الجزء 181 لكوزينتنا المنورة بالأحباب وأشهى الأطباق - الصفحة 45

prettylady · 2017-09-06, 15:19

السلام عليكم جميعا اخواتي ومبروك افتتاح الكوزينة اختي سحابة راهي الحالة ناشطة ماشاء الله يعطيكم الصحة كامل الاخوات والله كل شي يشهي ربي يدومها نعم ان شاء الله
انا راني متبعتكم من وراء الكواليس هههه مارانيش نصور تعبت مع الحمل والاكثرية ننسى مي راهم عندي شوية فالأرشيف تاع الايام لي فاتو دوك نحطهم ان شاء الله

lyzzabel · 2017-09-06, 15:35

مسلخيير عليكم و صح فطوركم حبيبااتيي

زقزووقتي الحلوة الفحلة ربي يخليك على حلاوة لسانك و حتى نتي افلامك افلام و عليها الكلام الله يبارك و بصحتكم الطعام فغيمون يشهي مممممم .. أما بالنسبة للبوري انا عمري ما جربتها بالميكسوور خاطش شفت لي طحنوها فالروبو جات سيليما تتعلق و مشي قاع بنينة والله ما تنتكل. . عندك الصح الرحاية اليدوية هي الأمثل باش نحضرو لا بيري ولا تاني الأداة اليدوية كيما لي نستعملها انا نمرس بيها البطاطا و الطماطم و حتى الفلفلة لي هي الحميس روووعة روووعة هاكا ما نكترش الماعين على قولكم خخخخ شفتي قاع نبغو الساهل هههههه

سحابة زعما خليتيها عندي هههه اوكي من بعد نشوف كاش وصفة مانيش حاطتها من قبل و نحطها في كوزينتك من عيوووني و بصحتكم اللوبياا

بيلسان بصحتكم البكبوكة حنا تاني كاين لي يقولولها هاكا و كاين لي يقوللها الدوارة ببساطة

حقا شكون تاني دارت اللوبيا بصحتكم حنوونة و مطرح ما يسري يمري و لي نسيتها حقها عليا و ليها بوووسة

lyzzabel · 2017-09-06, 15:36

اقتباس:

المشاركة الأصلية كتبت بواسطة prettylady

السلام عليكم جميعا اخواتي ومبروك افتتاح الكوزينة اختي سحابة راهي الحالة ناشطة ماشاء الله يعطيكم الصحة كامل الاخوات والله كل شي يشهي ربي يدومها نعم ان شاء الله
انا راني متبعتكم من وراء الكواليس هههه مارانيش نصور تعبت مع الحمل والاكثرية ننسى مي راهم عندي شوية فالأرشيف تاع الايام لي فاتو دوك نحطهم ان شاء الله

حللت أهلا و نزلت سهلا حنووونة

سحابة باردة · 2017-09-06, 15:39

ليزابال بعثتلك رسالة منعرف وصلاتك ولا لا

prettylady · 2017-09-06, 15:56

prettylady · 2017-09-06, 15:57

عندي طلب اخواتي خاصة القبايليات راني نحوس على وصفة ثامثونت نزيت اذا ممكن

prettylady · 2017-09-06, 15:58

شكرا على الترحيب اختي ليزابال ربي يخليك

حياة نور الدين · 2017-09-06, 18:03

السلام عليكن واش راكم

اليوم النهار راح في الشغل وفي ادي وجيب خخخخ ربي يوفق وليداتنا ودخول مدرسي موفق مبارك

رزيقة الزينة يا عيني واكديلي على عيني وتكون باردة عليك على اطايبك وسورتووووو كلامك العسل قوليلي وين تلقاي الكلمات ماشاء الله عليك وربي يفرحك وبصحتك الكسكس

ام فاطمة ربي يخليك يا التلمسيانية وللتذكير انا بليدية متزوجة في وهران ونتشرف بكل ولايات بلادي الحبيبة واطايبك روووووعة يعطيك الصحة وربي يدوم النعمة

البدرية اهلااا بك وبارك الله فيك حبيبتي على دعائك وكلامك

بيان دخول موفق وربي يعينك والتوال هايل بهالك الطابلة وكلشي من يديك تحففففة

سحابة حنونة بصحتك ويعطيك الصحة على الاطايب والميلفاي وكانه كليت ربي يحفظك يا كريمة

امنية الرولي هاايل يعطيك الصحة وبصحتكم وشكراااا لعطاءك حبيبتي

زخرفة بصحتك الرشتة. هااايلة حنونة

لاهنت يا دمع حلوياتك روووعة بصحتكم ويعطيك الصحة

ام يوسف بصحتك اللوبيا

اسومتي اسمحيلي نسيبتك حتونة لك وحششششششة في انتظار رجوعك

ليزا متقدريش تعرفي شحاااال فرحااانة بدخلتك ربي يدومها ولصحتك المحمر والمشمر خخخ حنونة

بريتي اهلاااا بك وارشيفك روووعة حنونة متحرميناش وربي يعطيك وقفة ساااهلى يا رب

بيسو بصحتكم الدوارة حنونة

نتمنى ما نسبيت حتى واحدة ووادا نسيت اسمحولي

حياة نور الدين · 2017-09-06, 18:15

بما انه اول يوم لدعاء دخولها المدرسة حنا في عاداتنا نديروا الخفاف فال تفضلوا شاركوني خياتي

وهدا عشايا البارح خفيف ظريف

سحابة باردة · 2017-09-06, 19:09

أمنية أدخلي خبريني الكيك باش نجربوا ذرك فيه الحليب ولا لا
حق رزيقة شكرا حبيبتي على صورة الرحاية ذرك نحوس عليها ونشري أختها

أمنية غفران · 2017-09-06, 19:26

السلام عليكم و رحمة الله تعالى و بركاته

نهاركم زين أخواتي معطر بورد الياسمين

سحوبة لالا الكيك هادا ما درتش فيه الحليب هاكي الرابط الي حطيت فيه الطريقة شوفي المشاركة رقم 164

https://www.djelfa.info/vb/showthread...2090644&page=5

حقا المول نتاعي شوية صغير علابيها جات الكيكة مبنبنة هههههههههههه

عشانا الليلة روز بمرق أحمر

صحا عشاويكم خياتي

في لمان

بيان 5 · 2017-09-06, 19:57

السلام عليكن حبيباتي يعطيكن الصحة على الأطايب شهيتوني
ليوم درت للغداء لوبيا وعيش بالخليع للعشاء حيوتة ربي يوفق بنتك الأميرة دعاء يارب وعجبتني عادة لخفاف بصحتها الأمورة

بيان 5 · 2017-09-06, 20:01

سحابة ام فاطنة زخرفة رزيقة ليزا قتلتوني بطيابكم لعابي راهوا يسي ابعثولي شوي ولا نبكي زقزوتي ربي يحفظك يا الزينة التعليم رغم انه صعب إلا انه ممتع

سحابة باردة · 2017-09-06, 20:36

أمنية شكرا على سرعة الرد حبيبتي راهو يطيب صايي الله يحفضك

بريتي مرحبا حبيبتي وربي يسهلك ويفرحك بأحلى بيبي وكلشي من يديك يشهي خصوصا ذاك التشاراك يقتل كيما تقول النورية أكيد عارفينها هه

حيوتي شكرا على السفنج يهبل ومبروك لدعاء الدخول المدرسي لاعقوبة لقاطو النجاح أن شاء الله وبصحتكم الشواء وربي يعينك على لافاي فيا للمدرسة

بيان والله غير بقات بلاستك فارغة اليوم ذرك كنت عانقولك أدخلي وقولينا كيفاش كان أول يوم في العمل والله يبارك على قسمك وهذوك التلاميذ الصغنونين ياعمري ربي يوفقهم أجيال الغد

ليزا بال الله غالب كلش روعة معرفتش وينا وصفة نقولك علابيها قست لابال عندك ههه

بيان 5 · 2017-09-06, 20:40

يعطيك الصحة سحوبة ليوم فات هايل ولولاد صغار مساكن علمناهم يديروا الصف وقيا وجلوس المهم مابكاوش وقعدوا عاقلين ربي يدومها