Mh47 الجزء الــــ84 من واش طيبتي اليوم - الصفحة 42

ام سهام 02 · 2014-08-11, 21:07

الهام هذا القلاصاج مازال ماجربتوش قالو لي عليه وكبشرى قالت قلاصاج يذوب في الفم قلت لها تع لكرام فراش

فنجان كرام فراش سائلة وضيفي لها السكر الناعم المغربل حتى توصلي للقوام المطلوب وضيفي النكهة واللون لتحبيه

أم ياسين الزهراء · 2014-08-11, 21:08

حنان حطيني صاحبة يماك وديرليلي العجينة ههههههههههههههههه راني خايبة وفنيانة عيت نديرها وشوفي نصيحة من عجوز مجربة ماتزيديش تقولي درت بقي الستر راهي العين حق

عندي التليتلي وزدت الرخساس وقلتلهم عندي مسلسل واحد مايقلقني

حقى الهام انا اللي سخفت عليه وراني حطيت كوزينتي شافوها البنات وشوفيها انت هدي اللي فوق مازال ماعمرتهاش شوفو البنات يصلح الرخامة للعجين المورق راح نكريهالكم اللي تحب دير تجي

سعيدة8888 · 2014-08-11, 21:10

اقتباس:

المشاركة الأصلية كتبت بواسطة إلهام07

طالبة الجامعة بصحتكم هذا واش نحب وععععع ممنوع القليان في الريجيم اسمحيلي بصح هذو ليامات صحاباتي وأخواتي اللي تاكل حاجة عيني فيها نقوللها "تاكلي الرهج" صدقيني من صميم قلبي نقولها هههههههههههههه:d:d

أم عبودة هني روحك رمضان خلاص واش من فوازير هذا

لهومة حنونتي انا تاني كانت عندي الكزيما في يديا
والله كنت مش قاديرة حتى نمس اولادي رحت لشحال من دكتور جلد ودرت حشاك البول نتاع الابل والحليب نتاعها
وفي الاخير درت دواء من عند العشاب الصراحة هو لي خلطولي هو زيحتو قوية جدا وكي كملتو زادني خلطة ثانية والله غير سمانة وحبستها ريحت تماما
ولكن ممنوع الجافيل وازيس الصابون الازرق
والله منت حابة نمس ابني و نتحضنو او نمشطلو او نلبسو والله كان قلبي محروق كي يجيني ونكون خيفة يعطبني كنت نسيل بالدم
اللهم للك الحمد و الشكر ما حييت
عالجيها حنونة راها تمشي و وفي فترة العلاج البسي قفازات نتاع كتان وفوقها قفازات نيلو

أم ياسين الزهراء · 2014-08-11, 21:12

سعيدة تهدري على عصيلر داراتو اهت ونسيت وكانت ام ماجد عجبها قالتلها دير في الكاس وتميلو وتحطو في الكونجيلاتور كيتقلاصى تزيد عليه دارت 3 الوان هكى

مولات الصوف صحيتي يالفحلى طريق السلامة فكرتيني في 7 مطارح انتااوعي بعتهم كيمرضت بنتي بالازم تهنيت منهم الثقل والتعب تفرشي بالصحة

سهام الفكرة هايلة كاشي نهار نجربو بصح القلاصاج هدا يصبر

أم ملك · 2014-08-11, 21:12

ناهد دوران الصوف راهي ما شاء الله بيضا تشعل شطورة الله يبارك
أم سهام السباقيتي هايلة أنا نحبها
إلهام علاه راكي دايرة الريجيم أنا ما نقدرش و ثاني راني سمينة من قعاد الدار
مانبغيش برك نكثر طياب اﻷشياء الحلوة ﻷني ناكلهم وحدي و نزيد
ليزا الوصفة تاع التعمير بكبد الدجاج دارتهالي مرة كبيرة من معسكر قاتلي هدي من تقاليدنا
على فكرة أنا أصلي معسكرية

سعيدة8888 · 2014-08-11, 21:13

اقتباس:

المشاركة الأصلية كتبت بواسطة أم ياسين الزهراء

حنان حطيني صاحبة يماك وديرليلي العجينة ههههههههههههههههه راني خايبة وفنيانة عيت نديرها وشوفي نصيحة من عجوز مجربة ماتزيديش تقولي درت بقي الستر راهي العين حق

عندي التليتلي وزدت الرخساس وقلتلهم عندي مسلسل واحد مايقلقني

حقى الهام انا اللي سخفت عليه وراني حطيت كوزينتي شافوها البنات وشوفيها انت هدي اللي فوق مازال ماعمرتهاش شوفو البنات يصلح الرخامة للعجين المورق راح نكريهالكم اللي تحب دير تجي

اكريلي انا راكي عارفة حالتي

أم ياسين الزهراء · 2014-08-11, 21:14

الهام ليكزيما لازم تبعدي على جافيل وازيس وكل المنظيفات خليهم يخدمو هوما انت طيبي برك هههههههههههههههه بالشفاء عليك

سعيدة8888 · 2014-08-11, 21:16

اقتباس:

المشاركة الأصلية كتبت بواسطة أم ياسين الزهراء

سعيدة تهدري على عصيلر داراتو اهت ونسيت وكانت ام ماجد عجبها قالتلها دير في الكاس وتميلو وتحطو في الكونجيلاتور كيتقلاصى تزيد عليه دارت 3 الوان هكى

مولات الصوف صحيتي يالفحلى طريق السلامة فكرتيني في 7 مطارح انتااوعي بعتهم كيمرضت بنتي بالازم تهنيت منهم الثقل والتعب تفرشي بالصحة

سهام الفكرة هايلة كاشي نهار نجربو بصح القلاصاج هدا يصبر

شكرا حنونة
العصير انا شفتو في القنوات الجزائرية في سهرات رمضان
وعجبني بزاف

أم ياسين الزهراء · 2014-08-11, 21:16

سعيدة هههههههههههههههههه انت ببلاش راني حاسة بيك الله يفرج عليك وعلى كل مومن

اللي دارت السباقيتي ماناكلهاش ديريلي بيض هههههههههههههههههه بصحتكم

أم ياسين الزهراء · 2014-08-11, 21:17

سعيدة هدا واش نعرف ان شاء الله البنات يفيدوك انا في رمضان نشوف غير مسلسل ولازوج نعي

ام سهام 02 · 2014-08-11, 21:20

ام ياسين هذا القلاصاج ما جربتوش ماعنديش لكرام فراش وحدة نعرفها قالت عليه انا جربتو بالحليب جاء طري وانا نظن لكرام فراش احسن من الحليب واش رايك

أم ياسين الزهراء · 2014-08-11, 21:24

صح كرام فواش يجي خير كاشي نهار نسيه

إلهام07 · 2014-08-11, 21:25

ياسو وسعيدة شكرا على النصائح ماتخافوش راني مضربة على الميناج ههههه

ياسو ياربي تتهناي فيها كوزينة وعليها الكلام ماشاء الله والله صح وتليق ثاني الرخامة مليحة ثاني للبقلاوة

ام ملك حبيبتي الواحد يحافظ على صحتو لازم انا نخدم في مكتب يعني النهار كامل قاعدة لازم الواحد ياكل اكل صحي ومتوازن والحمد لله الريجيم نتاعي ناكل فيه كلش بصح بحدود مانيش حارمة روحي من والو والحمد لله راني فرحانة طيحت ثمانية كيلو واييييي هذا وين وزنت روحي الكوزينة والتلباز راهم هلكوني منين رايحة نزيد في الميزان منين بديت في المنتدى

نروح نتعشى ماما تعيط بصحتكم عشاواتكم

ام سهام يبان القلاصاج هذا مليح وطري لانو بالكرام فراش سعني حليب ودسم يكون يجي طري

ناهدوران · 2014-08-11, 21:27

م ملك الله ايسلمك عينيك الي ملاح
ام ياسين الزهراء شكرا ويخي بنتك راهي لاباس ربي يحفضهالك
ولهومة جاتني راكي تكوراجي في روحك من الشطرب ههههههههه

آمِيْرَتُه · 2014-08-11, 21:29

السلام عليكم
واش حوالكم
ربي يدومها نعمة

حوست على لموضوع لقديم ملقيت جواب ياخوتاتي حمبوكم هههه قولولي الكيفية لي تخدمو بيها الشخشوخة نحوس على شخشوخة نتاع الشرق