موضوع مميز لجزء 100 من واش طيبتي ليوم؟+احتفالية تكريم..بسم الله ماشاء الله - الصفحة 44

om wassim · 2014-11-30, 13:45

صحه فطوركم انا فطوري كسرة و رايب كي نكون وحدي نليكيدي
العشاء بالاك ندير لوبيا بيضا

إلهام07 · 2014-11-30, 13:45

روضة والله صح حسيت حاجة تخص ومافهمتش بصح الزرودية مليحة في البربوشة تعجبني تطلق حلاوة في المرق ياخي هذا طبخ ماشي قرآن ممكن نديرو حاجة جديدة صح انا الجريوات تبانلي تفسد طعم المرق

توت راهو يشرب في ديبريدات اللي مع النهار بصح امو هي اللي هلكاتو كي عادت ترضع فيه ضرك درنالها الحراسة المشددة على فمها تاكل غير حساء والماء

touta2010 · 2014-11-30, 13:46

اقتباس:

المشاركة الأصلية كتبت بواسطة إلهام07

نهال بصحتكم انا نموت على البربوشة لوكان ناكلها كل يوم مانكرههاش

توتة فهمت انا ثاني ندير هكذا بصح نطيبها في طاجين الطين ونمشيها بالمغرفة قبل ماتنشف باش جي رقيقة

روضة حتى حنا اليوم ظهرتلهم يسيقو الإدارة لبست البشماق وعاونت لافام دوميناج بصح شووية ترجع الحالة كيما كانت

حقة من بعد نجيبلكم صورة زكازيكو تشوفوه باباه قالي ماتحطيش صورة ابني بصح يدز معاهم حتى انا نسال فيه :d

أوغيسيا نحطو بإذن الله لازم لانو راهو وقت الشفلور ضرك راهو رخيض بصح الغازات انا غير مسؤولة :d:d

لالا المغرف تفسده وتنشف جهة بجهة
حملي الطاجين كما قتلك
متنسيش السيرو للببي وربي يشافيه ويتربى في عز والديه

دائمة الحمد · 2014-11-30, 13:46

ام ماجد ربي يعينك الخبز خرجلك يهبل علابالي بيك طباخ بريمو
غدايا يا ام يس
حساء الجزر وكسرة رخساس وسلطة وبيتزا البطاطا

الكسرة سي السيد اداها لصحابو سخونة هذا ما خلالنا ولله الحمد نفرح كي الحاجة تاعي يوكلو منها الاخرين

أم محمد تاج · 2014-11-30, 13:46

اوريسيا لحبيييبة هاني غير هنا غديت حبايب قلبي وغسلت ميعناتي هاني جيييييييت

فلان طبقات
نص لتر حليب وزوج مغرف كبار سكر ومغرف كبيرة نشا وباطة فلان نوارة فراز كلش يغلي وحطيه في لي رامكان ولا مول الكايك وخليه يبرد مليح ويتماسك وزيدي عليه الطبقة الثانية
نفس المقادير بصح هاذ المرة فلان شوكولاطة وفرغيه على طبقة الفراز وزيدي خليه يبرد ويحكم روحو وزيديلو الطبقة الاخيرة وهي:
كاس ونص ماء وزوج مغارف سكر وزوج مغارف نشا وباطة فلان نوارة فاني غلي كلش وحطيه على طبقة الشوكولاطة وخليه يبات من الاحسن باش كلش يتماسك ويجمد رووووعة وزينوووه بتلشانتيي

touta2010 · 2014-11-30, 13:49

اقتباس:

المشاركة الأصلية كتبت بواسطة إلهام07

روضة والله صح حسيت حاجة تخص ومافهمتش بصح الزرودية مليحة في البربوشة تعجبني تطلق حلاوة في المرق ياخي هذا طبخ ماشي قرآن ممكن نديرو حاجة جديدة صح انا الجريوات تبانلي تفسد طعم المرق

توت راهو يشرب في ديبريدات اللي مع النهار بصح امو هي اللي هلكاتو كي عادت ترضع فيه ضرك درنالها الحراسة المشددة على فمها تاكل غير حساء والماء :d

قولي هي راهي هالكاته ولا كانت تشرب السواءل الغازية اثناء الحمل وهدا صعيب يتعافا بصعوبة
ادا يشرب الماء غليله الكرافز مليح واعطيه ماء تاعه

sara74 · 2014-11-30, 13:51

مساء الخير لبنات

دائمة الحمد · 2014-11-30, 13:52

صحة غداكم لبنات

الهام مبروك عليكم اولا وثانيا اذا كان اختك عملت سيزاريان مانيش نراجع كما ينبغي الله غالب
راهم لي قاز نورمال من البونج فترة وتفوت كثرولو الماء باش يديقاجي

لميس اميرة · 2014-11-30, 13:53

الهام من فضلك اختي فرغي صندوق الرسائل

افرزي شوية

دائمة الحمد · 2014-11-30, 13:54

يبلغ روضة الله يخليك عزيزتي ويسرلك ولادك واذا كن عندك بنيةان شاءالله تجيك كي اميرة باهية وعاقلة وقراية بالصح ماتحبش خدمة الدار ههههههه

ام سهام 02 · 2014-11-30, 13:54

السلام عليكم ورحمة الله تعالى وبركاته

ما شاء الله عليكم يا الحراير راكم مزهيين الكوزينة باطباقكم المميزة الراااااائعة يعطيكم الف الف عافية

ام ضياء بصحتكم المخ مزية عجبتك الوصفة وباين بنين من يدك بصحتكم مشكورة حنونة

ام ياسو كشفت الرفيس اتاعك شهاني رحت درتو و البغرير جاك الله الله مثقب كما يحب الخاطربصحتكم

ام كوكو طعام البلوط هو الحموم شعال بنين مليح لعندهم السكر وثاني مليح للاطفال كديرلهم بوحمرون

انسيت على من انعلق منيش مليحة من بنتي لتدرس السنة الخامسة صبحت مريضة واليوم ابداو الاختبارات ربي يشفيها ويوفق كامل اولادنا في الاختبارات ياااارب