الجزء 137 من كوزينة واش طيبتي اليوم ((كوزينة النجاح في الدارين )) - الصفحة 44

oum islem · 2015-07-10, 13:49

سلام لبنات
صليحة بسكري دارت برستيج ليزا في قناة سميرة
روحو تشوفوها قبل ما تكمل الحصة

آسيا 27 · 2015-07-10, 13:55

مساء الخير
شيرات شفتو صليحة بسكري دارت صابلي بريستيج تاع ليزا نفس الوصفة و نفس الشكل

oum islem · 2015-07-10, 13:57

روضة علاه ماديريش الكبريس تاع ام اماني هايل وجديد واحسن وساهل في خدمتو
والكريمة تقدري تستغناي عليها لصقي بالمعجون ولا نيسلي كرميليزي؟؟؟؟؟

آسيا 27 · 2015-07-10, 13:58

اقتباس:

المشاركة الأصلية كتبت بواسطة jia-smile

سلام عليكم اخياتي
تعيشو حبيت ندير بساط ريح لي جرباتو جاوبني وربي يعطيها ماتتمنى
الكريمة الي جي من الفوق هل ماتسيحش مع السخانة يعني تبقى حاكمة روحها؟
راكم عارفين رانا مع سخانة

اذا خفتي الكريمة تذوب ديري كريمة الفدج تاع ام تاج

oum islem · 2015-07-10, 14:00

اقتباس:

المشاركة الأصلية كتبت بواسطة idron0

دعاء اليوم الثالث و العشرين
أللّهُمَّ اغْسِلني فيهِ مِنَ الذُّنُوبِ ، وَ طَهِّرْني فيهِ مِنَ العُيُوبِ ، وَ امْتَحِنْ قَلبي فيهِ بِتَقْوى القُلُوبِ ، يامُقيلَ عَثَراتِ المُذنبين .

اللهم امين يا رب العالمين
بارك الله فيك وجزاك خير الجزاء اختي الغالية

قمر 77 · 2015-07-10, 14:05

سلام حبوباتي
يومكن سعيد راني فرحانة الحمد لله
ام هدول نقرا و الدموع تسيح الحمد لله اللي ربي جبر بخاطر وليدك ربي يحفطولك و ينجحو و ربي يرحم صاحبو و يصبر ماليه اميييين
ام ياسو ربي يحفظك مالعين و بالباراكا على الزهراء مرة اخرى و انا راني كيما روضة غير نزوي ههههههههههههه واقيلا نعاندك في قاطو ماجور كنت نخمم في قاطو سبانيول مع ليزاموندين نتاع ام اماني و حلوة البنيون نتاع حفيطة هذيك لازم اخر لحظة سينون يكملو عليها
درك نكوبي عليكم
ام اسلام راني لحقت روطار
ام عاصم و لجين مبروك على اختك و ربي يرجع والديك على خير
رياحين سامحينا يالحبيبة ما علابلناش انو عندك بنتك تجوز مبروك عليها و ربي يشافي ندوش

Simassim · 2015-07-10, 14:10

السلام عليكم والرحمة توووووووحشتكم بزااااااااااااااافالنت تقيلة وزيد بزااااف يخدمو بيها نكتب الرد ومايفوتش
البارح قلبي معاكم وصفحات مايتحلوش ان شا الله تكونوا بخير وأولادهم كامل ربحوا الباك.
الف مبارك للجميع قولولي شكون أربح مارجعتش

ليزا عسلاية شفت تسقسي عل الحريرة ابعتلك رسالة مافاتتش نعاود نسيي

يارب يفوت الرد

kaouka · 2015-07-10, 14:12

السلام عليكم ورحمة الله وبركاته
دخلت نبارك لي نجحوا ولدهم ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف مبروك مزيد من النجاح وربي يخليهملكم
وهدي زغرودة مني ييييووو يو يو يو يو يو يو يو يو يو يو يو يو يو يو يو يو يو يو

قمر 77 · 2015-07-10, 14:15

سلامو سيما الحمد لله على سلامتك و مرحبا بيك في بلادك
تعرفي الزهراء بنت ام ياسو
و اميرة بنت استاذتي و روزا و مجودي عاود مع اختو يشجع فيها
و وليد ام هدول و بنت رياحين و بنت ام امنية
و نزيد نتفكر المخ السنفوري

jia-smile · 2015-07-10, 14:16

شكرا ختي اسيا ربي يجازيك
الي جربت بساط ريح تزيد تفيديني الله يحفظكم

دائمة الحمد · 2015-07-10, 14:26

نهاركم مبروك لبنات شكرا لكل من فرح معايا وباركلي لاميرة
الحمدلله
راني ما راجعتش امس من لي سمعت بخبر النجاح وداري معمرة بالغاشي لليوم الصباح فرحة لا توصف انا راني كاوو ربي يفرحكم جميعا
والحمد لله راهي نجحت بنت اختي ثاني ووولد اختي وزوج ام الاخوان دار الباك يسحق لا براونش في خدمتو هزو هو تاني
الحمدلله فرحنا بيهم الكل الف مبروك ليكم ولاوولادكم
نخلليكم وقلبي معاكم راهو عندي الغاشي وراني نمشي وعينيا مغمضين ههه
صحة فطوركم

ام هاديل وياسين · 2015-07-10, 14:27

مساء الخير لبنات كي راكي ام فاطيمة ام زهراء الف مبروك لبنتك وبنت دائمة الحمد لعقوبة لحاجة اخرى

ومعليسش ام زهراء جات في الصوت ومتجيش في لولاد ربي يحفظهم لينا من كل شر

قمر حبيبتي الله يبارك فيك دموعك غالية ياطيبة الله يفرحك بنجاح اولادك يارب والله هدا وين تهنيت

وولدي الفرحة ماشي سايعاتو والله يرحم موتانى ويغفر لهم امين

لبنات غيرتوني كي راكم تهدرو على قاطو ام اماني وقيلة رايحة نزيدو للاليست بصح المشكل معنديش

هداك المول تاع شوكولة ادا امكن قولولي باش رايحين تستبدلوه والي تعرف صابلي الهام تاع الليمون تعطيهلي

ونقولكم على كريمة ممكن تلسقو بيها القطوات ديرو المعجون مع شوية كوكاو مرحي رقيق وحلوة الشام

وضربوهم بالباتور ولسقو بيهم القاطو والله غير يجي يهبل والدوق نتاعو ميتملش

ام هاديل وياسين · 2015-07-10, 14:30

اقتباس:

المشاركة الأصلية كتبت بواسطة روضة 88

ام اسلام هذيك هية خايفة من الكريمة والفكرة انتاعك مليحة بصح قوليلي نورمال نحط 2مودلات قاطو بالشيكولا

وانت كيفاه ديري قلاصاج الشبكولا انتاعك وش تزيديلها قالولي شبكولا فيجيكاو مليحة لي عنها صورة ليها تحطهالي.

اخت روضة الشكولة الي تحوسي عليها راهي هنا في قاطو البرستيج تاع ليزا

https://www.djelfa.info/vb/showthread.php?t=1798971

زهرة الريف* · 2015-07-10, 14:41

سلاموا لبنات واش راكم
رياحين وأم هدول وأم لجين الف مبروك
قمر واش راكي غبتي بزاف والحمد لله على سلامة زوجك
ليزا كوكا أم إسلام سيماسيم دائمة روضة جيا وآسيا منورين خياتي

*سماح 94* · 2015-07-10, 14:44

السلام عليكم اخواتي ا شاء الله راكم كاااامل[COLOR="Purple"]لاباااس
انا هذا وين تميت قاطو الكبريس بنيين و خفففيف يهبل يعطيها الصحة ام اماني على الوصفة الراائعة
https://www.m5zn.com/newuploads/2015/...a443ba1e2f.jpg