الجزء 178 من كوزينة احلى رفقه كوزينة الاطايب للطيبات - الصفحة 43

أم يوسف2 · 2017-03-20, 16:03

اهلا حبيبتي حياة فرحت كي دخلتي ان شاء الله تسلكي بخير
امنية هاديك العشبة ماعرفتهاش ماعندهاش اسم اخر؟؟؟؟
اليوم هو اليوم العالمي للسباقيتي خخخخ تفاهمنا عليها
شهيتوني بالموس تاع الفراز وغير ذلك بصحتكم
انا نعرف القرنينة نفوروها ونديروها مع الطعام
او كاين لي يحبها مقلية مع البيض والثوم......
وكاين لي يديرها بلاصوص حمرا ونديرولها حتي الجاج ههه ايه علاه مسكينة حقرتوها هههه

أم يوسف2 · 2017-03-20, 16:03

صح قهوتكم بناااات

*زهرة اللوتس* · 2017-03-20, 16:12

سلام لبنات ان شاء الله الكل بخير، رزيقة بصحتك الفريزة ومشتقاتها والسباقيتي والقرنون وكل الأطايب ماشاء الله عليك يديك تتلف في حرير يعطيك الصحة
امنية يا أم الأفكار فحلة ونص و25 ربي يبارك، كل طبق حطيتيه تحفة، انا من رأيي تحطيهم مواضيع مستقلة كاين بزاف اللي مايدخلوش الكوزينة تاعنا هكا اللي تحب تتعلم أطباقنا وخاصة التقليدية تلقاهم واجدين وانت ربي يجازيك خير الجزاء وربي يرزقك الذرية الصالحة انت وزيكا عاااااااجلا غير آجل قولوا آميييييييين (الحاضرات واللي وراء الكواليس)
ام هدول شحال نحب أطباقك والله يسخفو كامل باينين بنان طبختيهم بكل حب لبناتك وعايلتك ربي يحفظكم لبعضاكم
حيوتة لعزيزة ربي يسلك وحلك ويسهلك ان شاء الله وتشوفي البيبي تاعك بين يديك سالم معافى
ام يوسف وام محمد وسيليا وكل البنات يعطيكم الصحة ومرحبا بالوافدات الجدد والغايبات ربي يرجعهم على خير
ام رحاب مرحبا بيك يا العزيزة والحمد لله كي طمنتينا عليك وربي يرحم ميمتك ويرزقكم الصبر الجميل
بحورة بالبسكرية الفحلة شكرا على طريقة البراج ويعطيك الصحة على كل شيء تحطيه
كاوكا اختي ربي يكون معاك وطلي علينا مرة على مرة وكل وحدة غايبة لظروف ان شاء الله يرجعو كيما كانو
توبة الحبوبة طلي علينا توحشنا أطباقك
هاذو براج خدمتهم نهار الخميس درت ليا ولدارنا ولعجوزتي

هذا الغرس نحب تاع البطانة نقيه مليح ونرحيه ونداويه بشوية قرفة وطيب وجلجلان ونعجنو مليح بماء الزهر والزيت

الوصفة تاع ام رامي مانستغناش عليها ربي يجازيها
وبما أني درت كمية كبيرة استعملت هاذ الطريقة وهي اني نحل الجزء الأول تاع العجين على شكل مربع ونقسم الغرس على 4 ونحلهم بالوحدة على شكل مربع ونحط على كل ربع من العجين الأول حتى نكمل ثم ثم نكمل، ونقسم الجزء الثاني تاع العجين على 4 ايضا ونحل كل جزء على شكل مربع ونحط فوق الغرس حتى نكمل عملية سهلة دقائق برك ونا كملت، ومبعد نحل المربع بالحلال بالشوية باش مايخرجش الغرس ثاني عملية سهلة ليه ليه نكمل ونبدا نقطع بالسطر ونطيب مع تغطية العجين

القبايلية · 2017-03-20, 16:23

دخلت على سؤال أمينة ما نعرف إلا جاوبتو عليه أم لا العشبة هاذيك حسب الصورة عرفتها ما نعرفش اسمها بالعربية و لكن بالقبايلية يسموها فيفراس vivrasse يطيبوها بالكسكس و يديرو بيها خبز و يديرو فيها بركوكس ممممممممممممممممممممممممممممممم لذيذة جداد جدا أنا نحب ريحتها عندي عشرين سنة ما ذقتها من أيام ماني ربي يطول في عمرها
تحياتي لكل وحدة فيكم
رزيقة قريت راكي حامل ألف مبروك ربي يعطيك وقفة ساهلة و حياة تاني و جميع الحوامل

*زهرة اللوتس* · 2017-03-20, 16:24

وهاذو بعض طياباتي البسيطة لاتزواق لاوالو هههه

تفكرت ام ابراهيم ام الكتكوتة ريحان ان شاء الله تكون بخير هي وأولادها وثاني أم محمد تاج شحااااال توحشناك ان شاء الله تكوني بألف الف خير ياغالية وام ياسين وام نسرين ومريومة وووووووو ربي يسمعنا عيهم اخبار الخير

*زهرة اللوتس* · 2017-03-20, 16:27

نخليكم لبنات اتهلاو في ارواحكم وصحة قهوتكم

البحر الصافي · 2017-03-20, 17:29

اقتباس:

المشاركة الأصلية كتبت بواسطة *زهرة اللوتس*

وهاذو بعض طياباتي البسيطة لاتزواق لاوالو هههه

تفكرت ام ابراهيم ام الكتكوتة ريحان ان شاء الله تكون بخير هي وأولادها وثاني أم محمد تاج شحااااال توحشناك ان شاء الله تكوني بألف الف خير ياغالية وام ياسين وام نسرين ومريومة وووووووو ربي يسمعنا عيهم اخبار الخير

ماشاء الله تبارك الله اكلك يشهي موت تسلم الايادي راهو مز وق لاباس بيه المهم البنة وباين بنيييييين
وتسلميلي على الكلام الحلو يا زهرة اللوتس انت
وطريقة لبراج عجبتني رايحة نعتمدها في الكميات لكبيرة شكرا
فكرتيني في ام ابراهيم توحشنا باتيسري وحلوياتها الرائعة
وام تاجو وام ياسو وكل الفحلات لي كانو مزهيين الكوزينة
ومننساوش الاخت ايدرو تحية كبيرة ليها راهي مجاهدة خفية في هذا المنتدى

أم يوسف2 · 2017-03-20, 18:22

سلاااااام وين راااااكم بنات

cilia · 2017-03-20, 18:38

السلام عليكم واش راكم لباس
اليوم العشية مخدمتش ايا قلت ندير تارتولات الفراز كانوا في قلبي و ماما دارت الرفيس الصباح تحب تتقهوى بيه صباح مع قهوة و حليب
العجينة نتاع الهام اللي بالزيت جات هايلة منزيدش نبدلها
[IMG][/IMG]
[IMG][/IMG]
[IMG][/IMG]

أم يوسف2 · 2017-03-20, 19:09

صح عشاكم بناااااات ياااااااااووو عليكم

ام هدول · 2017-03-20, 21:57

صحة عشاكم لبنات ....عشايا كان حريرة مع الخبز لخفيف لام اماني .وسلطو وبرتقال ..كنت صورتهم من قبل عجزت نزيد نعاودهم نفسهم
امينة شكرا على المعلومة تع نبتتة العهقان ...بسيف نطقتها ...باينة بنينة ماهي تع الاصالة تع الاجداد صحية ومفيدة من الطيبعة ....
زقزوقة ...الاطايب رووعة خاصة الانتعاش الطبيعي بصحتك ويسلم ييدك ويدومها نعمة ...خاصة لفريز عمليتي بيه عمايل خخخخخخ..حقة القبائلية قالت راكي حامل وولا انا ماسمعتش مليح اقصد ماشفتش مليح ......؟؟؟؟؟...ان شالله ياربي تكون فولتلك ..
حيوتة البطبوطة ...بصحتك السباقتي ووواش راهم ريحان ودعاء ....
بحوةر شكرا على طريقة لبراج ..وان شالله الغيبات يرجعو بخير .....زهرة اللوتس كدللك الطريقة والشرح وكلامك روعة والاورع طياباتك وشهيواتك من ايدمانعدمها ...
ام عبيدة طولتي يزززاف وخلتي كوزينتك ..ان شالله تعودي في اقرب وقت ...
ام يوسف نسيت واش هو عشاك بصحتك حنونة

سليا لي تات اولات ررروعة والرفيس بصحتكم ...وعجينة البريزي ببالزيت ديما نقول نجربها ....وزتي شجعتني كي شكرتها ونجحتي فيها ...

ام هدول · 2017-03-20, 22:03

بما انو كرهت من طيابي ...وخوتاتي مجموعين عند ميمتي ..راهم يغيرو فيا وبعتولي واش طيبو ...من هناك من قسنطينة عبر الفايس اتفضلو نبدلو شوية من ماكلتي

الصور شوية ماش واضحة الطبق اسكالوب دو داند فاغسي باللحم المفروم والجبن

جلبانة مع كروكات بالطاطا محشيين بالبيض والجبن

ام هدول · 2017-03-20, 22:06

ودكة نخليلكم الشريك باش تتقهوةاالصباح بادن الله ....

تصبحون على خير ...

أم يوسف2 · 2017-03-20, 22:22

تصبحون على الف خييييير

أم يوسف2 · 2017-03-21, 07:29

صباح النور والفل والياسمين عليكم