موضوع مميز لجزء 100 من واش طيبتي ليوم؟+احتفالية تكريم..بسم الله ماشاء الله - الصفحة 45

ناهدوران · 2014-11-30, 14:03

دائمة الحمد حساء الجزر درتيه و حدو و لا معاه الخضر جامى كليتو

أم محمد تاج · 2014-11-30, 14:05

ام سهامووو الله يشفي بنتك ويعافيها حتى انا بايتة مع محمد مسكين في حالة الله يشفيهم ويعافيهم
حبيباتي رووووووعة واش حطيتووووو تسلم الايادي

nihale89 · 2014-11-30, 14:11

اقتباس:

المشاركة الأصلية كتبت بواسطة روضة 88

نهااااااااااااااال بصحتك البربوشة بصح ناقصها حمص ولا راني غالطة عند اهل زوجي مستحيييييييييييييييييييييييييييييييييييييييييييل يدير الزرودية في البربوشة ولا اي حاجة عجين.

يسلمك ايييييييه عند الحق جيت نجبد لقيتو خلص
والزرودية انا نديرها في كلششش على جال محمد يحبها وزيد فيها الفايدة

دائمة الحمد · 2014-11-30, 14:11

ام سهام ربي يشفيلك بنيتك ووليد ام تاج
حساء الجزر نعمل معاه كعبة وحدة بطاطا باش تخثرو وعرف كرافس ونزيدلو الفرماج كي نرحية يجي روعة ولادي ما يشبعوش منو

Aya69 · 2014-11-30, 14:21

السلام عليكم يعطيكم الصحة كامل بدون ذكر الاسماء باه وحدة متزعف
لبنات لاولادهم يمتحنوا ربي ينجحهم ويفر حكم بيهم يارب
ولولادهم مرضى ربي يشفيهم ويلبسهم ثوب الصحة يارب
دائمة الحمد حمد لله كي رجعتينا وسايسي روحك حبيبتي وربي يعاونك ويعينك ويعطيك الصحة والقوة باه تقومي بعايلتك يارب
الهام الف مبرووك لقب الخالة لعقوبة للقب الام يارب ولكامل لبنات يرزقكم أزواج صالحين يارب
من فضلك الهام كيفاه درتي رجيم لقيمات ساعديني الله يحفظك ويعطيك ما تتمناي حاولت ندير رجيم بصح مقدرتش جاني قاسي
وقوليلي أعشاب ليتتباع عند صيدلية مليحة ولا لا

ام سراج وملاك · 2014-11-30, 14:25

يعطيكم الصحة كامل وصح غداكم وربي يوفقك اولادكم في الامتحنات
ام تاج وام سهام ربي يشفي اولادكم ام تاج انا ولادي كي تشدهم السعلة نديرلهم شوي سكر ارطب مع زيت زيتون باش يقدرو يشربوه تساعدهم ويباتو لاباس

طالبة الجامعة · 2014-11-30, 14:25

اقتباس:

المشاركة الأصلية كتبت بواسطة mirou97

امي الحبيبة الف مبروك ليك ولكل صديقاتك ومبروك الجزء 100 لام كوثر وام طيري الجنة
هذا باروكي هزيتو من عندك راني عقاب القراية ماكان حتى وقت ادعولي بالنجاح في الباك انا وابناءكم

ربي يوفقك ان شاء الله

أم ريمة* · 2014-11-30, 14:26

مساء الخير بنات دخلت لقيت تكريم ام كوثر فرحتينا ربى يفرحك ويعطيك ما تتمناى امين
ومبروك كوزينة ام نسرين ومادامك دائما مبتسمة وفرحانة باروكك هو عيد ميلاد حفيدى شوفو واش خدمتلو تارت سبيدرمان

وصابلى بنوادكاجو

وعصير ارونجينا لام اسلام واية روعة

الصابرة المحتسبه‎ ‎ · 2014-11-30, 14:30

السلام عليكم ورحمة الله تعالى وبركاته

ام سراج وملاك · 2014-11-30, 14:31

ام ريمة كل عام وحفيدك بالف خير ربي يهنيه
حقا ام ريهام لكلروكي مزينتوش خطراه تقلقت منو كي شفتو مبطبط وسمين الذوق بينين وطري
ام ماجد مكثرتلوش الفرينة بلاكش محليتوش رقيق ولخميرة درت 2 باكيات ماشي بزاف

ام سراج وملاك · 2014-11-30, 14:32

اقتباس:

المشاركة الأصلية كتبت بواسطة houya

السلام عليكم ورحمة الله تعالى وبركاته

وعليكم السلام ورحمة الله تعالى وبركاته

SAMAH SAMAH · 2014-11-30, 14:36

الف مبروك افتتاح الكوزينة مبروك للاخوات التكريم طيابكم ماشاء الله
ممكن وصفة بغرير للاخت louji
والمطلوع للاخت ام نهولة
شكرا

OUM TAKIEDDINE · 2014-11-30, 14:36

مساء الخير الف مبروك العتبة الجديدة
صح غداكم يا حراير راكم شهيتونا
جاوبوني تعيشو الكريب التركي نخليه 15د يرتاح فقط او نخليه حتى يخمر ويعطيكم الصحة

طالبة الجامعة · 2014-11-30, 14:38

اقتباس:

المشاركة الأصلية كتبت بواسطة أم هبوبة

مبروك افتاح الكوزينة الجديدة و ان شاءالله للعدد 1000 ان شاء الله تكون عامر ة بالخير و تعمرنا ديارنا بيه
ام كوثر شكرا جزيلا و الله فرحتينا
الاخوات الكريمات راني نشوف هدي الايام راه فيه شوية زعاف و حاسسية موجودة الله يخليكم نحوا هدا الشيئ من قلوبكم و خالونا كيما تعاودنا نتعلموا و نضحكوا و نتشارك الافراح و الاحزان. مشاركتنافي هدا القسم ما شي باش نستنوا المدح و انت علقتي على طيابي و انت لا رانا هنا باش نتعلموا من بعضنا البعض و نتبادل الاراء و الافكار و الله احيانا الواحد يكون مغموم و مين يدخل لهدا القسم و يبدى يتشارك مع الاخوات ينسى و يفاجي على روحه فلننسى الزعل و الى الفرح
هدا بركوكس دارته للفطور و المسمن للقهوة

و هدوا من الارشيف

ممكن تمديلي رابط الوصفة االاخيرة

طالبة الجامعة · 2014-11-30, 14:41

اليوم فطورنا كان بانيني بالفرماج يهبل والوصفة اللي درتها كانت فرنسية ما يعجبونيش تاع العرب