الجزء 63 من واش طيبتي اليوم تزامنا مع عيد المراة - الصفحة 42

الأمنيات · 2014-03-11, 11:02

اختي نهال ادا شفتي القاطو ساح اعرفي من الفرينة قليله
ان شاء الله كي تعاوديه يصلح لك

أم فاطيمة · 2014-03-11, 11:03

الامنيات يعطيك الصحة كلشي هايييييييل
نخلة بصحتك الارنب

R I A D · 2014-03-11, 11:04

الله يسلمك و يحفظك حبيبتي الهام
هذه شهادة اعتز بها ربي يعيشك و ينول لك الي في بالك

lahna moka · 2014-03-11, 11:04

صباحكم سعيد مبارك حبيباتي
ليزابيل خنفوستي الجميلة أنت الأروع صح قهيوتك
أم أنس كلشي ممممممم خاصة الشوارما
أم رياض رووووعة خاصة التارت نموت على الفراز
دائمة الحمد موفقة غاليتي
أم أرحاب طمنينا كي تجي ان شاء الله ربي يشفيك و يعافيك

الونشريسية و fatimoncton مرحبا بكم معنا و ان شاء الله تنورونا دائما بطلتكم و أطباقكم

الأمنيات أختي مممممم كنت معولة على اللوبيا اليوم تبدل البروقرام و طاجين البطاطا يمي يمي يعطيك الصحة
نخلة المعجون مممممم و الأرنب ععععععع لوكان غير نحيتيلو الراس

أم اناس موااااااااااااااااح غاليتي

zahra30 · 2014-03-11, 11:07

صباخ الخييير ياوجوووه الخييير نهاركم مبارك ان شاء الله
ما خرجوليش ايوانات الشكر بزاف ؟؟؟؟
المهم يعطيكم الصحة واش طيبتو امنيات ام انوووس ام رياض ووووكل وحدة حطت طيابها
ومرحبا بالجدد وكيما تقول الحاجة صائدة الارانب اهلا بالحامل والمحمول هههههه ضحكة حب
غدانا اليوم طعام انتاع الحليب بالقديد والفول وسلاطة وديسار والحمد لله
هذي محجوبة الكسرة الرخساس لاختي لعزيزة

صح غداكم كامل وبصحتكم واش طيبتو

نخله. · 2014-03-11, 11:09

ههههههههههههه لهنا راجلي يحب الراس كيما المشوي والحوت نحمروه بلا ما نحيولو الراس

مريم الاميرة · 2014-03-11, 11:10

نخلة يعطيك الصحة على الوليمة خسارة ما نحبش الارنب كون قدمت كليت
الهام صباح النور و شكرا على الوصفة خسار ما عنديش لجريوات درتها لبارح اكل دولمة يعني تؤجل الوصفة الى حين
مالا ما تسلكني غير الدولمة نتاع لبارح و نزيد نقلي شوي كبدة و خلاص
لهونة صباح الورد و الياسمين واش ناوية ديري للغدا

إلهام07 · 2014-03-11, 11:10

نسيت نعزي نخلة في الأرنوب مسكين ..... يامجرمة ماغاضكش واش دارلك راهو مخلوق مسالم
يعطيك الصحة وليمة تشهي

حقة بنات نقوللكم حاجة وماتضحكوش منذ تقريب عام طلبتو مني وصفة لا بات بريزي نتاع الزيت راني حتان البارح باش درت القلب وصورت المراحل من بعد نحطهالكم موضوع
رايحة نحاول كل مرة نحطلكم وصفة من الوصفات اللي طلبتوهم مني ماتخافوش مانيش ناسيتهم

lahna moka · 2014-03-11, 11:13

الهام حبيبتي تعيشي قوليلي وين راهم نصائحك اللي قدمتيها للأمورة سميحة في وصفة الزلابية تاع أم رامي تعيشي حبوبة ضروري نديرها اليوم
مريومتي صباحك أسعد مواااااااااااح راني وحدي فالدار و بقا روز تاع لبارح و راني ناوية ندير المحاجب سخفتوني بيهم ممممممممم
كل أخواتي دون استثناء صح قهوتكم و بصحتكم واش تلبزو هههههه

الأمنيات · 2014-03-11, 11:14

الهام ما علقتيش على خبز الفرماج ما شفتيهش وينها وصفه الي سرقتها مولاتها ماهدرتش وانتي تريكلامي هههههههههه

nihale89 · 2014-03-11, 11:16

الهامو صباح الانوار
لي مادلان نتاع السميد هايلين جربتهم اختي روعة وخفاااااف

نخله. · 2014-03-11, 11:17

الهام سمانه وحنا نوكلو فيه ما حبس يسمان هههههههه

بصح غاضني لخاطر مربي دخلناه للدار وولادي لعبو معاه رانا عولنا كل سمانه نشرو ارنت من السوق الاسبوعيه كرهنا من الدجاج واللغنمي ما نقدرلوش يدير فيا حاله هو و البقري

اما الحوت فيا حسرتي عليه احنا فين وهو فين نتفشوغير فالطون تع العلب

نخله. · 2014-03-11, 11:18

مريم هنا الكورجات عندنا غاليه وصلت 26الف قتلو كي تهبط تحت 10 الاف جيبهالنا بصح توحشناهاااااااااااااااا

أم محمد تاج · 2014-03-11, 11:26

حبيبات قلبي احلى صباح ونهاركم مبروووك يارب
غدايا قراتان تاع ام رامي راه مهبلنا لازم كل سمانة نديرو وسلاطة وخبز والحمد لله

الأمنيات · 2014-03-11, 11:26

لبنات باركولي راهم ثبتوا موضوع خبز بالفرماج