جزء***135***من واش طيبتي اليوم

[ام و ابنة]

السلام عليكن
اليوم راني كااااااو درت الميناج مت بالعطش
درت سوب الدجاج و الجبن سااااهلة و سريعة و خفيفة
و عندي دجاج بزاف بقالي من البارح و طبعا لحميس و لحلو و ممكن ندير خبزة صغيرة فريت اومليت تشهيتها
راجلي عيطلي قالي ما تديريش التحلية شراولو قلب اللوز و قاطو و حب يشري الخبز من بره جاتني عالقوسطو اليوم راني عياااانة ممكن ندير آيس كريم برك خاطر راني شايطة و تشهيتو

[samira135]

زينب عجبني مطلووعك روووعة ربي يحفظك قوليلي كيفاش درتيه

ام ماجد عندي فظول نعرف شحال عمر بناتك صلاة و روزا ربي يخليهملك

[ام مؤمن]

المشاركة الأصلية كتبت بواسطة دائمة الحمد

صحة فطوركم لبنات
فطورنا اليوم










وبرمة الحلة هذي خص نص لام ريمة وجماعة الحار

بسم الله ماشاء سفرة دايمة حبيبتي كلشي تحفة

[oum sabrin]

مساء الخير عليكم

المشاركة الأصلية كتبت بواسطة زينب 83

ندخل فقط نطمنكم

الحمد لله وليدي راهو مليح ما ديتوش للاستتعجالات ، لكن ديتو عن طبيب أطفال جارنا و قالي راهو ماشاء قالي الضربة جاتو في بلاصة فيها غير العظم و زيد كي هدر معاه و شاف لو الحركة تاع عينيه و ردة فعله قالي ماتخافيش نهائي

المهم الحمد لله قدر و لطف

شكرًا لكل وحدة خلاتلي رد و الله كنت محتاجاتو لاني كنت وحدي في الدار و زيد الهاتف فاسد ، ربي يجازيكم كل خير يا رب و يعطيكم بكل حرف حسنة ،

نور الهدى وليدي في عمره ثلاث سنوات

الحمد لله كي خرجت سلامات اختي زينب

[وردة الشمس]

زنوبة الحمدلله على سلامة ابنك واطباق كي العادة تشهي
ام ريمة ومياسم عيونكم الحلوة
مياسم ربي يشفي الوالدة تاعك ويرجعها ليكم صحيحة ان شاء الله

[oum sabrin]

المشاركة الأصلية كتبت بواسطة um alaa

مساء الانوار راجعت و كل ماشاء الله
البارح راحتلي النت ماولاتش حتى لدوك
ام عصوم راكي شاطرة هههههههههههههه
و هدا فطورنا تع البارح
فوكاتشا وينوبة اممممممم تهبل بارك الله فيه

شربة


حميص

اختي ام الاء ما شاء الله على سفرتك تشهي
اذا ممكن تعطيني رابط فوكاتشا

[um alaa]

المشاركة الأصلية كتبت بواسطة oum sabrin

اختي ام الاء ما شاء الله على سفرتك تشهي
اذا ممكن تعطيني رابط فوكاتشا

تفضلي اختي
https://www.djelfa.info/vb/showthread.php?t=1818114

[ام مؤمن]

حبيتي قمر هذه صورة لي كورني

[أم ياسين الزهراء]

مياسيم الله يجيب الشفاء لامك سلامي ليها حبيبتي وربي يعيشلك بنتك حتى انا الزهراء عندها مانفعتني وكانت كيتزعف تقلي انت اولدي وارميلي ههههههههههههههه بصح والله البنات نعمة الله يرزق ام محمد بنت شابة ومسرارة وشاطرة كيما انا هههههههههههههههه وام نسؤين يعطيها ربي طفل شباب ومسرار كيما ياسين وفمو مشرك كيما هو ههههههههههههههههه اللهم امين يارب

لبنات قتلتوني بالميني بيتزا وقيلة نمد لسلمى ديريلي

فطوري ماشي غدايا هههههههههههههه الشربة كاين السردينة وفريت وطماطم وفلافل مقلية سخفت وزوجي يجيب الخبز والزهراء ديرلنا الرخساس كاول تجربة والحمد لله

راح نجرب تحلية ادا ماضهرتش على 4 تاع الصباح ابعثو بحث في فايدتي هههههههههههههههه

سلام

[أم ياسين الزهراء]

ام مومن ماكلتك تسخف تسلم ايديك
البنات الجد اسمحولي مانعلقش بزاف عليكم بصح الله غالب نوض روطار ونولي نجري نقعد بع رمضان ونلتى بيكم كلكن عزيزات الله يحفظكم ويجمعنا في الحرم يارب قولو امين

[khaled47011]

1000000000

[زينب 83]

تسلمي ام صابرين منورة للكوزينة و اطباقك شفتها لبارح روووعة رووووعة

فاتن لا شكرًا على واجب غاليتي انا في الخدمة

سميرة درت مطلوع الشاباتي يطيب في المقلة هايل و خفيف و بلا تعب راني حاطاتو موضوع ، اما بنات ام ماجد ربي يحفظهم راح نجاوبك مابيزمان تدخل ام الجود ، روزا عمرها 19 سنة ام صلاة راهي صغيرونة ربي يحفظها نظن 13 سنة و الله اعلم

ام مؤمن هههههه راك دايرة حالة في الراجل مسكين ربي يعينو هههههههههه

ليوم فطوري شطيطحة لحم في مكان الشربة بوراك او بريك ، مقبلات بالعجينة المورقة و سلطة خفيفة طبقي المفضل و راني ناوية على القطايف اذا لقيت وقت بإذن الله

ام رحاب توحشناك انت و ام ضحى و ام زينب و ام يسرا صبرينة و ام يسرا تاع فرنسا ، و كامل الغائبات ،

[samira135]

المشاركة الأصلية كتبت بواسطة زينب 83

تسلمي ام صابرين منورة للكوزينة و اطباقك شفتها لبارح روووعة رووووعة

فاتن لا شكرًا على واجب غاليتي انا في الخدمة

سميرة درت مطلوع الشاباتي يطيب في المقلة هايل و خفيف و بلا تعب راني حاطاتو موضوع ، اما بنات ام ماجد ربي يحفظهم راح نجاوبك مابيزمان تدخل ام الجود ، روزا عمرها 19 سنة ام صلاة راهي صغيرونة ربي يحفظها نظن 13 سنة و الله اعلم

ام مؤمن هههههه راك دايرة حالة في الراجل مسكين ربي يعينو هههههههههه

ليوم فطوري شطيطحة لحم في مكان الشربة بوراك او بريك ، مقبلات بالعجينة المورقة و سلطة خفيفة طبقي المفضل و راني ناوية على القطايف اذا لقيت وقت بإذن الله

ام رحاب توحشناك انت و ام ضحى و ام زينب و ام يسرا صبرينة و ام يسرا تاع فرنسا ، و كامل الغائبات ،

ربي يحفظك زينب على الاجابة

راني بالحمل و راني نتوحم عليك هههه ان شاء الله اذا جبت طفلة تكون شاطرة كما انتِ

راجلي قالي نزوجها لواحد سطايفي ههههههههه

واذا كان طفل اكيييييييد نجيبلو وحدة سطايفية

سقسيت على عمر بنات ام ماجد لاني لبارح كنت نحكي مع ماما قلتلها انا حابة نجيب طفلة باش تعاوني قالتلي ولا جيل هذا الوقت يعاون طفل خيييرلك ايا هاهي رجعت غالطة

ام ماجد ربي يحفظلك بناتك ياااارب

[ام مؤمن]

زينوبة ماشاء الله على ابداعاتك من فضلك انصحيني نصيحة لوجه الله كيف اتعامل مع العجينة المورقة نتاع المحلات

راني شريتها واجدة من السوبر ماركت و راهي طرية بزاف ماعرفتش نتعامل معاها و كاش مقبلات تنصحيني بيهم و كيفاش تجيني مورقة مليح و في الطياب ندريلها نار متوسطة ام عالية و ربي يجازيك خير

المخلوق راني غير ندلل فيه برك راني قايمة بيه في رمضان ههههههه

[ام سراج وملاك]

مساء الخير عليكم كامل
ام ريمة تسلمي اختي على الكلام الرائع وشكرا على الدعاء
ام اسلام كي شفت ردك على السمينة ضحكت ربي يعاونك من لفطور
ام تاجو روضة ظاهرة مشفتش المشماش في شجرة ههههههه
انا ليوم فطوري شربة بقاتلي من لبارح وناوية ان شاء نزيد طاجين الفرماج ونخمم في مني بيتزا سخفتوني فيهم بصح رايحة ندير نتاع ام رامي لي محشية لداخل وسلاطة والحمد الله