الجزء 157 من واش طيبتي اليوم .....كوزينة التميز و الامتياز - الصفحة 42

arwa alaa · 2016-01-05, 08:25

صباح الخير عليكم يا الفحلات سخفتوني واش هاذ الخيرات تسلم ايديكم
انا اليوم غدايا مودر. .......والعشاء قالولي سوفلي للقهوة درت البارح قاطو الطابع بالزيادة باش نتهنىمن القهوة
البارح درت تارت التفاح نتاع رزيقة جات روعة وقالك عاوديهلنا اليوم ان شاء االله نعاودها
باي نوض الشغلي قبل مينوضو التوام ويقلبو الدنيا

om kamilia · 2016-01-05, 08:29

امنية صباح النور و الخيرات ان شاء الله تجربيها وتعجبك و هي توالم فصل الشتاء بنينة و صحية
وهذو الكسرة لي نديرهم و لآ حبيتو نزيدلكم انواع اخرى بنباتات اخرى كأوراق اللفت و الزيتون عمركم لا كليتوها حتى في ايطاليا ما يعرفوهاش هههه

https://djelfa.info/vb/showthread.php?t=1892901

https://djelfa.info/vb/showthread.php?t=1752708

om kamilia · 2016-01-05, 08:32

اروى , واحة الوجدان, hanamohamedاهلين بككن و كل الوافدات الجدد

x ام رحاب x · 2016-01-05, 08:36

السلام عليكم ورحمة الله وبركاته
لبنات طلبت منكم ام امنية الدعاء راهي في السبيطار ادعولها ربي يسلكها على خير سامحوني امبعد نرجع

oum sabrin · 2016-01-05, 08:40

صباح الخير عليكم
ام جوجو ام اسلام ام كاميليا الامنيات ام خالد ام امنية واحة الوجدانو ام رحاب صباحكم عسسسسسسل
فطنتني قهوة ام جوجو البنينة و مقروط ام اسلام الرائع و تارت الامنيات اممممممممم
ام جوجو الكيكة خرجتلك تشهي و بصحتكم اللوبيا البارح تفاهمنا على الحجلبانة بالقرنون انا اليوم غذايا سباقيتي و سلاطة
ربي يسلك اختنا ام امنية على خير امين يا رب
يوم موفق

ام سوهيل · 2016-01-05, 08:42

اصبحنا واصبح الملك لله

ام عبدو وملاك

هدي وصفة البسكوي رولي بي الشكلاط

خدي 3 او 4بيض افصيلي الصفار عن البياض وطلعيه بي البتار مع قرصة ملح حتى يولي كما التلج

وضربي الصفار مع 125غ سكر عادي ما يعادل 7مغارف اكل مع مغرف صغير لفاني وضربي مليح ومن بعد ضيفي كاس تع لتاى حليب وضربي ومن بعد ضيفي الفرينة حسب الحاجة ومن بعد ضيفي

1 خمارة وخلطي بي مغيرفة تع الوح وبدي تحطي في البياض بي التدريج وخلطي من التحة للفوق

ودهني مول يكون مربع بي الزبدو ورشيه بي الفرينة او استعملي ورق الطهي يكون افضل

وطيبيه في الفرن تكوني سخنتيه من قبل وخليه حتي يتحمر ويخض الون الضهبي

خرجيه من الفرن وروليه في قطعة تع قماش نضيفة وخليه يبرد

وحضري الحشوة

طلعي كاس تع شونتي مع كاس تع حليب بارد مغرف كاكاو اسود ومغرف فاني او عطر الشكلاط ودوبي 3 او 4حبلت شكلاط مع مغرف قهوة

وخليها تبرد غير شوية ماشي بزاف وضفيها للشونتي بعد مطلعيها وعاودي ضربي بي البتار

وخليها تبرد في التلاجة

وخدي البسكوي سقيه باي شيء عندك سواء عصير اوسيرو او خدي مغرف تع مربي خلطيها في كاس تع ماء وسقي بيها

ومنبعد عمري بي الشونتي وروليه وعاودي اطليه من الفوق بي كريمة الشونتي

وتزين حسب الرغبة وحسب المقدور انا ربيت فقو حبات شكلاطا مينى من الفوق

أم الحبايب 26 · 2016-01-05, 08:47

يعطيك اصحا ام سهيل كنت رايحا نسقسيك عليه بصاحتك جاك يشهي

ام سوهيل · 2016-01-05, 08:49

اقتباس:

المشاركة الأصلية كتبت بواسطة omhadil

ام كامليا يعطيك الصحة الكسرة تحفة مانتهناش حتى نطيبها امممممممم تسلم ايدك
ام سهيل البسكوى رولى يشهى عندى مدة وانا نقول نعملو بصح ماعنديش الشونتى
وتاعك راه يقتل باش حشتيه اختى
اختى زهرة لوتس شكرا وبصحتك واش طيبتى
اختى رزيقة بصحتك كسرة بلحشاوش تاع برا شهتنى ام كاميليا وكملتىى عليا نتيا واااااع
بصحتكم كامل واش تعشيتو انا طيبت سوب الخضار وطيبت المطلوع وسلطة وفواكة تفاح وبرتقال
والحمد لله حمدا كثيرا

السلام عليكم اختي انا حشيته بي لكرام شونتي وراني حطية الطريقة بي التفصيل