الجزء **133** من واش طيبتي ليوم

[oum islem]

aالسلام عليكم
بشرى احلى خبر الف مبروك وربي يتمملها بالخير لانها تستاهل كل خير غمرتنا بوصفاتها الناجحة
حتى انت تستاهلي الدعاء ربي يرزقك بالزوج الصالح
شكرا ليزا على الجواب القياس مكتوب على جانب المول ممكن ما انتبهتيش بصح بانلي كبير
وهدو الايام ان شاء الله نجرب طريقتك
ام ياسين غداك يهبل تاع صيف ديري فينا مزية وحطي وصفة البراونيز تبان لذيذة
غدانا كي العادة بربوشة وبقات للعشاء
ليال لا ياس مع الحياة اكيد يدخلو العاصميات يعاونوك
الريفية ما احلاها جيجل والصور رائعة ومنعشة فيها نسمة الصيف شكرا لك اختي

[oum islem]

شكرا جزيلا حبيبتنا الغالية
مخلل البذنجان عجب افراد الاسرة والعائلة
جزاك الله خيرا
وربي يرزقك زيارة بيته الحرام ويفرحك بنجاح اولادك ويشفي الوالدة
ولك احلى سلام من امي العزيزة على وصفة قلب اللوز اعجب اخوتي
قالولها كيما تاع برا فعلا شكرا كثيرا على كل ما تقدمين

[مريم*]

سلام لكامل البنات . يعطيكم الصحة
حبيباتي ربي يخليكم . وكل وحدة دعاة لامي ربي يعطيلكم ماتتمناو وربي يخلي لكل واحد والديه ويشفي كل مريض . امين

[ام عصام هناء]

مساء الانوار اخواتي انا جديدة معاكم
ممكن توريولي كيفاش نصغر الصور

[مريم*]

المشاركة الأصلية كتبت بواسطة الريفية

أم ياسين أنا شريت هذا الأسبوع لي فات ب 80 ألف تاع 2 كيلو

ممكن تقوليلي منين شريتيه ؟ ؟

[مريم*]

المشاركة الأصلية كتبت بواسطة douniadiab4

سلام لبنات وصح غداكم ربي يجعلها كوزينة عامرة

من فضلكم راهم جاييني ضياف على غفلة هذا وين عيطولي حابة ندير موسكوتشو بلا بيض لانو ماعنديش ومكانش الي يشريلي

اعطيوني غوسات نتاع موسكوتشو مافيهاش بيض

اان شا الله تلقاي اختي

[oum islem]

المشاركة الأصلية كتبت بواسطة douniadiab4

سلام لبنات وصح غداكم ربي يجعلها كوزينة عامرة

من فضلكم راهم جاييني ضياف على غفلة هذا وين عيطولي حابة ندير موسكوتشو بلا بيض لانو ماعنديش ومكانش الي يشريلي

اعطيوني غوسات نتاع موسكوتشو مافيهاش بيض

زيدي حوسي مليح ممكن تلقاي بيضة وديري كيكتي العجيبة تاع عازفة الناي ببيضة واحدة
اما بدون بيض ممكن يفيدوك لبنات

[oum islem]

المشاركة الأصلية كتبت بواسطة سرور2

السلام عليكم لبنات

لبنات حبيت نسقسيكم الماييس ياخي هو البذرة الينطيبة بيه البشنة ولالالا

لانو حابة نشريه ونطيبو وحدي باه ندرو لسلطة مش حابة ندير المعلب

لو سمحتو فهموني فيه مليح واعطوني طريقة طبخو متنساونيش اللهيحفضكم


وحابة ثاني لو سمحتو طريقة لطاجين الحلو يكون ابيض مش لونو بني ولا اسود انا باانتضار

وعليكم السلام
الماييس هو البشنة هو الملفوف هو المستورهو لكبوب تختلف التسميات
للسلطات انا نفصلو حبات طازجة نطيبو في الماء ورشة سكر ونستعملو اما المجفف ما نستعملوش للسلطات بصح
ندير بيه كوب كورن للاولاد يحبوه
طاجين الحلو شوفي تاع اسمهان مليح حطتو مع الشربة والحميس

[ninafret]

السلام عليكم حبيباتي توحشتكم بزاف لانكم اخواتي وربي يعلم
حبيت نبشركم انكم راح تصيرو خالات لاني الحمد لله حامل بفضل الله عز وجل وبعدة دعواتكم الخالصةوالطيبة
بعد ست سنوات وزواج والاطباء قالولي مستحيل تنجبي بطريقة عادية لكن كلو بيد الله امره بين الكاف والنون يقول له كن فيكون
حبيباتي حبيت نفرحكم معايا ونقلكم اسمحولي بزاف راهو عندي الجديد بصح مالقيتش كيفاه نحطو لاني نكوناكتي بالتابلات وراني فاتحة مجموعة في الفيس نعلم فيها الطبخ والحلويات مجانا
حبيباتي ربي يفرح قلوبكم ويرزقكم بما تتمناو يا غاليات
احبكم في الله

[سرور2]

المشاركة الأصلية كتبت بواسطة oum islem

وعليكم السلام
الماييس هو البشنة هو الملفوف هو المستورهو لكبوب تختلف التسميات
للسلطات انا نفصلو حبات طازجة نطيبو في الماء ورشة سكر ونستعملو اما المجفف ما نستعملوش للسلطات بصح
ندير بيه كوب كورن للاولاد يحبوه
طاجين الحلو شوفي تاع اسمهان مليح حطتو مع الشربة والحميس

شكرا اختي ام اسلام يعني نقدر نشري البشنة ونطيبها في الدار ممكن تقوليلي قدش نديرملح ولا سكر في كلو
ونطيبو مغلي ولامفور راني اول مرة رايحة نجربو وشكرا مسبقا

ممكن رابط الموضوع

[oum islem]

المشاركة الأصلية كتبت بواسطة باسم وبيسان

مساء الخير عليكم منووورين الكوزينة الله يبارك عندى مودة مادخلتش حبيت تساعدونى شرالى راجلى كمية من الطماطم لرمضان حبيت نعملها ونخبيها فى الكونجيلاتار دبروووو عليا كيفاه نديرها رانى نسنا باه ندير ليوم ماتبخلونيييييش

يا ام باسم وبيسان
طريقة زينب 83 رائعة ومضمونة
https://www.djelfa.info/vb/showthread.php?t=1799210
طبقيها وما تخافيش

[ام عصام هناء]

اخواتي اعطيوني طريقة تصغير الصور

[ام الهضاب]

المشاركة الأصلية كتبت بواسطة ninafret

السلام عليكم حبيباتي توحشتكم بزاف لانكم اخواتي وربي يعلم
حبيت نبشركم انكم راح تصيرو خالات لاني الحمد لله حامل بفضل الله عز وجل وبعدة دعواتكم الخالصةوالطيبة
بعد ست سنوات وزواج والاطباء قالولي مستحيل تنجبي بطريقة عادية لكن كلو بيد الله امره بين الكاف والنون يقول له كن فيكون
حبيباتي حبيت نفرحكم معايا ونقلكم اسمحولي بزاف راهو عندي الجديد بصح مالقيتش كيفاه نحطو لاني نكوناكتي بالتابلات وراني فاتحة مجموعة في الفيس نعلم فيها الطبخ والحلويات مجانا
حبيباتي ربي يفرح قلوبكم ويرزقكم بما تتمناو يا غاليات
احبكم في الله

اهلا بنينا الحبيبة ، الف الف مبروك و ربي يتمملك بخير و يرزقك بذرية صالحة يا رب ،
اما بخصوص الجديد ، بعقلك حبيبتي انتلاي في روحك فقط و استحفظي بالبيبي اعلى قد ما تقدري لانه عزيييييز علينا ، و احنا ياما استفدنا من وصفاتك الرائعة و ديما ندعيولك بالخير لانه اقل واجب ممكن

[زهرة الريف*]

المشاركة الأصلية كتبت بواسطة ninafret

السلام عليكم حبيباتي توحشتكم بزاف لانكم اخواتي وربي يعلم
حبيت نبشركم انكم راح تصيرو خالات لاني الحمد لله حامل بفضل الله عز وجل وبعدة دعواتكم الخالصةوالطيبة
بعد ست سنوات وزواج والاطباء قالولي مستحيل تنجبي بطريقة عادية لكن كلو بيد الله امره بين الكاف والنون يقول له كن فيكون
حبيباتي حبيت نفرحكم معايا ونقلكم اسمحولي بزاف راهو عندي الجديد بصح مالقيتش كيفاه نحطو لاني نكوناكتي بالتابلات وراني فاتحة مجموعة في الفيس نعلم فيها الطبخ والحلويات مجانا
حبيباتي ربي يفرح قلوبكم ويرزقكم بما تتمناو يا غاليات
احبكم في الله

مبارك اختي في الله ربي يثبت حملك ويكملك بخير تستاهلي الخير كله انت مولات خير وكنت سباقة
كلنا نحبوك واطباقك راهي صدقة جارية عليك وهذا جزاء المعروف والعطاء ولي مايبخلش ربي مايخليهش

[oum islem]

المشاركة الأصلية كتبت بواسطة سرور2

شكرا اختي ام اسلام يعني نقدر نشري البشنة ونطيبها في الدار ممكن تقوليلي قدش نديرملح ولا سكر في كلو
ونطيبو مغلي ولامفور راني اول مرة رايحة نجربو وشكرا مسبقا

ممكن رابط الموضوع

البشنة لما تبقى مغلفة باوراقها ما تخسرش
انا عن نفسي نحل حبة نفصلها نحطها في كاسرولة ونزيد الماء ورشة سكر والملح ما نديرش امي تقول انو يصعب الطياب
ونخليها على نار هادئة حتى تقرب تنشف من الماء تكون طابت نديرها في بلارة زجاج ونستعملها خلال 3 ايام
للعلم نخبيها بالماء لي بقى منها وطابت فيه
لكن كمية كبيرة كيلو او اكثر ماعنديش فكرة كيفاش تخبيها
اصبري يدخلو لبنات ويفيدوك