الجزء 95 ** من واش طيبتي اليوم ** - الصفحة 42

lyzzabel · 2014-10-29, 09:41

صباح الخير داءمة الحمد الحبيبة ،، كنت نستنى فيك تدخلي ،، شكراااا غاليتي تعبتك معايا و الطريقة عقلت عليها مين حطيتيها في تحضيرات رمضان هي و تاع المارغرين المعطرة ،، ممووووواح

x ام رحاب x · 2014-10-29, 09:44

صباح الخير دائمة الحمد واش راكي وامك واميرة مزالهم ماجاوش
ليزا حنونة واش راكي انت الي تعبانة مع المرض انا راني الحمد لله ياك قتلك ريحي روحك
ام تاج حنونة راما كامل خواتاتك والله دمعو عنيا وانا راني على مكاش ايجو دموعي نازلين ماتقوليش هاد الهدرة رانا كامل انحبوك وربي يخليك زوجك واولادك يارب
زهرة حبيبتي راني الحمد لله وفطوري مسفوف بالبن ان شاء الله
سارة مرحبا بيك الكوزينة كوزينتك وربي يبارك في دارك ووليدك واكلك ماشاء الله عليك

أم هبوبة · 2014-10-29, 09:47

ام امنية الله يجيبلك سويعة ساهلة ماهلة و الله يفرحك بنوتة حلوة كيما هدي
و الله ما في أحلى من البنات

lyzzabel · 2014-10-29, 09:50

ربي يخليك ميمتي الحبيبة بصح الراحة وين نلقاها ،، راكي عارفة الدار عليا و الاولاد و الفطور ووووووو ،، الحمد لله على كل حال ،، غيرتيني بالمسفوف بصحتكم مسبقا ،، انا حوانتي ولو ما يبغوش ياكلوه كنت نديره مين تبحرلي واش نطيب و راني مازال حاصلة فالفطور و الوقت راه يجري وااااااع

x ام رحاب x · 2014-10-29, 09:52

اقتباس:

المشاركة الأصلية كتبت بواسطة yasmalak

مسلخيييييييييييييييير حبيباتي
ليزاااتي على سلااامتك حبيبتي توحشششششششششتك و بلااصصتك بااينة و بريتي دوكا شوية؟؟
ام محمد تااج بصحتتكم المسفووف جاامي كليتو بالرماان ههه
عشانا اليوم شوارما يميييييييييييي بالخبز هدا قدما ناكلو ما نشبعووش

ماشاء الله اتشهي بصحتك

lyzzabel · 2014-10-29, 09:53

ام هبوبة كي راكي حبيبة ،، كي راهي حبيبتي سمية انشالله لاباس عليها و هبوبة ؟؟ على فكرة طيابك يشهي يعطيك الصحة غاليتي و ربي يعاونك على العمل الداخل و برا

x ام رحاب x · 2014-10-29, 09:55

ليزا الله ايعاونك ويرزقك الصحة والعافية حنونة
ام هبوبة صباحو يالغالية واش راكي

Simassim · 2014-10-29, 09:57

صباح الخير عليكم ونهاركم مبروك ان شاء الله
المنتدى راه يتقال فالليل. خلانا بدون مراجعة
العشا البارح كلينا بواقي خملت الفريجيدار زدت سلاطة روز بالتون والبيطراف
الغدا اليوم ان شاء الله ناوية على طاجين choux de Bruxelles والعشية بالاك ندير بيتزا او نجرب قوارب تاع لينا اذا كان في شوي جهد

lyzzabel · 2014-10-29, 09:58

رووووضة الحلوة زيري روحك و ديري المقروظ في وقت الشدة ما تلقي غييييير خدمة يديك ههههه ،، انا تاني كنت خايفة منه مي كي درته خلاص راه ساهل ماهل و ما فيهش الجهد بزاف و زيد يستااااااهل مممممممم مع زادت حطاته الموصيبة تاع سكرتي الحلوة مممممممممم راه في خاطري نديره راني شوي متكاسلة و فاشلة من اثار المرض ،، كي نريح شوية نعول عليه بإذن الله

ام سهام العزييييزة اليوم ما دخلتيش ،، شفت الطمينة تاعك تهببببلللل انا نموت على حاجة بالسميد و راوية و معسلة هههههه و كل لي تحطيه يشهي حبيبتي ربي يباركلك في صحتك

صباح الفل سمسوووومة كي راكي و كي راه ولدك ريح شوية ؟؟

أم ياسين الزهراء · 2014-10-29, 10:02

ام امينة الله يسلكك على خير ماكانش كيما البنات خاصة اللي متربية ومتعلمة

ليزا ضحكتيني ربي يعطيك طفلة شابة ومسرارة كيما انا الزهراء عجوزة راهي في الباك هديك اميرة هههههههههههههههههههه

سارة الصالون هايل الله يبارك وهداك الراجل بسلامتو والصور غير هبليني معليش في سبيل الاكل نهبلو ههههههههههههههههههه

ام ماجد الله يعينك وماراحش ننساك في القفة كيتدخلي للحبس هههههههههههههههههههه

الامنيات الدويدة هي الفرميسال انا الجنس الخشن مايحبوهاش قالك تجيب المجاعة هههههههههههه والبنات يموت عليها ادا تحبي نقلك على الطريقة وراهي نفرتيتي مدايرة موضوع عليها وبصحتك الفطور

روضة نصيحة من عند عجوزة مجربة ادا عجوزة مستعدة تعلمك غير اتعلمي تندمي عليها راح تفيدك وبصحتك كيكة الدانيت الحمد لله توحملك على الساهل

بصحتكم الغداء والحلويات والله يديمها

nihale89 · 2014-10-29, 10:04

ام امنية ربي يسلكك على خير
وماكانش كيما البنات هوما الي تلقايهم في كبرك
ليزاتي واش راكي حبوبة توحشتتتتتتك

ام محمد و ملاك · 2014-10-29, 10:05

شكرا لكم غدايا درت ملوخية لزوجي و انا و اولادي درت عيش او بركوكس من بعد نحط الصورشكرا ام ياسين احبك في الله دائما ابحث عن تعليقاتك لان باتنة قريبة لقلبي قريت فيها 4 سنين

scorpionoir · 2014-10-29, 10:05

الله يصبحكم يالخير والخمير
ليزا مرحبا بيك ليك وحشة البارح مادخلتش هذا وين شفتك .
غدايا سوب تاع بسباس وقوارب الفرماج
نراجع بو خفيف ونولي

Simassim · 2014-10-29, 10:06

واش راكي ليزا ان شاء الله ريحتي
ولدي الحمد لله باقيله شوي كحة برك بصح الليل راه ينوض كل ساعتين يحوس علينا
اليوم يروح عند osteopathe تدلكو شوية هههههه الحل الأخير

lyzzabel · 2014-10-29, 10:08

واااااع ام ياسو انا دايرة العكس خخخخخ حسبت أميرة هي الكبيرة و الزهراء الصغيرة ههههههه ،، ربي يحفظهم و يفرحك بيهم

قلت ندير بطاطا كوكوت و نزيد معاها سلاطة و خلاص و اللحم نخليه للعشا بإذن الله و الحمد لله على النعم

نروح نكمل ما تبقى من أشغال و ندير الفطور و من بعد نضرب طلة ،، سلااااااام

لا اله الا الله وحده لا شريك له له الملك و له الحمد و هو على كل شيء قدير