الطبعة الحادية عشر لدورة الرقي بمدبرة منزل مثالية

[ام منيب]

الله الله عليك يا ام عبد اللطيف يعجبني التفاؤل تاعك
عندك +3الجانب الجمالي
+3الجانب التنضيفي+3الجانب التربوي+5الجانب الديني كل يوم جيبينا معلومات دينية جديدة علينا

[fatma1977]

25 نقطة لكل الجوانب

[Meriemchawiya]

ana lyoum haba naltahik rani fi khadma nrawah ndir el barnamadj

[وفاء سعاد]

بديت في الحفظ هدا الاسبوع واستعملت برنامج 3ايات من سورة الملك وقريت زوج صفحات برك من المصحف والفجر منضتش لاانا لازوجي
قريت البرنامج بالاحد عرفت باللي فيها التلاجة غسلتها وكملت معاها الكونجيلاتور تاعي مايديرش لاقلاص وكملت ميكرو اوند والفور نحيتهم علي على خاطر نفحتلي الخدمة وتشجعت ندير كلشي خير باه تبقا الكويزينيار للاتنين تديلي الوقت وحدها راهي ماتشافش بالدهون من داخل المهم كي خلصت سيقت الكوزينة وطفيت عل الغداء ورحت جبت ابني دخل للمسجد باباه يديه عل 8 وانا نجيبو عل 11
الجمالي راني نحيت الكور كامل بلاسير يعتبر جمالي تاني ولا تحسي روحك رطبة وبشرتك كي تاع لبيبي وقاعدة نحوس عل العشبةتاع السعد سخفتني اختي صليحة عليها ساع لقيت غير الزيت راني معاه الساعة هادي

[ninnou]

فحلة والله الله عليك
برافو

[وفاء سعاد]

يسلمك اختي والله امور عادية نقومو بيها كون تشوفي نسا اخرين واش مدايرين تقولي احنا مانبانوش معاهم خلاص بصح المهم انا نقول ديني وقراية ولادي هما المهم وحاجة ماتعوض الوقت اللي يروحلك منهم اما الطبخ يجي نهار وتولي شافة فيه والتنضيف تاني كتر خير المنتجات سهلونا المهمة والحمد لله على كل حال ومشكورة بزاف على ردك

المشاركة الأصلية كتبت بواسطة ninnou

فحلة والله الله عليك
برافو

[وفاء سعاد]

الصلاة مع الادكار والحفظ 3ايات والاستغفار ونكتر خاصة كي تعود روحي ضايقة او عندي حاجة حابتها تتحقق وجدت الغداء هو الاول باه نتهنى منو ومايدينيش الوقت مع الشغل العميق وحكمت الكويزينيار رديتها تشعل وكي خلصت سيقت الكوزينة وعقبت عل الدار كاملة بالنشافة وشوية صانيو باه تبقى ريحة مليحة في البيوت بلا ماننسى تاع نعقبو عل الغبرة ولاعاد قش يتغسل تاني يعني الاعمال اليومية راهي ماتخلصشراني مع زيت السعد برك ومدايرة برنامج للاولاد مع يجيو يشربو الحليب ساعة راحة باه مخهم يستريح من القراية نهار كامل ماشي يقعدو برك متلا يصليو او بالاحرى يقضيو صلاتهم وينضمو ملابسهم مع غسل تقشرهم وملابسهم الداخلية هدا اللي فوق 8سنوات تديروها معاهم ومنفرقش بين طفل ولا طفلة عل الاقل تولي عادة كي يكبارو ويزوجو الرجالة نساهم يدعيولكم عل التربية هههه ماشي كيما احنا تكلحنا غير اقلية تتحسب عل الصوابع ومباعد نبداو نقراو حتان العشاء واحرصو يتعشاو بكري باه يديو كفاية من النوم باه الداكرة تخزن الدروس تاع النهار وكدلك هرمون النمو يتفرز كي يعودو راقدين مليح مايجيش جيل ناقص

[وفاء سعاد]

راني مع الصلاة في وقتها الا صلاة العشاء راهي عندها الوقت ونكون مع الاولاد بصح نعود نصليها في الوقت والحفظ راني نتبت في واش حفضت ونزيد نكمل رغم انو لقيت صعوبة الداكرة تاعي نقصت مانعرف العمر ولا عندنا بزاف مادربناهاش فرغت الخزائن في الليل وتحت البوطاجي باه مع الصباح تجيني ساهلة وغسلتهم ورديت كلشي وكي كفاني الوقت غسلت الاكسسوارات المعلقين ونحيت الريدو وحطيتو يتغسل بلا ماننسى الاعمال اليومية درت زيت الخروع مع التوم لشعري خاصة من الامام بدا ينقص

[وفاء سعاد]

محجووووووووز

[وفاء سعاد]

محجوووووووز

[ماريا205]

ما شاء الله وفاء تعجبني طريقتك مع الاولاد
+2 للجانب التنضيفي
+2 للجانب الديني
+2 للجانب التربوي
+1 للنصيحة

[سمراء الدنيا]

الله على النشاط و الحيوية تهنيتي من الصعيب و هو الكويزينيار ربي يعطيك صحيحتك
كيما قالت ماريا تعجبنا طريقة تعاملك مع الاولاد و نبغو نتعلمو منك ربي يحفظهملك و ينجحهم
+1 للديني
+2 للتنظيفي
+2 للجمالي
+2 للتربوي
+5 على بدايتك للحفظ

[fatma1977]

الله على النشاط و الحيوية تهنيتي تعجبنى طريقة تعاملك مع الاولاد و نتمنى نتعلمو منك ربي يحفظهملك و ينجحهم

+2 على كل جانب +3 على الجانب التربوى

[صابرة2013]

ما شاء الله أختي ربي يقويك ويعينك على تربية الأولاد

+3 في كل جانب
+5 للحفظ

[شموخ امرأة]

الله يبارك وفاء نحلة عسل
+1 لديني
+2 لتنضيف
+3 للحفظ
+1 للجمالي