'' الجزء 65 '' من واش طيبتي اليوم

[مريم الاميرة]

تفضلي حبيبتي فريال
مخبز لابياس مونتي
500غ لوز 200 غ سكر رطب 2 صفار بيض فاني قشور قارص بزيادة و لميه مليح و شكليه ديري دوائر كبار و خرين اقل منهم و خليه يبات و لغدوة من ذاك طيبيه و كي يبرد لصقي الحبة الصغيرة فوق لكبيرة و ديري لقلاساج اللون لي تحبي و شوي من لقلاساج ديريه لون اوخر ديري بيه النقاط و هذاك البابيون ديري شريط طويل و كي تعودي لفوق ديري noeud بلون النقاطي لي درتيهم
ان شاء الله تكوني فهمتيني و هذا الطبسي فيه الحبة باه تتفكريه

[omhadil]

صح قهوتكم ياالشطرات

[الأمنيات]

السلام عليكم واسعد الله يومكم

[lyzzabel]

حبيباتي شرفنني هنا

https://www.djelfa.info/vb/showthread.php?t=1558250

[مريم الاميرة]

قاطو la surprise
شوفي اختي هذي نوقة اللوز و الشكل تشكليها كيما تحبي يعني نت و المول نتاعك و الاشكال اكل تجي مليحة تفضلي المقادير و الطريقة
كيلو لوز مرحي رقيق 400 غ سكر احرش باكي زبدة ستار كاس حليب لحظة خاثر مغرفة كبيرة فاني مغرفة كبيرة ماء ورد و تخلطي كلش مليح في كوكوطة و طيبيهم فيها بلاما تسكريها و كي تشوفيهم نشقو مليح زيديلهم ماء زهر و كولوغون و خليهم يبردو مليح و كي تبرد زيديلها 500 غ نوادكوكو و 200غ سكر رطب يكونو ملرحيين في الروبو رايحة تتحصلي على عجينة خليها تبرد مليح من الاحسن ليلة و مبعد شكليها
في هذا الشكل حليها و اطبعيها على شكل قلب و اقسميه باه تتحصلي عى شكل جسم من فوق و زيدي حلي و اطبعي بلي بياس لمدورين وحدة كبيرة و وحدة صغيرة و بليييهم بالكيردون و لصقيهم بالبياض و لا سانتيغ ديريها بمول سيليكون و من تحت لصقي حبة فيريرو روشي ثاني بالبياض و خلااااااااااااااااااااص
ان شاء الله تكوني فهمتيني و كاش سؤال انا في الخدمة

[عطرالذهب]

ماشاءالله مريم قاطوات اختك ممتازين
يعطيها ويعطيك الف صحة

[الأمنيات]

تغديت طاجين الجلبان وطاجين حلو وسلاطة الفواكه
عشايا حساء الكرفس مع بوراك درت الديول تاع ام كوثر ما وليتش نشريهم
الحمد لله ربي يجعلها نعمه دايمة

[ليال 22]

المشاركة الأصلية كتبت بواسطة lilouchaf

وهادو عشاواتي الي فاتو







وهادي كويس تع الداند ديزوسي ومحمرة

اممم اختي كلش يشهي ممكن تعطيني طريقتك في المطلوع و الروز نموت على الروز وشكرا.

[مريم الاميرة]

تفضلي ام نور الدين حبيبتي
قاطو l'oursin هو لاروسات نتاع قاطو لبالون لا تعرفيه و من فوق المورانغ
250غ فلوريال قرصة ملح كاس سكر رطب كاس نشاء كاس لوز و لا جوز مرحي مغرفة كبيرة فاني ربع فنجال زيت و تنشفي بالفرينة
ديري في لي مول و الباقي تطبعيها دوائر على حساب المول نتاعك يعني باه كي تحشيهم تسكريهم و المول كاين لكبير و كاين الصغير و تحطيه يطيب و كي يطيب ديريلو الحشو و لصقيه بالمعجون و ديري قلاسال شوكولا و كي تنشف الشوكولا ديري المورانق و طيبيه مليح فوق حمام مريم و ديريه بلابوش من فوق و خليه في بلاصة مهوية باه ينشف
الحشو كبريس ذايب في حمام مريم و مبعد زيديلو كمشة لوز و لا جوز مقلي و مرحي لي درتي في لعجينة ديري في الحشو نيسلي كاراميليزي 2 مغارف كبار معجون و شوي زبدة و تخلطيهم مليح

[omhadil]

واش راح ديرو لعشاء انا ندير طاجين الزيتون بالدجاج

[مريم الاميرة]

سكندرانيات الفراشة لسليمة يعلى
5 كيلات فرينة كيلة سمن ذايبة و باردة مغرفة كبيرة فاني ماء و ماء زهر تلمي لعجينة و تخليها تلرتاح 30 دقيقة
الحشو 3 كيلات لوز كيلة سكر عادي بشور ليمون و تلمي ببياض البيض حتى تتحصلي على عجينة متماسكة
حلي لعجينة رقيقة الا عندك المشينة ديري بيها و الا ديري بالقناط و حليها رقيقة بلاما تنساي ترشي الفرينة
ديري حربوش نتاع الحشو يكون عريض شوي و لفي عليه لعجينة مرتين و قطعيها مقروطات و كل مقروطة قصيها على الجيهتين الطوال بلاما توصلي للنص و انقشيها و حطي حبة لوز في الوسط و كي طيب ديريها في لعسل و قطريها و رشي لبرييون

[مريم الاميرة]

ارجو اني نكون وفيت بوعدي و هاذو هوما لقاطوات لي طلبتوهم و كاشما نسيت فكروني تعيشو متقولوش اي هربت و محبتش تمد لاروسات ههههههههههههه

[مريم الاميرة]

عطورة شكرا حبيبتي حتى انت قاطوك يهبل الله يبارك

[لينا11]

لبنات راني حطيت فالمدونة تاعي طريقة عمل بينيي

[مريم الاميرة]

شكرا لينا ملي حطيتيهم و انا نستنى في الوصفة بارك الله فيك
حطيلي تعيشي الرابط تاع المدونة ما لقيتوووووووووووووووووووووش اسمحيلي