كوزينة 102من واش طيبتي اليوم كوزينة لا لتلوام - الصفحة 44

ome loudjeine · 2014-12-08, 08:37

دائمة الحمد.قمر.ام تاجو.ام رحاب.ام يس.سيماسم.بيبا.ناريمان.الامنيات.ايمان.توتة.ام نهولة...والبقية صباحكم سعيد وان شاء الله تفتو نهار زين وربي يعاونكم في اشغالكم ويسهللكم اموركم.
انا اليوم صايمة وربي يتقبل مني ومن الي صايمين وغدايا راه مودر.

أم هبوبة · 2014-12-08, 08:40

ome loudjeine · 2014-12-08, 08:42

ام يس البيتزا هايييييلة وربي يعيشلك وليدك ويحفظهولك ويباركلو في رزقو.
ام تاجو راكي تنحي في العين راني علبالي تطبيقك راح يكون ما شاء الله.
نلاريمان الرولي تاع رامي يخرج هايل جربتو شحال من خطرة لراهو في المدونة تاعها.

x ام رحاب x · 2014-12-08, 08:45

صباحك اسعد حبيبتي والله انت الحنينة ياام تاج واش راكي
صباحكم سعيد للملتحقات
قمر راني مانيش ناسية التطبيق انديرو ان شاء الله بصح راهي اليوم رقبتي دايرة فيا حالة اتزل عليا وتشوفي تطبيقي ان شاء الله

قمر 77 · 2014-12-08, 08:45

بيبا قالك500فرينة مغرف كبيرة سكر معرف كبيرة حليب جافملح فنجان زيت مغرف صغيرة محسن الخبز فنيلا معرف كبيرة خميرة جافةبيضة للعجن و بيضةللدهن نخلطهم كامل مليح و نزيد االبيضة مع شوية ما و نبدا نزيد الما غير بشوية تحب العجن نقدرو نديروه بريوش اذا ما اضفناش مارغارين التوريق
مارغارين التوريق نبصطوها بالرولو هتى تتحط
نفتحو العجينة ونخدموها كيما العجينة المورقة فهمتيني و لا لا

دائمة الحمد · 2014-12-08, 08:46

لكل الملتحقات نقول ليكم احلى صباح
راني فرحانة اميرة رجعت تاع الليسيات مقرفين
لخر كي عدت فاتيقي انا نعمل لغدا والكسرة وهي تلم

x ام رحاب x · 2014-12-08, 08:46

اقتباس:

المشاركة الأصلية كتبت بواسطة ome loudjeine

دائمة الحمد.قمر.ام تاجو.ام رحاب.ام يس.سيماسم.بيبا.ناريمان.الامنيات.ايمان.توتة.ام نهولة...والبقية صباحكم سعيد وان شاء الله تفتو نهار زين وربي يعاونكم في اشغالكم ويسهللكم اموركم.
انا اليوم صايمة وربي يتقبل مني ومن الي صايمين وغدايا راه مودر.

ربي يتقبل منك حبيبتي حتا انا بنتي صايمة ربي يتقبل منكم يارب

قمر 77 · 2014-12-08, 08:49

ام لجين ربي يتقبل و يعين ام رحاب ربي يشفيك الحنينة سيماسيم كي صبحتي
ام هبوبة وين راكي توحشنا طابلتك
استاذتي جاتك النجدة ههههههههههه ربي يعين

اسماء47 · 2014-12-08, 08:49

السلام عليكم واش راكم نهاركم مبرووووووووووووووووك
واش راكي يا مولات الكوزينة
زينب يعطيك الصحة راكي فنـــــــــــــانة الله يبارك عليك
ام لجين تطبيقك خرج هايل
نراجع مليح و نرجع
هادا عشائي البارح مغلوقة تاع غرداية او كاين اللي يسميها مختومة

و الحمد لله حمدا كثيرا

ome loudjeine · 2014-12-08, 08:50

اقتباس:

المشاركة الأصلية كتبت بواسطة x ام رحاب x

ربي يتقبل منك حبيبتي حتا انا بنتي صايمة ربي يتقبل منكم يارب

تعيشي حبيبتي ربي يخليهالكوتفرحي بيها.ربي يتقبل منها وصح من بعد فطورها.
ربي يشفيك ويباركلك في صحتك سايسي روحك بالشوية برك.

biba04 · 2014-12-08, 08:51

اقتباس:

المشاركة الأصلية كتبت بواسطة قمر 77

بيبا قالك500فرينة مغرف كبيرة سكر معرف كبيرة حليب جافملح فنجان زيت مغرف صغيرة محسن الخبز فنيلا معرف كبيرة خميرة جافةبيضة للعجن و بيضةللدهن نخلطهم كامل مليح و نزيد االبيضة مع شوية ما و نبدا نزيد الما غير بشوية تحب العجن نقدرو نديروه بريوش اذا ما اضفناش مارغارين التوريق
مارغارين التوريق نبصطوها بالرولو هتى تتحط
نفتحو العجينة ونخدموها كيما العجينة المورقة فهمتيني و لا لا

بارك الله فيك قمر ربي يعطيك ماتتمناي محتاجة غير المقادير شكراااااااا حبوبة

قمر 77 · 2014-12-08, 08:53

اسما الحمد لله بصحتكم و الله طابلتك تشهي الله ايبارك احنا نسموها كسرة بالدوا و اكيد لافارس مختلفة تماما

ome loudjeine · 2014-12-08, 08:54

دائمة الحمد ربي يعيشلك اميرة ويحفظظهالك شفتو لبنات واش ملاح هههه.
اسماء بصحتك المختومة مانعرفهاش بصح تبان بنييينة.
قمر يسلمك حبيبتي وربي يعينك ثاني.
ام هبوبة يسعد صباحك.

قمر 77 · 2014-12-08, 08:55

البنات حاولو تديرو اليوم شوية تطبيقات باش ما نخلوش الحالة ترقد
الواجبات الكوزينية راها تنتظر
بيبا جاوبيني فهمتي

ome loudjeine · 2014-12-08, 08:55

انا نروح نفكر واش نديرلهم للغداء ونكمل الاشغال الشاقة.
اتهلاو في رواحكم.