همزة وصل بين المعلم والولي : في طبعته الثالثة

[serine alger]

**أم الزهراء**.ربما الخوف والقلق من نتيجة الاختبار هو اللي خلاها ماتركزش. للأسف لازم تعرف أنو في بلادنا وان كان مستوى التلميذ ممتاز ولكن النقاط هي الحكم. فكم من ممتاز تعثر لسبب ما. قوليلها قبل ما تعطي ورقتها للمعلم تعاود تحل الوضعية في ورقة خارجية بدون النظر للورقة المزدوجة ربما تكتشف أخطاءها.

[ام الزهراء]

المشاركة الأصلية كتبت بواسطة ام الاحباب

الله المستعان .........نفس الشيئ لاسماء ...في البيت تحل بكل سهولة..لكن في القسم قلما تجيب 10....انا نظن اننا في البيت نفهمولهم واش ما فهموش اما في القسم فلا ...لذلك عندي مدة وانا نمدلها تمارين ونغاق عليها باب الغرفة ...نقول لها ما تساليش حتى تكملي ونصحح لك .....وطلبت من والدها واختها ما يشرحولهاش قبل ما تكمل...اتبعي هذه الطريقة بلاك تفيد.....................

عندي مدة انا انتهج معها هذه الطريقة نخليها تخدم وحدها وما نبقاش حتى قدامها باش ما تسالنب ما نلمحلها ونقلها نحب اجابة نموذجية يعني ما تنساي لا وحدة لا فاصلة لا عملية افقية والا نقصلك النقاط

[serine alger]

المشاركة الأصلية كتبت بواسطة /زهرة عصفور الجنة/

العفو
راهم يعملو التقويمات في الرياضيات واللغة بشكل يومي احيانا صباحا ومساءا
المشكلة كانت من نص التقويم
اعجبتني فنقلتها لكم
والحمد لله حلتها بشكل صحيح

أوكي أم منى ننتظر المزيد منك. عادل أيضا يعملو فروض وتقويمات ولكني لا أرى الأسئلة والتمارين. كلها مكتوبة على السبورة.
التقويمات بشكل مستمر هذا لفائدة التلميذ لاستدراك الأخطاء ومعرفة النقائص.

[serine alger]

**أم الأحباب** شككككرا على التمارين. والله راكي ماشاء الله عليك يعني الخدمة برا وزيد فالدار.كان الله في العون.
أنا بالنسبة لعادل راني لصقت وضعية أم منى وأم ابتهال ونزيدلو وضعية من اللي حطيتيهم وأمام كل وضعية نكتب منى-ابتهال -أسماء.. هكا باش يغير ويحلهم.
بالنسبة للدروس الخصوصية أنا كنت ناوية في بداية العام ندخل عادل فرنسية ولكن تراجعت قلت.المعلمة في المدرسة وأنا و والده في البيت.

[ام الزهراء]

ام عادل القلق ما نحكيلكش عليه عندها حالة نفسية متقدمة ان صح التعبير

لكن يبقى المشكل ماهوش هنا ........راني نقلك القسم كامل ضعيف في الرياضيات

وتاكدت كي جاو زميلاتها يدرسوا معاها احيانا كثيرة اتساءل اذا كانت ابتهال وبهذه النقاط وهذا المستوى وهي الاولى في قسمها فكيف حال البقية ؟

[ام الاحباب]

المشاركة الأصلية كتبت بواسطة serine alger

**أم الأحباب** شككككرا على التمارين. والله راكي ماشاء الله عليك يعني الخدمة برا وزيد فالدار.كان الله في العون.
أنا بالنسبة لعادل راني لصقت وضعية أم منى وأم ابتهال ونزيدلو وضعية من اللي حطيتيهم وأمام كل وضعية نكتب منى-ابتهال -أسماء.. هكا باش يغير ويحلهم.
بالنسبة للدروس الخصوصية أنا كنت ناوية في بداية العام ندخل عادل فرنسية ولكن تراجعت قلت.المعلمة في المدرسة وأنا و والده في البيت.

العفو لختي سيرين ....عندي مجموعة كبيرة من التمارين تع مريم -بنتي 2 متوسط - حطيتهم عندي ...لكن مع اسماء.......
انا كان كنت قاعدة في البيت والله مانديرلها بصح ماقدرتش نتبعلها كل المواد وحدي مع الوقت انتاعي.......

[ام الزهراء]

المشاركة الأصلية كتبت بواسطة serine alger

أوكي أم منى ننتظر المزيد منك. عادل أيضا يعملو فروض وتقويمات ولكني لا أرى الأسئلة والتمارين. كلها مكتوبة على السبورة.
التقويمات بشكل مستمر هذا لفائدة التلميذ لاستدراك الأخطاء ومعرفة النقائص.

جيتي للنقطة المهمة وهذا واش حبيت نقول

حنا هذو التقويمات ما نسمعوش بيهم ونظن ليهم دور كبير في تحسين مستوى التلميذ

نتمنى كاش نهار تاتي وتقلي درنا تقويم

[ام الزهراء]

ام اسماء لتيت نحكي ونسيت ما قتلكش شكككككككككككككرا على التمارينات التي وضعتها

بارك الله فيك

[/زهرة عصفور الجنة/]

التقويمات تعطى على ورقة الاختبار وتلصق في كراس التقويمات مع التصحيح طبعا
والامضاء
يعني عندهم كراريس فقط بالتقويمات

[ام الزهراء]

المشاركة الأصلية كتبت بواسطة /زهرة عصفور الجنة/

التقويمات تعطى على ورقة الاختبار وتلصق في كراس التقويمات مع التصحيح طبعا
والامضاء
يعني عندهم كراريس فقط بالتقويمات

الان بدات افهم ما لم اكن افهمه و توضحت الصورة

يبدو لي قسم ابنتي ناقص خدمة

اللغة يحلوا تقريبا يوميا لكن في كراس المحاولات واحيانا ما يكفيش الوقت لعمل الوضعية واحيانا الحل يكون شفويا

وهدا اعتبره انجازا مقارنة بالرياضيات

[/زهرة عصفور الجنة/]

المشاركة الأصلية كتبت بواسطة ام الزهراء

جيتي للنقطة المهمة وهذا واش حبيت نقول

حنا هذو التقويمات ما نسمعوش بيهم ونظن ليهم دور كبير في تحسين مستوى التلميذ

نتمنى كاش نهار تاتي وتقلي درنا تقويم

اختي ما دامهمش ما يعملوش تقويمات
عليك انت بمتابعتها في البيت بتقويمات اللغة والرياضيات بشكل يومي
انا صراحة لا اعمل معها لان ما تقوم به في المدرسة اجده كاف
اصحح معها فقط الاخطاء التي تقوم بها
واحيانا اعطيها مشكلة
وعادة ما يعطيهم المعلم مشكلة للحل او دراسة نص هذا بشكل يومي
وكل عمل يعطى بالطبع يصحح.موضوع الشهادة لا اظنه سيكون صعبا كاسابقه من المواضيع التي مضت
خاصة انه لا توجد دورة استدراكية
فنصيحتي لي عندها طفل متوسط ما تعقدوش باشياء معقدة لانه سيكره ويمل
الاختبار سيكون على مستوى التلميذ المتوسط
ولي عندها تلميذ ذكي معليش تعملوا عذا النوع
في الاخير رانا نوجدوهم للمتوسطة ليس لامتحان جوان
ربي ما يضيع تعبهم ونفرحوا بيهم ان شاء الله

[/زهرة عصفور الجنة/]

المشاركة الأصلية كتبت بواسطة ام الزهراء

الان بدات افهم ما لم اكن افهمه و توضحت الصورة

يبدو لي قسم ابنتي ناقص خدمة

اللغة يحلوا تقريبا يوميا لكن في كراس المحاولات واحيانا ما يكفيش الوقت لعمل الوضعية واحيانا الحل يكون شفويا

وهدا اعتبره انجازا مقارنة بالرياضيات

تعلمين هذا راجع لهمة ونشاط المعلم
وصدقيني لي يخدم ربي يباركلو في وقتوا
هنا ايضا كراس محاولة اللغة فيه دراسة نص بالتصحيح بشكل يومي زيادة على التقويمات
لكن ملاحظة فقط مواد الحفظ دروسها تلخص في الكراس
ولم يطالبهم يوما بحل تمارين الكتاب
حتى اني لم اشاهد كتب مواد الحفظ منذ الدخول المدرسي

[ام الزهراء]

اختي ام منى والله ربي الي يعلم قداش تاعبة معاها ووقتي كامل تقريبا ليها
لكن يبقى العمل في المنزل مشي كيما القسم الطفل في القسم يلتزم اكثر والمعلم بخبرته عنده طرق لتوصيل المعلومة بالشكل الصحيح
فمثلا كي يمدلهم المعلم في القسم معلومة تبقى شافية عليها وما تنساهاش لكن لاحظت انها عندما تخطئ في وضعية في الرياضيات مثلا ونصلحهالها
بعد مدة نقع في نفس الخطا ...معناها ما استوعبتش واش فهمتها

اليوم مثلا عملنا برنامج مع بعض .....الصباح فرنسية و علمية .......و المساء حلت 3 وضعيات رياضيات والان راهي تحل في وضعية في اللغة

تكملها ونحطها

[ام الاحباب]

المشاركة الأصلية كتبت بواسطة ام الزهراء

اختي ام منى والله ربي الي يعلم قداش تاعبة معاها ووقتي كامل تقريبا ليها
لكن يبقى العمل في المنزل مشي كيما القسم الطفل في القسم يلتزم اكثر والمعلم بخبرته عنده طرق لتوصيل المعلومة بالشكل الصحيح
فمثلا كي يمدلهم المعلم في القسم معلومة تبقى شافية عليها وما تنساهاش لكن لاحظت انها عندما تخطئ في وضعية في الرياضيات مثلا ونصلحهالها
بعد مدة نقع في نفس الخطا ...معناها ما استوعبتش واش فهمتها

اليوم مثلا عملنا برنامج مع بعض .....الصباح فرنسية و علمية .......و المساء حلت 3 وضعيات رياضيات والان راهي تحل في وضعية في اللغة

تكملها ونحطها

والله نفس الشيئ يا اختي ام الزهراء -----يعني الوقت اللي عندي 80 بالمئة- لاسماء

اسماء حفظت في الصباح التربية الاسلامية وزادت 5 وضعيات في الرياضيات ....العشية هذه راحت تقرا -درس خصوصي في الفرنسية-وقالت لي عندها واجبات ....والله مسكيينة تجي عيانة بزاف ....لكن لازم تكمل الواجبات اليوم المساء باش تتفرغ في الغد للامتحانات الباقية

[ام الزهراء]

ربي يكون معاهم وتكلل جهودهم بالنجاح