|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
دورة " ربات بيوت واثقااااااات"
 |
|
|
أدوات الموضوع | انواع عرض الموضوع |
|
|
2017-10-03, 11:42
|
رقم المشاركة : 1 | ||||
|
ام شمسو حبيت نقترح عليك وعلى الفراشات انو بما انو بداية الشهر مع بداية الخريف كون نبدا التنضيفات الخريفية اي مثل موالفين نبدا بالمدخل وهكذا
|
||||
|
|
2017-10-04, 13:51
|
رقم المشاركة : 2 | ||||
|
اقتباس:
حابة هنا نشير بلي ادراج الروتينات هو اهم خطوة في عملية التنظيفات الكبرى و نذكر مجددا بلي اي عملية تنظيف لازم تكون في محل مرتب و الترتيب يستغرق وقت ...و الترتيب مايعنيش تنظيم الربج ...اكرر نقصد التخلص مما لافائدة منه ...لانو هو اللي راح يرجعنا باستمرار لدائرة الفوضى و الشغل تاعنا يبان بدون قيمة ...الروتينات هي اهم المهم في العمل المنزلي ...و اي وحدة تلتزم بروتين الصباح و المساء راح تلاحظ مباشرة بلي منزلها اصبح انظف و اكثر اشراقا و لاحقا مش راح تحتاج لمجهود كبير في التنظيفات الكبرى ...وجود الروتينات يحمي حقيقة من تشكل الفوضى اصلا لانك باستمرار واقفة ...و في اسلوب الفراشة هنا ماكيش متطلبة وقت كثير او مجهود جبار و لكن اللحظات اللي تخصصيها للروتينات تعتبر مقدسة ..و من الواضح انو اكتساب عادات صحية مفيد جدا في محاربة الفوضى و العمل المنزلي المتراكم ...و العادات الجيدة نكتسبوها بالروتينات .. من هنا يجي تركيزي على الروتينات لانو من خلالها راح نقطعو نصف المسافة في سعينا للحصول على النظافة و التنظيم في بيوتنا .... الامر المهم الاخر و اللي يعتبر كتحضير لمهمات التنظيف الكبيرة هو التبريد و الترتيب ...خصصنالو مدة زمنية ...كل وحدة و ظرفها كاين اللي طول عندها هذي المدة و كاين اللي ماتديش الوقت ...و لكنها ايضا عملية مهمة ...نحضرو بيها للتنظيفات الكبرى و تجينا مبعد سهلة ...لذلك لا يمكن اغفالها ... هذا ما يعنيش انو ماعندكش الحق ...لانو كاينين فراشات اخذو مكانهم ...و تقدمو في مسالة الروتينات و عمليات الترتيب لذلك من حقهم يديو نصيبهم من العمل ...لذلك ساحاول ان اوجه لهذه الفئة مهمات حسب المناطق اللي تعرفنا عليها سابقا باش تكتمل حلقة العمل الجماعي للفراشات ...شكرا على التنبيه ... |
||||
|
|
|
2017-10-04, 11:07
|
رقم المشاركة : 3 | ||||
|
اقتباس:
الزوج ديري لو مكان يحط فيه حوايجو ...لبستو و مفاتحو و اوراقو و حقيبتو و ملحقاتو ..حتى اذا لزم الامر تعطيه استثناء يحطهم فوق الطابلة او على السرير ..انتي لاحقا تلميهم و تنظميهم المهم تلقايهم في مكان واحد ...طبعا الزوج نعطيوه الاستثناء لانو الاقوى اولا ...ههه...و ثانيا لانو تعبان برا طول النهار يسعى يحصلنا الرزق ندللوه شوية ...كذلك هو مدة تواجدو في الدار قليلة و بالتالي ماتاثرش الفوضى نتاعو بزاف ...هذا في حال رفض الاستجابة لتوجيهاتك الرشيدة بوضع الاشياء في اماكنها ...لانو هذا هو الاصل ...انتي ماتتوقفيش على تذكيرو ... بالنسبة للاطفال ...انا الطفل قبل 7 سنوات ضد انو نكلفوه ...يغيظني تجيني بلي مخو ما يتحملش الاوامر ...مانحبش نلزمو بلي كي دير كذا لازم دير كذا او كي تلعب لم العابك ..او كي تنحي قشك حطو في السلة ...منطقيا مايقدرلهاش يتعب في مخو ...هذا تبعي لمي وراه و لكن اعطيه ملاحظات باش يتعود ... الاطفال الاكبر من سبع سنوات ...انا عندي تجربة مميزة مع ابني 10 سنين هو كان حاب يشري ايباد ..انا راح نشريهالو في مطلق الاحوال ..و لكني عقدت معاه اتفاق تحدي انو يجمع هو النقود باش يشري الجهاز ...كيفاش يجمع النقود ...بانو يدير اعمال يدي عليهم نقاط ..كل نقطة ب10 د ...تدخل في حصالتو ...بالفعل يوميا نتبع فيه و نسجل النقاط كي يدير المهام نزيدلو النقاط ...كي مايديرش ناقص ...و الله النتيجة راااائعة ...الامر بالنسبة ليه لعبة يؤديها بمتعة ...طبعا احيانا يتمرد و لكني نصبر عليه و نذكرو دائما بالحافز اللي هو الجائزة اللي يحوس عليها و عند نهاية كا اسبوع نجمع النقاط و نعطيه المبلغ اللي حصل عليه ...و النتيجة رائعة ...الصلوات في اوقاتها ...الواجبات المدرسية بمواعيدها ...غسيل الاسنان و النظافة الشخصية يوميا ...مواعيد اللعب و المشاهدة مضبوطة ...احسن تجربة ممكن تربي بيها اطفالك ...   تقدري كذلك ديريها مسابقة بين ولادك شكون يجمع اكبر عدد من النقاط.. 
|
||||
|
|
|
2017-10-03, 11:39
|
رقم المشاركة : 4 | |||
|
اختي كلثوم....الساعة الاسبوعية راح نطرقو ليها لاحقا ضمن سلسلة الروتينات وذرك نحط الرابط و لكن الافضل انك تمشي بخطوات صغيرة باش تقدري تلتزمي و ماتفشليش و ترمي كلشي ... |
|||
|
|
|
2017-10-03, 15:04
|
رقم المشاركة : 5 | |||
|
الحمد لله ام شمسو راني حكمت روحي وىجعت كيم الدورات السابقة وراني مسيطرة على معظم الفوضى والنقاط الساخنة ديما كاينة وكيم قلتي يا ام هاجر انا وليدي كل يوم موراه والي نديرو نعيدو وخزانتو ما نكذبش عليكم دايما ضاربة فيها تسونامي وهي بركان ومهما خملتها يعاود يرجعها فهو فوضاوي وعذبني وخلي قشو مزربع هنا وهناك في اركان الغرفة ما عدا هذا راني مليحة ونسير نحو الافضل |
|||
|
|
|
2017-10-03, 15:28
|
رقم المشاركة : 6 | |||
|
السلام عليكم ...كيف حال الفراشات النشيطات... |
|||
|
|
|
2017-10-03, 15:46
|
رقم المشاركة : 7 | |||
|
ام شمسو شكرا لك و بارك الله على كل ما تقدميه |
|||
|
|
|
2017-10-04, 14:11
|
رقم المشاركة : 8 | ||||
|
اقتباس:
الان و بتعويد النفس على تقسيم العمل الى مرحلتين صغيرتين مريحتين صارت الحياة افضل بكثير و صار بامكاننا اداء ادوارنا على وجه احسن ...و عادت الينا الرغبة فيما هو افضل ..لاننا تحررنا من الاحباط المتواصل الذي كان يسببه لنا وضع المنزل المتردي ...هنا تكمن قيمة مبدا تلميع الحوض لانك تصلين الى هذا المستوى من الحياة و لا يقتصر الامر فقط على تنظيف بيتك ... الاهتمام بالمظهر احد التحديات الحقيقية للمراة المعاصرة و خصوصا المسلمة المتحجبة المتهمة اصلا بانها لاتهتم بجمالها ...اقول هذا وقت فتن ...و وقت تفوق ....لاعذر لنا ابدا اذا لم نبدوا جميلات ...خلقنا الله كذلك ...و لا يمنعنا من التزين الذي هو فطرة الا الاهمال ...و عدم التركيز ...واجبنا ان نقدم لابداننا حق الرعاية ...فهي من الامانات المحفوظة ...لا يتطلب الامر تخصيص ساعات كل يوم ...دقائق معدودة صباحا ...و اخرى مساءا ...و غدا يوم اخر |
||||
|
|
|
2017-10-03, 16:23
|
رقم المشاركة : 10 | |||
|
بالتوفيق والانظمام مع المجموعات يدير الحماس ويساعد |
|||
|
|
|
2017-10-04, 10:34
|
رقم المشاركة : 11 | ||||
|
اقتباس:
|
||||
|
|
|
2017-10-03, 16:41
|
رقم المشاركة : 13 | |||
|
السلام عليكم ورحمة الله وبركاته |
|||
|
|
|
2017-10-04, 05:11
|
رقم المشاركة : 14 | |||
|
أصبحنا وأصبح الملك لله والحمد لله ولا إله إلا الله والله اكبر
اللهم أعنا على ذكرك وشكرك وحسن عبادتك حسبي الله لا اله الا هو عليه توكلت وهو رب العرش العظيم صباح الخيرات والمسرات لكل الفراااشااات الجميلات الانيقات النشيطات |
|||
|
|
|
2017-10-04, 14:52
|
رقم المشاركة : 15 | ||||
|
اقتباس:
احسن الله عزاءك في فقيدك الغالي ...و بارك لك حملك الغالي ...حبيبتي هذي هي الدنيا و لو فتشتي العالم ماتلقايش بشر خالي من الفقد و الهم و الحزن ...و رزق الله و عوضو موفور ...لذلك نقدرو نعمة رب العالمين حق قدرها و ما نستغرقوش في الاحزان لانو ببساطة العمر قصير و كل يوم يفوت تفوت معاه حياة كاملة تعيشيها لهذا نقولك ماعندكش وقت ماتبقايش في لحظة من اللحظات فاتت ...كل يوم عندك واش تعيشي فيه ...و اسالي الله جميل العوض و السلوى في فقيدك ...ربي وحدو هو اللي يلهمك الخير ...و اما الحزن من الشيطان و يخشى على الانسان انو في هذي الحالة يدخل في ارادة الله و يعترض عليها ...و المؤمن الحق اذا تصبَّر صبَّره الله و اعطاه من فضلو كرامات يسلي بيها قلبو الحزين و اذا رفض و بقى على حزنو يكله الله الى ما وكل نفسه اليه ...لذلك اعرفي طريقك مليح ...ارمي الماضي ورا ظهرك ...و اي شيء مش بامكانك تغيريه انسايه.... انتي فقط ماتفكريش فيه و رب العالمين يتولاك برحمة و يصرف عنك الاحزان ... و الاكيد انو حل طيب انك فكرتي في الانضمام لرفقة صالحة تعينك على امر دينك و دنياك ...و المدهش في الامر هو انك ملكتي القرار ...و تسيدتي الموقف و ماسمحتيش لاي حاجة توقف في وجهك ...و هذي خطوتك الاولى في طريق الخلاص ماتخليش اي شي يعيقك ...لازم تسترجعي نفسك ماتخليهاش رهينة عند اعداءك ..الشيطان اللي يقذف في قلبك الاحزان ...و الهم و الغم و المصائب ...و هل تخلو الدنيا من كدر .. و اجد ان خطتك موفقة تماما ..باختيار الصلاة كنقطة بداية للخلاص ...و نعم الاختيار ...فقط اثبتي لا تستسلمي ...اثبتي على الصلاة لوقتها ...هنا نجاتك ...و اذا اردتي برنامجا مفيدا مع انه سهل و بسيط فالتزمي فقط ب ... * الصلاة على وقتها ....جاهدي نفسك و اكرهيها و اقهريها على هذا الامر .. * اذكار الصباح ...حصنك من الشيطان و حرزك من اعداء الانس و الجان و امانك من فتن الحياة الدنيا ..احرصي فقط على احضار قلبك .. * و لو تمكنت من اخضاع نفسك فارغميها على 10 د من تلاوة كتاب الله ..ففيه الانس و السلوى و بستان القلب و ربيع الصدر ...اسالي من ذاق ...و ليس من راى كمن سمع ... * ثم اجتهدي في اذكار المساء ...و غيبي يومك بالتسبيح و الحمد و التهليل و الذكر ...حتى تلقيه في صحيفة اعمالك .. و تحري لهذه الاعمال ادبار الصلوات فهذا اوثق في تثبيتها .. التحكم في الوقت اهم تحدي تواجهيه ...اتخذي القرار ...كوني حازمة ...حددي ساعة النوم ...وروحي ترقدي مهما كان الظرف ...ماتتراجعيش لازم تعدلي ساعتك البيولوجية ...نوضي اول ما يرن المنبه ...استعيني بالله و اذكريه و نوضي على الوقت ...تكوني نلتي كفايتك من النوم وجددتي طاقتك ...انتبهي الى انو وقت استيقاظك ياخذ بالاعتبار صلاة الفجر ...و تمتعي صدقيني بنهار عالي الطاقة و الايجابية ..لانو معظم الخبث اللي نلقاوه في نفوسنا من النوم المتاخر يجي من تضييع الفجر ...لا باس باخذ قيلولة ...و لكن اياك ان تمتد الى العصر فتصبح عيلولة ...اهم شيء الثبات و الانتظام ... احسنتي في التزامك التدريجي بالروتينات خذي وقتك ...المهم مرة اخرى هو انك تثبتي عليها .. بالنسبة لازمتك ...ناكدلك بلي كل وحدة فينا عندها ورطة جمالية محددة ...لاصلاح شعرك ديري ماسكات ..نحاول لاحقا نحط البعض باذن الله ...و نتمنى الاخوات كذلك يحطو ... و لتفتيح لون شعرك او صبغو ...بما انك حامل واحد مايقدر يفتيك ...لازم تستشيري طبيب و لكن على حد علمي الصبغة تضر الجنين ...كاين تلوين طبيعي ... *استعملي الحنة ..تساهم كذلك في اصلاح شعرك * كاين البابونج ايضا غلي 150غ من زهور البابونج في نصف لتر من الماء ..صفي و شللي بماء المغلى بعد الشامبوان ...كرري العملية عدة مرات حتى ظهور النتيجة ..... طولت عليك اتمنى لك التوفيق |
||||
|
|
|
| الكلمات الدلالية (Tags) |
| flylady |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
