الجزء 108 من واش طيبتي اليوم ؟؟ تفاءلو بالخير تجدوه

[ارزاق]

صباح الخيرات علي الفحلات غدانا سباقيتي

[أم ضياء عبد الرحيم]

صباح الخير عليكم كامل
نهار مبروك
دخلت على بغرير الامنيات تسلم الايادي
و قمر مبروك لكن مشفتش الصور
اعذروني ما رجعتش قلت نقولكم صباح الخير و نروح للاعمال الشاقة
نضت بكري سحرت و من بعد نوضت ولدي فطرتو و وصلتو للماترنيل
زوجي مزال مسافر ندير لولدي لعدس للغداء
ادعيولي ربي ينجحني و نتهنا و الله غير غلبت
نسيت نسقسيكم
ما سالتوش رواحكم واش هذا الايمان و التقوى الي نزل على جيادا كل يوم صايمة:d
نخليكم تخمنوا وحدكم
ام كاميليا عندنا مدة ماتلاقيناش كيفك ان شاء الله تكوني ريحتي شوية

[قمر 77]

البنات سامحوني راني بدلت مركز التحميل و نشالله هذ المرة ايبانو
احنا الفاتحة درناها في المسجد و كي فتح الامام اهل العروسة جابو كل خير حطوه في موائد في المسجد حطو السفة بالحليب و العسل الحر و السمن العربي و التمر اللي فالمسجد اكل ياكلو على حساب اهل العروسة وش يحبو اذا حبو يديرو الفاتحة فالدار
و الحلويات و العصائر و بعثولنا الاتي










جابولنا مع المغرب احنا ماما ثم ثم قسمت كلش على العائلة و الجيران و الاحباب خلات غير شوية ذقناه حتى العائلة اللي فالعاصمة بعثتلهم ايه التمر و الحليب ما صوروهمش على خاطر انا ووصيتهم يصورولي كنت في الكوزينة كوزيت هههههههههههه
ز دركا الشاطرا تغللي وش هذا
و العاقبة لبناتنا قع يصيبو ولاد الحلال اللي يتهناو معاهم و على راسهم مرومة الحلوة

[Simassim]

صباح الخير عليكم ونهاركم مبروك
راجعت وراجعت راجعت حتى لي جاني النعاس. ههه نسيت كلش
فطوري كوتلات فالكوشة واش نزيد معاها راه تالف. عندي غي الطماطم والبصلة والروز كرهناه. دبروا عليا

[هالة اسماء]

السلام عليكم انا عضوة جديدة اصبحتم جزء من حياتي

[هالة اسماء]

انا من ولاية مستغانم مغتربة في رقان يعني ضروف عمل زوجي مدمنة على هاد المنتدى الغالي راني متونسة بيكم وتعلمت بزاف طبخات والفضل يعود اليكم ايتها الطباخات الماهرات اود المشارة معكن فهل تقبلنني

[عازفة الناي]

قمر الف مبروك الفاتحة والصور خرجو هايلين

[عازفة الناي]

هالة اهلا وسهلا بيك تشرفينا
سيما صباح العسل واش راكي اليوم؟؟؟؟؟؟؟؟؟؟؟

[ome loudjeine]

قمر صباح النور.
راهم خرجو الصور وكلشي روعة ربي يزين سعدهم ويفرحهم ويكمللهم على خير.
هاداك الصحن الخير بانتلي كيما لحنة ههههههههه.

[ome loudjeine]

هالة اهلا بيك منورة.
جيادا ربي ينجحك ويعطيك واش في قلبك ويهنيك.وربي يتقبل صيامك ويقوي ايمانك.
حتى انا صايمة ليوم ربي يقدرنا ويتقبل منا كامل امين يا رب.

[هالة اسماء]

انا فطوري مممكن طعام بالمرقة بقالي مالبارح تعشى عندي صاحب زوجي ربي يحفضو
البارح من كتر ما عجبتني الطمينة تاع ليزاالعسلاية كيما تقولولها راجلي شبعمو طميييييينة

[هالة اسماء]

ياي ياي باغي نطير مالفرحة شكرا ام لجين ربي يحفضك
الله يحفضكم لاهاليكم وتمتعوهم بما لذ و طاب

[قمر 77]

البنات اللي باركولي ربي يحفظكم و يبارك فيكم و العاقبة لقع اللي ما زالو
ههههههههههههههزيدو فكرو الطبسي الاخير وش فيه حزر فزر نروح لشغالتي اليوم دوك يخلاص و نباسي سلام

[omhadil]

صاحكم ورد وياسمين يا اغلى الحبايب

[الأمنيات]

لبنات شكون جربت دجاج محمر تاع لينا11 وتعطيني النصائح معاها