موضوع مميز وصفات من حراير مطبخ وش طيبتي اليوم - الصفحة 46

lyzzabel · 2014-02-16, 23:53

طاجين القرنون المحشي lyzzabel

ريتان ونينا صح فطوركم و ربي يخليكم
تفضلو وصفة القرنون

أولا حضري المرقة ديري شوية زيت قطعي حبة بصل صغيرة و حطي تتقلى فوق النار و إذا بغيتي ديري معاه اللحم أنا مادرتش زيدي شوية ملح و فلفل حسب الذوق و عود قرفة و شوية زعفران قلي شوية و ارمي كمشة حمص منفخ و مرقي أغلقي وخلي الحمص يطيب
من جهة أخرى تكوني نقيتي القرناع و حكيتيه بالليم باش ما يكحالش و حضري لحم مرحي ديري فيه شوية ثوم أنا درت 3 فصوص في رطل لحم مرحي و ملح فلفل معدنوس مقطع رقيق و شابلير ( خبز يابس و مرحي ) خلطي مليييح و أحشي حبات القرناع أرميهم فالمرقة بشكل مرتب باش يحافظو على شكلهم مين يطيبو و ديري الكفتة لي بقات بولات و أرميهم مع القرناع أغلقي وخليهم يطيبو و المرقة لازم تجئ خاثرة يعني ما تكونش بزاف
Voilà هذي هي طريقتي و نتمنى تعجبكم راهي البنة رائعة ههههههه ضحكة إعجاب

lyzzabel · 2014-02-17, 00:12

البريوش لبريق الأمل

وصفة البريوش صدقيني خفيف ورطب وهشوش من اروع ما يكون
هذ المقادير دارتلي كمية كبيرة اذن ديري نصف المقادبر اذا حبيتي اوك
المقادير
1كغ فرينة
قرصة ملح
6 مغارف سكر عادي ما يعادل 150 غ
3مغارف كبار سكر غبرة
3بيض
مغرف صغيرة فاني مملوءة
2مغارف كبار خميرة الخبز
150 غ مارغارين

نصف لتر ماء دافي ممكن ما تكملهاش حسب نوعية الفرينة
الطريقة
النواشف كل مع بعض فهمتوني ياك؟ هههه الزبدة ماهيش من النواشف
ثم البيض
ثم الماء الدافي
من الافضل استعمال البيتران 15 دقيقة دليك اذا ما عندكش ادلكي بيديك نفس النتيجة
وابداي ارمي بالمربع زبدة حتى تكملي الكمية وانت تدلكي
يخمر طبعا غطيه
وارجعي شكليه واحشي يقطعة شوكولا وحطي في بلا مدهون ويخليه يخمر مرة ثانية
التخمر في كل مرة 20دقيقة في الاول والثاني
كيخمر ادهنيه بمزيج بيضة كاملة وقطرات ليمون وقطرات حليب
كيطيب التزيين انت حرة
خليه هك ولا ادهنيه لاجولي ولا رشي سكر رطب بمصفاة او عسل ولوز ايفيلي محمص
حظ موفق سيداتي انساتي

lamia zina · 2014-02-16, 17:25

وصفة دائمة الحمد

جاسمن
البيتزا نعمل العجينةالذهبية
2كيسان فرينة 2مغارف خميرة الخبز 2كيسان ماءدافي ملح 2مغارف كبار سكر ونخلطهم ونخليهم يطلعو من بعد نزيد كاس غير ربع زيت ونصف 1 خميرة القاطو
والفرينة حتى تولي عجينة شوي طرية نخليها ترتاح ونحلها على الفرينة ونقطعها دوائر وندير لا صوص تاع الطماطم والديكور ههههههههههههه ونصب عليها قطرات زيت والى الفرن
العجينة هذي نعتمدها في اغلب المعجنات

lamia zina · 2014-02-16, 18:35

وصفة لي نخلة

جاسمن
البيتزا نعمل العجينةالذهبية
2كيسان فرينة 2مغارف خميرة الخبز 2كيسان ماءدافي ملح 2مغارف كبار سكر ونخلطهم ونخليهم يطلعو من بعد نزيد كاس غير ربع زيت ونصف 1 خميرة القاطو
والفرينة حتى تولي عجينة شوي طرية نخليها ترتاح ونحلها على الفرينة ونقطعها دوائر وندير لا صوص تاع الطماطم والديكور ههههههههههههه ونصب عليها قطرات زيت والى الفرن
العجينة هذي نعتمدها في اغلب المعجنات

تحطيهم فوق النار وتخلطي حتى يخثارو راهي تجي رووووووووووووووووعه و خفيفه و تحطيها تبرد حتى توجدي لا بات

العجينه 300 فرينه 2 بيض
90غ مارغرين 60 غ سكر 1 خماره زست او مبشور الليمون ملح

تطلعي البيض مع السكر / تدخلي الزبده مليح فالفرينه مع النواشف وفوتيها فالغربال الرقيق

من بعد تلمي بالبيض و تزيدي الفرينه اذا خصت

طيبي العجينه كي تبرد زيدي لا كريم باره و زيدي المورانغ و رجعي للفور يكون شاعل ملفوق برك

لا مورانغ..................انا مانديرهاش لاخاطر الفول مايشعلش ملفوق نعوضها بالفواكه

3 بياض+ 125 سكر قلاص

lamia zina · 2014-02-17, 11:54

طريقة ام مجمد تاج في التليلي

فطيمة لحبيبة ونخلة الغالية هاي ليكم طريقتي في التليتلي
مرقو حبيباتي مرقة حمراء ولا بيضا في زوج يصلحو بالجاج ولا باللحم لحمر لكن الاختير وخثروها وخليو منها تقريبا زوج كيسان لزوم نجمرو التليتلي تاعنا ونكونو طيبنا الحمص ونحمرو اللحم تاعنا مع البطاطا مقطعة دوائر ولا براجات لزوم التزييين والبيض نغليه كي نفورو التليتلي
وضرك تفوار التليتلي حبيباتي كي نجي ندير تليتلي ابيض نحي ثلث اشكارة تاع التليتلي ونحمرها في المقلة معها شوي زبدة حتان يحما رالتليتلي ونردو على باقي التليتلي الابيض ونزيت مرة وحده ونحطو يفور كي يفور نبخو بالماء ونخليه يتشرب مليح ونزيد نزيتو ونفورو ونزيد نبخو ونزيتو وهكذا حتان نوصل لتقريبا اربع تفويرات وحبيباتي كاين تليتلي يفور بسهولة وكاين اي يطول يعني التفويرةةالاخيرة ذوقو اذاةطرا خلالالالاص ملحوه وردوه يزيد يفور الفويرة تاع الملح
من جهة صفيو المرقة تاعكم وحطو فيهاةالليتلي يتجمر وخلطو باش مايلصقش وكي تبقى لاصوص فيه غير شوي طفيو ولوحو مورصو زبدة وخليوه يكمل التجمار مممممممممم
كي تجيو تسربيو حطو التليتلي في الصحن ورابيو البيض وحطو لحميصة والبطاطا محمرة واللحم محمر كيما حاطة في الصورة ولا كل وحدة ولمستها في التزييين
حبيباتي كتش سؤال راني هنا نحبكم ياغاليات والعيب مايش في لي ماتعرفش العيب فلي تعرف وتبخل مع حبي
وشوربة لسان العصفور ماناش مشهورين بيها ناس الشرق وماعندناش عجائن ختصة بلسان العصفور وكي نحب نوع ندير الشوربة بالتليتلي وتخرج رووووووعة

2014-02-17, 15:35

الخرشف على طريقة توتة

طريقتي في تحضير الخرشف
نحيله الخيوط الموجودة فيه وقطعيه قطع متساوية ثم غليه في الماء وقليل من الملح حتى تخرج منه المادة المرة فيه
حضري مرق
قلي بصل مرحي في شوية زيت مليح ضفي مغ ص طماطم معجون وحبة طماطم ملح زعفران وقلي شوية مع فنجان ماء ضفي الحمص وسقي ثم الحرور وضفي الخرشف بعد ما تقطريه وتحشيه لحم مرحي متبل تحكمي كل زوج بالكيردو باه ميحلوش او خيط وغلقي الكوكوط حتى يطيب الحمص والخرشف وتختار المرق

نخله. · 2014-02-17, 17:05

جزر على طريقة ام يسرا

الجزر غليه ولا فوريه ملييييييييييييح
من بعد حطيه في مقلاة يتقلى مع الثوم مرحي في الزيت و الملح والفلفل الاسود والكمون والكروية والهريسة والا بغيتيها حارة زيديلها الفافل الاحمر الحار
كي يتقلاو زيديلهم شوووووووووي ماء باش متجيش ناشفة خليهم غير شوي فوق النار قيل ما تطفي زيدي الخل غير يهز الغلوة وطفي زينيه بالدبشة والزيتون

نخله. · 2014-02-17, 18:04

غراتان الكرم .او الكرنب...................لـ ام مصعبOm moussaab

فوري الكرنب تاعك ورق كامل من جهة اخرى حطي شوية روز يغلي كي يطيب الكرنب نحيلو هذاك الخشين ونرصوه في مول نقلي الكفتة نضيفلها ملح فلفل اكحل ثوم وحبة طماطم مرحية نصفي الارز نحطو يتقلى مع اللحم المرحى نضيف كمية من المعدنوس وجبن طري نحرك المكونات حتى تتجانس نضع الحشوة فوق الكرنب ونغطيها بباقي الاوراق نذوب حبة جمبو دجاج في في زوج كيسان ماء نغليها حتى تولي قيس كاس نكب هذيك المرقة فوق الكرنب نتاعنا وندخلو للفرن حت تبقى فيها شوية تاع صوص نكسرو اربع بيضات مع اربع ملاعق كرام فراش وكمية من جبن غرويير مبشور نخفقهم مليح ونصبوهم فوق الكرنب ونعاود ندخلوه يطيب البيض وشهية طيبة

lyzzabel · 2014-02-17, 18:37

دجاج محمر فالكوكوت lyzzabel
هنا راني دايرة معاه لوبيا سوتي

درت فالكوكوت شوية زيت و رابيت حبة بصل متوسطة و قليت منبعد رميت عليه الدجاج و زدت قليت زدت ملح فلفل اسود و عود قرفة و قليت طبعا النار تكون هادية شوية و مرقت قد ما يتغطى اللحم و غلقت وخليتها يطيب على نار متوسطة حتى تولي لاصوص تقريبا ناشفة باش يتحمر فيها الدجاج بلا ماا تنسي تقلبيه بلطف يتحمر من الجهتين و لازم تعسيه باش ما يلصقش و ينحرق و خلااااااص

awladi · 2014-02-17, 20:52

aphrodite العسلالله يسلمك حبيبتي مرسييي حشمتيييني
و العسل شوفي اسهل منو مافيش ههه
على النار حطي 5 كيسان سكر و كاس ما و شقفة قارص خليهم حتى ياخدو اللون اللي تحبييه انا نحب نصفرو باش يجي كيما تاع برا ما تخليهمش بزاف باش ما يتحرقش طفي على النار و نحي الشقفة تاع القارص و زيدي كاس ما و خلطي و خلاااااص راح يكون عندك عسل تقيل كيما اللي يتباع برا

awladi · 2014-02-17, 20:57

aphrodite16
اتفضلوا حبيباتي وصفة الشهدة
نسحقو : 500 غ فرينة مغرف كبيرة خميرة تاع الخبز مغرف صغيرة خميرة تاع الحلوة 2 مغارف كبار سكر شوية ملح نصف علبة ياغورت دانون و ربع علبة زيت ( نستعملو علبة الياغورت)

نلمو قاع النواشف مع بعض و نزيدو الياغورت و الزيتا و نتاكدو بلي دخلو مليح فالفرينة اومباعد نزيدو ما دافي مع الاول العجينة تجي تلصق اعجنيها مليح حتى تولي عندك عجينة ملسااء
خليها تخمر حتى يتضاعف الحجم تاعها

و نجو للتشكيل تحبي تديري الشكل التقليدي اللي هو كويرات و ترضيهم قدام بعض
والا كيما اللي درتها انا
تطلقي العجينة تاعك و تقطيعها الى مربعات قد بعد
تحكمي مربع و تحطي فيه شوكولا و تغلقيها كيما البرية مي تجي طالعة لفوق يعني تلمي قاع الجوانب لفوق و تغلقيها مليييح باش ما تتحلش
رصيهم كامل في سنيوة مدهونة و مرشوشة بالفرينة و زيدي خليهم يخمرو و طيبيهم عادي
كي تخرج من االفور سقيها بعسل مخفف يعني ماشي تقيل بزاااف و بصحتكممم

فايزة44 · 2014-02-18, 16:09

مقروط الكوشة للغالية ريهام 16

أختي فاطمة ع هايليك وصفة مقروط الكوشة
راه كاين عدة أنواع لكن ألي في الصورة مقاديرو كالتالي
المكونات
العجينة

كيلو سميد متوسط تاع مقروط (أقسمي الكيلو الى 2 كيلات)
كيلة فرينة
كيلة سمن ذايبة و باردة و فايضة بالزيت(تزيدي بعض الملاعق أكل حوالي 2)
ملعقة قهوة ممسوحة تاع خميرة الحلوة
رشة من خميرة الخبز الفورية(اختيارية و تقدري ما ديريهاش)
ربع ملعقة قهوة ملح
ملعقة كبيرة سكر عادي خلطيها مع كيلة خليط من ماء+ماء الزهر
لافاني

الحشوة

عجينة التمر مفورة و منقية

شوية جلجلان محمص و مرحي

كمية من ماء الزهر

شوية من السمن (أيضا زبدة ولا زيت)

قرفة و قرنفل حسب الرغبة

للتزيين

عسل ثقيلة و معطرة بماء الزهر

جلجلان محمص

التحضير

العجينة

في وعاء كبير ديري السميد + الفرينة المغربلين و رشة ملح + لافاني + خميرة الحلوة و خلطي

ضيفي كيلة ليدام و امزجي مليح
و في الأخير زيدي خليط الماء+ماء الزهر+السكر و لملي مليح بالأصابع فقط و بلا ما تعجني
السميد لازم اكون من النوعية الجيدة باش يتشربلك كمية السائل ألي هي 1كيلة و اذا كان نص نص ما تكتريش السائل
المهم راكي تحسي كتخدمي بيه
غطي العجينة و خليها ترتاح على الأقل 3 ساعات (أنا و أعوذ بالله من كلمة أنا درتها على 7 تاع صبح و خدمتها على 11 قبل ما نفطر)
هاهو كفاش كان كي حضرتو