دورة " ربات بيوت واثقااااااات"

[حياتي كلها امل]

السلام عليكم اختي شهد ربي يجيب الشفاء لاولادك ويقويك وعينك يارب

[رندة.]

اختي شهد نور اليقين، ما تتقلقيش ربي يفرج عليك ويشفي ابنك وبنتك ان شاء الله، ربي يقويك ويعينك ، وبالنسبة لشغل الدار راهو ما يخلاصش، حافظي على روحك وعلى نفسيتك تكون مليحة. وكامل رانا عندنا ظروف لكنها مختلفة.

[شهد نوراليقين]

ربي يحفظكم خواتاتي العزاز اللهم آمين منكم نستمد القوة الله يكون في عون مل مؤمن و مؤمنة

[رندة.]

صحة فطوركم فرااااشااات
لعقوبة للعام الجاي ان شاء الله

[كلثوم146]

تقبل لله صيمكم فراشات

[تاج الوقار16]

السلام عليكم ورحمه الله
ربي يتقبل صبامكم
انا مع الحمل وفقر الدم الله غالب
من قبل زواجي ما صمتش يوم بدون رمضان
بعد ما كنت مواظبة
الله غالب عام حامل وعامين رضاعة وتعاود تبدأ دورة جديدة
ربي يثبت الاجر فقط
والله ربي يجازيكم راني ندخل نشحن معاكم الطاقة ونرفع الهمة
اليوم ربي قدرتي وصليت الفجر وتذكرت انو من ضيع صلاته فهو لما دونها اضيع
الانسان يغير مابداخله فيسهل الله له طريقا الى النجاح
ربي يحفظكم
عندي مشكل كي الثياب احس ان هدا العمل يقلقني خاصة انو الثياب كثيرة
زوجي يظل يبدل ويوميا تتعمر السلة
بعد القيصري ظهري عاد مثقلني وليت نهمل بعض الأعمال مثل كي الثياب هل من حل؟
حبيت نقدم معلومة لعلها تفيد
صناعةالاقط وهو من الغذاء النبوي
يسمى بالعامية الكليلة متحف ومخفض لثلاثي الغليسريد وغني بالبروتين والكالسيوم
اللبن ادا اصبح حامض نغلوه جيدا ثم نصفوه في قطعة شاش نظيفة والساءل هذاك يستعمل لغسل الوجه
اما الكتلة هديك فهي الاقط
الاخت شهد ربي يشفي بنتك واسلامي لجميع الفراشات
الاخت ام متين واش راكي توحشتك اختي مانعرف ادا تدكرتيني

[ابني نور عيني]

مساء النوور فراشات تقبل الله صيامكم واعمالكم في هاذ اليوم المبارك...اوه دوك باش كملت ...الحمد لله ...درت دورة على البيت و رتبت كلشي ...نظفت الكوزينة كيما يحب الخاطر ...جوزت نشاف خفيف على كامل الدار راهي تشعل ...اليوم بسبب الصيام مادرتش عنايتي الاسبوعية بنفسي غدوة ان شاء الله نديرها ...
اختي شهد نور اليقين ربي يكون في عونك واحتسبي الاجر لله و استعيني بالصبر فانه دواء والله مع الصابرين
اختي تاج الوقار ربي يقويك و يقومك بالسلامة و تشوفي احلى شي في الكون وهو رضيعك الجميل اللي ينسيك في كل مافات ....احتسبي الاجر لوجه الله وحده و ماتياسيش هاذي هي الحياة ...بالنسبة لفقر الدم تغذاي مليح و كولي خاصة الاغذية لي تحتوي كمية كبيرة من الحديد كالعدس و السمك و الحوت و البطراف و كبد الحوت هاذو مفيدين بزاف و كولي الخضر والفواكه ...بالنسبة للكي نسقسيك اذا راكي تستعملي طابلة الكي لانها تعاون بزاف تطلعيها حساب الطول لي يناسبك ...حاولي الحوايج غير ينشفو علقيهم و اطوي اللي يتطوى و ماتخليهمش يتكمشو و يصبح كيهم صعب و متعب ...ربي معاك اختي

[ابني نور عيني]

اختي ام شمسو الشمس تاعنا طلي علينا توحشناك

[جهينة اليقين]

تقبل الله صيام الجميع هاذو يومين عييت شوي درت الروتينات فقط غدا ان شاء الله عندي غسيل
تاج الوقار وشهد نور اليقين ربي معاكم صدقوني فترة وتجوز كامل مرينا بها وباكثر منها الايام كفيلة باش تنسيكم المعاناة مع الصبر والاحتساب وما كانش راحة في هذا الدنيا مهما كانت وضعيتنا فتفاءلو خيرا تجدوه

[قرويجة]

السلام عليكم
راني متبع معاكم هذي مدة طويلة ...في شهر جويلة طبقت نظام الفراشة الأول لي حطاتو أخت أم شمس الدين
واليوم مزال متبعاتو
حبيت تنصحوني بالنسبة لمسح الأرضية أنا ساكنة في بيت وظيفي يرجع للعهد الإستعماري و الأرضية لونها أحمر
لما نرمي الماء و نمسحها و نجبد بالفرتوار ترجع تشعل ومن بع كي تنشف تماما ترجع شهبة و مبقع بالأبيض
هل هناك حل لمثل هذا النوع من الأرضيات
أفيدوني ربي يجازيكم

[رندة.]

أصبحنا وأصبح الملك لله والحمد لله ولا إله إلا الله والله اكبر
اللهم أعنا على ذكرك وشكرك وحسن عبادتك
حسبي الله لا اله إلا هو عليه توكلت وهو رب العرش العظيم

صباحكم ورد وفل وياسمين
ربي يتقبل منكم جميع الطاعات ان شاء الله
الحمد لله على نعمة الصحة.
يلا نصلو صلاة الفجر مع بعض، نرطبو السنتنا بذكر الله، ونقراو ما تيسر من القرآن الكريم
بداية أسبوع سعيدة وموفقة لكن جميعا

[ام متين]

اصبحنا واصبح الملك لله والحمد لله
اللهم فرج كرب المكروبين وهم المهمومين
(بسم الله الرحمن الرحيم) اللهم ياموضع كل شكوى
ياشاهد كل نجوى وياعالم كل خفية،
وياكاشف كل بلية
ويامنجي موسى ومحمد وإبراهيم الخليل صلوات الله عليهم
أدعوك يا إلهي دعاء من اشتدت فاقته وضعفت قوته وقلت حيلته
دعاء الغريق الملهوف المكروب
المشغوف الذى لا يجد لكشف مانزل به إلا أنت
ولا إله إلا أنت فارحمنا ياأرحم الراحمين واكشف عنا مانزل بنا عدونا وعدوك الشيطان الرجيم )
يارب العالمين إنك على كل شئ قدير

[ام متين]

اختي تاج الوقار اكيد نتذكرك استاذتي الفاضلةونذكرك ان في يوم نصحتيني بان الطالب لازم يركز في دراسة على الكتاب المدرسي وبالفعل هذا الشيئالي يساعد التلاميد لان الامتحانات مهما صعبت فهي لن تخرج عن اطار الكتاب المدرسي
ونزيد نعتذر منك في حاجة مادام رجعت ونورتي هذه الصفحات ان في مرة من المرات رديت عليك ولكن المشاركة كانت باسم ولدي ولم انتبه الا لاحقا فمعذرة مرة اخرى
اختي شهد اليقين تاكدي ان مهما كنا مرتبي ومنظمين الا ان كل يوم وبركته ومشاكله زتفوت عليك اوقات ماتعرفي منين تبداي ولا كيفاه تعملي ربي يرزقنا السكينة والطمانينة ويبعد عنا الامراض والزعاف والقلق والمشاكل وكل انواع الهموم
تحية صباحية لكن جميعا

[ام متين]

مـا أجمـل أن تقول في بداية يومك
اللهم اجعلنا ممنّ تَوِكلّ عَليـَك فَكفِيٌته وِآسّتَھدِآك فَــھدِيُته وِآسْتَغٌفرِك فَغُفِرِتّ لَهُ وِآسَتنَصُرِك فَنَصٌـرِتُه وِدَعّــآك فٌــأجَـبتُـه
اللّهُمًّ اسًتَوٌدَعْتِك هَمّي فَبْشَرظ“نٌي بَمايَفْتَحَ مَداخَل السَعادَة في قَلْبَي
اللَّهٌمَّ أَشْغِلْنِا بِذِكْرِكَ عَنْ كٌلّ ذِكْر وَبِطَاعَتِكَ عَنْ كٌلّ طَاعه
فسبحان الله
ما خاب من قال : ربي .. أنت المُيسَر , وأنت المُسهَل , سهَل أمري , وحقق مطلبي , وسخر ليَ ماهو خيرً ليَ في كل أمري
اسعد الله صباحكم و حياتكم بكل خير

[جهينة اليقين]

السلام عليكم شكرا ام متين على هذه الادعية حبيت نسقسيك علاش ما راكيش تدخلي للدردشة ؟
قرويجة حاولي تسيقي بالناء مخلط مع الغل الابيض بالاك تروح الشهوبية