وصفات من حراير مطبخ وش طيبتي اليوم

وصفة حلوى العصفور لمريم الاميرة
250 غ فلوريال - كاس سكر رطب - كاس غير شوي نشا - 3 صفار بيض - 2 مغارف كبار نوتيلا - 1 خميرة و تنشفي بالفرينة و تيبسيش لعجينة خليها مليحة برك حلها و مترقيش بزاف و اطبعيها بالطابع الخاص نتاعها و كي طيب لصقي بالمجون و النوتيلا و تكون الشوكولا كثر من المعجون و لحواشي ادهني بالمعجون و ديري في النوادكوكو و من فوق المورانغ بلابوش
المورانغ 100غ بياض بيض - 200 غ سكر احرش و قرصة ملح تخدميهم مليح فوق حمام مريم حتى تشوفيه طلح مليح مبعد زيديلو حوالي 3 مغارف كبار سكر رطب و طلعي مليح هو لازم يطيب فوق حمام مريم و كي تكملي زيني بيه القاطو من فوق
و هذيك العين عمريها بلاجولي مخلط مع معطر فراز
ان شاء الله تكونو فهتو عليا و اي استفسار اني هنا ان شاء الله

[الوردة الحمرية]

حبيت نعرف علاه مايخرجوليش الصور اتمنى واحد يرد عليا

[idron0]

نظن اختي في عدد المشاركات لازم يكون على الاقل 30 مشاركة

[idron0]

اظن السبب في عدد المشاركات لازم يكون اكثر من 30.

[أم فاطيمة]

وصفة الشاورما لام مصعب
ام ماجد هاكي الوصفة تاع الشاورما من هاالعين حبيبتي 3كيسان فرينة نصف ملعقة كبيرة خميرة نص ملعقة كبيرة سكر ملح 3ملاعق كبار لحضة 2 ملاعق كبار زيت ماء دافئ للعجن تعجنيها مليح وديريها بولا كيماتاع الشخشوخة خليها ترتاح ثم حليها بالنشا او الفرينة رقييييييقة بزاف وخليها ترتاح10 دقائق تكوني سخنت طاجين المطلوع تكون نارو قوية لوحيها تطيب كي تتنفخ اقلبيها وما تخليهاش تحمار باه ماتقندش ضعيها في فوطة مطلوع داخل كيس بلاستيكي ناتي الان للحشوة صدر دجاج مقطع قطع صغيرة موتارد ملح شوية فلفل اسود شويه برك عل راس المغرفة كيما نقولو حنا كمون مغرفة قهوة هريسة زوج مغارف قارس مغرفة زيت زيتون ثوم ولازم ثم لازم ثم لازم الدجاج يتنقع على الاقل زوج سوايع كيما قالها الشاف نتاع سميرة لازم تقنعيه تقنعيه يقول فيها ويعاود ههههههه. والاضافات الاخرى نتي وواش تحبي تضيفيلها انا نقطع حبة بصلة شرائح رقيقة بزاف وحبة طماطم مكعبات كي نطفي على الدجاج نلوحهم يمممممم وانزيدلها الصلصات هاذو واش نقولك امممممممم
إضغط هنا لرؤية الصورة بحجمها الطبيعي.

[lamia zina]

وصفة لي ام مجمد تاج

النيقروووووووووو
250غ مارغارين - 5 مغارف كاكاو- 2 كيسان سكر عادي- 2 كيسان فرينة - 2 خميرة وكاس ماء و6 بيضات
حبيباتي في كاسرونة حطي الزبدة والسكر والكاكاو وكاس الماء وحطيهم فوق النار حتان يغليو كي يغلي نحي قيس كاس وحطيه على جنب ولي بقى في الكاسرونة نحيها من على النارو ضيفي صفار البيض وخبطي بالباتور باش مايطيبش البيض والفرينة ولخميرة
ومن جهة طلعي بياضالبيض مثل الثلج وضيفي برفق في خليط الفرينة وحطيه يطيب في مول مدهون بالزبدة والفرينة وكي يطيب قصيه في البلاطو مربعات واسقيه بالخليط التالي
شفتي هذاك الكاس لي نحيتيه رديه نلى النار وزيديلو باطة شيكولا واسقي بيه النيقرو تاعك وشهي طيبة حبيباتي وراهي وصفة تهبل تهبل تهبل

عصير الموز على طريقة ام تاجوووووووو
اربع موزات نقصهم ونحطهم في الميكسور ونزيدلهم زوج مغارف سكر وعصير نص قارصة وكاس حليب وكاس عصير رامي برتقال وبرتقالة كبيرة ومغرف كبيرة شانتيي غبرة ونخبط و خلالالاص والله جاوني الضياف شربو منو هبلو عليه

[lamia zina]

وصفة لي ام طيري الجنة

السردينة المحشية
قطعت البصل قطع جد صغيرة و رابيت التوم وقلّيتهم في قليل من الزيت و اضفت كمية من الروز وقلّيته معاهم مليح عاودت زدتلهم الملح و التوابل و الماء حتى طاب الروز و نشف من الماء زدت قطرته و اخذت كمية منه زدتلها القصبر او المعدنوس كيما تحبو مقطع صغيرا وقليل جدا من الثوم ويلا حبيتو زعفران و حتى قليل من الجبن يلا لاتحبو ونكون نقيت السردين و نحيت الراس و الشوك ونحله يولي بلا plat و نحكم حبة وندير في وسطها شوي من الخليط نتاع الارز بعد ما نكون ملّحت السمك ونبلع بحبة اخرى ثم نديره في الفرينة ونقليه او من الفرينة الى البيض الى الشابلور ثم نقلي وبقية الارز نشبح بيه الطبق
وشهية طيبة

[*عاشقة الجنة*]

Om moussaab

شاورمــــــــــــــــــــا



ام ماجد هاكي الوصفة تاع الشاورما من هاالعين حبيبتي 3كيسان فرينة نصف ملعقة كبيرة خميرة نص ملعقة كبيرة سكر ملح 3ملاعق كبار لحضة 2 ملاعق كبار زيت ماء دافئ للعجن تعجنيها مليح وديريها بولا كيماتاع الشخشوخة خليها ترتاح ثم حليها بالنشا او الفرينة رقييييييقة بزاف وخليها ترتاح10 دقائق تكوني سخنت طاجين المطلوع تكون نارو قوية لوحيها تطيب كي تتنفخ اقلبيها وما تخليهاش تحمار باه ماتقندش ضعيها في فوطة مطلوع داخل كيس بلاستيكي ناتي الان للحشوة صدر دجاج مقطع قطع صغيرة موتارد ملح شوية فلفل اسود شويه برك عل راس المغرفة كيما نقولو حنا كمون مغرفة قهوة هريسة زوج مغارف قارس مغرفة زيت زيتون ثوم ولازم ثم لازم ثم لازم الدجاج يتنقع على الاقل زوج سوايع كيما قالها الشاف نتاع سميرة لازم تقنعيه تقنعيه يقول فيها ويعاود ههههههه. والاضافات الاخرى نتي وواش تحبي تضيفيلها انا نقطع حبة بصلة شرائح رقيقة بزاف وحبة طماطم مكعبات كي نطفي على الدجاج نلوحهم يمممممم وانزيدلها الصلصات هاذو واش نقولك امممممممم

[lyzzabel]

غراتان البطاطا بالمرقاز lyzzabel

بالنسبة للغراتان درت بطاطا مقطعة دوائر و رابيت عليها نصف حبة بصل متوسطة و النصف لآخر قطعته بالعرض في السنيوة لي طيبت فيها و زدت على البطاطا ملح و فلفل اسود فقط خلطتهم ملييييح و ستفت فوق البصل طبقة مليحة تاع بطاطا و فوقها درت المرقاز بعد ما قطعته قطع صغيرة و زدت قطعت عليه قطة لافاش كيري le chef وطبقة أخرى تاع بطاطا وشويييييية زيت مشي مارغرين لان الزيت يطيبها مقرمشة من برا و طرية من داخل أما بالمرغرين تجي مرخية و طبعا شوية ماء ماتكثريش خاطرش لازم تطيب ناشفة غطيها بالالمنيوم و دخلتها للفرن وكي طابت نحيت الألمنيوم و رابيت عليها فرماج قودا بالكمون ممممم و فرماج روج و طفيت الفرن و رجعتها فيه باش يذوب الفرماج و خلاااااص
جربوها بنتها رووووعة
[/IMG]

[lamia zina]

وصفة دائمة الحمد

جاسمن
البيتزا نعمل العجينةالذهبية
2كيسان فرينة 2مغارف خميرة الخبز 2كيسان ماءدافي ملح 2مغارف كبار سكر ونخلطهم ونخليهم يطلعو من بعد نزيد كاس غير ربع زيت ونصف 1 خميرة القاطو
والفرينة حتى تولي عجينة شوي طرية نخليها ترتاح ونحلها على الفرينة ونقطعها دوائر وندير لا صوص تاع الطماطم والديكور ههههههههههههه ونصب عليها قطرات زيت والى الفرن
العجينة هذي نعتمدها في اغلب المعجنات

[lamia zina]

وصفة لي نخلة

جاسمن
البيتزا نعمل العجينةالذهبية
2كيسان فرينة 2مغارف خميرة الخبز 2كيسان ماءدافي ملح 2مغارف كبار سكر ونخلطهم ونخليهم يطلعو من بعد نزيد كاس غير ربع زيت ونصف 1 خميرة القاطو
والفرينة حتى تولي عجينة شوي طرية نخليها ترتاح ونحلها على الفرينة ونقطعها دوائر وندير لا صوص تاع الطماطم والديكور ههههههههههههه ونصب عليها قطرات زيت والى الفرن
العجينة هذي نعتمدها في اغلب المعجنات



تحطيهم فوق النار وتخلطي حتى يخثارو راهي تجي رووووووووووووووووعه و خفيفه و تحطيها تبرد حتى توجدي لا بات

العجينه 300 فرينه 2 بيض
90غ مارغرين 60 غ سكر 1 خماره زست او مبشور الليمون ملح

تطلعي البيض مع السكر / تدخلي الزبده مليح فالفرينه مع النواشف وفوتيها فالغربال الرقيق

من بعد تلمي بالبيض و تزيدي الفرينه اذا خصت

طيبي العجينه كي تبرد زيدي لا كريم باره و زيدي المورانغ و رجعي للفور يكون شاعل ملفوق برك


لا مورانغ..................انا مانديرهاش لاخاطر الفول مايشعلش ملفوق نعوضها بالفواكه

3 بياض+ 125 سكر قلاص

[lyzzabel]

تحلية بالكرام باتيسيار و الأوريو lyzzabel





صباح الخير عطوووورة و مشكورة حبيبتي هذا شرف ليا
الوصفة تاعي راهي سهلة و بسييييطة درت ميني اوريو غطستهم فالحليب وحطيت حبة فالكاس ثم طبقة كرام باتيسيير د رتها ذوق فاني خدمتها مشي مشرية و فوقها رشة سخية شوكولا غبرة أنا درت نسكويك ثم طبقة من ثلاث حبات اوريو مغطس فالحليب و طبقة كرام و رشة شوكولا و زينت بزوج حبات اوريو من فوق طبعا مغطسين فالحليب و خلاااااص و البنة مانحكيلكش زوجي ن ع ما يبغيان هاذو الحوائج و عجباااااته هههه ضحكة فرح
هاذي فقط فكرة جاءتني بغيت ندير حاجة حلوة و هذا لي كان موجود عندي

[lyzzabel]

طاجين القرنون المحشي lyzzabel

ريتان ونينا صح فطوركم و ربي يخليكم
تفضلو وصفة القرنون


أولا حضري المرقة ديري شوية زيت قطعي حبة بصل صغيرة و حطي تتقلى فوق النار و إذا بغيتي ديري معاه اللحم أنا مادرتش زيدي شوية ملح و فلفل حسب الذوق و عود قرفة و شوية زعفران قلي شوية و ارمي كمشة حمص منفخ و مرقي أغلقي وخلي الحمص يطيب
من جهة أخرى تكوني نقيتي القرناع و حكيتيه بالليم باش ما يكحالش و حضري لحم مرحي ديري فيه شوية ثوم أنا درت 3 فصوص في رطل لحم مرحي و ملح فلفل معدنوس مقطع رقيق و شابلير ( خبز يابس و مرحي ) خلطي مليييح و أحشي حبات القرناع أرميهم فالمرقة بشكل مرتب باش يحافظو على شكلهم مين يطيبو و ديري الكفتة لي بقات بولات و أرميهم مع القرناع أغلقي وخليهم يطيبو و المرقة لازم تجئ خاثرة يعني ما تكونش بزاف
Voilà هذي هي طريقتي و نتمنى تعجبكم راهي البنة رائعة ههههههه ضحكة إعجاب

[lyzzabel]

البريوش لبريق الأمل

وصفة البريوش صدقيني خفيف ورطب وهشوش من اروع ما يكون
هذ المقادير دارتلي كمية كبيرة اذن ديري نصف المقادبر اذا حبيتي اوك
المقادير
1كغ فرينة
قرصة ملح
6 مغارف سكر عادي ما يعادل 150 غ
3مغارف كبار سكر غبرة
3بيض
مغرف صغيرة فاني مملوءة
2مغارف كبار خميرة الخبز
150 غ مارغارين


نصف لتر ماء دافي ممكن ما تكملهاش حسب نوعية الفرينة
الطريقة
النواشف كل مع بعض فهمتوني ياك؟ هههه الزبدة ماهيش من النواشف
ثم البيض
ثم الماء الدافي
من الافضل استعمال البيتران 15 دقيقة دليك اذا ما عندكش ادلكي بيديك نفس النتيجة
وابداي ارمي بالمربع زبدة حتى تكملي الكمية وانت تدلكي
يخمر طبعا غطيه
وارجعي شكليه واحشي يقطعة شوكولا وحطي في بلا مدهون ويخليه يخمر مرة ثانية
التخمر في كل مرة 20دقيقة في الاول والثاني
كيخمر ادهنيه بمزيج بيضة كاملة وقطرات ليمون وقطرات حليب
كيطيب التزيين انت حرة
خليه هك ولا ادهنيه لاجولي ولا رشي سكر رطب بمصفاة او عسل ولوز ايفيلي محمص
حظ موفق سيداتي انساتي