وصفات حراير الكوزينة الجزء الثاني

[ام سوهيل]

المشاركة الأصلية كتبت بواسطة idron0

كيكة عازفة الناي

الجينواز:
3 بيضات
100غ سكر
100 غ فرينة نقص منها 2 ملاعق و نديرهم كاكاو
رشة ملح
نص مغرفة صغيرة خميرة كيميائية
* نضرب البيض ملييييييييييييييييييييح مع السكر
* نغربل الفرينة مع الخميرة و نضيفهم بالتدريج على خليط البيض و نقلب بالملعقة جيدا
* نصبه في القالب المدهون و ندخله للفرن ,المول قطره 22سم
الحشو: شونتيي نطلعها بالياغورت انا عملت ذوق ليمون
الزينة : فراز او اي فاكهة عندك
* بعد ما ينضج الكيك نخليه يبرد ملييييييييح و نقسمه و نشرب القسم الاول بسيرو او عسل مخفف او معجون مخفف بالماء
* نضع طبقة من الشونتيي و فوقها قطع الفاكهةو نغطي بالطبقة الثانية للكيك
نغطي الكيك بالشونتيي و نزين حسب الرغبة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و هنا من الداخل اممممممممممممممممممم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

يعطيك الصحة

[rahma2014]

لامونة للاخت زهروان

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

الوصفة:

-كيلو فرينة
2-حبات بيض
-2 الخميرة كيميائية
-ملعقتين خميرة خبز
-كاس نشا الذرة
-كاس سكر
-ملعقة فانيليا
-3/4كاس زيت
- نصف كاس حليب
-مبشور ليمون والبرتقااال
-ماء الورد

طريقةالتحضير


* نضع فى قصعة الفرينة ثم نضيف السكر ومايزينة قشور ليمونةوالبرتقال ، خمارة كيميائية وخميرة الخبز المذابة من قبل فى قليل من الحليب الدافىء ونخلط الكل جيدا .
*نضيف الزيت تم نصب الحليب الدافىء شيئا فشيئا والماء الزهر حتى نحصل على عجينة لصقة ...
ثم نغطيها ونتركها جانبا .
* عندما يتضاعف حجم العجينة نشكل كويرات ونضع وسط صينية مدهونة
* نترك الخبزة تخمر مرة ثانية ، نخلط صفار البيض ثم ندهن الخبزة بواسطة فرشاة .
*ثم نمرر عليها السكين ن الفوق على شكل +
* ندخلها الفرن ( حرارة متوسطة ) لمدة 20 إلى 25 دقيقة تقريبا .
* ننزعها عند اخذها للون الذهبى .


ملاحظة:
كلما كانت العجينة تلصق كلما تجي هشيشة وخفيفة

[rahma2014]

شربة فريك على طريقة ام سمسومة

ندير حبة بصل و سنات ثوم و حبة طماطم و نرحيهم في الروبو و نديرهم في برمة تاع الفخار و هذا السر الاول و نزيد معاها طراف لحم غنمي راهو هو لي يطلق البنة و نزيد طرف دجاج اما الدواوات ندير كسبر مرحي و ملح و فلفل اسود و شوية فلفل احمر و ورقة رند و ندير الدبشة و الكرافس يكونو مربوطين بالخيط ما نرحيوهمش باش ما تجيش المرقة كحلة و زيدي القليل فقط من الزيت و نقصي الغاز مره هذا هو السر الثاني لازم تقليها مليح و مبعد امرقي و ديري طماطم كونسوتغي و غطيها خليها تطيب شوية ثم زيدي الفريك على حسب المرق و انا شخصيا نحب نزيد نص مغرفة مرمز يطلق بنة هايلة و ساعات نضيفلها 3او 4حبات زيتون اخضر مقطع دوائر يطلق بنة رهيبة و زيدي رأس فلفل حار محمول ما تليهش لاعدتي ماتحبيش الحار وخليه يطيب الفريك حتى يطيب حوالي ساعة على نار ذليلة حتى يخثار و مبعد نحي البوكي قارني تاع الدبشة و الكرافس و حاولي تعبزي عليهم باش يطلقو النكهة. وفي الصحون ديريلها دبشة مقطعة و فلفل حار مقطع حسب الذوق و عصير ليمون ضروري في الشربة
أما الفريك لازم تجيبيه من مصدر موثوق فيه خاطر كاين المصبوع انا الصراحة نجيبو من عند ماما تخدمو وحدها تغسلو و تملحو و تدز ترحيه و تزيد تصفيه و مبعد نجي انا نديه ساجي

[rahma2014]

الغريبية لام سراج وملاك

500 غ لابال مارغرين وكاس وشوي سكر ارطب اذا ماتحبيهاش حلوة بزاف كيما انا ديري كاس سكر ارطب برك ودرت فاني نتاع لباط غبرة مغرف صغيرة وشيحتهم بالفرينة ودرتهم في الطابع نتاع المحقن هاذا مكان الفرينة تكون نوعية مليحة
ومالفة نديرها ثاني بطريقة اخرى وتجي بنينة بزاف 200غ زبدة ستار او فلوريال مع 100 غ سكر ارطب وشوي فاني وفرينة نلم بيها لعجين
الزبدة اذا درت ستار نذوبها ونخليها تبرد مليح ونخدم بيها تجي بنينة وهايلة وتذوب في الفم
إضغط هنا لرؤية الصورة بحجمها الطبيعي.

[idron0]

الشربة ام سراج و ملاك

اولا باش تعرفي لفريك مليح ولالا لازم يكون لونو اخضر فيه شوي بيوضيا وكي تغسلي منو شوي ميطلقش لون الاخضر نتاعو في الماء وزيد ريحتو تلقايها تضرب من لبلارة لي فيها كيما يقولو ناس بكري ريحت الشربة تتشم قبل ماتكل ضك نصورلك لفريك لي عندي

بالنسبة لطريقة تحضير الشربة شوفي تحبي طيبيها بالدجاج او لحم نحطهم في القدر لي رايحة نطيب فيه نزيدلو + حبة بصل متوسطة + وحبة طماطم مرابية + ومغرف كبيرة طماطم الباط انا ساعات نزيد شوي نحبها تجيني حمرا + وربطة صغيرة دبشة مربوطة في خيط تقدري تستغناي عنها انا نحب نديرها + دويات البرمة مغرف صغيرة راس الحانوت ومغرف صغيرة كسبر ودوا لحمر حار او حلو كيما حبيتي شوي ملح وشوي زيت وشوي فلفل اسود نخليهم يتقلاو مليح فوق النار ومبعد نمرقهم بالماء الدافي ونخليهم يطيبو اذا طيبتي الشربة بالدجاج مع تهز لغلية نلوح لفريك واذا كان بلحم نخليه حتان يطيب اللحم مليح بالنسبة لفريك انا نكيل فنجال نتاع قهوة صغير وشوي ونغسلو مليح ونلوح لفريك يطيب تجي شربة شوي خاثرة هكذا نحبوه مع زوج ورقات رند مغسولين اذا تحبي تلوحي فيه حبات زيتون اغسليهم مليح بالماء العادي وكل ربع ساعة بدلي الماء ولوحيهم يطيبو في الشربة متغليهمش من قبل خليهم كيما هكذاك باش يطلقو البنة في الشربة واذا حبيتي زيدي بولات اللحم مرحي انا نديرهم في لخر كي تطيب الشربة قبل 10 دقايق ندير فيهم لحم مرحي وشوي ثوم وفلفل اسود وشوي ملح ونزيد راس حار و4 ورقات نعناع ونقطع الدبشة وفلف حار نقطعو صغير وثاني نحط القارص ونحطو في الطبسي لي حب يحط في طبسيه يحط خطراه كل واحد وذوقو انا الشربة نتاعي درتها البارح بالدجاج ماشي بالحم.

[rahma2014]

قاطو ساك بالمكسرات وصفة ليزا الحلوة

غ مارغريين طرية و 3/4 كااس سكر رطب و لافااني نخدمهم بيديي و نزييد زووج صفاار البيض و نخلط و ننشف بالفريينة و كيس خميرة الحلوياات حتى نتحصل هلى عجيينة طرية
نشكل دي كخواصون ولا دي سيقااغ و نكون ضربت شوية بيااض البيض لي بقاالي بالفرشيطة برك و نغطس فيه و نرمد فاللوز او الكاوكاو محمص و مطحوون خشيين شوية ،، انا درت نصه كخواصون مرمدين فالكاوكااو و نصه دي سيقااغ مرمدين فاللوز ايفيلي ،، و نطيبهم فالفرن على 180 درجة و من بعد نخليهم يبردوو قبل ما ننحيهم مالسني لي طاابو فييه باش ما يتكسرووش و نحط عليهم شوية سكر رطب بالصفاية ،، مممممممم يهبل يهبببللل نعقل على رووحي كنت مهبببلة ماما الله يرحمهاا بااش تديرهلناا مين كنت نقراا

ملااحظة برك لاكان درتيه باللوز ايفيلي ما تغطسييش العجينة كامل فالبيض و انماا الوجه فقط و امسحي الزاايد على
الطبسي بااش يلصق اللوز ،، و لي تبغي تدير اكثر تضااعف المقااديير

[idron0]

سمكة في الفور wahibaazel

تتبيلة السمكة :حبة بصلة ،كمية مليحة من الثوم فلفل اسود كمون ملح زيت خل او قارس وحبة صغيرة طماطم وتضربيهم في الخلاط وتبلي السمكة واتركيها في الثلاجة وحضري الخضر انتاعك ،بصل شرائح وفلفل حار وحلو شرائح وطماطم شرائح في البلا انتاع الفور وضيفيلهم شوية من تتبيلة السمك وصعي من فوق السمكة وغطيها بورق الالمنيوم والى الفور .

[rahma2014]

زلابية ام ساجد


إضغط هنا لرؤية الصورة بحجمها الطبيعي.

2بيضاة و2مغارف سكرو2مغارف زيت نخلطهم بالفوي وﻻ الفرشيطة و2مغارف سميد ونخلط ومغرفة صغيرة خميرة

حلوى ونبدا نزيد الفرينة ونخلط باليد نتحصل على عجينة طرية ومتماسكة نشكل حربشات صغار ونثقبهم ثلاث ثقب ونقليها

وهي سخونة نحطها في عسل بارد وثقيل
طعمها جاني زي سيقار المقلي بصح بنينة وتقرمش

[rahma2014]

وصفة السفنج لفضيلة34

4بيضات+مغرفة سكر+3مغارف زيت+شوية ملح+1خميرة +4مغارف فرينة كيما نديرو سفنج المقلاة ونفرغهم فى مول السليكون


غط هنا لرؤية الصورة بحجمها الطبيعي.

[idron0]

تبيخــــــــــــــــــــــــــــــــــــــــة الربيـــــــــــــــــــــــــــــــــــــــــــع omomnia15

المقاديـــــــــــــــــــر
رطل فول رطل جلبانة ورطل قرنون حفنة روز فلفل احمر وحار كمون وقصبر نعناع زيت وملح ثوم طماطم مصبرة
التحضيـــــــــــــــــــر
في طنجرة حطي كامل الخضر بعد ماتكوني نقيتيهم وغسلتيهم وكرفجي عليهم الثوم والتوابل والزيت والملح وقليهم منبعد ديريلهم الماء وغطيهم يطيبو حوالي نصف ساعة كي قرdg يطيبو ارمي حفنة الروز وديري الطماطم المصبرة وخليهم يلبو مع بعض منبعد طفي ودير القصبر والنعناع من فوق وعند التقديم دير زيت الويتون وراس حار للي يحب بصحتكم.

[idron0]

تعسيل الفراز ارزاق

نحط فراز مقطع +شويا سكر فوق نار قليلة حتي يتعسل ومتنسايش نحي الرغوة لي من فوق ولما تحسيه طاب نحيه وزديلو قطرات قارص ومن بعد ما يبرد زيني بيه التارت فوق الكرام باتسيار منقلكش روعة انا يعجبني احسن من انك تحطي الفراز بلا مطيبيه ظك نحطلك تطبيقي وشوفي .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[nour batna]

جزاكم الله كل خير

[wahibaazel]

اختي ايدرون بارك الله فيك ،

[rahma2014]

خبز الشاورما لحنان يازمالك


4 م ك فرينة ننقصهم من كمية الفرينة كامل + 2 م ك خميرة فورية + 2 م ك سكر + 1 كأس ماء دافئ
نخلطوهم كااامل و نغطوووهم ونخلووهم يخمرو
كي يخمرو نزيد 400 غ فرينة + 100 سميد رطب+ ملج و نلم بالما دافي ونخلي العجين متماسك يعني نلمو العجين برررررك

نحل العجين شوية وندير فيه 100 مارغرين طريييية و نعجنو ملييييييييييييييييييح تولي عندنا عجينة طرييييييييييييييييية نخلوووها تريح 10دقايق
اومباعد نقسم العجين لكرياااات و نلويهم على شكل خبزة و نجرحو بمووس ماااضي و نسوبودري فوقو الفرييييينة
والا تقدرو تدهنووه بالبيض
وخليييه يخمرررر و طيبيييييييه يجي خففيييييييييييييييف بزااااف


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[rahma2014]

الوصفة للغالية زهروان
طاجين جلبان بالقرنون

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


المقادير:
-قطع لحم الخروف اودجاااج
-بصلة مقطعة شرائح
-فص ثوم مهرس
-1 كلغ من الجلبانة
-1 كلغ من القرنون
-حباات بطاطا
- حبة جزر مقطعة
-معدنوس
- فلفل أسود
- فلفل احمر
- سكنجبير
-زعفران
-قرفة عووود
-ملح
-ماء

مقادير اللحم المفروم

الكفتة
توم
ومعدنوس
وبصل
1بيض

الطريقة:

-توضع قطع اللحم في الطاجين تضاف اليها البصلة،،والزيت والفلفل ويترك الكل يتقلى على نار خفيفة.
-تضاف الثوابل،وكأس كبير من الماء ويترك اللحم ينضج على نار معتدلة(مع اضافة الماء عند الحاجة).
-ينقى القرنون والجلبانة مع الحرص على حك قلب القرنون بنصف حامضة حتى لا يصبح لونه أسود.
-
تضاف الكفتة توم مرحي ومعدنوس وبصل مرحي وحبة البيض لكي يتلم وتوابل ونحشي القرنون الي تكوني نقتيه مليح ..
- نفس الشيئ مع البطاطا نحشيها بالكفتة ...

-عندما ينضج اللحم يزال من الطنجرة ويترك جانبا.يوضع القرنون وملعقة سكر وحطيهم في المرقة مع لحم
الجلبانة في الطنجرة وتترك الخضر تنضج على نار متوسطة الى أن يتقلى المرق.
-عند التقديم تصفف قطع اللحم وسط الطبق ،توضع فوقها الجلبانة وتزين القرنون

وبالهنا والشفا