موضوع مميز وصفات من حراير مطبخ وش طيبتي اليوم - الصفحة 45

lyzzabel · 2014-02-17, 00:37

طريقة القلاساج بالشكولا البيضا للمتالقة ladymillion

والله يا اختي انا الشوكولا البيضا كي نديرها كلاصاج لقاطو معين مانزيدلها والو ونستعمل شوكولا البيضا لي على شكل دوائر قد القريصات هههههه تتباع بالميزان هاذيك هي النوعية الجييييييييدة وبنيييييييينة بزاف جربيها وإذا تحبي ديريها موس زيديلها كرام ليكيد او نيسلي + الشانتيي

lyzzabel · 2014-02-17, 08:13

نصائح ريهام عن قلاساج صابلي البرتقال

أختي عطر الأزهار بصحتك الصابلي تاع الفنانة الرائعة فايزة شفتي شحال بنين
بالنسبة للغلاصاج صح أختنا فايزة راح حطت المكونات بدون مقادير خطارش سهل و هايلللللللللللللللللل
أولا أعصري شوية برتقال(حسب كمية الصابلي ألي درتي و في الأغلب مايطلبش كمية كبيرة ) ثم صفيه بالمصفاة
غربلي السكر غلاس(قد ما غربلتي السكر الغلاصاج ايجيك أفضل حوالي 3 مرات)
حطي السكر في اناء واسع و ضفي بالملعقة عصير البرتقال خطرش السكر غلاس بالخف يذوب و استمري في الخلط كما نديرو الغلاصاج تاع الدونتس(البيني الأمريكية) اذن السكر اكون ثقيل و تبدي تطلقي فيه بعصير البرتقال و زيدي الملون البرتقالي من الأحسن الملون ذوبيه في كأس مع شوية عصير البرتقال لتفادي الحبيبات في الغلاصاج و حركي
استعملي يدك في الخلط أحسننننننننننننننننن
الغلاصاج مايجيكش ثقيل أخف من نتاع لمخبز أنتي جربي حبة و تحكمي في التماسك تاع الغلاصاج كما قالت الأخت فايزة لأنو الصابلي هششششششششششش
ما تغطسيش حبات الصابلي في الغلاصاج بل ستفي الحبات فوق الشبكة و بالملعقة فرغي الغلاصاج و ألي ينزل استعمليه مرة ثانية كما نصحت الفنانة فايزة
راني جربتو و الله روععععععععععععة فقط مادرتش بزاف الملون البرتقال في الغلاصاج باش ما يغطيش البرتقالات الصغار ألي زينت بيهم كما في الصور أختي

lamia zina · 2014-02-17, 11:54

طريقة ام مجمد تاج في التليلي

فطيمة لحبيبة ونخلة الغالية هاي ليكم طريقتي في التليتلي
مرقو حبيباتي مرقة حمراء ولا بيضا في زوج يصلحو بالجاج ولا باللحم لحمر لكن الاختير وخثروها وخليو منها تقريبا زوج كيسان لزوم نجمرو التليتلي تاعنا ونكونو طيبنا الحمص ونحمرو اللحم تاعنا مع البطاطا مقطعة دوائر ولا براجات لزوم التزييين والبيض نغليه كي نفورو التليتلي
وضرك تفوار التليتلي حبيباتي كي نجي ندير تليتلي ابيض نحي ثلث اشكارة تاع التليتلي ونحمرها في المقلة معها شوي زبدة حتان يحما رالتليتلي ونردو على باقي التليتلي الابيض ونزيت مرة وحده ونحطو يفور كي يفور نبخو بالماء ونخليه يتشرب مليح ونزيد نزيتو ونفورو ونزيد نبخو ونزيتو وهكذا حتان نوصل لتقريبا اربع تفويرات وحبيباتي كاين تليتلي يفور بسهولة وكاين اي يطول يعني التفويرةةالاخيرة ذوقو اذاةطرا خلالالالاص ملحوه وردوه يزيد يفور الفويرة تاع الملح
من جهة صفيو المرقة تاعكم وحطو فيهاةالليتلي يتجمر وخلطو باش مايلصقش وكي تبقى لاصوص فيه غير شوي طفيو ولوحو مورصو زبدة وخليوه يكمل التجمار مممممممممم
كي تجيو تسربيو حطو التليتلي في الصحن ورابيو البيض وحطو لحميصة والبطاطا محمرة واللحم محمر كيما حاطة في الصورة ولا كل وحدة ولمستها في التزييين
حبيباتي كتش سؤال راني هنا نحبكم ياغاليات والعيب مايش في لي ماتعرفش العيب فلي تعرف وتبخل مع حبي
وشوربة لسان العصفور ماناش مشهورين بيها ناس الشرق وماعندناش عجائن ختصة بلسان العصفور وكي نحب نوع ندير الشوربة بالتليتلي وتخرج رووووووعة

2014-02-17, 15:35

الخرشف على طريقة توتة

طريقتي في تحضير الخرشف
نحيله الخيوط الموجودة فيه وقطعيه قطع متساوية ثم غليه في الماء وقليل من الملح حتى تخرج منه المادة المرة فيه
حضري مرق
قلي بصل مرحي في شوية زيت مليح ضفي مغ ص طماطم معجون وحبة طماطم ملح زعفران وقلي شوية مع فنجان ماء ضفي الحمص وسقي ثم الحرور وضفي الخرشف بعد ما تقطريه وتحشيه لحم مرحي متبل تحكمي كل زوج بالكيردو باه ميحلوش او خيط وغلقي الكوكوط حتى يطيب الحمص والخرشف وتختار المرق

نخله. · 2014-02-17, 17:05

جزر على طريقة ام يسرا

الجزر غليه ولا فوريه ملييييييييييييح
من بعد حطيه في مقلاة يتقلى مع الثوم مرحي في الزيت و الملح والفلفل الاسود والكمون والكروية والهريسة والا بغيتيها حارة زيديلها الفافل الاحمر الحار
كي يتقلاو زيديلهم شوووووووووي ماء باش متجيش ناشفة خليهم غير شوي فوق النار قيل ما تطفي زيدي الخل غير يهز الغلوة وطفي زينيه بالدبشة والزيتون

نخله. · 2014-02-17, 18:04

غراتان الكرم .او الكرنب...................لـ ام مصعبOm moussaab

فوري الكرنب تاعك ورق كامل من جهة اخرى حطي شوية روز يغلي كي يطيب الكرنب نحيلو هذاك الخشين ونرصوه في مول نقلي الكفتة نضيفلها ملح فلفل اكحل ثوم وحبة طماطم مرحية نصفي الارز نحطو يتقلى مع اللحم المرحى نضيف كمية من المعدنوس وجبن طري نحرك المكونات حتى تتجانس نضع الحشوة فوق الكرنب ونغطيها بباقي الاوراق نذوب حبة جمبو دجاج في في زوج كيسان ماء نغليها حتى تولي قيس كاس نكب هذيك المرقة فوق الكرنب نتاعنا وندخلو للفرن حت تبقى فيها شوية تاع صوص نكسرو اربع بيضات مع اربع ملاعق كرام فراش وكمية من جبن غرويير مبشور نخفقهم مليح ونصبوهم فوق الكرنب ونعاود ندخلوه يطيب البيض وشهية طيبة

lyzzabel · 2014-02-17, 18:37

دجاج محمر فالكوكوت lyzzabel
هنا راني دايرة معاه لوبيا سوتي

درت فالكوكوت شوية زيت و رابيت حبة بصل متوسطة و قليت منبعد رميت عليه الدجاج و زدت قليت زدت ملح فلفل اسود و عود قرفة و قليت طبعا النار تكون هادية شوية و مرقت قد ما يتغطى اللحم و غلقت وخليتها يطيب على نار متوسطة حتى تولي لاصوص تقريبا ناشفة باش يتحمر فيها الدجاج بلا ماا تنسي تقلبيه بلطف يتحمر من الجهتين و لازم تعسيه باش ما يلصقش و ينحرق و خلااااااص

awladi · 2014-02-17, 20:52

aphrodite العسلالله يسلمك حبيبتي مرسييي حشمتيييني
و العسل شوفي اسهل منو مافيش ههه
على النار حطي 5 كيسان سكر و كاس ما و شقفة قارص خليهم حتى ياخدو اللون اللي تحبييه انا نحب نصفرو باش يجي كيما تاع برا ما تخليهمش بزاف باش ما يتحرقش طفي على النار و نحي الشقفة تاع القارص و زيدي كاس ما و خلطي و خلاااااص راح يكون عندك عسل تقيل كيما اللي يتباع برا

awladi · 2014-02-17, 20:57

aphrodite16
اتفضلوا حبيباتي وصفة الشهدة
نسحقو : 500 غ فرينة مغرف كبيرة خميرة تاع الخبز مغرف صغيرة خميرة تاع الحلوة 2 مغارف كبار سكر شوية ملح نصف علبة ياغورت دانون و ربع علبة زيت ( نستعملو علبة الياغورت)

نلمو قاع النواشف مع بعض و نزيدو الياغورت و الزيتا و نتاكدو بلي دخلو مليح فالفرينة اومباعد نزيدو ما دافي مع الاول العجينة تجي تلصق اعجنيها مليح حتى تولي عندك عجينة ملسااء
خليها تخمر حتى يتضاعف الحجم تاعها

و نجو للتشكيل تحبي تديري الشكل التقليدي اللي هو كويرات و ترضيهم قدام بعض
والا كيما اللي درتها انا
تطلقي العجينة تاعك و تقطيعها الى مربعات قد بعد
تحكمي مربع و تحطي فيه شوكولا و تغلقيها كيما البرية مي تجي طالعة لفوق يعني تلمي قاع الجوانب لفوق و تغلقيها مليييح باش ما تتحلش
رصيهم كامل في سنيوة مدهونة و مرشوشة بالفرينة و زيدي خليهم يخمرو و طيبيهم عادي
كي تخرج من االفور سقيها بعسل مخفف يعني ماشي تقيل بزاااف و بصحتكممم

فايزة44 · 2014-02-18, 16:09

مقروط الكوشة للغالية ريهام 16

أختي فاطمة ع هايليك وصفة مقروط الكوشة
راه كاين عدة أنواع لكن ألي في الصورة مقاديرو كالتالي
المكونات
العجينة

كيلو سميد متوسط تاع مقروط (أقسمي الكيلو الى 2 كيلات)
كيلة فرينة
كيلة سمن ذايبة و باردة و فايضة بالزيت(تزيدي بعض الملاعق أكل حوالي 2)
ملعقة قهوة ممسوحة تاع خميرة الحلوة
رشة من خميرة الخبز الفورية(اختيارية و تقدري ما ديريهاش)
ربع ملعقة قهوة ملح
ملعقة كبيرة سكر عادي خلطيها مع كيلة خليط من ماء+ماء الزهر
لافاني

الحشوة

عجينة التمر مفورة و منقية

شوية جلجلان محمص و مرحي

كمية من ماء الزهر

شوية من السمن (أيضا زبدة ولا زيت)

قرفة و قرنفل حسب الرغبة

للتزيين

عسل ثقيلة و معطرة بماء الزهر

جلجلان محمص

التحضير

العجينة

في وعاء كبير ديري السميد + الفرينة المغربلين و رشة ملح + لافاني + خميرة الحلوة و خلطي

ضيفي كيلة ليدام و امزجي مليح
و في الأخير زيدي خليط الماء+ماء الزهر+السكر و لملي مليح بالأصابع فقط و بلا ما تعجني
السميد لازم اكون من النوعية الجيدة باش يتشربلك كمية السائل ألي هي 1كيلة و اذا كان نص نص ما تكتريش السائل
المهم راكي تحسي كتخدمي بيه
غطي العجينة و خليها ترتاح على الأقل 3 ساعات (أنا و أعوذ بالله من كلمة أنا درتها على 7 تاع صبح و خدمتها على 11 قبل ما نفطر)
هاهو كفاش كان كي حضرتو

إضغط هنا لرؤية الصورة بحجمها الطبيعي.

و كيفاش والا كرتاح ههههههههههههه

إضغط هنا لرؤية الصورة بحجمها الطبيعي.

حضري الحشوة نتاعك و خلطي المكونات

إضغط هنا لرؤية الصورة بحجمها الطبيعي.

سخني الفرن على درجة حرارة متوسطة 180°

التشكيل

ديري الشكل ألي حبيتي و لكي الاختيار

مثلا

حلي شوية من العجينة و استعملي كيس من البلاستيك للتسهيل

و بالمقابل حلي شوية من الحشوة دائما تستعيني بكيس من البلاستيك

إضغط هنا لرؤية الصورة بحجمها الطبيعي.

و ديري الحشوة فوق العجينة و عاودي حلي مرة واحدة بالحلال باش الطبقتين يحكمو في بعضهم

إضغط هنا لرؤية الصورة بحجمها الطبيعي.

رولي العجينة

إضغط هنا لرؤية الصورة بحجمها الطبيعي.

و غلقي مليح

إضغط هنا لرؤية الصورة بحجمها الطبيعي.

اذا حبيتي مقروطات صغار ديري حربوش رقيق و الا حبات كبار ديري حربوش خشين

إضغط هنا لرؤية الصورة بحجمها الطبيعي.

قطعي المقروط

إضغط هنا لرؤية الصورة بحجمها الطبيعي.

هنا نقشتو بالنقاش و ديما نستعمل النقاش لكبير في المقروط

إضغط هنا لرؤية الصورة بحجمها الطبيعي.

حطي الحبات في صحن الفرن

الشكل الثاني ديري حربوش كالعادة من العجينة و حشيه بحربوش من عحينة التمر لفي مليح ثم قطعي الحربوش مقروطات تحبي تنقشيهم هكذا و لا خططي بالسكين فوق سطح الحربوش و منبعد باش تقطعي كما توضح الصور

إضغط هنا لرؤية الصورة بحجمها الطبيعي.

حطيهم في صحن الفرن ديري شوية فراغ خاطرش رايحة الحبات تزيد في حجمها بمفعول الخميرة

إضغط هنا لرؤية الصورة بحجمها الطبيعي.

دخلي الحلوة في الفرن و طيبها من التحت و حمريها من الفوق في الأخير

و كي تخرجيها غطسيها في لعسل ألي تكون دافية

إضغط هنا لرؤية الصورة بحجمها الطبيعي.

و خليها تقطر في كسكاس و رشيها بعد التعسيلة الثانية بالجلجلان المحمص و لكي الاختيار أختي

إضغط هنا لرؤية الصورة بحجمها الطبيعي.

نتمنى تكون الوصفة مشروحة بالقدر الكافي

اللهم اني أسألك علما نافعا و عملا متقيلا مع سلامي لأخواتي

*عاشقة الجنة* · 2014-02-18, 17:33

Om moussaab

كبــــــــــدة مشرملـــــــــــــة

قطعت الكبدة مكعبات قليتها وحدها في شوية زيت زدت عليها ثوم ورقة رند ملح فلفل اسود شوية كمون حبة طماطم مرابية ملعقة طماطم مصبرة وملعقة هريسة تقلاو شوية ضفتلها كاس تاع ماء وخليتها تجمر في الاخير رشة دبشة

*عاشقة الجنة* · 2014-02-18, 17:36

نخله.

جــــزر مشرمل

تفوري الجزر( انا طيبتو في مرق دجاج عدي)

و ترابي 2 طماطم و 2 ثوم في شويه زيت يتشوحو مليح مغرف صغيره هريسه او طماطم معلبه

حطيت معاهم المونشتو +2 مغارف كبار خل احمر

كي تحسي المونشتو طاب تزيدي الجزر والكرويه تخليهم شوي يحكمو البنه

اذا حبيتي تفوري المونشتو من قبل انا نحبو اخضر حاكم روحو

وللسبع زدتلو شوي حمص وشوي مرق ما يحببوش ناشف

يعني كيما تحبي تتفني الاساس فالشرموله انك ماطيبيش بالما ديري الخل والكرويه والثوم

و باش ما تحرقلكش استعملي انيه تقيله ولا كوكوت الا ما عدكش

انا نستعمل هاذي طنجره تع تيفال

*عاشقة الجنة* · 2014-02-18, 17:52

aphrodite16

قطــــــــــــايف

راهم ساااهليين
جيبي القطايف تاعك و حليهم ملييح بيديك باش ما يقعدوش هدوك الكتل
ديري شرييط و حطي الحشوة تاعك مخلطة بالما زهر و سكر و قرفة انا نزيد حلوة الترك تعطيلهم بنة هايلة و لويي الشرييط ملييح على الحشو مالازمش يبان و حطوهم في لي مول تاعهم عبزي عليهم ملييح باش يجو متساويين اومباعد دوبي السمن و ديريه فوقهم ( مغرف والا زوج كبار) و طيبيهم كي يخرجو سقيهم بالعشل مخفف بالما زهر

اما ادا حبيتي تديري االمودال لوخر على بابيي ايمينيوم ستفي القطايف تاعك و رشيهم ملييح بالسمن دايب و حطي الحشو و رولييه ملييح بالبابيي اليمينيوم و اغلقيه على الاطراف باش يجي مزير و يجيك الشكل شباااب

*عاشقة الجنة* · 2014-02-18, 18:16

ladymillion

طاجيــــن الزيتون

تحتاجي
حبة بصلة متوسطة
5 فصوص ثوم المرقة البيضة تحب الثوم
ربطة معدنوس صغيرة مغسولة وأربطيها بخيط
م ص ونصف ملح
م ص فلفل أسود
نصف م ص كسبر المرقة البيضا ماديريلهاش الكسبر بزاف
حبة بطاطا صغييييرة
حبة خردل صغيرررة
رشة جوزة الطيب
صدر دجاج أو أفخاض انا درتها بالصدر

قشري الخضر واغسليهم وقطعيهم قطع صغيرة شوي قليهم في شوي من الزيت او المارغارين خليهم يتقلاو مع الدجاج مليييح وضيفيلهم التوابل لي قتلك عليهم كامل وحركي خليهم يزيدوا يتقلاو على نار متوسطة ،،، ثم أمرقيهم بماء سخون حتى تتغطى المكونات ماتكتريش الماء وكي يغليو أغلقي الكوكوط

كي يطيبوا نحي الدجاج والمعدنوس من الكوكوط حطيه بجهة

جيبي حوالي 2 مثلثات فروماج عادي او نتاع الميزان حطيه في المرق وأرحي الخضر راح يرجعلك المرق بنيييييييييين وأبيض واذا عندك كرام فراش تكون متماسكة ديريها في بلاصة الفروماج

صفي المرق نتاعك بالمصفاة باش مايكونش فيه عظم او بقايا التوابل ورديه في الكوكوط وحطي الزيتون وكويرات اللحم والزرودية يطيبوا

صدر الدجاج فتتوا ودرتلو شو من ( الملح ، فلفل اسود ، موطارد ، كمون ) وحمتوا في شوي مارغارين من بعد حطيه من فوق

awladi · 2014-02-18, 21:22

هاهي وصفة الصابلي بالليمون و المورانغ للمبدعةryhem16

و الله كنت نخمم نبدل حلوة الصابلي بالمورانغ من نهار ألي خرجت أول مرة في بجاية
عزيزتي فايزة خسارة الصور راهي قديمة عندي حوالي 4 سنوات من ألي أخذتهم خاطرش عملت أشكال أفضل لكن للأسف ما صورتهمش المهم تلحقلك الفكرة يا أحلى فنانة

المقادير

500 غ مارغارين

4 صفار بيض + 1 بيض

1 كأس تاي من مايزينة(النشاء)
2 ملاعق أكل من الزيت

قشور القارس
لافاني
رشة ملح

1 باكي خميرة نوارة

200 غ سكر غلاص

الفرينة حسب الحاجة

المورانغ

8 بياض بيض
رشة ملح
800 غ سكر عادي

التزيين
كريمة القارس كاين نوعين و لكي الاختيار كما تقدري أديري سوبر كريم ذوق الليمون
ألي في الصورة كريمة القارس بالنشاء بصح ألي تعجبي ألي و نعتمدها ألي أطيب في حمام مائي

مقاديرها

3 بيض

120 غ سكر عادي

60 غ مارغارين

80 غ عصير القارس مصفي

1 ملعقة أكل قشور القارس

التحضير

العجينة
في اناء خلطي المارغارين + لافاني+قرصة ملح + السكر غلاص جيدا
زيدي الزيت+ البيض + قشور القارس ثم المايزينة
و في الأخير حطي الخميرة و لمي بالفرينة حتى تتحصلي على عجينة خليها ترتاح

في نفس الوقت حضري المورانغ

حطي كسرونة واسعة فيها ماء و خليها تغلي

في اناء أخر ضربي بياض البيض + رشة ملح جيدا و بداي تزيدي في السكر بالتدريج حتى تكملي كيل تاع السكر

ديري الاناء في حمام مائي و واصلي الضرب الباتور حوالي 5 دقائق حتى تلمسي البيض و تلقايه كالمرهم و يلمع هنا تتأكدي بليك السكر ذاب كامل خرجي الاناء من الحمام المائي و واصلي الخفق حتى يبرد البيض و حطي المورانغ في لابوش أدوي

أحكمي لعجينة نتاعك حليها و اطبعيها كما تحبي

إضغط هنا لرؤية الصورة بحجمها الطبيعي.

حطي العجينة في صحن الفرن و شكلي بالمورانغ فوق كل قطعة

إضغط هنا لرؤية الصورة بحجمها الطبيعي.

دخلي الحلوة للفرن ألي يكون مسخن مسبقا على درجة حرارة 160 ° باش احافظ الصابلي على لونو

كي يطيب خليه يبرد و تقدري ترشي من الفوق بالسكر غلاض

حضري كريمة الليمون

التحضير

في اناء خلطي بالمضرب اليدوي البيض + سكر + عصير القارس مليح
حطي الخليط في حمام مائي (الماء ألي طيبتي فيه المورانغ) و واصلي الخفق بالفوي(المضرب اليدوي) حتي يثقال

نحيه من الحمام المائي و واصلي الخفق مع اضافة المارغارين مع قشور القارس و خليه يبرد
ضعي الكريمة وسط الحلوى

إضغط هنا لرؤية الصورة بحجمها الطبيعي.

نتمنى الفكرة وصلاتك حبيبتي فايزة