهدافي بارك الله في لمتنا وجمعنا تحت ظل واحد يوم لا ظل الا ظله

نسمة صبح · 2016-05-10, 19:50

مساااء الورد ..كل ما تدخل سمراء الدنيا تشعل الحماس ..وليت مبتسمة وانا نقرا ردودها على كل وحدة..

حبيباتي بم انو اليوم خاص بتحضيرات الشهر الفضيل واش رايكم نحكيو على الخبز ..المطلوع..وصفاتكم اللي جربتوها..

انا اليوم جربت مطلوع الكوشة..في منطقتنا منديروهش لكن كليتو في مناطق اخرى و اليوم جربتو.

نتبادلو الوصفات باه انوعو في الشهر الفضيل و نجربو الانواع قبل حلول الشهر و لا دي حتقلب مصيبة و يخسرلك الخبز ههههه

سيرين 5 · 2016-05-10, 19:51

اقتباس:

المشاركة الأصلية كتبت بواسطة حياتي كلها امل

اختي سرين ماشي سقسيتيني على العصير
هذه الوصفة تاع الاخت الهام وجربتها وجاني مليح حبيت انخبي برتقال رمضان احسن من العصير الاصطناعي
حبتين برتقال +حبةقارص مكنجلين اسكرفجيهم زيديلهم 1/2كاس سكر او مثل ماحبيتي +3كؤوس ماء مغلي اتركيهم لمدة نصف ساعة ثم صفيهم ونتي راك تعبزي علي القشور واللب باه يخرج كامل العصير الي فيهم ثم اذا حبيتي زيدي الى العصير المستخلص علبة ياووغت فراز وخلطي مليح بالبرا وخليح حتى يبرد جيدا في الثلاجة.تقدري تستعملي الا البرتقال او الا الليمون .وتقدري تستغناي على الياووغت

يعطيك الصحة على الوصفة تبان هاااايلة
ما شبعناش هاذ العام التشينة غالية ما رخستش كامل

حياتي كلها امل · 2016-05-10, 19:53

اسمحيلي الاخت سرور مشفتش الرد تاعك بلنسبة للفلفل الاحمر ميجيش في المرق ريحة تاع غير واح شوية وجي لونها احمر احسن من الطماطم انا اختي زوجها يوجعو المصران عندما ياكل مرقة حمرا بالطماطم ولات دير فلفل الاحمر في المرق الاحمر
حبيت نطلع على موضوعك انتى اخت زينب على الرجيم وين نلقاه

سمراء الدنيا · 2016-05-10, 19:56

راني نكتب و نجري و نتلفت ههههههههههه

تطبيقاتي نضت نتسحر نهار الاثنين لقيت عندي التهاب في اللوزتين و حاتلي حالة ما قدرتش نصوب باش نروح للطبيبة رحت اليوم لقيتها عطلة و عليها ما صمتش و اليوم تاني مع الحمى ما نضتش حتى لل 7 مشطت لبنتي الصغيرة و عطيتهم فطور خفيف و رجعت رقدت حتى لل9 ربي يهدينا غير شويا مرض نسمحو في الصلاة

بنتي لكبيرة راهي في عطلة قبل الاختبارات نظفت عليا لي زيليمون و جربت نظفتهم بالشومبوان و النتيجة كانت مذهلة

نظفتهم من لفوق

و قصيتليها هاذا فرشاتو

و في المساء غسلت بعض البساطات و انا درت لمبسس شربو بيه الشاي و لغدا درت كسكس و بالامس درت توغت البطاطا و الطون
بالاضافة للداخل و الخارج و الخياطة و تدريس الاولاد
على فكرة لقيتليكم ورشة جميلة جدا غدا ان شاء الله اذا نجحت في سرقة الجهاز كيما اليوم نحطهالكم

سمراء الدنيا · 2016-05-10, 20:02

اقتباس:

المشاركة الأصلية كتبت بواسطة نسمة صبح

مساااء الورد ..كل ما تدخل سمراء الدنيا تشعل الحماس ..وليت مبتسمة وانا نقرا ردودها على كل وحدة..

حبيباتي بم انو اليوم خاص بتحضيرات الشهر الفضيل واش رايكم نحكيو على الخبز ..المطلوع..وصفاتكم اللي جربتوها..

انا اليوم جربت مطلوع الكوشة..في منطقتنا منديروهش لكن كليتو في مناطق اخرى و اليوم جربتو.

نتبادلو الوصفات باه انوعو في الشهر الفضيل و نجربو الانواع قبل حلول الشهر و لا دي حتقلب مصيبة و يخسرلك الخبز ههههه

ربي يحفظك اختي نسمة
بالنسبة للخبز في منطقتنا ناكلو بزاف خبز الكوشة و جربت الكثير الكثير من الوصفات و غير البارح جربت وصفة روووووووعة
نص لتر حليب + بيضتين + ربع كاس زيت + م. ك ملح+ م.ك خميرة +م.ك سكر و سانوج و فرينة تعجني و يا ريت تدلكي بشويا برك نتاع زبدة و تخليه يخمر و من بعد تقرصيه كيما المطلوع و تخليه يخمر و طيبيه في الفرن
واش نقولك قطن قطن ... كلاو كل الكمية في وجبة واحدة هههههه

سمراء الدنيا · 2016-05-10, 20:04

مساء الخير ام البنين و حياتي امل و سيرين .....هروووووووووووووووووووووب

سمراء الدنيا · 2016-05-10, 20:07

غدا لمناقشة الموضوع الاجتماعي في انتظاركم واش رايحين تطرحو
انا راح نحطليكم الورشة للي قلتليكم باذن الله

و في اليوم المخصص للجمال رايحة نجيبليكم وصفات و تجارب و صور وجدو ارواحكم يا جميلات

سرور2 · 2016-05-10, 20:07

السلام عليكم لبنات

وبارك الله فيكم على الترحيب
الاخت سمرى اي سؤال راني هنا يحطوه الاخوات ونجوبهم عليه وراها الاخت نسرين مشاء الله وفات

الاخت لجوبتني شكرا ليك وربي يحفضك

وشكون لحطت الحمص بهديك الطريقة في الثلاجة حبيت نسقسيها هل تصلح مع الاكياس العاديةقصدي لبعوهم في الحانوت انتاع سكر (كيما انتاع السكر )ولا لازم النوع ليتغلق وحدو ارجوالرد لانو ثلاجتي صغيرة ومتهزليش بزاف وشكرا مسبقا

نسمة صبح · 2016-05-10, 20:13

شهيوات ام وليد حاطة خبز الدار و مطلوع الكوشة و كسرة رخساس و لا فطير ..و خبز الدار بالفرينة و واخر بالسميد ..راهم كامل يشكرو وصفاتها راح نجرب بالوحدة و نقولكم النتيجة..

سمراء الدنيا · 2016-05-10, 20:14

اقتباس:

المشاركة الأصلية كتبت بواسطة سرور2

السلام عليكم لبنات

وبارك الله فيكم على الترحيب
الاخت سمرى اي سؤال راني هنا يحطوه الاخوات ونجوبهم عليه وراها الاخت نسرين مشاء الله وفات

الاخت لجوبتني شكرا ليك وربي يحفضك

وشكون لحطت الحمص بهديك الطريقة في الثلاجة حبيت نسقسيها هل تصلح مع الاكياس العاديةقصدي لبعوهم في الحانوت انتاع سكر (كيما انتاع السكر )ولا لازم النوع ليتغلق وحدو ارجوالرد لانو ثلاجتي صغيرة ومتهزليش بزاف وشكرا مسبقا

رجعت على جالك الاخت سرور شكرا ليك اكيد لبنات للي رايحين يبداو الاكل الصحي رايحين يحتاجو حساب السعرات وانت حسبتي و اختاصرتي علينا الطريق ههههه
الحمص راني حاطاتو في الساشيات للي يبيعو فيهم هاذوك الرقاق الصوفر شريت منهم 50 وحدة ب 5 الاف فقط

سمراء الدنيا · 2016-05-10, 20:15

اقتباس:

المشاركة الأصلية كتبت بواسطة نسمة صبح

شهيوات ام وليد حاطة خبز الدار و مطلوع الكوشة و كسرة رخساس و لا فطير ..و خبز الدار بالفرينة و واخر بالسميد ..راهم كامل يشكرو وصفاتها راح نجرب بالوحدة و نقولكم النتيجة..

فعلا جربت الكثير من الوصفات كلها ناجحة جزاها الله كل خير