الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 44

حياة نور الدين · 2016-10-08, 18:28

انا عشايا سردين معمر بالبطاطا ومقرون وسلطة والحمد الله

أم سدرة · 2016-10-08, 18:40

مساء الخير ماشاءالله عليكم راكم 4444444444 ربي يبارك في ارزاقكم
عشايا غراتان بطاطا سلق ولحم مرحي وكسرة والحمد لله

فاتي 05 · 2016-10-08, 20:29

مساء الخير على الجميع

راني راجعت ملييييح مليح و كتبت مذكرة الدكتوراه هاذي انشاء الله مانكون نسيت حتى وحدة و إذا نسيت اسمحولي ما كنتش في الدار من لعشية بعد ما درت البسبوسة ، خرجنا حتى لعشا تعشينا برا شواء تشهيتكم معايا ، و هذا وين دخلنا ، علا بيها اكتبت هاد المذكرة انشاء العلامة تكون مليييييحة.

بيبا صار انت شاوية متشرفيييين حبيبتي ، عشاك تاع البارح في منتهى الروعة و لا مطعم خمس نجوم برافوووووو ، و حبييت نسقسيك الخبز اللي حطتيه درتيه و لا شرتيه ؟ تطبيقات صاحبتك شهرزاد روووووعة يعطيها الف صحة و عافية، ربي يشفيك ، مشكووورة على الوصفات المصورة كنت رايحة نطلبهم منك .
ام هديل هذا من ذوقك حبيبتي ، بصحتك طعام الخضرة ،
ام رحا مشكووورة حبيبتي على وصفة رولي البطاطا،
حيوتة بغريرك باين بنين بصحتك صح غداك و عشاك حنونة.
ام امنية هذا من ذوقك حبيبتي ،
ام محمد تاج شكرا على كلامك حنونة ، البوزلوف يشهي قريب ينطق ، الوصفة لو سمحتي
ام ندى و اهلا وسهلا ، و الحمد لله كيراكم لاباس
ام هبوبة بصحتك السردين يشهي .
ام طيري الجنة بصحتك البكبوكة و اللوبيا البيضا و الله توحشناها من العام اللي فات ما درناهاش و الخبز روعة ، راني نستنى في القاطو بصحتكم
ام البنين بصحتكم اللوبيا حبيبتي ، تطبيقيك للبسبوسة روعة .
رزيقة مشكوووورة على كلامك حبيبتي ، لكباب بالزيتون ايفيلي يشهي يعطيك الصحة انت و صاحبة الوصفة جازيا ، البريوش تاعك خرج روعة خلتيلي حبة و الا لا لا،
توبة يا الفحلة كلامك كللو عسسسسسل ، و بصحتكو شخشوخة ام الرزايم
( امحكوك) بالدهان و لا لا .......... و كيكة الدانيت روووووووعة و مشكورة على الوصفات المصورة،وخرجولك علامة بصحتكم.
حياتي كلها امل دولمة السردين اتسحف و كيكة السبع ملاعق تشهي ، ممكن الوصفة و مشكوووورة.
كوثر التائبة على سلامتك ، البنيي و البريوش و فطورك اما السفنج فحكاية اخرى روعة يعطيك الصحة حنونة.
Cilia البريوش خرج روووووعة بصحتكم .
ام سدرة الغراتان و الكسرة خرجو روعة.

ليلة سعيدة للجميع

حياة نور الدين · 2016-10-08, 21:25

ام سدرة بصحتكم عشاك يشهي

فاتي ربي يخليك على كلامك حنونة

ام ندى الحمد الله على سلامتكم وربي يرحم فقيدكم

أم ريمة* · 2016-10-08, 21:27

الف مبروك الكوزينة بنيتى وربى يجازيك كانو عندى الضياف اليوم وين راحو البارك نتاعى هو التارت لى جابوهالى اولادى ومع الهدايا لاول مرة فى حياتى ربى يجازيهم ويرزقهم خير الدارين امين

حياة نور الدين · 2016-10-08, 21:43

اهلااا اهلاااا بالميمة ام ريمة عيد ميلاد سعيد وربي يخليبك لوليداتك ويرزقك برهم يا رب

أم ريمة* · 2016-10-08, 21:53

شكرا للترحيب بنيتى ريى يسرلك الوضع ويحسن الخلق اميين
لبنات اكيد راكم عمرتو الكوزينة بمالذ وطاب ولكن للاسف عندى مشكل فالجهاز ما نقدرش نشوف الصور بصح علابالى بلى شافات عن جدارة

nanoua7 · 2016-10-08, 21:56

اقتباس:

المشاركة الأصلية كتبت بواسطة chez biba

نعنوعة خلاص لصقت فيك ما عندك ما ديري ههههههه بارك الله فيك على les astuces انا ثاني من محبي نواد كوكو امممممم اكيد تجي رووووعة مبصح في هاذ الوصفة بالاكي تضربي البياض راهي وحدها تجي خفيفة حابتها طير وبالنسبة للطحينة تقصدي بيها تاع الخليج ولا الفرينة

سلام biba hbiba كي دايرة لاباس عليك ريحتي شوي قريت في مشاركة متاعك بلي راكي مريضة وقيل عيناك على داك العشاء ههههههههههه خمسة و خموس عليك و والله لنستعرف بي امرأة و نص وبالنسبة للطحينة هاديك ليخدموا بيها مشارقة نتاع سمسم و وصفة بسبوسة تاعي مافيهاش الفرينة وتجي خفيفة بفكرة بياض البيض مالا ادا درتها بوصفتك الجديدة نحكم ليفران قبل ههه

ام هدول · 2016-10-08, 21:57

السلام عليكم ....دخلت على عيد ميلاد ام ريمة ...بطولان عمرك ..ربي يخليك وليداتك ...ويفرحك بيهم يارب
بصحتكم لعشا ....تعشيت غير بواقي من البارح ولغدة كنت برة ..مادخلتش بكري كلكم ماعندي مانقول فيكم غير

ام هدول · 2016-10-08, 21:59

راكم مع البسبوسة ..امممممممممممم ياسلام ...بصحتكم التطبيقات ..لعقوبة ليا ان شالله ....ماعنديش لعضام يعني البيض .

طالبة رياضيات · 2016-10-08, 22:04

اختي ام هدول لم تضعي محفوظ اليوم
من الصباح وانا ننتظر فيك مرقدتش
قعدت نسنا فيك تدخلي

nanoua7 · 2016-10-08, 22:10

اقتباس:

المشاركة الأصلية كتبت بواسطة حياة نور الدين

السلام عليكن واش راكم

ام نسرين خدي راحتك حنونة انا ساعدتك ووقت ما جا الخير ينفع وخسارة مشفتش اطباقك

توبة يعطيبك الصحة على الوصفات المصورة حخقا راني درتلك هداك النهار تع الارز وربي يخليك على كلامك الزين الرزين حبيبتي

رزويقة يعطيك الصحة على البريوش يشهي خبيت واحدة للقهوة تع الصباح

سيليا اهلااا اختي وانت ثان ماعندنا مانقولو في بريوشك هااايل

نانوا اهلااا اختي ونتمنى نشوف اطباقك دوك نحطلك رابط كيفية التحميل من الهاتف

بيبا اهلاا اختي ويعطيك الصحة على البسبوسة يا درا ريحتي شوية

اموالبنين وام هاجر صار خيات الله يبارك حبيباتي وربي يخليكم البعض
ام هاجر بصحتك الغدداء يشهي حنونة
ام البنين البسبوسة خرجتلك هااايلة بصحتكم

امينة وامها ويبن راه قهوة العشية ونتمنى سلامات من الزلزال يا رب

ام يسرا مساء الانوار اسمحيلي الصباح مسلمتش عليك حنونة

كوثر اطباقك تحففففة يعطيك الصحة اختي

سلامو حياة كي دايرة لاباس عليك وبنياتك ان شاءالله بخير و الوحم واش راه داير فيك غالبك ولا غالباتيه ربي يقويك ان شاءالله سلام

nanoua7 · 2016-10-08, 22:15

اقتباس:

المشاركة الأصلية كتبت بواسطة أم ريمة*

الف مبروك الكوزينة بنيتى وربى يجازيك كانو عندى الضياف اليوم وين راحو البارك نتاعى هو التارت لى جابوهالى اولادى ومع الهدايا لاول مرة فى حياتى ربى يجازيهم ويرزقهم خير الدارين امين

عيد ميلاد سعيد وعقبال 100 سنة ان شاءالله ويحفظ لك وليداتك و يفرحك بيهم ان شاءالله

ام هدول · 2016-10-08, 22:17

امينة بنتي اسمحيلي ...ماكنتش في الدار ...خلي غدوة ان شالله ندخلك ...اسمحيلي سهرتك حبيبتي .

طالبة رياضيات · 2016-10-08, 22:18

اقتباس:

المشاركة الأصلية كتبت بواسطة ام هدول

امينة بنتي اسمحيلي ...ماكنتش في الدار ...خلي غدوة ان شالله ندخلك ...اسمحيلي سهرتك حبيبتي .

راني رايحة نرقد وغدوة ان شاء الله
تعرضي من الاية 01 الى الاية 05
وتزيدي 6 أيات