موضوع مميز الجزء 16 من واش طيبتي اليوم شاركينا موائدك الرمضانية - الصفحة 43

درة بيتي · 2013-07-15, 01:13

اقتباس:

المشاركة الأصلية كتبت بواسطة أنآحلُم

درة بيتي
الله يبارك اطباقك شهية
هههههههههه ربي يحفظلك وليدك

الله يبارك فيك يسللمك حبيبتي ويخليلك لعزاز عليك

رحمة من المولى · 2013-07-15, 01:18

صح رمضانكم بنات وريتلكم طيابي لنهار الثالث مكاش اللي اداتها فيا عفوا كاين أمنيات مشجعتوني ما والو ان شاء الله تجوعوا و ينسى الأذان في بلادكم يأذن المغرب و متفطنوش للسحوووووور صافا

سعيدة8888 · 2013-07-15, 01:23

بنات كاش تحلية بالدانيت

hanane220 · 2013-07-15, 01:24

اقتباس:

المشاركة الأصلية كتبت بواسطة درة بيتي

الله يسلللمك حنان يخلي ماعندك

مستحيل نضربه بالعكس نبوسه ونزيده الكرام كارامال وش يطلب رانا حاضرين نحب نولف صغا ري يعاونوني ويحسو بيا هههه

ربي يخليهملك حبيبة

درة بيتي · 2013-07-15, 01:26

اقتباس:

المشاركة الأصلية كتبت بواسطة sihamy

وهدا مقتطفات من فطور البارح

وهذا تاع اليوم m دوبارة بسكرية وجاري وسلاطة وانا احم احم درت طاجين الزيتون وطبقت خبز ا لدار تاع الفرينة و السوفلي للاخت nina fret جاو روعة

اخواتي ماتضحكوش السوفلي تحرقلي نسيتو

وعلاش مانضحكوش مرة عليك الضحكة ومرة علينا ساعات نجيبوها وساعات ندخلو فيها تلباز أنا كل يوم ندير كارثة ههه نهار طاجين الخوخ تحل في الزيت ونهار المطلوع نسيت ماد تلاش الخميرة واليوم آخر كارثة كنت ناوية ندير الملسوقة تع الكورني درتها في الكورني ودخلتها للفرن طابت حمرا تسخف قلت يا سعدي بوادر النجاح باينة عليها منين نجي نحي فيها من الكورني قاتلي لا نعرفك لا تعرفيني ههههه هنا نموت تكسرتلي كامل وملحبتش تتنحى ايا رحنا قلبناها بيتزا في آخر لحظة درتلها الحشو لي كنت ناوية نديره للكورني تع الملسوقة

ربي يدوم النعمة حبيبتي

nour inasse · 2013-07-15, 01:29

اقتباس:

المشاركة الأصلية كتبت بواسطة سعيدة8888

بنات كاش تحلية بالدانيت

والله عندي غدا انشاء الله نحطها في موضوع كنت راح نديرها اليوم ما لحقتش وجاونا ضياف كانت طلبتها أم ريمة

سعيدة8888 · 2013-07-15, 01:31

وقيلة رقدتو قعدت غير وحدي

nour inasse · 2013-07-15, 01:34

اقتباس:

المشاركة الأصلية كتبت بواسطة سعيدة8888

وقيلة رقدتو قعدت غير وحدي

راني هنا نونسك راهو تقول تلاحو في عينيا الملح ما نعستش

hanane220 · 2013-07-15, 01:51

سعيدة8888 · 2013-07-15, 01:55

اقتباس:

المشاركة الأصلية كتبت بواسطة nour inasse

راني هنا نونسك راهو تقول تلاحو في عينيا الملح ما نعستش

راني ضربت طلة على كل المواضيع و جيت
نرقد بنتي و نرجع

أم ريمة* · 2013-07-15, 01:57

نور ايناس شكرا كى تفكرتينى حقا راهى كاينةمسابقة لى بغا يدخل لتعليم اخر اجل لوضع الملفات 25 على حساب التخصص وانتى نور ما كيش معنية؟؟؟

سعيدة8888 · 2013-07-15, 02:01

هاني جيت بنات رضعت بنتي ورقدت
قلت نزيد نضرب طلة

سعيدة8888 · 2013-07-15, 02:02

البنات راحو رقدو قعدت غير انا و انت يانور ( كيما اسم بنتي )

nour inasse · 2013-07-15, 02:14

هاني لحقت فلان أم أماني
سعيدة هاكي ليك هذي

شوفو كيفماه درتلها نموت في الفلان بصح جاني فيه ريحة البيض شوي مع أني درت 2 مغارف كيار فاني نتاع الميزان بصح جا يهبل
علابالي بلي رقدتو قعدت غير انا كيدودة ندور هيا تصبحو على خي و صح صحوركم

nour inasse · 2013-07-15, 02:19

اقتباس:

المشاركة الأصلية كتبت بواسطة أم ريمة*

نور ايناس شكرا كى تفكرتينى حقا راهى كاينةمسابقة لى بغا يدخل لتعليم اخر اجل لوضع الملفات 25 على حساب التخصص وانتى نور ما كيش معنية؟؟؟

والله أسكتي برك قصتها قصة رحت اليوم باه نحط الملف سنيت نهار كامل حتان 12 كيما لحقت تورتي لقيتهم طالبين 0 منصب في الرياضيات في المتوسط والهندسة المدنية تاني ماكانش رجعت خيرها في غيرها:d:d:d