هنا التحضير لمسابقة ظباط الشرطة 2012 ومتابعة كل جديد

[boubaker007]

ya khawti mat9al9ouch rwahkom ana rani sama3 beli kayna 2 liste w hadhi 2 liste rah ydakhlo m3ana a3wan w les incpecteur fi ecol ana rani manich najeh nch nkon najeh fi 2 liste

[zvingi]

المشاركة الأصلية كتبت بواسطة boubaker007

ya khawti mat9al9ouch rwahkom ana rani sama3 beli kayna 2 liste w hadhi 2 liste rah ydakhlo m3ana a3wan w les incpecteur fi ecol ana rani manich najeh nch nkon najeh fi 2 liste

انشاء الله خويا أنا نجحت بصح راها صامطتلي كي مزال غاشي كبير ما نجحش

[idriss87]

حسب اخر الاحصائيات ولاية سطيف تضرب بقوة 91 ملازم نجحو لتربص

[Buffalo]

المشاركة الأصلية كتبت بواسطة toutou23000

يا خويا مازلت تسقسي على المعدل الحكاية راهي بالمعريفة و بالمكتوب عندي صحيبي نجح بالرغم انوا معاود العام و الليسانس تيعوا 2011 و عندوا 10 و انا ليسانس 2010 + كابا 2012 + خبرة في الدارة لمدة سنتين و مكتبش ربي
ربي يسهلوا مشني قاعد نحرز بيه لانه صحيبي المقرب
راني نفهم فيك بلي كلش بالمكتوب لاكا كاتبها ربي راهي تجيك و تجحيني لاكان مشوا كاتبها ان شاء الله يكون حتى المعدل تعنا 16 و يكون كاين حتى 10 قوائم جديدة

يا اخي انا ما قلتش العكس تاع الصح كلش بالمكتوب , و لكن على الاقل نعرفو فاش راهي تدور و معايير الانتقاء . يعني هل خداو الضباط بغض النظر عن المعدل او خداو بعين الاعتبار المعدل . بحيث لو كنت متواجد من بداية فتح المسابقة كانو يقولو المعدل هو الفيصل و هو لي يحدد الناجحين .
هادا هو مقصودي . اما المعرفة فهادي حاجة اخرى فكلنا نعرفو انا البلاد تسير بالمعرفة ,. و لكن لما تسمع 1700 ضابط هنا ماهمش كامل بالمعرفة .

[rym-mimia]

انا حقوق معدل 11 و عيطولي نروح ل شاطوناف حمد لله

[juvada29]

المشاركة الأصلية كتبت بواسطة moh.hamdadou

بالنسبة لي قالولهم جيبو 4 نسخ تاع ديبلوم معناها حطوهم فلليست دطونت يحب يقول اذا مجاش كاش واحد ولا خرج كاش واحد يعيطولك والله اعلم

nta chekoun DRH wela elhamel yerham waldik matahdarch ghir hak me rassek

[moha 18]

المشاركة الأصلية كتبت بواسطة moh.hamdadou

بالنسبة لي قالولهم جيبو 4 نسخ تاع ديبلوم معناها حطوهم فلليست دطونت يحب يقول اذا مجاش كاش واحد ولا خرج كاش واحد يعيطولك والله اعلم

أنت على خطأ أخي بل ناجحون لكن لأانهم دفعوا الملف بالشهادة الادارية و ليس بشهادة الليسانس فطلبوا منهم اكمال ملفهم بها حتى تكتمل الاجراءات القانونية فقط . اما عن القائمةالاحتياطية فلا أحد يعلم بها

أنا درست حقوق دفعة 2012 ومعدلي سنة أخيرة 14.25
أما عن طريقة الانتقاء فهي على أساس المعريفة و نتيجة المقابلة في عين البنيان التي أخذت حصة الاسد في الاختيار و كل شيئ يبقى بالمكتوب . الي مكتوب في الجبين ما ينحيوه اليدين و السلام عليكم
.

[moha 18]

بالنسبة لمن طلبوا منهم جلب 4 نسخ من الليسانس هم ناجحون لكن لأانهم دفعوا الملف بالشهادة الادارية و ليس بشهادة الليسانس فطلبوا منهم اكمال ملفهم بها حتى تكتمل الاجراءات القانونية فقط . اما عن القائمةالاحتياطية فلا أحد يعلم بها

أنا درست حقوق دفعة 2012 ومعدلي سنة أخيرة 14.25

أما عن طريقة الانتقاء فهي على أساس المعريفة بالاضافةالى نتيجة المقابلة في عين البنيان التي أخذت حصة الاسد في الاختيار و كل شيئ يبقى بالمكتوب لانه هناك من نجح لأنه عنده المعريفة مع ربي سبحانو و ليس مع العباد. الي مكتوب في الجبين ما ينحيوه اليدين و السلام عليكم

[toutou23000]

المشاركة الأصلية كتبت بواسطة buffalo

يا اخي انا ما قلتش العكس تاع الصح كلش بالمكتوب , و لكن على الاقل نعرفو فاش راهي تدور و معايير الانتقاء . يعني هل خداو الضباط بغض النظر عن المعدل او خداو بعين الاعتبار المعدل . بحيث لو كنت متواجد من بداية فتح المسابقة كانو يقولو المعدل هو الفيصل و هو لي يحدد الناجحين .
هادا هو مقصودي . اما المعرفة فهادي حاجة اخرى فكلنا نعرفو انا البلاد تسير بالمعرفة ,. و لكن لما تسمع 1700 ضابط هنا ماهمش كامل بالمعرفة .

راهم قاعدين يأكدوا بلي كاينة قائمة ثانية بالك نكونوا فاها كيما قتلك كلش بالمكتوب

[ibrahim roger]

السلام عليكم و رحمة الله و بركاته إخواني هل ما يدور من كلام أن هناك قائمة ثانية و هل الذين وصل لهم الإستدعاءات هل لمباشرة التربص أو إجراء الفحص الطبي المعمق + الرياضة و إذا كان لإجراء الفحص الطبي المعمق+ الرياضة معناه أنه يوجد من سيخرج لسبب من الأسباب

[rym-mimia]

المشاركة الأصلية كتبت بواسطة ibrahim roger

السلام عليكم و رحمة الله و بركاته إخواني هل ما يدور من كلام أن هناك قائمة ثانية و هل الذين وصل لهم الإستدعاءات هل لمباشرة التربص أو إجراء الفحص الطبي المعمق + الرياضة و إذا كان لإجراء الفحص الطبي المعمق+ الرياضة معناه أنه يوجد من سيخرج لسبب من الأسباب

انا ف الاستدعاء مكتوب احضار لوازم الرياضة و النضافة لمباشرة التربص بالتوفيق خاوتي

[yakoubiano]

المشاركة الأصلية كتبت بواسطة coco_chanel

السلام عليكم و رحمة الله تعالى و بركاته حبيت نخبركم حاجة على خاطر ماحبيتش نشوفكم حايرين مكان الله تبعوا هدرة حتى واحد راهم داو العدد المطلوب 1750 لا زيادة و لا نقصان وواحد ما يقدر يحسب العدد من المنتدى على خاطر معندناش عدد الناجحين في الولايات كامل و اللي قالولهم جيبوا الديبلوم راهم تاع الاحتياط وعندهم الافضلية من حيث المعدل و التخصص و الامتحان الشفهي واللي عندوا هدرة غير هادي يقولها بصح بالدليل خاطر كاين ناس ماوفقهمش ربي ماكان الله نزيدجوا عليهم ونلعبولهم بمشاعرهم

واش تخربطي أنا من الجماعة اللي كملوا لي دوسي واليوم جاء التيليغرام باه نروحو يوم 23 مع الأوائل لي عيطولهم
ادن انت ماتلعبيش على المورال تاع الجماعة اللي طامعة تخرج في الاحتياط ربما ينجحوا خاطر نسبة معتبرة رايحين يروفزوهم
واللي فيه الخير يلحق وماتزيديش تعاودي أخبار هكدا ......:con fused::con fused::con fused::con fused::con fused::con fused::con fused::con fused:

[Ai7xpressTV]

السلام عليكم مبرووووك للناجحين .... كالعادة أخباري صادقة لذا انتظروني الليلة في توضيحية للامور

[moh.hamdadou]

المشاركة الأصلية كتبت بواسطة juvada29

nta chekoun DRH wela elhamel yerham waldik matahdarch ghir hak me rassek

hadi machi hadra man rasi hadi hadrat ly ra7 ya7kam fik ida 9ablok l stag ou mataz3afch wlid khalti

[yakoubiano]

المشاركة الأصلية كتبت بواسطة toutou23000

يا خويا مازلت تسقسي على المعدل الحكاية راهي بالمعريفة و بالمكتوب عندي صحيبي نجح بالرغم انوا معاود العام و الليسانس تيعوا 2011 و عندوا 10 و انا ليسانس 2010 + كابا 2012 + خبرة في الدارة لمدة سنتين و مكتبش ربي

المشاركة الأصلية كتبت بواسطة toutou23000

ربي يسهلوا مشني قاعد نحرز بيه لانه صحيبي المقرب
راني نفهم فيك بلي كلش بالمكتوب لاكا كاتبها ربي راهي تجيك و تجحيني لاكان مشوا كاتبها ان شاء الله يكون حتى المعدل تعنا 16 و يكون كاين حتى 10 قوائم جديدة

أخي ثوثو أنا نجحت لعقوبة ليك مرة أخرى معدلي 11حقوق زايد كابا بشهادة مدرسية فقط الى الصومعة من الجماعة اللي زادو 4 نسخ من الديبلوم ناجحنا في الثواني الاخيرة:19 :: 19::19 :: 19: