الجزء 77 من واش طيبتي اليوم سيدتي **تحضيرات شعبان لإستقبال رمضان** - الصفحة 43

رياحين الجزائر · 2014-06-06, 14:51

مساء الخير لبنات
بلييييز حبيت نعمل فلان انتاع الهام وابعثت نشري الفلان واخدمت الكراميل قبل مانشري وجمدت بليييز نقدر نشعل علسها النار وتدوب ونخدم عادي ولالا بليييييز حالا بالا

ladymillion · 2014-06-06, 14:52

~~~السلام عليكم حبيباتي جمعة مباركة عليكم جميعا وصح غداكم الكل ولي صايمين الله يتقبل عليكم ويحعلها في ميزان حسناتكم

هنا غدانا لوبيا وكملنا الميناج اليوم تهنينا منو ،،، بصحتكم واش طيبنو مالقيتش على من نعلق راني نقول الله يبارك كل مانشوف ويعطيكم الصحة

ام ايمن حنونة طياب ما شاء الله تبارك الله عليك ممكن وصفة قاطو الطبقات يهبل مممم

ماري حبيبتي الله يحفظك ويزهي أيامك يارب ويعطيك الصبر الذي يأتي بعده فرج ويشافيك حنونة

الاخت
manothebest جربتي مورانغ ام اماني ولصقتلك مانعرف واش هو السبب فرشي في الصينية ورق الطهي ،،، او يمكن نزعتيها من الصينية وهي هكذاك سخونة ولازم كي تكون طيب تحلي شوي الفرن شوي برك وتنقص للفرن ويكون مسخن قبل ملييييح والرف يكون لفوق

بالنسبة للوصفات لي طلبتيهم راح تكتبهملك حالا :

وصفة تاغتولات / العجينة :
150غ مارغارين
100غ سكر ناعم
1 صفار بيضة
رشة خميرة الحلوى
1 مك نشا
رشة ملح >>> تمزجي المكونات عادي كيما كي تخدمي الصابلي وتلمي بالفرينة /// تخلي العجينة ترتاح نصف ساعة /// وديريها في لي مول وتسويها مليح وتحطيها طيب /// حرارة الفرن 180° يكون مسخن قبل بـــ 15د

الكريمة :
2 كؤوس حليب >> حطيه في كاسرونة وخليه يسخن مليح

في صحن فقصي 2 صفار بيض + 3 مك سكر عادي + م ص فاني وخلطيهم بالفوي ملييييح + 2 مك نشا وخلطي بالفوي حت تمتزج المكونات مليح /// فرغي الحليب لاشوي على الخليط وحركي باستمرار باش مايطيبش البيض ومن بعد رذي الكل في الكاسرونة وابقاي تحركي فوق النار حتى تخثار وتولي كريمةرجعيها في صحن وغطيها من فوق بورق شفاف وحطيها في الثلاجة تبرد >>>>> أعصري 2 حبات ليمون وزيديهم للكريمة بعد ماتبرد وحركي

كي طيبو لي تاغتولات حطي فيهم لكريمة ولي تبقى زيديلها شوي كريم شانتي تكون متماسكة ((( يعني ديري كأس حليب + 8ك م غبرة الشانتي ))) وخلطيها مع كريمة الباتيسيير المتبقية وزينيها من فوق مع الفواكه /// انتهى الدرس

وصفة الرولي :

على حساب الصينية لي راح ديري فيها و كم بيضة تهزلك بالنسبة للرولي

نعطيلك كيل 3 بيضات

3 بيضات + رشة ملح (خطبيهم مليه بالباتوغ ) + 6مك سكر وخبطييهم تاني مليح + مك فاني أو اي نكهة تقدري ديري م ك ياؤورت بأي ذوق +6 مك فرينة مغربلة+ م ص خميرة الحلوى وتمزجي الخليط تحطيه في صينية وتخليه يطيب ماشي حتى يحمر من فوق ومن بعد يبس راهو مايطولش في الطياب كي تشوفي الحواف لونها احمر خرجيه

وقبل وجدي منشفة مطبخية نظيفة بلليها بالماء البارد واعصريها عادي ولما يطيب الرولي خرجيه من الصينية وحطيه من المنشفة المبللة وروليه بالمنشفة يعني يجيك بودان وحطيه في الثلاجو وهوهكذاك مرولي في المنشفة حتان يبرد

كي يبرد خرجيه وديريلو معجون وعاودي روليه عادي ///

رياحين الجزائر · 2014-06-06, 15:00

ردو عليا بليييييييييز

ladymillion · 2014-06-06, 15:05

رياحين الكراميل كي ترديها يبالي راح تتحرق ولا جربي ذوبيها في حمام مائي

أم محمد تاج · 2014-06-06, 15:06

ام رياحين حنونتي تقدري تسخنيها وتخدمي بيها عادي
ام كاميليا حنونتي صغري الصور عيييت نشوووف وثقالت الطابلات

مرام 1987 · 2014-06-06, 15:07

ربي يجازيك ليدي ويحفظك انت تاني
أم ماجد ابعثيلي طرف كسرة من تحت الطابلة شهاتني وععععععععع حنا نديروها بصح أنا يطيبولي تاعي بدقيق تاع الذرة وعععععع ما تتكلش
فايزة امممممممم على ديك البربوشة تشهيييييي
أم أيمن بصحتكم واش حطيتي كلشي روووووعة سوغتو البيتزا جات فن أنا نحبها هكذاك طالعة
البقية لي حطو طيابهم كاااااامل بصحتكم كلشي يشهي وااااااااااو

R I A D · 2014-06-06, 15:09

اقتباس:

المشاركة الأصلية كتبت بواسطة رياحين الجزائر

ردو عليا بليييييييييز

رياحين تقدري تدفيه شوويييية برك فوق نار قليلة قيس ما يطلق روحو برك
بالاك تزيدي للنار راه يحجر
و اذا خفتي ...شعلي الفور و كي يسخن طفيه و حطي الكاراميل تاعك يضربو الصهد و يولي سائل

ليدي تسلم ايديك على الوصفات حنونة

اللهم صل و سلم على سيدنا محمد

مرام 1987 · 2014-06-06, 15:10

رياحين أهلا حبيبتي بعودتك إن شاء الله ندى راهي مليحة والله ما تروح من بالي
وعلى سؤالك والله ما عندي فكرة شوفي البنات درك يعاونوك
أم كاميليا حبيبتي صغري لي فوتو ماشفت والو وزيد ثقلتلي غير الأيباد

ladymillion · 2014-06-06, 15:11

نهال البارح خرجت قبل الرد نتاعك آسفة راح نعطيلك وصفة لعجينة تجي خفيفة وتصلح لأفخاض الدجاج الكذابة ومافيها والو سهلة وتصلح حتى للبيتزا والبانيني وووووو

كأس فرينة + م ك زيت + م ص ملح + م ص خميرة الخبز + م ص سكر وتلميهم بماء دافي واعجنيها وتكون شوي متخومة ماشي بزاااااف وتخليها تتخمر ساااااعة لازم

ومن بعد افرديها واذا جاتك تلصق ساعدي يدك بالفرينة وقطعيها مربعات وحطي الحشو نتاعك و مورصو بطاطا واغلقيها مليح وشكليها فخض دجاج باهي ههههه وخليها ترتاح 20د هكذاك ومردمديها في البيض والشابلووغ واقليها

نتمنى إذا جربتيها تعجبك وتدعيلي بالخير يالبنية هههههه