مجلس تــــألقي **هنا ملتقانا اليومي** - الصفحة 42

stayfiya · 2013-09-15, 15:12

يويويويوووووييي راهي جات لعروس من عند الحفافه زغرتو يعطيكم الربح

ام مريم اسراء · 2013-09-15, 15:59

سطوفة راهم جاو الخطابقة راكي طولتي
و فيفي وين راحت مبانتش ليوم خلاص عندك راحتلها النت موالفة تطل ان شاء الله لاباس

stayfiya · 2013-09-15, 16:15

راني حطيييت ام مريومة روحي شوفي نشالله تعجبك
وينراهي فيفي انا والله راني من الخدمة طوول معاكم اصبري نحطلكم شوي قاطو من لي حطيناه للضياف

راني شفت روبتك والله عجبتني تهبل علابالك انا نموت على التيقري و الزيبري دارنا ثاني ديكورها في الزيبر هههههه
وراهم لبنات

crono · 2013-09-15, 16:18

مساء الخير
ان شاء الله تكون بخير
سمحلي دخلت هنا جيت نبعتلك رسالة خاصة ولكن صندوق
مساحة الرسائل الخاصة المخزونة ولا يمكنه إستلام
اخي عمر حبيت نعرف علاش نحيت مواضيعي من التثبيت
ونا عملتوا باش الاخوات يلقاوه واجد مايدلوش ايحوسو
وقبل مانحطو تفاهمت مع الأخت باش نتعاونو على الدورة
كيما نعرف قريت قانون المنتدى ايقول
القانون يحتم عليه عدم لمس موضوع لاخيه المشرف حتى يشاورو في الامر فمابالك يلغي تثبيتو في مدة قصيرة
حبيت نعرف فاش غلت ونا درت هدا الموضوع باش يستفيدو الاخوات و كاين حتى المبتدئات
شكرررررررررا

ام مريم اسراء · 2013-09-15, 16:19

waaaaaaaaaaaaaaaaaaaaaaaaaaaaaaaaaaaaaaaaaaaaaaaaa aw سطوفتي قندورة خليجي تحفة و اللون جدا راقي و الصابو و البارور مخلاوش في ان شاء الله ليوم انتي و بيبا نتوقعلكم التاهل و الفوز بالتحدي لانكم حلقتو في سماء التالق و

ام مريم اسراء · 2013-09-15, 16:21

سطوفتي اللون تاع القندورة bleu roi اذا مارانيش غالطة ( بيني و بينك وشحال خلصتيها )
وااااو و الحلويات مممم تشهي .... ربي يسلمك غير انتي الي تحامي عليا
و تاتوواج خليجي بقاتلك غير البخارة

asmagirl90 · 2013-09-15, 16:26

امممممممممممم يا البنات ام مريم اسراء وسمرجان وعذراء الجبل وسطوفة الحمد لله انا قلت دك تلبسلها سروال نوار هههههههه
باهيييييييييييييييييين تهبلوووووووووووو

ام مريم اسراء · 2013-09-15, 16:38

سطوفة راها تطل من الثقب نتاع الباب ياو ميما قوليلها تنوض راها مكبرة الجماعة هههه

ام مريم اسراء · 2013-09-15, 16:41

فيفي لبستك شابة و مانكيييير يهبل ان شاء الله تتاهلي انتي و كامل لبنات
و اخيرا اكتملت المجموعة انا نقلكم يا جماعة نروح نصلي و نطيب القهوة ........ وصو الاخ عمر ميبهدلنيش ياسر راها دمعتي غير تستنى تطيح

fifiarch · 2013-09-15, 16:41

مسااااء الخير لبنات

ياعمري تسقصيو عليا ربي يخليكم

انا جيت من الخدمة طول لبست العروسة وجيت باه نوريلكم لبستها السع التريسيتي راحت

وليت خليتها زهرها من اولو هك

مانعرف اذا الزهر ماشي مليح ولا قالك زعمة راها منورة كيما القمرة اااه ولا الشمعة ماتلزمناش تريسيتي هههههه

وليت طيشت كلش ورقدت

السع نومة عميقة نضت منها نجري الربعة ونص نشوف فيها الخمسة هههههه

مي مزية لحقت مع الوقت

وانتم واش اخباركم

عجبوني كاااامل حوايجكم ومانيكيركم
والصراحة نتاع بيبا هاااايل ياعمري وسطوفة تان
اكيد وحدة منهم ولا في زوج يكونو المتالقات هاذ المرة

ام مريم اسراء · 2013-09-15, 16:45

نوم الهنا فيفي انا ثان متوقعة تفوز بالتحدي بيبا و سطوفة لانهم تالقو هاذ المرة مسدقو يزوجو mima ها وبلاك متقبلش ب بن خالتها و نزيدو نلبسوها سيفيليزي لا قندورة لا هم يحزنون

douda21 · 2013-09-15, 16:50

لبنات واقيل راكم غلطتو لبستكم تهبل و كلكم فور و مكمش خارجين علي الموضوع بصح المشكل انو الاخ عمر قال سلسلة و بغاصلي ، و بيبا حطت باغيغ و سطوفة كدالك نضن كن تقيدتو بواش قال باش متكونش هناك غلطات يا لبنيات
سوفة قندورتك تهبل و لا باغيغ فور تانيك بص القندورة فيها الدوغيو و لا باغيغ بالor blanc كيما قلتي
بصحتكم فور حوايجكم
بيبا ان شاء الله تحطي موديل القندورة وحديها باه نشوفوه
بالتوفيق

stayfiya · 2013-09-15, 17:00

ام مريومة ادي طبسي قاطو للولاد جوزو بيه لحليب
كرونو حبيبتي نسحقو مواضيعك نشالله يرجعو يتثبتو في منتديات اخريت تشوفي كثرمن 10 مواضيع مثبته ونووورماال
فيفي ضك نروح نشوف تبييشتك الحمد لله كي لحقتي هيا اكتمل الاجتمااع وينراهي طاطا ايمان بيت لعريس ام مروحين اعطينا رايك تراش ؟؟؟

douda21 · 2013-09-15, 17:10

واش يا لبنات وقيل مديتوهاش فيا
ايا بالتوفيق حبيباتي و ربي يوفقكم و راكم تحفونات كيما يقولو التوانس و زينونات بزاافف مشاءالله تحمرو الوجه

stayfiya · 2013-09-15, 17:20

صح دوداا واشبيك ديري نواضر او القندورة طرزها ارجونتي ماذبيا لوكان كانت دوري عني صابو هايل دوري