الجزء 73lن واش طيبتي اليوم كوزينة النجاحات - الصفحة 43

دائمة الحمد · 2014-06-25, 09:41

ليزا صباح الانوار واش صبح وليدك انشالله لاباس وكانش ما عندك اخبار على ليلو ملي خرجت كونجي مابانتش

nihale89 · 2014-06-25, 09:42

غدايا قران التونة والحمد لله

charolize · 2014-06-25, 09:46

اختى ليزا ألف مبروك وباقة ورود لكما ولابنكما العزيز بمناسبة حفل ختانه أدامه الله وحفظه لكما من كل سوء، وجعل أيامه كلها أفراح وبركات

R I A D · 2014-06-25, 09:48

ليزا صباحك فل و ياسمين و هناء و سعادة
و ربي يشفي منصف حبوبي مووووووووووواح كبيييييرة ليه

صبرينتي حبيبتي الله يسلمك و ربي يبارك فيك على الدعاء و لك بالمثل و ربي يفرحك باولادك امين

ام اناس صباح الفل و الورد كيف حالك

نهال الله يسلمك حبيبة و ربي يعيشك على الدعاء و ربي يحفظلك كل عزيز و غالي امين

اللهمّ ما اصبح بي من نعمة او باحد من خلقك , فمنك وحدك , لا شريك لك , فلك الحمد و لك الشكر

lyzzabel · 2014-06-25, 09:52

شاروليز الله يحفظك على التصبيحة الراءعة حبيبتي و صباحك اسعد و أطيب

صبريييييينتي يا عمري انت ربي يخليك شكرااااا على السؤال ،، منصف راه بدا يبرأ و الحمد لله بصح راني في جهاد معاه ما يخلينييييييش نحطه ولا نقعد بيه

صباح الفل نهال و بصحتك الغراتان

داءمة الحمد الحمد لله منصف راه يتحسن ربي يخليك ،، و شكرااااا على فكرة المارغرين المداوية عجبتني الفكرة بزااااااف و بصحتك تهنيتي مالميناج انا مازال راني حاصلة و على ليلو حتى انا ما عنديش عليها اخبار كانت قالت بلي تدخل للكوزينة من دارها بصح لا حس و لا خبر انشالله المانع خير و الكونجي تاعها قالت دات شهر يعني غادي تطول الغيبة

و سكرتي الحلوة ام محمد وييييين راهي شكوووون تطمني عليها ؟؟؟؟ و يادرا لهونتي بانت ولا ما بانتش قاع ؟؟؟

دائمة الحمد · 2014-06-25, 10:01

اخيرا بعد اخذ ورد وتفكير عميق راح نعمل غدايا مرقة بطاطا وسلاد بلونكات وعندي حليب رايب ودلاع ولله الحمد

R I A D · 2014-06-25, 10:02

ليزا ام تاجو راهي لاباس عندها مشكل في النت تتقطع حتى يشكي راجلها باش يرجعوها و تزيد تتقطع
و راهي لاهية تخيط في كسوة للكوزينة تاعها

و لهوونة ما زال ما طلتش

غدانا سباقيتي صوص بولونييز...انا ما ناكلش لي بااااط
نشوف كاشما ندير ليا
سلاااااامي حبوووبااااتي

استودعكم الله الذي لا تضيع ودائعه

دائمة الحمد · 2014-06-25, 10:07

ام رياض طلي ماطوليش الغيبة

lyzzabel · 2014-06-25, 10:08

الله يسلمك حبيبتي شاروليز و يبارك فيك و شكرا على الدعاء الراءع ،، اللهم امييييين و ربي يدوم الأفراح في كل البيوت

ربي يحفظك يا لميمة الحنينة على الجواب ربي يطمنك و يفرحك و تكوني دايما بصحة و سلامة يااااا رب و مواااااح راهي وصلت لحبيبي منصف اتهلاي في روحك

داءمة الحمد بصحتكم الجواز و الدلاع ،، انا مازال راني نخمم خخخخخ

استغفر الله العظيم من كل كل ذنب عظيم
اللهم صل و سلم على سيدنا محمد

ناهدوران · 2014-06-25, 10:09

صباح الخير
اليوم حبيت انعتلكم طريقتي كيفاش انكونجلي الفراز وهاي ليكم الصور

دائمة الحمد · 2014-06-25, 10:12

تابع تحضيراتي لشهر رمضان

المسلي وما يحلى رمضان كان بالحلة والمسلي

هذا لحم المسلي

هنا كي حطيتو يطيب

وناس بكري كانو يعملوه في طنجرة خاصة اسمها السطل ان عاملة ليه كوكوط قديمة عاطياهالي امي كل عم نجبدهاراهي ولت ارشيف

هنا لما طاب راني طيبتو البارح ونخليه يبات بلا غطا والصباح يبرد ويكون جامد نغطيه ونخبيه

lyzzabel · 2014-06-25, 10:21

بعد تفكير عميق طويل عريض قررت ندير شكشوكة البصل و لي فريت و سلاطة و الحمد لله

ناهد صباح النور و شكرا على فكرة تجميد الفراولة ،، انا راني مجمدة كمية مليحة بالطريقة لي نعتته إلنا ام ماجد و مازال ما جبدتهمش

داءمة الحمد من بعد كي تكوني قاعدة فهميني في هاذ المسلي و تاعش ولاش يصلح و فاش تديريه و وينتا و كيفاش و قااااع الاسءلة المطروحة ههههههه ،، يعني لحم العجل ولا الخروف ما بانليش مليح

اللهم اني أسالك العفو و العافية في الدنيا و الآخرة

عازفة الناي · 2014-06-25, 10:21

صباحكم سعيد واش اخباركم
الله يبارك في كل من ساعدني دائمة الحمد ليزا واولادي
راني مع ميناج المنزل الحمام و الكولوار هههههههههههههههههه اليوم تجي العين يا ويلي ههههههههههههههههههههه
راح والدي يشريلي لوازم العرضة مزية غدوا على الاقل نفكر بعقلي ونوجد بكل راحة هههههههههههه غدايا راح ندير مقلي و شكشوكة و ديسير وكسرة
ربي يكون في عون الجميع

2014-06-25, 10:28

يسلموووووووووووووووو ناهد على الطريقة مام انا نديرو هكدا لكن السنة مجمدتش هههه
دائمة الحمد ونهال وشاروليز وام رياض وليزا بصحتكم واش راح تطيبو حبيباتي
اللهم بلغنا رمضان واعنا على الصيام والقيام

2014-06-25, 10:30

دائمة الحمد حنونة كيما قالتلك ليزا حاولي تفهمينا فيه وياريت موضوع يستاهل وبالتفصيل الممل علبالك اول مرة نشوفو ومعلبليش كامل لواش تستعمليه هههه والله استفدنا معاكم ربي يجازيكم كل خير ياااارب
عازفة الناي ربي يقدرك على العزومة متنسيناش من الصور هههه