الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 45

nanoua7 · 2016-10-08, 22:20

سلام عليكم البنات واش الحالة بخير وبصحتكم العشاء و ياخي سالامات أنا من ردود عرفت بلي كاينة زلزلة ان شاءالله تكونوا كلكم بخي واللي راح ترقد ضرك تصبحي على خير حنونة

ام هدول · 2016-10-08, 22:20

تصبحي بخير امينة بنتي مكان حتى مشكل الايات الاولى حافضتهم ماعلياش

ام هدول · 2016-10-08, 22:23

وين رايحة نانوة ولا نعنوعة .....المهم تلقاي الخير ان شالله

nanoua7 · 2016-10-08, 22:27

اقتباس:

المشاركة الأصلية كتبت بواسطة ام هدول

وين رايحة نانوة ولا نعنوعة .....المهم تلقاي الخير ان شالله

ما عندي وين رايحة عييت ندور بصح يظهرلي الغاشي كامل راه رقد أنا برك كي زقوقا قاعدة

ام هدول · 2016-10-08, 22:32

ههههههههههههههه نانوة ماعليش حبيبتي الكل عيان من مشاغل الدنيا ومشاغل الدرا ..ربي يهنينا ..المهم حتى انا نقولك تصبحي بخير ....نقرة شوية في سورة البقرة كاش مانتفكر
سلالالالالالالالالالالالام

حياة نور الدين · 2016-10-08, 22:34

هدا عشايا لنهار اليوم تفضلوا سردين محشي بالبطاطا ومقرون وسلطة

حياة نور الدين · 2016-10-08, 22:37

تفضلوا زوروني رابط موضوع رزمة السردين معمرة بالبطاطا

https://www.djelfa.info/vb/showthread...post3996171835

حياة نور الدين · 2016-10-08, 22:39

امينة اهلاا حنونة ان شاء الله تكوني ارتحتي

نانوا اختي انا والبنات الحمد الله والوحم كل نهار كيفاش نهار ننساه ونهار يخلفها مني راني داخلة 5 ومازال مخطانيش ربي يقدرني

ام هدول اهلااا اختي وبصحتك الخرجة

كوثر التائبة · 2016-10-08, 22:48

دخلت على عشاء حياة روعة يعطيك الصحة طابلتك راهي تشهي ممكن وصفة المقربون حبيبتي
ام ريمة عيد ميلاد سعيد كل عام وانتي احلى ام في عين وقلب اولادك يارب
ام سدراة بصحتك القرتان والخبز

nanoua7 · 2016-10-08, 22:51

[quote=ام هدول;996171]ههههههههههههههه نانوة ماعليش حبيبتي الكل عيان من مشاغل الدنيا ومشاغل الدرا ..ربي يهنينا ..المهم حتى انا نقولك تصبحي بخير ....نقرة شوية في سورة البقرة كاش مانتفكر
سلالالالالالالالالالالالام
[/qu ايه عندك الحق حتى أنا هادا وين لقيت الوقت باه نخطف طلة على الكوزينة وربي يسهلك ان شاءالله الحفظ أمينة راها معولة عليك تعرضك غدوة هههه بصح نقولك درتي مليحة ما كانش خير من كلام ربي جربي الصباح بعد الفجر تحفظي تم تم تدخل الراس بصح يلزملك التكرار لأن القرآن سهل الحفظ سريع النسيان ههههه جرنال كتبتولك تهالاي فروحك وتصبحي على خير

nanoua7 · 2016-10-08, 22:54

اقتباس:

المشاركة الأصلية كتبت بواسطة حياة نور الدين

هدا عشايا لنهار اليوم تفضلوا سردين محشي بالبطاطا ومقرون وسلطة

بصحتكم و دائما عامر ان شاءالله

حياة نور الدين · 2016-10-08, 22:57

اهلااا كوثر الله يسلمك حنونة وعينيك الشابين

غلي المقرون ومتخليهش يطيب بزااااف ونصفوه

من جهة اخرى في نقلة ندير زيت وثوم رابي وملح وفلفل اسود وفلفل احمر حلو وحار وطماطم مصبرة وورقة رند ونقلي نضيف فنجان ماء ونخلي الصوص تغلي باش طيب الثوم بعد ما تنشف شوية نزيد ملعقة سكر للحموضة ونخليها تغلي ونرمي المقرون نخلوه 5 دقائق مع التحريك بالعقل ونطفي النار

حياة نور الدين · 2016-10-08, 22:58

امين نانوا حبيبتي ومكانش وعندك الحق في كلامك مكاش كما كلام ربي
الله يهدينا

كوثر التائبة · 2016-10-08, 23:01

عشايا تطبيقي لخبز الأخت بيبا يعطيك الصحة خفيف قطن انا برك رمدتو في السميد عجوزتي متكلش الخبز المطلي بالبيض وزداتلها معها لبيري متكلش بطاطا مقلية مريضة مسكينه
وحنا تعشينا كوكا وفريت

كوثر التائبة · 2016-10-08, 23:04

حياة مشكورة على الوصفة ختي