وصفات حراير الكوزينة الجزء الثاني

[idron0]

اوملات بالطون awladi

فرغي علبة تون تاع الزيت وكسري عليها البيض من زوج حتى ثلاثة مع شوية ملح وخلطيهم مليح والى المقلى بدون ماديري زيت وخليها اطيب وكوليها كسكروط ههههههههههههههه مع هريسة

شكشوكة تاع المحاجبawladi

نقلي البصل الأخضر ونصفيه من جهة نقطع بطاطا صغيرة ونمزج المزجيين والى مقلة او طنجرة نخليهم يمتزجو مع بعض ونفقس عليهم البيض بلا مانخلط واكلة واجدة

[idron0]

قاطو عائشة حسان

8 حبات بيض 2 كاس سكر2 كاس زيت2 كاس نشاء 3 خميرة خلوة ونلم الفرينة
هنا عملتها كويرات وحشيتهم بالحلقوم وطبيتهم لما خرجو درتهم في معجون مخفف بماء زهر ورمدتهم بالوتد كوكو والاخر بالقفريط مرحي وبس وهده ندير بيها حتى كروكي يجي بنيت وطري

إضغط هنا لرؤية الصورة بحجمها الطبيعي.

[rahma2014]

حلوى المشيمشة لاولادي

د الوصفة لفايزة
حبيبتي هذه تندار بالزيت ، ممكن تديريها بالزبدة:
3بيض نعبرهم في كاس ، نفس العبر سكر عادي مخلط مع سكر رطب قدقد ،عبر زيت ، لفاني
مبشور ليمون ،1خمارة حلوة ، كاس مايزينة ، نلم بالفرينة

ممكن ندير شويا ملون برتقالي محلول في عطر المشمش ، نديره مع العجينة ، نحصل على عجينة كيما الصابلي طرية نوعا ما
ندير كريات صغار ونديرهم يطيبو ، من تحت ، واذا ماطابش من فوق نشعله يطيب، نحيه يبرد أ نحضر شويا معجون مشمش ندير له شويا ملون برتقالي


ونلصق كل 2مع بعض بالمعجون نتركهم ينشفوا ، ثم نغطس الحبة كاملة في المعجون ونرمدها في نواد كوكو، تنشف نزينها بلابات داموندإضغط هنا لرؤية الصورة بحجمها الطبيعي.

[rahma2014]

الوصفة لام رويدة

كيكة الليمون بالزبيب والشكولا

4بيض.كاس سكر..كاس الاربع زيت نص كاس عصير الليمون. مبشور ليمونة ومبشور برتقالة.
1 خميرة كميائية.فرينة حسب الحاجة..كمشة زبيب مرطب في شوية ما ومنشف ومرمد في الفرينة.كمشة بيبت تاع شكولا

الشاربات 2كيسان ماء وكاس سكر وكاس عصير قارص ولي مايحبش الحموضة يدير نصف كاس عصير
تضربي البيض والسكر ضفي الزيت وراكي ضربي بالباتوغ وممبعد الفرينة والخميرة ومبشور وفي الاخير الزبيب والشكولا وتخلي الخليط شوية خفيف
تدهني المول بالزبدة والفرينة وتحطيها تطيب وتشقي بالشاربات .باردة وتزيني كما تحبي
الوصفة رااائعة وجي خفييييفة بزاااف إضغط هنا لرؤية الصورة بحجمها الطبيعي.

[idron0]

بربوشة مشخشخة طير الرحمة

تعلمتها على جارتنا لما نكون مزروبة نديرها اممممممممم بنينة تهبل وخاصة ادا كانت بالدهان وحارة ااااااااااااااااااااممممممممممممم
المقادير تعملى ضعف قيس المرق قيس البربوشةيعني 2مرق.1بربوشة
ولازم تكون مفتولة واداكانت نتاع السوق لازم تكون مفورة التفويرة الولى
المهم نوجدو المرق بكاس ماء ونزيدو لعقة طماطم باطة وحبة طكاطم حب مرابية وحبة بصل مقطع رقيق وسنة توم وشوية زيت وملح وفلفل عكري وفلفل قرن غزال حااااااااااااااااااار ونخليها تغلي حتى طيب المكونات تم نضيف البربوشة ونقص نار ونحرك مرة على مرة بملعقة خشبية سمعتو ملعقة خشبية
ونخلها حتى تتشرب كامل المرق وتشوفيها تلقي الحبة طرات تحطي عليها مغرف دهان وتخليه تتحط شوي
تفرغيها فى قصعة نتاع عوووووووود ولاطين باش تجيك بنينة
وتاكلي حتى يدووووووووووووورو عينيك ههههههههههههههههههه
نتمنى تكون عجبتكم الوصفة
هي وصفة ساهلة واقتصادية وتعمليها بسرعة
وفى نفس الوقت بنينة.

[idron0]

قراتان كرمب ام رويدة

تحصري صوص بلونش عادي بابيض الدجاج

تغلي الكرمب وتطحنيه غير شوية بالروبو

وتفتتي الجاج تديريه مع الكرمب في بيركس

وتكسري3 بيضات على المرق وترميه على الدجاج والكرمب وترابي عليه الفرماج وتدخليه للفور ينشف تحمريه مالفوق

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[rahma2014]

قاطو الطبقات للحلوة ليزا

كاين طبقتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا*
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير*

[rahma2014]

كيش البطاطا ز السلق للمتالقة لطيفة


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

في الاول نغسل مليح السلق ثم نخليه 10د في الماء و الخل
نحضر في مقلاة قليل من الزيت و بصلة مقطعة و نضيف السلق مقطع مع شوية ملح و فلفل أسود و نتركها حتى تذبل
إضغط هنا لرؤية الصورة بحجمها الطبيعي.

نقلي 3حبات بطاطا مقطعين دوائر لكن نخلهم بيضاء و نحطهم في صحن دائري
إضغط هنا لرؤية الصورة بحجمها الطبيعي.

بالنسبة للسلق نضيف له نصف كأس متوسط حليب و 4بيضات و رشة خميرة و جبن مرحي و ملح
إضغط هنا لرؤية الصورة بحجمها الطبيعي.

و نحطها فوق البطاطا
إضغط هنا لرؤية الصورة بحجمها الطبيعي.

نخلها للفرن
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

اكلة سريعة oum islem

كي نكون مش حابة نطيب ننزع الامعاء من حبات مرقاز نحطهم على النار نزيد حبة فلفل حار مقطع حبة طماطم نرابيها
شرائح ثوم وشوية ملح ونخلي حتى تنشف الطماطم نقطع شوية دبشة ونكسر بيضات ونقدمها.

[idron0]

كسرة رخسيس زينب 66

ندير لكل قرصة نكيلها بعلبة تاع الزبدة 500 غرام ونبسسها بالزيت وملح ونصف مغرفة خميرة خبز ونبلها بالماء الدافئ او بالحليب رائب ادا كان موجود نتركها تخمر لكن مش حتى تتخمر متل المطلوع ولازم تكون يابسة في البلان مش جارية بعدما تطلع نعجنها مليح نقرص ونطرح والى الطاجين لما تكون مبسسة ومعجونة مليح اممممممممممممم تتاكل وحدها خاصة سخونة .

[idron0]

الخرشف زينب 66

نديرها غير مع البطاطا شوفي ندير شوية دجاج وبصل وتوم وخرشف منقي وتوابل ونحطهم يتقلاو اكيد مع الزيت ونتركهم يتقلاو مليح وحد 20دقيقة مبعد نظيف حبة طماطم صغيرة ونمرق ولما تقرب تطيب الخرشف نجيب بطاطا ونقصها متل الفريت لكن شوية اخشن نقليها لكن ما نتلركهاش حتى تطيب خلاص نرميها في المرق تكمل طياب ويختار شوية المرق تجي بنينة تهبل.

[idron0]

وصفة سرييعة و لدييدة lyzzabel

حتى لي ماا يبغووش البروكولي و الشوفلووغ غاادي تعجبهم كيما اناا ههه

بعد ما ننقي الراس تااع البروكولي و نغسله مليييح و نقطره ،، نقطعه زهراات صغااار و نطيبه فالماء و شوية ملح ،، ما يديييش الوقت بزااف ،، و من بعد نصفيه و نقطره مليييح
من جهة اخرى ندير مقلة فوق ناار قلييلة و شوية زيت و نقطع فيها حبة بصل طوييل يجي بيه بنييين بزااف و زوج فصووص ثوم تااني مقطعين رقييييق و نقليهم شوية و نضيف ملعقة صفييرة طماطم مصبرة و نخلط ملييح و نستف زهرات البروكولي و نتبل بالملح غيير شوية خاطرش درت فيهم فالأول و الفلفل الاسود و نحااول ندخللهم التتبيلة و نضييف قيس زوج مغارف كبار ماء و نحط عليهم حوالي 3 حباات بيض مخلطين مع ملح و فلفل اسود و احمر و معدنووس مقطع و نغطي بالغطااء تااع المقلة و نخلي البيض يطيب و الما تااني ينشف و اخيرا ندير عليهم فرمااج راابي و نعااود نغطي حتى يدووب الفرمااج ،، النار تكون قلييييييييلة خلااااص ،، و بنفس الطريقة ندير تلشوفلووغ كتغيييير.

إضغط هنا لرؤية الصورة بحجمها الطبيعي.

[idron0]

كيكة عازفة الناي

الجينواز:
3 بيضات
100غ سكر
100 غ فرينة نقص منها 2 ملاعق و نديرهم كاكاو
رشة ملح
نص مغرفة صغيرة خميرة كيميائية
* نضرب البيض ملييييييييييييييييييييح مع السكر
* نغربل الفرينة مع الخميرة و نضيفهم بالتدريج على خليط البيض و نقلب بالملعقة جيدا
* نصبه في القالب المدهون و ندخله للفرن ,المول قطره 22سم
الحشو: شونتيي نطلعها بالياغورت انا عملت ذوق ليمون
الزينة : فراز او اي فاكهة عندك
* بعد ما ينضج الكيك نخليه يبرد ملييييييييح و نقسمه و نشرب القسم الاول بسيرو او عسل مخفف او معجون مخفف بالماء
* نضع طبقة من الشونتيي و فوقها قطع الفاكهةو نغطي بالطبقة الثانية للكيك
نغطي الكيك بالشونتيي و نزين حسب الرغبة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و هنا من الداخل اممممممممممممممممممم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[rahma2014]

لامونة للاخت زهروان

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

الوصفة:

-كيلو فرينة
2-حبات بيض
-2 الخميرة كيميائية
-ملعقتين خميرة خبز
-كاس نشا الذرة
-كاس سكر
-ملعقة فانيليا
-3/4كاس زيت
- نصف كاس حليب
-مبشور ليمون والبرتقااال
-ماء الورد

طريقةالتحضير


* نضع فى قصعة الفرينة ثم نضيف السكر ومايزينة قشور ليمونةوالبرتقال ، خمارة كيميائية وخميرة الخبز المذابة من قبل فى قليل من الحليب الدافىء ونخلط الكل جيدا .
*نضيف الزيت تم نصب الحليب الدافىء شيئا فشيئا والماء الزهر حتى نحصل على عجينة لصقة ...
ثم نغطيها ونتركها جانبا .
* عندما يتضاعف حجم العجينة نشكل كويرات ونضع وسط صينية مدهونة
* نترك الخبزة تخمر مرة ثانية ، نخلط صفار البيض ثم ندهن الخبزة بواسطة فرشاة .
*ثم نمرر عليها السكين ن الفوق على شكل +
* ندخلها الفرن ( حرارة متوسطة ) لمدة 20 إلى 25 دقيقة تقريبا .
* ننزعها عند اخذها للون الذهبى .


ملاحظة:
كلما كانت العجينة تلصق كلما تجي هشيشة وخفيفة

[rahma2014]

شربة فريك على طريقة ام سمسومة

ندير حبة بصل و سنات ثوم و حبة طماطم و نرحيهم في الروبو و نديرهم في برمة تاع الفخار و هذا السر الاول و نزيد معاها طراف لحم غنمي راهو هو لي يطلق البنة و نزيد طرف دجاج اما الدواوات ندير كسبر مرحي و ملح و فلفل اسود و شوية فلفل احمر و ورقة رند و ندير الدبشة و الكرافس يكونو مربوطين بالخيط ما نرحيوهمش باش ما تجيش المرقة كحلة و زيدي القليل فقط من الزيت و نقصي الغاز مره هذا هو السر الثاني لازم تقليها مليح و مبعد امرقي و ديري طماطم كونسوتغي و غطيها خليها تطيب شوية ثم زيدي الفريك على حسب المرق و انا شخصيا نحب نزيد نص مغرفة مرمز يطلق بنة هايلة و ساعات نضيفلها 3او 4حبات زيتون اخضر مقطع دوائر يطلق بنة رهيبة و زيدي رأس فلفل حار محمول ما تليهش لاعدتي ماتحبيش الحار وخليه يطيب الفريك حتى يطيب حوالي ساعة على نار ذليلة حتى يخثار و مبعد نحي البوكي قارني تاع الدبشة و الكرافس و حاولي تعبزي عليهم باش يطلقو النكهة. وفي الصحون ديريلها دبشة مقطعة و فلفل حار مقطع حسب الذوق و عصير ليمون ضروري في الشربة
أما الفريك لازم تجيبيه من مصدر موثوق فيه خاطر كاين المصبوع انا الصراحة نجيبو من عند ماما تخدمو وحدها تغسلو و تملحو و تدز ترحيه و تزيد تصفيه و مبعد نجي انا نديه ساجي