الى ام اسيد1 وكل وحدة حاصلة واش الطيب - الصفحة 44

crono · 2014-10-22, 08:49

اقتباس:

المشاركة الأصلية كتبت بواسطة ام ادم11

صباح الخير عليكم
والله يا اخت cronoعندك الحق ام حمزة كانت تدخل مع صباح بصح ظرك عادت طول علينا و نبقى نستنى فيها باش نهز منعندها يالله الغايب عذر معاه راهي بلاك مع الشغل تاع الدار

صباح ألخير أختي مهيم تكون بخير

صدفات · 2014-10-22, 08:50

صباح النور للجميع
يا بنات أم حمزة قالت لنا البارح أنه عندها عرس ربما سهرت وتعبت
كرونو شكرا لك على العفسة درتها يكلو الفريت و يخلوا البذنجان

تغرينية · 2014-10-22, 10:12

صباح الخير على الجميع المهم الصحة

ام حمزة22 · 2014-10-22, 10:45

سلام
صباح الخير يا وجوه الخير
والله قلت في نفس اليوم صبح غير المنتدى لي ينحيلي على خاطري
والله راكم حسين بيا مثل اهلي
صح البارح جيت مالعرس عيانة وكان لازم علية نروح هاد العرس كانت تصديرة نتاع خطيبت ابن خالي
وعندي بزاف ملي قلتلكم ابني راه مقلق كي ما صابش الخدمة كيما تعرفو شباب هاد الوقت عطيلو دراهم وخليه
هو سجل باه يكمل الماستار بصح راه حب يخدم البارح زاد عليه الحال وديناه المستشفى قريب وصل للانهيار العصبي
والله اعطانا خلعة ما تتوصفش
وان اليوم صبحت منهارة عقليا وجسديا
ادعو معايا ربي ينورلو تريقو الله يحفضكم ويحفضلكم وليداتكم

خيط الروح · 2014-10-22, 11:16

لاباس عليه و عليك ان شاء الله
ربي يحفظك انت و عائلتك الكريمة يااااااااااارب

ام حمزة22 · 2014-10-22, 12:23

شكرا ليك لوباراديس بارك الله فيك
وشكرا لكل من تقلق عليا
والله درت اقتباس لردودكم نتاع البارح واليوم كي بعتهم لقيت روحي خارج المنتدة وراح كل ما كتبتو
والله ما راني قادرة نعاود الكتابة
حبيت نوفي بالوعد لي درتو البارح وقلتلكم اليوم نطبق طبق الاخت كرونو حفضهاالله
نحمل الصور من بعد نرجع بادن الله تعالى

روح مراد · 2014-10-22, 12:39

ربي يشفي ابنك و يرزقو بخدمة دايمة و هايلة
و يعطيك العقل و الصبر و طولة البال و الصحة

hanane09 · 2014-10-22, 12:49

ام حمزة ربي يشفيلك ابنك وينورلو طريق علبلنا بلي تفكري فينا المهم يشفى ابنك ويفرح بيه

الاخت كرونو انتضر سفنج تاعك لان قوارب البيدنجان هايلين ممكن تقوليلي كيفاه تحط الرابط سامحيني لا كترت عليك جزاك الله كل خير

ام حمزة22 · 2014-10-22, 12:56

قوارب البدنجال تطبيق للاخت كرونو
هادا رابط موضوع كرونوhttps://www.djelfa.info/vb/showthread.php?t=1692210
وهادا تطبيقي
لاكن انا ما درتلوش الزعيترة مراهيش عندي وما ستعملتش الالومنيوم تان خلاصلي استعملت المتوفر عندي في مكان الزعيترة درت معدنوس وفي بلاست الالمنيوم درت ساشي ليدخل الفرن
بصح جات بنينة وانا متعودة نشوي البدنجال في المشوات ونضيفلها الثوم والزيت اي سلطة وجي تقريبا نفس البنة و ولادي يموتو عليه
نخليكم مع الصور والمقادير راكم تعرفوها من موضوع الحبوبة كرونو

نسيت ما قلتلكمش قعدت طيب ساعة ونصف ما تحمرتليش من الفوق حتى شعلتلها الفرن من الاعلى
بارك الله فيك كرونو على الوصفة
ننتضر المزيد
ماتنسايش السفنج

hanane09 · 2014-10-22, 13:58

تاكلو بصحتكمخرجولك روعةشكرا لك وللاخت كرونو

ام سوهيل · 2014-10-22, 14:08

مساء الخير كراكم لباس اسمحولي اليوم مكانش عندي وقت كافي الصباح ام خمزة ربي يشفي ابنك و يرزقو بخدمة دايمة ولوحد ميدي غير مكتوبو وكما يقولو كل تاخير فيها خيرة

ام سوهيل · 2014-10-22, 14:14

اليوم جبتلكم جي انا نخدمه الوحدي في البيت ويسموه عندنا بناشي ويسموه تانية سيترونات

وهادا الكاس ليك ام حمزة باش تنحي الخلعة تاع اوليدك

ام سوهيل · 2014-10-22, 14:17

وهادي لمونة خدمتها اليوم بي كريمة اليمون تنسب مع الجي

ام ادم11 · 2014-10-22, 15:19

اخت ام حمزة ربي يشفيلك وليدك وربي يفتح عليه وعلينا بكاش دمة رانا كامل منهارين الواحد قرى قرى من الاخر تغيضو روحو قاعدين بلا خدمة واش تحبي هدي هي دولتنا تزيد عليك المهم ربي يعينك لولاد نمرضو حنا كترمنهم في التخمام عليهم المهم يكونو لاباس برك

ام ادم11 · 2014-10-22, 15:20

اخت ام سهيل اعطيني الوصفة نتاع le jusنتاعك ربي يجازيك