الجزء 171 من واش طيبتي اليوم�� كوزينة اللمة والمحبة والبساطة ����

[حياة نور الدين]

المشاركة الأصلية كتبت بواسطة um alaa

مساء الانوار صح فطوركم
شفت العسلاية دخلت اهلين واش حوالك حبيبتي
ام كامي شكرا على الوصفات
زقزوقة السباغيتي تهبل حيلي الوصفة
مريومة بصحتكم المقروننة
ام جوجو وام برهوم يا الشاطرات بصحتكم الرووز
ام هدووول المحجوبة ما خلاتش فيا سيغتو ادا حارة
حياتي كلها املو حيووتة بصحتكم الشريبة امم
زقزوقة واش درتي فيا بديك لاسالاد معليش دوك جارتي ام نور تبعتلي هههه ام نور قوليلي زيدي زاحميني في هادي
ضحكتيني ام سارة ام نور و الله غير لوكان نلقى كاش نبعتلك البيتزا غير نبعتلك هاديك المرة قعدت نحوس على البلوك ديالك مبانليش على الطريق نتي تحت البوشي ؟؟؟
حيووووتة تفضلي تطبيقي كروكات الوصفة ديالك في قمة البنة تسلمي حبيبتي و البينيي بلاك اليامات الجايين نطبق مزال عندي المادلان

ام الاء يعطيك الصحة على الثقة وبصحتكم حنونة راكم تسمعوا هههههه قاتلكم بنينة خخخ

المشاركة الأصلية كتبت بواسطة nanoua7

صباح الخير البنات واش راكم مهنيين و بصحتكم الغداء و يعطيكم الصحة على واش حطيتو كاملين صلاة النبي عليكم انا اليوم درت سوب كابويا تاع ميليسا كهينة حات تهبل بنينة ياسر غير هو انا درتلها الثوم و فرماج شاف في بلاصة كرام فراش و درتها خفيفة جات فنة والله ما فاقولها حتى كملوا وخبرتهم ههههه و حياة صحيتي على التحلية و على جواب تاع فاكهة

صباح النور حبيبتي وبصحتكم الحساء

المشاركة الأصلية كتبت بواسطة lyzzabel

صح فطووركم الشيراات و مأكوول الهنااا

الشاطرة فيكم تقولي شا راني ندير دروك و في نفس الوقت نكتب خخخ

ام جووجوو و ام عموودي بصحتكم الروز انا تاني نديره هاكا سييغتو كي ما يكونش عندي الوقت و يجي بنيييين مممم

ام ساارة ويي دازماان ما تلاقينااش كنتي غايبة على الكوزينة ،، ربي يخليك حنوونة و نتي كي راكي و كي راهم وليدااتك و زوجك سافى ؟؟ تسلميي على الحلقوووومة بيناتنا انا ما نبغيهااش نخلي حقي لزقزووقتي راهي قاعدة بالشر حنوونتي مسكيينة بصح دك نحطلها تفطر

زقزووقتي بصحتكم السباقيتي و البارح شفت المبسس تاع ام حساام سخفتيني و قوليلها يعطيك الصحة راكي شااطرة كيما ام يااسووو هههه ،، قارعي ما تروحييش بعييد حنووونة

ام ياسو سلااام الغاالية على قلبي و طاطااتي الحبيبة وصلني ما تامنييش شحال فرحت و سلمي عليها تاني هي بزااف بزااف حتى انا توحشششششتهااااا موووووواح منا و منا ليك و ليها ،، حقاا قبيلا كي كتبت على المراتون قلت في قلبي ام ياسو لوكان تشوف ردي تقولي الشح فيك تسنااهلي هههه و خرجت نيشان خخخخ

مريوومتي الفحلة بصحتكن المقارون مممممم يشهييييي قارعي مني رساالة يا الزيينة

ام هااجر بصحتكم الشوربة مممم فكرتيني كي كنت نتوحم هبلت عليها هههه و الغالياات ما قصرووش كانو كلما يطيبوها يحطوهالي يؤبشووونييي

ام هدوول بصحتكم المحاجب يمييييي يشهو تاع الصححححح

حيووتة وين راه فطورك جارتي الحبييبة و ام نسريين تاني غاايبة نتمنى المانع خيير

تووبتي وينك يا حلوة

نضن ما نسيت حتى وحدة ولي نسيتها حقها عليا و ليها موااااااح

ليزا اهلااا حنونة بصحته صفصوف ههههههه وفطوري طلعي راسك الفوق تشوفيه حنونة شهيتيني بالبركوكس مالا درت اخته في الرضاعة محمصة ههههههه

[lyzzabel]

زقزووقتي و ام نووووور تفضلو بسم الله

[انا هي رزيقة]

اختي ام الاء عيونك الحلوين يا احلى فحلة و شهيتيني و الله في الكروكات ربي يحفظلك دوك اليدين
ليزاتي العسل و الله كلامك جميل يطلع المورال للعلالي ربي يفرحك حنونة و لوكان تسمع اختي ام حسام بلي راهي شطورة كي ام ياسو و الله مورالها راح يثقب سقف الكوزينة ..... خخخخخ ربي يعيشك يا احلى ليزا
نعنوعة و ام الفضل صح فطوركم حبيباتي
ايه حقا ليزاتي علابالي واش راكي ديري ....مشي بالامارة انوسي راه معاك ...... خخخخخخ

[آسيا 27]

مسا الخير يا عسوووووووووولات
صحة غداااكم راكم دايريين حاالة بالمعجنات بصحتكم
غدانا اليوم سردين و شربة الفارمسيال و السلاطة نسيت ما صورتهمش
[IMG][/IMG]
[IMG][/IMG]
ااكوناكسيون هاذ اليامات هبلتنييييييييي

[انا هي رزيقة]

و الله اكلك افلام مصورة حبيبتي ليزا دون مبالغة و دون مجاملة ...يشهي يشهي يشهي تع الصح ربي يباركلك في الرزق و النعم حنونة و يعطيك على قد قلبك الطيب يا رب

[نوال عيسى]

السلام عليكم ورخمة الله وبركاته
سلامي الحار لصاحبة الكوزينة لي نشكرها ياااسر لانو هي اول وحدة رحبت بيا وشجعتني هي والاخت رزيقة زقزوقة فضلكم مش رح ننساه شكرا ليكم وربي يحفظكم .. شكرا للي دعاولي كامل ربي يحفظكم ويخليكم وربي يشفي كامل المرضى ..
حبيت نشارك بشي بسيط ومتواضع جدااتعبيرا على حبي للاخت حياة نتمنى تقبلي مني هذا الباروك المتواضع والمتاخر ..
بعض الحلويات عملتها لخالتي لما خرجت من المشفى ربي يشافيها ويشافي مرضى المسلمين .. وثاني تشهيت البقلاوة عملت وحدة على قدي وعلى حساب المكونات لي عندي في البيت وخرجت روعة لكن ما زال ما قسمتهاش صورتها مباشرة بعدما عسلتها .. والعجينة لي بقاتلي عملتها مثل نوع من انواع البقلاوة التركية .. وثاني حبيت نجرب الميلفاي بالعجينة السحرية وجا مليح والحمد لله ..
حلوياتي بلا ديكور لاني صورتهم بالزربة ههه يعني بعدما جهزتها مباشرة صورتها ..
ويعطيكم الصحة على اطباقكم كلكم ما شاء الله وكل وحدة فيكم تعلمت منها شي مهما نشكركم مش رح نوفيكم حقكم وشكر خاص للاخت زينب ربي يحفظها ويشفي اختها ويشفي ام جوجو يا رب وبنت ام كاميليا .. وام الاء ايضا ربي يشفيها وهي ايضا كانت من اللي رحبو بيا شكرا ليك .. واللي نسيتها تسمحلي ..

[حياة نور الدين]

ليزا يا لهوي الدجاجة متصدرة تشهي موووت بصحتكم وطيبتيها كما يحب الخاطر يعطيك الصحة

ام فضل اهلااا اختي واش راكي وشكرااا على كلامك وزيارتك

رزيقة بما انه شهاوك الكروكات يا الله طبقي ههههههههه راني نقاطع حقا حطيت التطبيقات

[lyzzabel]

حيووتة و زقزووقتي لقيتو غي نص الفزوووورة خخخ سي فغي انووسي راه معايا بصح مانيش نووووو حي شكون كيفي لوكان جيت ........ يرضع البيبغون مسكيين و الحمد لله ربي يحفظه و يخليهلي اللهم آمييين ،، راني معاه و قاعد يشوف فيا لوكان ننوض يبكي و يرمي السيساات هههه

حيووتة بصحتكم المحمصة و راهي باينة بنيينة بلا ما تقولي يعطيك الصحة

زقزووقتي مممممممم لا سالاد دو فخوي ندي مع ام نوور منا و هاكا غي ديري حسابي انا تاني نموت عليها تسلم ايديييك

ام الووءة ربي يخليك راني الحمد لله غايا بصحتكن كروكات البطاطا لا فوتو راهي باغية تنطق

ىسياا بصحتكن السردسسن قوليلي نتوما تاني راه عندكم السيروكو و الحال احمر ؟؟ التراب راه يطيح مالسما سبحان الله و انا زعما راني دايرة المشينة تغسل الكسوة نانوا و ام فضل بصحتكم نتوما تاني شا فطرتو حبيباتي

[انا هي رزيقة]

ام الوء يا عمري شحال فرحت كي عجباتك السباغيتي تاعي لانها اسهل منها مفيش ياخي تعرفيني خدامة منحب غير الساهل و الماهل بصح بنين و اكديلي هلى هذيك لبنين ..... خخخخخ
شوفي حنونة ديري حوالي 5 ال 6 سنات ثوم كبار مرابيين في مقلاة تيفال عميقة مع حوالي 5 ملاعق زيت زيتون و تخليهم يتقلالو غير قيس متشمي ريحة الثوم ثم ارمي عليهم 2 طماطم مبشورين مع ورقتين رند مع فلفل اكحل و ملح و رشة زعيترة و رشة كمون و رشة قرفة و رشة فلفل عكري و قليهم مليح و زيدي ملعقة كبيرة طماطم مصبرة و زيدي قلي ثم مرقي بحوالي كاسين ماء مغلي.. و من جهة اخرى تكوني وجدتي شوية كفتة متبلة بثوم مدقوق مع شوية معدنوس و ملح و فلفل اكحل و شكلي بولات صغيورين به تم تم يطيبو و ارميهم في الصوص حوالي 10 الى 15 تولي الصوص عاقدة وجميلة . ثم ارمي عليها السباغيتي يكون طايب ال دانتي و خليهم يعيشو مع بعضاهم حوالي 2 دقائق و شهية طيبة

[حياة نور الدين]

اسيا اهلااا حبيبتي وصورك فيلم حنونة بصحتكم السردين والشربة

نوال اهلااا اهلااا حبيبتي ووجودك وحدوا يشرفني حبيبتي وحلوياتك بسييطة وهايلة انا نموت عليها مع قهوة الصباح خاصة حلوى الطابع وربي يشفي مريضتكم حبيبتي ومتشرفة بوجودك

[آسيا 27]

الله يعطيكم الصحة على كل شي حطيتو و ربي يباركلكم في النعمة

[انا هي رزيقة]

خخخ ضحكتيني حياة و الله نحب نطبق الوقت برك لي ميكونش عندي و دي فوا برنامج الاكل عندي يكون محضر مسبقا و منحبش نغيرو بصح نوعدك رايحة نطبقها لعيونك
اختي نوال عيسي و الله نحشم كل متذكريني اختي لاني نحس روحي مدرت والو غير قلت حقيقة واضحة كوضوح الشمس و معليك غير توري حليواتك لاي واحد راح يقولك هذي خدمة فحلات مشاء الله لانو حتى بلا ديكور و لا ميكياج راهي الله ايبارك جميلة و تشهي كيما يحب الخاطر سورتو هذيك البقلاوة و الله تسخف دون مجاملة ....ربي يباركلك في النعم اختي و ماكنش علابالي بلي مرضتي يا عمري ربي يشافيك و يعافيك ان شاء الله انتي و جميع المرضى امين امين امين

[حياة نور الدين]

ليزا شوقتيني نعرف متقوليليش راكي تبدلي في .....،،،،،هههههههه ماعليش ربي يكبروا بصحيحته برك الرضاعة مليحة بصح اللي متقدرش الله غالب وشكراا على كلامك عويناتك الشابين

رزيقة نفس طريقتي تعى سباغيتي منديرش غير القرفة والكمون كاش نهار نجربها بهم حنونة

[انا هي رزيقة]

اهلين اسيا اسوس و الله ليك وحشة راكي تغيبي بزاف حنونة بصح سماح كي جبتي معاك هذاك السردين الجميل بصحتكم حبيبتي

[آسيا 27]

نوااال حلوياتك 4444444 تبارك الله عليك سوغتو الطورنو
ليزااا مسا الخير عندي شحال ما تلاقيتكش كيراكي و كيراه البيبي انس يااااااه قلتك نموت على هاذ الاسم بصح وحدة في العايلة ما بغات تولد و تسميه كل وحدة تقول نسمي على بااابا و لا جدي وااااااع على عقلية قديمة
نسيت روحي خخخخخخخخخ و على الحال حتى حنا عندنا الرييييح و حامي نااار و الغبرة طايرة في السما امي ما خلات لاباب و لا تاقة مفتوحة علا جال الغبرة ههههههه زعما هاكا ما تدخلش ههههههه
حياااتو الله يسلمك و مواااااح ليك و على الصور الله يكثر خير روتريكا خخخخخخخخخخخ
زيكا يا عيوني راكي بخير توحشك بزااااف و خليلي طبسي من ذال السباقيتي المصوصي اللي درتيه
عجبتني هاذي الكلمة و دخلتها قاموسي خخخخخخخخخخخ