~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[آسيا 25]

المشاركة الأصلية كتبت بواسطة سيرين 5

أولا غسلت الطماطم و قشرتها حطيتها في الماء الساخن باش جيني ساهلة في التقشير و حطيتها في قدر الكمية حوالي 9 كلغ ضفتلها حوالي كأس آتاي زيت زيتون و م ك ملح و حطيتها على نار قليلة



بعد ما طلقت الماء تاعها و هي على النار بالميكسور تاع البرا رحيتها و خليتها تزيد طيب و طفيت عليها و خليتها حتى تبرد تماما



كي بردت حطيتها في لي قوبلي خليتها تجمد و نغلفها بالسيلوفان (في المساء نصورها و نحط الصورة)
هكذا تجيني ساهلة كل ما نحتاج الطماطم نجبد قيس ما نحتاج

سيرين أنا نتبع طريقة تصبير الطماطم لزينب 83 من أروع ما يكون تحتفظي بيها بلا ما تفسد و تمد بنة رائعة للأطباق أفضل من المجمدة هاو ليك الرابط :
https://www.djelfa.info/vb/showthread.php?t=1799210

[حياتي كلها امل]

السلام عليكم يااختي الغالية حبيبة لقد كفيتي ووفيتي .
لكن فكرة واعطيني رايك تحبي تغيري اسلوب حياتك للافضل لكن داءما تصادفك صعاب كاين تقدري تتخطايها لكن كاين لمتقدريش مهما حاولتي ،لماذا؟.
لان بعض عوامل هذا التغير يكون مرتبط بشخص او عدة اشخاص وهذا الشخص اوعدة اشخاص يرفضون التغير مهما حاولتي وحجتهم ان طبعهم هكذا في رايك ماهو الحل؟؟؟

[omelbanin]

اختي حبيبة ،مقال راااااااائع وانا شخصيا محتاجة لمواضيع مثل هذه ، ساعات تلقايني في قمة السعادة ،وساعات يجيني وحد الملل، مارانيش فاهمة واش نحوس ،ونقولك الصح ملي ا انظميت ليكم بدات تتغير حياتي للافضل ،انشالله ما نوليش للوراء

[حياتي كلها امل]

اختي سرين قبل مانبدا نقولك انه اسمك كيما اسم بنتي الصغيرة كلما نعيطلها في دار نتفكرك
راني بدات اليوم الرجيم صباح شربت كاسين من الماء الدافىء مع شوية ليمون +شويةقهوة مع الحليب وشوية خبز تم على العاشرة كليت حبة جزرة جعت هههه ثم فطرت عدس وسلطة بيطراف

[حياتي كلها امل]

راني حابة نضع صور في ردودي لكن عملت كل المراحل سواسوة لكن كي نعمل معاينة يظهرلي مربع صغير بدل الصورة تعيشو قولولي اين الخلل وماهو الحل

[omelbanin]

تقريري لهذه الصبيحة
من غير الاشياء لي تعودنا عليها والحمد لله :صلاة الفجر والاذكار وشرب الماء على الريق.
اليوم قررت نقوم بتنظيف غرفتي والرواق والهول واتكلت علي ربي ،خرجت لفراش كامل للشمس دنيت الاثاث وغسلت الحيوط ،والباب والنافذة ،ونحيت الشباحات لي في الهول وغسلتهم وخرجتهم للشمس وكملت غسلت كامل الحيوط ،وسيقت وكنت درت الملابس يتغسلو نشرتهم ،وطبت الفطور ،فطرو الاولاد غسلت الاواني ،وضربت طلة على النت .

[سيرين 5]

المشاركة الأصلية كتبت بواسطة آسيا 25

سيرين أنا نتبع طريقة تصبير الطماطم لزينب 83 من أروع ما يكون تحتفظي بيها بلا ما تفسد و تمد بنة رائعة للأطباق أفضل من المجمدة هاو ليك الرابط :
https://www.djelfa.info/vb/showthread.php?t=1799210

طريقة رائعة ما شفتهاش من قبل مواضيع زينب نشوفكم تهدرو عليها بزاف لكن للاسف الصور في مواضيعها ما تبانليش ما عرفتش علاه
نجربها المرة القادمة ان شاء الله

[سيرين 5]

المشاركة الأصلية كتبت بواسطة حياتي كلها امل

اختي سرين قبل مانبدا نقولك انه اسمك كيما اسم بنتي الصغيرة كلما نعيطلها في دار نتفكرك
راني بدات اليوم الرجيم صباح شربت كاسين من الماء الدافىء مع شوية ليمون +شويةقهوة مع الحليب وشوية خبز تم على العاشرة كليت حبة جزرة جعت هههه ثم فطرت عدس وسلطة بيطراف

الله يسلمك حياتب كلها امل شكراااااااااا
راكي هايلة بالتوفيق ان شاء الله

[سيرين 5]

المشاركة الأصلية كتبت بواسطة حياتي كلها امل

راني حابة نضع صور في ردودي لكن عملت كل المراحل سواسوة لكن كي نعمل معاينة يظهرلي مربع صغير بدل الصورة تعيشو قولولي اين الخلل وماهو الحل

- أولا الصورة شوفي إذا صغيرة أو لا إذا كانت كبيرة صغريها ديري modifier la photo و صغريها
- ثانيا استعمل موقع من مواقع التحميل مثلا أسوار لي نستعملو أنا
- طلعي التصويرة
- كوبيي الليان أو الرابط تاع الصورة و موضوعك روحي لادراج صورة و نقلي الرابط تما و دري أوكي
- او ديري اعتمد المشاركة تطلع الصورة

[omelbanin]

"]بالنسبة لتحضيرات رمضان ،زوجي جابلي القارص البارح عصرتو ودرتو فيdes goblets [E]صغار كنت مخبيتهم مالقيتش واش ندير بيهم وممبعد نتوما عطيتوني الفكرة،
بالنسبة لي قالو نخبيو لحميس واش يقصدو هاذاك لي :فلفل مشوي وثوم و....ولا وحد لاخر لانو زوجي ضال يلحقلي غير في الطرشي .

[سيرين 5]

المشاركة الأصلية كتبت بواسطة omelbanin

"]بالنسبة لتحضيرات رمضان ،زوجي جابلي القارص البارح عصرتو ودرتو فيdes goblets [e]صغار كنت مخبيتهم مالقيتش واش ندير بيهم وممبعد نتوما عطيتوني الفكرة،
بالنسبة لي قالو نخبيو لحميس واش يقصدو هاذاك لي :فلفل مشوي وثوم و....ولا وحد لاخر لانو زوجي ضال يلحقلي غير في الطرشي .

الحميس هو الفلفل و الحار مشويين كل واحد و طريقتو كاين لي يحطوه في سنيوة في الفرن أنا اعتتمد هاذ الطريقة و كاين لي يشويه فوق الطابونة و مؤخرا شفت وصفة أم أماني تشويه فوق طاجين تاع الطين راح نجربها باذن الله و نوافيكم بالصور
و شفت الفيديو تاع هناء المغربية بعد ما تشوى الفلفل و نقاتو حطت حبات متباعدين في سنيوة و حطتهم في المجمد و كي جمدو حطتهم في كيس و رجعنهم للمجمد باش الحبات يكونو متفرقين ما يكونوش لاصقين

[حياتي كلها امل]

هذا الحشيش والكرافس غسلتهم قطعتهم وكنجليتهم
وهذه التشينا باه نعمل عصير راني كنجليت كمية كبيرة راهي في الثلاجة
هكذا قدرت نوريلكم صور ونزيد نجرب ونشوف

[حياتي كلها امل]

متضحكوش عليا عندي مدة وانا نجرب اندخل الصور ومقدرتش

[سيرين 5]

المشاركة الأصلية كتبت بواسطة حياتي كلها امل

هذا الحشيش والكرافس غسلتهم قطعتهم وكنجليتهم
وهذه التشينا باه نعمل عصير راني كنجليت كمية كبيرة راهي في الثلاجة
هكذا قدرت نوريلكم صور ونزيد نجرب ونشوف

حياتي كلها أمل هايليك الصور تاعك ، ماعليش أنا تان ما كنتش نعرف غيرما تعلمت

[سيرين 5]

قوليلي برك البرتقال كيفاه تعمليه عصير نهار ديكونجليه ؟ تعصريه عادي ؟