تجهيزاتنا للشهر الفضيل

[ام هزار]

[COLOR="DarkOrchid"]نهاركم مبارك فراشاتي
ام شمصو طليتي على قلبي بالفيديو هداك و الشقة باعتبارها في عمارة تعتبر نمودج راااائع للتنظيم و بالتالي ايجاد و توفير المساحات المادية و المعنوية لكل فرد في الاسرة بدءا بربة البيت التي يتمحور حولها كل شيء
اما الديكورات البسيطة اللي حطيتيها اكثر شىء عجبني فيها هو المساحات الفارغة التي تقضي على الضغغغغغغغغغغغط اللي نعانيو منو الكل مع بعض التحفظ على بعض الديكورات
تعجبني و نركز على الاضاااااااءة في البيت و يخنقني التكديس في كل شئ اللي بدورو يشوه جمال البيوت و يقضي على الراحة اللي من المفروض تكون فيها
راني معاك مئة في المئة في الارضية الحالية من الزرابي انا تاعي خبيتهم الكل و تهنيت من الحساسية ممكن نجبد الخفيف منهم فقط في الحالات الخاصة و نعاود نرجعهم لانو اصلا ما عنديش الوسع بيتي ضييييق رحت زيارة مرة عند اختي لقيتها مدججة صالونها و بيتها بالزرابي الصغيرة و الخفيفة بصح انا خنقتني قتلها علاه عليك هاد الحالة قاتلي نخلي الحالة فرطاسة هههه
مقولتك الشهيرة كل شىء في مكانو و مكان لكل شيء هي الحل السحري لكل ضغط في البيت و نستعرف بيك مرا و نص في التحكم في نفسك في الشراء انا ثاني ما عندي وين نزيدكل ما نفكر نشري حاجة نفكر في بلاصتها اولا ادا كانت فعلا ضرورية
بارك الله فيك غاليتي على هدي الافادة الثرية و دمت معطااااااااءة COLOR]

[رندة.]

أصبحنا وأصبح الملك لله و لا اله الا الله وحده لا شريك له، له الملك وله الحمد وهو على كل شيء قدير.

صباح الخير عليكم

[رندة.]

https://www.djelfa.info/vb/showthrea...post3997509956
التبرّع بالأواني المنزلية المستعملة

[جهينة اليقين]

السلام عليكم فراشات ربي يعاوننا في اعمالنا المنزلية وربي يطهر قلوبنا مثل ما طهرنا بيوتنا حتى يدخل علينا رمضان ونحن طا هرين ظاهرا وباطنا

[جهينة اليقين]

والله يا رندة عملتها هذه الايام فقط لواحدة سكنت جديدة ربي يتقبل

[جهينة اليقين]

اليوم ريحة ننظف شمبرتي ونغسل الريدوات يومكم موفق

[الزهراء_92]

السلام عليكم عجبوني افكاركم الحمد لله نظفت قع المنزل الحمد لله لكن بقي المطبخ و راني حامل في السادس....غدا باذن الله انظف المطبخ لاني اليوم يوم الغسيل
و انا في بيت للكراء فقط لكني انظفه رغم ذلك
جزاكم الله خيرا اللهم بلغنا رمضان

[جهينة اليقين]

المشاركة الأصلية كتبت بواسطة الزهراء_92

السلام عليكم عجبوني افكاركم الحمد لله نظفت قع المنزل الحمد لله لكن بقي المطبخ و راني حامل في السادس....غدا باذن الله انظف المطبخ لاني اليوم يوم الغسيل
و انا في بيت للكراء فقط لكني انظفه رغم ذلك
جزاكم الله خيرا اللهم بلغنا رمضان

وخيرا جزاك اختي الكريمة وربي يثبت حملك
الحمد لله راكي قطعت شوط كبير في التنظيف باش ما تضغطيش على روحك نظفي الكوزينة على مرتين وانت فريتيها ورمضان مبارك

[جهينة اليقين]

انا كذلك تهنيت من البيت تاعي نظفتها من الغبرة ومسحت المابل وغسلت التاقة والباب وسيقتها مليح بالاومو والجافيل والصانيبو
والبارح خبيت حوايج الشتا وخرجت حوايج الصيف والله تهنيت منهم تاع الصح
بقا لي شوي تعديلات فالكوزينة ونخرج ماعن تاع الضيف العزيز علينا
اللهم بلغنا رمضان وبارك لنا فيه

[قرويجة]

السلام عليكم
رائحة رمضان راها تزيد يوم بعد يوم
ربي بلغنا رمضان لا فقدين ولا مفقودين
تحياتي للغالية أم شمس الدين ولكل الفراشات

[ام هزار]

ربي يتقبل منك جهينة و يباركلك في رزقك
انا اليوم كي روحت للدار خرجت قش الصيف يتهوى ملييييح باه نرجع مكانو قش الشتا
غدوة عندي راحة رايحة ننفض شمبرتي على الخفيف و نشوف واش نزيد نخطط بادن الله

[رندة.]

المشاركة الأصلية كتبت بواسطة الزهراء_92

السلام عليكم عجبوني افكاركم الحمد لله نظفت قع المنزل الحمد لله لكن بقي المطبخ و راني حامل في السادس....غدا باذن الله انظف المطبخ لاني اليوم يوم الغسيل
و انا في بيت للكراء فقط لكني انظفه رغم ذلك
جزاكم الله خيرا اللهم بلغنا رمضان

وعليكم السلام ورحمة الله وبركاته
اهلا وسهلا يالزهراء، يعطيك الصحة إلي كملتي تنظيف المنزل، أما المطبخ كيما قاتلك جهينة اقسميه على مرتين ولا ثلاثة خاصة كي راكي بالحمل ماتضغطيش على روحك. أخدمي غير بالعقل ربي ورحمتو.
ربي يثبتلك حملك ويعينك على اشغالك ان شاء الله

[رندة.]

المشاركة الأصلية كتبت بواسطة جهينة اليقين

والله يا رندة عملتها هذه الايام فقط لواحدة سكنت جديدة ربي يتقبل

ربي يتقبل يا جهينة ويجازيك خير ان شاء الله

[توتة2008]

مساء الخير ....اليوم غسلت الشورى
ربي يبلغنا رمضان ويغفرلنا ويرحمنا ويعتق رقابنا من النار

[ام هزار]

دخلت القش بعدما جات مطرة قوية و راني نرتب فيه في مكانو في انتظار الهدوء التام للعاصفة اللهم صيبا نافعا