موضوع مميز نتائج مسابقة الجمارك الجزائرية 2012-2013 ( إعلان النتائج) - الصفحة 422

ريم-16 · 2013-07-26, 00:08

خاوتي صحا فطوركم .عندي سؤال من فضلكم .بالنسبة للناجحين الي راح يدخلو للمدارس في اكتوبر ان شاء الله هل سيعاد قياس طولهم عند الفحص الطبي(مثلا واحد الطول تاعو اقل بواحد سنتمتر من الطول المطلوب هل ممكن ان يرفض ) .وماهي الاسباب بشكل عام الي تخليهم يرفضو كاش واحد

billel-23 · 2013-07-26, 00:30

اقتباس:

المشاركة الأصلية كتبت بواسطة ريم-16

خاوتي صحا فطوركم .عندي سؤال من فضلكم .بالنسبة للناجحين الي راح يدخلو للمدارس في اكتوبر ان شاء الله هل سيعاد قياس طولهم عند الفحص الطبي(مثلا واحد الطول تاعو اقل بواحد سنتمتر من الطول المطلوب هل ممكن ان يرفض ) .وماهي الاسباب بشكل عام الي تخليهم يرفضو كاش واحد

على ما أظن فيها حتى contre visite يعني مادام كاين قائمة الاحتياط سيتم الاستغناء اي شخص لا تستوفي فيه الشروط و الله اعلم

nasrine.dz · 2013-07-26, 01:44

اقتباس:

المشاركة الأصلية كتبت بواسطة customx2008

اهلا نسرين كيف حالك رمضان كريم وصح فطوركم مسبقا اعتقد انه ليش مشدد يعني هم نهار تدخل يشوفوا على شهادة مقدمة من محتص او طبيب عيون والله اعلم انت حسب ماقلتي راكي تشوفي مليح ومش دايرة نظارات طبية راه ميخدموا معايا مايشوفواش طول اتكل على الله وجربي ممكن تصدق مش راح تخسري حتى شئ واذا دفعتي ملفك وقبلوه الدخول وقتها للمدرسة الجمارك سهل جدا

بارك الله فيك اخي ، انا دفعت الملف و قالولي راكي ناجحة لهذا بغيت نستفسر

mehdikolea · 2013-07-26, 03:38

الأخت ريم
مبروك عليك النجاح
في الفحص الطبي يشوفو الطول و تكوني ناقصة بسنتيمتر واحد ماشي مشكل هذا قاع ان شاء الله
و الأسباب هي مثلا واحد ضعيف بزاف أو سمين بزاف
واحد داير عملية جراحية
واحد مريض بقلبو
يعني لازم تكون حاجة باينة باش يرفضوه في الفحص الطبي
على العموم ما يردوش إلا في حالة قليلة

sami209 · 2013-07-26, 13:26

خاوتي بالنسبة للناجحين مفتشين رئيسيين بعد التكوين يعملون خارج ولاياتهم هل مضمونة الاقامة و الماكل ام كل واحد يدبر راسو من جيبو يكري و ياكل يعني هل مشي كيما الشرطة لان الشرطة حسب علمي ملازمين الاوائل لا يوجد لا اقامة و ماكل و شكرا

عادل إن شاء الله · 2013-07-26, 13:45

اقتباس:

المشاركة الأصلية كتبت بواسطة sami209

خاوتي بالنسبة للناجحين مفتشين رئيسيين بعد التكوين يعملون خارج ولاياتهم هل مضمونة الاقامة و الماكل ام كل واحد يدبر راسو من جيبو يكري و ياكل يعني هل مشي كيما الشرطة لان الشرطة حسب علمي ملازمين الاوائل لا يوجد لا اقامة و ماكل و شكرا

السلام عليكم جمعة مباركة

نعم بعد التكوين يعمل المفتش الريسي في ولاية من ولايات الجنوب لمدة 3 سنوات و الاقامة و الكل و الشرب على عاتق

مصلحة الجمارك يعني ما تخسر والو من جيبك.........بعد 3 سنوات توجه الى المكان الذي تريد العمل به حسب طلبك الخطي

حتى لوكان دير الولاية تاعك يبعثوك ثم مكان حتى مشكل و هذا قانون الجمارك فيهجميع المعلومات أخي الكريم

القانون الجديد للجمارك صادر عن الجريدة الرسمية
https://www.joradp.dz/FTP/Jo-Arabe/2010/A2010071.zip
كل الرتب
وشروط المسابقة و المهام
و الترقيات.....الخ

aziz4320 · 2013-07-26, 15:59

خاوتي صح رمضانكم

قالولي القائمة الاحتياطية تبقى احتياطية صافي القائمة لي طلعت هي الاساسية والاحتياطية مزال مبانتش

baby.mask · 2013-07-26, 16:21

كم راتب ضابط الفرق للجمارك..وهل هناك منحة المردودية..
ارجو الاجابة

عادل إن شاء الله · 2013-07-26, 19:34

السلام عليكم لفت انتباهي ان العديد من الاعضاء ديما يسقسو على الشهرية....و الله عجب الناس ما لقتش خدمة و ناس اخرى تسقسي على الشهرية مجرد سؤال هل الناس لي تسقسي على الشهرية ذرك قاعدين يسلكو......ولا حابين يحسبو الزكاة.....ربي يهديكم يا ناس
طلعو شويا في النيفو تاع الاسئلة.........و مع ذلك نجاوب على السؤال

عون رقابة : 26000دج + المنح =35000دج
ضابط فرق : 32000دج + المنح = 43000دج
و المنح راها تتغير
عندكم منحة tel كل 02 شهرين، المردودية كل 03 اشهر، rlq كل 03 اشهر

wahid 1100 · 2013-07-26, 21:08

اقتباس:

المشاركة الأصلية كتبت بواسطة عادل إن شاء الله

السلام عليكم لفت انتباهي ان العديد من الاعضاء ديما يسقسو على الشهرية....و الله عجب الناس ما لقتش خدمة و ناس اخرى تسقسي على الشهرية مجرد سؤال هل الناس لي تسقسي على الشهرية ذرك قاعدين يسلكو......ولا حابين يحسبو الزكاة.....ربي يهديكم يا ناس
طلعو شويا في النيفو تاع الاسئلة.........و مع ذلك نجاوب على السؤال

عون رقابة : 26000دج + المنح =35000دج
ضابط فرق : 32000دج + المنح = 43000دج
و المنح راها تتغير
عندكم منحة tel كل 02 شهرين، المردودية كل 03 اشهر، rlq كل 03 اشهر

السلام عليكم خويا عادل وصح فطورك .......خويا الكريم ما عليش تسمحلي نسقسيك وحد السؤال لانك على حساب اللاجابات تاعك تبان الله ايبارك عند اطلاع ......راني حاب نعرف اسكو القائمة تاع الناجحين اللي بعثوها للمديريات الجهوية هي القائمة الاساسية ولا لالا . لانو قالي واحد صاحبي بعثوا غير القائمة الاساسية اما القائمة الاحتياطية تبقى في المديرية العامة !!!!!!!!!!!! والله يسترك واسمحلي اذا طولت عليك

عادل إن شاء الله · 2013-07-26, 22:31

اقتباس:

المشاركة الأصلية كتبت بواسطة wahid 1100

السلام عليكم خويا عادل وصح فطورك .......خويا الكريم ما عليش تسمحلي نسقسيك وحد السؤال لانك على حساب اللاجابات تاعك تبان الله ايبارك عند اطلاع ......راني حاب نعرف اسكو القائمة تاع الناجحين اللي بعثوها للمديريات الجهوية هي القائمة الاساسية ولا لالا . لانو قالي واحد صاحبي بعثوا غير القائمة الاساسية اما القائمة الاحتياطية تبقى في المديرية العامة !!!!!!!!!!!! والله يسترك واسمحلي اذا طولت عليك

اكيد بعثو القائمة الاساسية يعني الناجحين الذين سوف يلتحقون بالمدارس اما القائمة الاحتياطية مكان عليها حتى معلومة

الكيد الايام القادمة سوف تتضح الامور سواء كانت عتد المدرية العامة ام عند المديريات الجهوية

adel-annaba · 2013-07-27, 12:01

شرعت عدة هيئات رسمية على رأسها المديرية العامة للجمارك، في إحالة العديد من إطاراتها على التقاعد، لفسح المجال أمام الإطارات الشابة التي لها كفاءة وخبرة في الإدارة والتسيير، تطبيقا لأوامر الرئيس عبد العزيز بوتفليقة، وتنفيذا للتعليمات الصادرة مؤخرا عن الوزير الأول عبد المالك سلال. وقد بادر المدير العام للجمارك محمد عبدو بودربالة إلى تنفيذ هذه الأوامر، بإحالة عدة إطارات سامية في إدارة الجمارك على التقاعد، وقام باقتراح أسماء شابة مشهود لها بالكفاءة والخبرة والاقتدار لإدارة مراكز القرار في هيئة الجمارك. ويتوقع أن تتوسع حركة الإحالة على التقاعد، لتشمل عدة هيئات رسمية هامة في الدولة قبل نهاية العام الجاري.

lion_dz · 2013-07-30, 03:55

هل القائمة في الموقع الرسمي

baby.mask · 2013-07-30, 18:20

اقتباس:

المشاركة الأصلية كتبت بواسطة عادل إن شاء الله

السلام عليكم لفت انتباهي ان العديد من الاعضاء ديما يسقسو على الشهرية....و الله عجب الناس ما لقتش خدمة و ناس اخرى تسقسي على الشهرية مجرد سؤال هل الناس لي تسقسي على الشهرية ذرك قاعدين يسلكو......ولا حابين يحسبو الزكاة.....ربي يهديكم يا ناس
طلعو شويا في النيفو تاع الاسئلة.........و مع ذلك نجاوب على السؤال

عون رقابة : 26000دج + المنح =35000دج
ضابط فرق : 32000دج + المنح = 43000دج
و المنح راها تتغير
عندكم منحة tel كل 02 شهرين، المردودية كل 03 اشهر، rlq كل 03 اشهر

بارك الله فيك يا اخي ..لكن انا والحمد لله نجحت في 3 مسابقات للتوظيف تقريبا في نفس التوقيت لذلك اسال عن الاجر ومن البديهي ان اختار ماافضلهم اجرا ...ومن فضلك انت من يطلع النيفوتاعو لانك بصفتك مشرف يعني ان تكون صبورا ومتفهم لانك مسؤول لا ان تكون متسرعا ومتهورا في احكامك. وفي الاخير..صح فطورك وتقبل مني فائق الاحترام والتقدير

عادل إن شاء الله · 2013-07-30, 20:36

اقتباس:

المشاركة الأصلية كتبت بواسطة baby.mask

بارك الله فيك يا اخي ..لكن انا والحمد لله نجحت في 3 مسابقات للتوظيف تقريبا في نفس التوقيت لذلك اسال عن الاجر ومن البديهي ان اختار ماافضلهم اجرا ...ومن فضلك انت من يطلع النيفوتاعو لانك بصفتك مشرف يعني ان تكون صبورا ومتفهم لانك مسؤول لا ان تكون متسرعا ومتهورا في احكامك. وفي الاخير..صح فطورك وتقبل مني فائق الاحترام والتقدير

للأسف يا أخي ما نقدرش نطلع المستوى على خاطر كاين لي ما يفهمش.... اغلبية الناس تسقسي على الشهرية

و الشهرية نفسها في كل القطاعات انا هنا نحكي على الشبه العسكري

الشرطة و الحماية و الجمارك ادارة السجون ادارة الغابات.... رتبة عون في هذه القطاعات نفسها تقريبا

يعني الاجر بين 32000 دج الى 36000 دج كأقصى حد

و الله عجيب امر بعض الاعضاء ناس تسقسي على الشهرية و هي مزالت تقرى دقول عليهم خلاص ضمنو الخدمة

و كاين ناس لوكان تلقى شهرية مليون عند الدولة تخدم..........و ناس تتكسل و هي مزالت في الجامعات...ربي يهدي

نزيد نعاود طلعو شويا في النيفو تاع الاسئلة.......سلام