الجزء 121 من كوزينة واش طيبتي اليوم

[kakinova]

سماح بصحتكم لبراج

المازة حطيلنا وصفة المشقوق و هل درتيه باللوز او بالكوكاو

و من فضلك زيدي فهميني فالهريسة بالكوكاو لي طيب فالكوكوطة

[almazalina22]

ليال حبيبتي هذيك قاطو الفلان مشقوق راني بالهاتف شكون تحطلها الرابط

عااااااازفة شكرا حبيبتي

حقا ليال هذاك جبن وصفتي راه في وصفات الحراير الجزء الاول مع الاخير مممممم هايل وراني نوجد موضوع فيه استعمالات بزاف انتظريني في اقرب وقت

[ليال 22]

المشاركة الأصلية كتبت بواسطة ليال 22

اممممممم يا عازفة زيدي كملي علي ببراجك امم هايليييين .

وااع مارانيش نبان واقيلا

[almazalina22]

كاكي لاباس على بناتك وام امنية نحات النت على بناتها راهي داتلهم عقلهم وراهي لاباس

قصدك طمينة اللوز راهي في وصفات الحراير واش ما فهمتيش هي برك لازم تطيب على نار قليلة جدا وتحركي حتى تتنحى من الكوكوط وفرشي سكر رطب من تحت وفرغيها ثم غطيها بالسكر رطب لازم كمية كبيرة من تحت ومن فوق وحتى للغد باش تقطعيها وانا مرات نكونجليها في السنية نتاعها حتى كي نسحق نجبدها نلقاها هايلة وكاش ما نزيدك راني هنا وحقا تقدري ديريها بتلكوكاو تجي روووووعة نفس الطريقة

[almazalina22]

حلوى الفلان نتاع فايزة ربح بعنوان حلوى ساهلة وبنينة وانا كل مرة نديرها بنوع فلان والاحمر درتو بالفاني وزدت ملون احمر خخخخخخ

[almazalina22]

ليال علاه راكي تقولي هكدا ياك راني جاوبتك

سماح وجماعة البراج قتلتونا
ام ياسين ان شاء الله تكوني من حفظة القران انا وياك امييييييين

[ليال 22]

المشاركة الأصلية كتبت بواسطة almazalina22

ليال حبيبتي هذيك قاطو الفلان مشقوق راني بالهاتف شكون تحطلها الرابط

عااااااازفة شكرا حبيبتي

حقا ليال هذاك جبن وصفتي راه في وصفات الحراير الجزء الاول مع الاخير مممممم هايل وراني نوجد موضوع فيه استعمالات بزاف انتظريني في اقرب وقت

شكرا حبيبتي و الرابط ماعليش على اقل من مهلك وقت ما تكوني مريحة حطيهلي يا عسولة

[ام سهام 02]

حبيبتي ام ياسين صح مانيش اراجع امليح راني ندخل غير للكوزينة ونخرج راني مشغولة هذو الايام وزايد نحيت ضرسة عندي يومين بصح بللاصتها مازالت الاتسطر مالغري راني نشرب الدوا وانا جاتني الفكرة كون الرايب اثقيل كما الياغورت وانا خلطت زاست البرتقال والليمون وبالرايب جا احسن من الياغورت

عروستنا حنان يعطيك الصحة على البراج يشهو وبالنسبة الكعك ايجي منسم على االبريوش والبريوش ايجي اثقيل والكعك التلمساني هو لايجي مقرمش ما يديروش فيه خميرة الخبز ايجي بخميرة الحلوة

عازفة الناي امممممم فنانة

ارزاق البريوش ايجي ثقيل على الكعك واقل حلاوة

ليال شكرا هذا من لطفك

[ليال 22]

لا المازة حبوبة مش انت انت كفيتي وفيتي يعطيك الخير .والله ما زعفت انا نحب نزعق برك مع الاخوات كي ما يجاوبونيش نسمط حتى يردو لكن عمري ما نزعف من اي وحدة ولو انتم حبايبي

[ليال 22]

شكرا المازة ها هو الرابط https://www.djelfa.info/vb/showthread.php?t=1761758
اللون البني باه درتيه ههه هبلتك سمحيلي

[om assem et loudjain]

مساء الفل للجميع
عشانا طاجين زيتون من الغدا و سلطة و كسرة

[*وردة الشرق*]

المشاركة الأصلية كتبت بواسطة ام رشدى

مسااااء الخيرات يا لحراير
اليوم عشايا جلبانة بالقرنون محشي في الفور والحمدلله
اختي زينب استنايني لعشية كي تبغاي تروحي تحوسي ابلاكي اتخليني انمممممننوت على الخرجة في الليل. هههه

مساء الانوار ام رشدي وبصحتكم القرنون امممممممممممممممممممممم والله التحوسية بلابيك ما تكون

المشاركة الأصلية كتبت بواسطة kakinova

كاكينوفا اطباقك وحلوياتك كلها اممممممممممممممممممممممم يعطيكي الصحة

المشاركة الأصلية كتبت بواسطة almazalina22

عازفة البراج فننتي فيهم روووووووعة بلاك غدوا نديرهم بصح انا نموت على البغرير وتسلمي عيونك الحلوة
والايباد بيس وحدة

زينب شكرا هذا باش تعرفي شحال عزيزة عليا قسنطينة وتسلمي باغالية

حنااااان ما تحبيش البراج وااااااااع اجمل واغنى والذ اكلة علابيها ما تبطبطيش كيما ام ياسو الحمامة الرشيقة خخخخخخخخ لازم نبش في ام ياسين الله غالب نحبها واكيد اللزيزة شافوها اتصالات الجزائر تسب فيه قطعوهالها خلاص خخخخخخخخخخخخخ توحشناها

ارزاق شكرا راه هاااااايل

ام عصام حتى نقولك هاتي وصفة الشكشوكة بالفول ممممممممممممم عندي شوية مكونجلي بلاك نديرها

نزيد نراجع ونرجع وبلاك ندير قاطو الكابريس فيه الكراميل واش يكملي الكوكوطة خخخخخخخخخخ حقا زينب البارح سخنت فيها الما وغليتو وذوبتها وغسلتها وعطرت الدار درت زيت الياسمين في الما ء يغلي وخليت الريحة تفحفح قبل مايجي المسيو خخخخخخخخخخ

ربي يعيشك يا لحبيبة ويدوم المحبة

المشاركة الأصلية كتبت بواسطة أم ياسين الزهراء

حنان مانزيدش نحامي عليك كيتقطعي شعرك علاش ماتحبيش البراج ياخسارة طفرت فيك

شكرا حبوباتي على المساعدة

ربي يعينا الكل على مشاغل ومتاعب الدار وياجرنا خير

صحى عشاكم راح انطلق سلام

يا عمري رحتي قبل ما نجي بصحتك العشاء

المشاركة الأصلية كتبت بواسطة kakinova

زينب حبوبة حتى انا أمي قسنطينية و تربات في بالفي

و نعرف قسنطينة دار جدي كانو يسكنو في باطيمات باردو لي بقاو وحدهم كي ليتاما في باردو و خالتي كانت تسكن في جنان الزيتون و خالتي وحدة في بوصوف و عندي تاني خالتي في طريق سطيف
بصح نكره قسنطينة ما نحبهاش ممكن لانو والفت بباتنة الطرق نتاوعها كبااااااااار و معدولين و مكانش فيها مطبات ولا ارتفاعات ولا انخفاضات و ماكانش الحشر لي كاين في قسنطينة لازم كي تمشي تعسي روحك من كل الاتجاهات

حنان دركا الحمد لله لاباس بنتي الكبيرة رتاحت و الصغيرة مازال وجها منفوخ شوية برك


المازة لكان الكرمال يابسة سخنيها و اغطسي فيها حبات تفاح صغار بعدما ديريهم فالمطارق نتاع الشواء يجيو امممممممممممممممم

المشاركة الأصلية كتبت بواسطة kakinova

والله كله 4444444444444444 روعة
مرحبا لحبيبة وريحة لحباب علاه يا ميمة قسنطينة زينة ومن جهة فيها صح العيب هدا بصح راهم يتحفو فيها رجعوها متل الفلة
والله يبارك عائلتك منتشرة في كل مكان احنا كل واحد مداير دشرة
خوالي كامل في سيدي مبروك و عمومي فيهم اللي في جنان الزيتون وبو الصوف ووووووووووووووو

[أم ملك]

مساء الخير و بصحتكم كامل واش طيبتو و واش كليتو و لي راهم يحفظو في القرأن ربي يوفقهم و يوفقنا
راجعت كل شيء رووووووعة
زينب مبروك الكوزينة و بالربح و الهناء إن شاء الله
مارانيش ندخل بزاف ﻷني نقصت الطياب بما أنو غير أنا وزوجي و في زوج رانا ريجييييييم و بنتي صغيرة ماتاكولش بزاف و نحشم ندخل بلطاي و أنتوما ربي يباركلكم مزهيين الكوزينة

[*وردة الشرق*]

المشاركة الأصلية كتبت بواسطة om assem et loudjain

مساء الفل للجميع
عشانا طاجين زيتون من الغدا و سلطة و كسرة

امممممممممممممممممممممممم روعة بصحتكم

[basmala farah]

السلام عليكم تبارك ما حطيتو يا الفحلات

أم ماجد وووووووآآآآي على الدوارة ما خلت فيا والو خصوصي حمرا كيما يحب الخاطر أأأأم

أم ياسين وش راكي و وش راهي العائلة سلامك بلغني يبارك فيك

طعام بالمرقة و كورجات فارسي و التعمير و فخذ دجاج ديزوسي فارسي كفتة و فارسي تعمير بين الجلد و اللحم








بسكوي رولي محشي موس الشكلاطة أأأممممم