الجزء 180 من الكوزينة (رمضانكم كريم ) - الصفحة 42

crono · 2017-06-20, 10:20

اقتباس:

المشاركة الأصلية كتبت بواسطة zokhrofa

صباااااااااااااااااح الخيرات و الخميرات

صحيتي كرونو اختي على الوصفة هذا وين شفتها انا راني درت وحد الحلوى اذا خرجت مليحة نحطها هههههههههههه اذا ما خرجتش شووووووت واحد ما شاف

لكن تقريبا كيما لي عطيتيني justement حابة نعرف هل هذا النوع من الحلوى حتى يبرد باش نديرولو العسيلة ولا غير يخرج نديرولو ؟

صباح الخير عند إخراجها من الفرن نسقيها فور خروجها عسليها بالعسل المخفف وهو بارد. بالتوفيق

zokhrofa · 2017-06-20, 10:34

يعطيك الف عافية اختي كرونو حسنا

ان شاء الله في المساء نحطهالك تشوفيها

crono · 2017-06-20, 10:40

اقتباس:

المشاركة الأصلية كتبت بواسطة zokhrofa

يعطيك الف عافية اختي كرونو حسنا

ان شاء الله في المساء نحطهالك تشوفيها

ان شاء الله ندوقها ونرد عليك ههههه

zokhrofa · 2017-06-20, 10:42

ههههههههههههههههه

ايه ما قلتيليش واش درتي انتي قاطو ؟ او واش رايحة ديري

بيان 5 · 2017-06-20, 11:43

السلام عليكم

zokhrofa · 2017-06-20, 11:58

السلام الرحمة و الاكرام واش راكي اختي بيان

واش معولة ديريلنا فطور اليوم ؟

*سندوسة* · 2017-06-20, 13:23

صباح لخير يافحلات

حبيبتي ام رحاب عظم الله اجرك ربي يجعل قبرها روضة من رياض الجنة ويصبركم على فراقها

ام هدول · 2017-06-20, 14:16

السلام عليكم توحشتكم بزااف سلامي للجميع. حار اكثر من حرارة الصيف راني بالهاتف تع خويا نقولكم عيدكم مبارك سلمولي على حيوتة بزاف

سحابة باردة · 2017-06-20, 15:33

يعمري شكون اللي دخلت حبيبتي أم هدول كيراكي يالحبيبة توحشناك بزاف وبان غيابك عل الموزينة
عيدك مبارك وكل عام انتي والعايلة بخير

سحابة باردة · 2017-06-20, 15:35

اقتباس:

المشاركة الأصلية كتبت بواسطة *سندوسة*

صباح لخير يافحلات

حبيبتي ام رحاب عظم الله اجرك ربي يجعل قبرها روضة من رياض الجنة ويصبركم على فراقها

سندوسة مساء الأنوار
بصحتكم القاطو يالفحلة البارح عييت نتفكر اللي معلقتسش على دخوها وخانتني الذاكرة شفتي الصيام مادار فيا يالعزيزة
كيراكي مع رمضان ان شالله في احسن حال

حياة نور الدين · 2017-06-20, 21:47

السلام عليكن
توشتكممممممم والله ماراه عندي الوقت نمشط شعري خخخخ
النتوياج والشغل والفطور والعرضات والقطوات خخخخ
ومازاد للطين بلة عجوزتي قاتلي ديريلي القاطو والله يبارك دير ليمودال بزاف وبكنيات بزاف راني قريب نموت من العياء ومع التربية الله يعاوني برك ههههههه

شفت غير الصفحة الاخيرة وشفت حبيبتي ام هدول والله الدمعة طاحتلي خاصة كي خصبتي سلامك ليا انا ثان توحشتك وعمري لا نسيتك يا صديقتي

زخرفة وامنية وبيلسان وكرونو وسندوسة وسحابة وبيان وكوكا يعطيكم الصحة راكم مزهييييين الكوزينة ويعطيكم الصحة على القاطو ات
اللي نسبتها تسمحلي

ام رحاب زخرفة كفات ووفات وربي يجعلها اخر الاحزان ويلاقيك بالوالدين في الجنة يا رب

*سندوسة* · 2017-06-20, 21:56

صح فطوركم ياغوالي كل وحدة بإسمهاا
اختي سحابة ماعليش نورمال راني صافا الحمد لله نهار لي نتهنى من المصيبة نتاع راجلي نتهنى
حبيبتي حياة ربي يكون معاك انا راني غير براسي وماقدرش وين عاد لولاد ختي كانت تجيبلنا ولاها ليامات لي فاتو والله خرجونا من عقولنا

حياة نور الدين · 2017-06-20, 21:58

ارزاق حنونة اهلاااا بك واش راكي شوفي صح مرات طبقي الوصفة بحدافيرها ومتنجحش علاش مرات مثلا تقولك القاطو يبرد حنا عندنا يبرد هي يدفا ههههع
كما المهراس تع ام وليد قالت لازم يبرد انا خليتوا شوية وبديت نحي تفتت من 50 حبة بقالي 20 ههههههه

تفضلوا بعض كوالبيسي وفطوري اليوم ونوض نروح نزوق قاطو عجوزتي خخخ
في امان الله خياتي

هدوا قطواتي

هدا قاطو المهراس واش بقى منو ههههه

وهدا ثابلي مزين بشكولا بيضاء وخطوط الشكوةلا

[url=https://up./][/ur]

حياة نور الدين · 2017-06-20, 22:02

سندوسة اهلاا حبيبتي صح فطورك وربي يسهلك امورك

*سندوسة* · 2017-06-20, 22:05

اقتباس:

المشاركة الأصلية كتبت بواسطة حياة نور الدين

سندوسة اهلاا حبيبتي صح فطورك وربي يسهلك امورك

اهلا بيك يالغالية الله يسلمك ونتي تاني
امين يارب العالمين ولينا اجمعين