كوزينة سعادة علينا وعليكم يارب 105 - الصفحة 42

ام سراج وملاك · 2014-12-20, 09:00

ام سهام بصحتك العرس اسينات لوكان جيت منك مندير والو ونطير لداركم ناكل السردين هههههههههههه بصحتكم حبيبتي دائمة الحمد انا درتو البارح كليتو غير انا ولولاد راجلي ميحبوش درتلو ماكلتو وحدو

دائمة الحمد · 2014-12-20, 09:11

الله يخليك ام سراج العزيزة ويفرحك باولادك

أم ياسين الزهراء · 2014-12-20, 09:16

صباح الانوار

دائمة اختي الكبيرة راهي عندكم اتهلاي فيها هههههههههههههههه

ارزاق العصير يجي اصلا مر هكاك وهديك هي البنة انتاعو انا نخلط الببلموس والقارص والبرتقال وزيد مليح لجماعة الرجيم وادا انتم ريشات اخطاكم منو راهو يصلح للدببة كيما انا وام ماجد ودائمة ههههههههههههههههه

لبنات واش حطيتو الله يبارك هبلتوني بكرواسو لينا يعطيكم الصحة

ادا مارحتش للطبيب ندير المحاجب ان شاء الله

sheherazed · 2014-12-20, 09:18

Sbah lkhir 3likm rakm sabhin chatrat Lah yberek

Croisson Lina rh dayer hala Lah yberek ya3tikm saha

Ana lym sbht n3amer f sablé Oum amani b nutella pcq hta l sbah bch nchef!!alr b lfarha m kdertch nrgod ba3d lfajr looooool

Ooooooh m habetch tetla3li la photo sur le site de telechargement gulfup!!!!ki ndlr lbnaaaat ?habba tchoufouh:'(

أم ياسين الزهراء · 2014-12-20, 09:22

لبنات عيت نلقى وصفة تارت الشيكولا تاع ام اماني كانت حطتها اهنا في الكوزينا وخبيتها عندي ومانعرف شكون اللي فصهالي اللي عندها تحطهالي وبارك الله فيها

دائمة الحمد · 2014-12-20, 09:26

ام يس عزيزتي احلى صباح يا لو كان نعرف اختك وين راهي مرحبا بيها عنا

شهرزاد صبا ح النور هذاك هو لي راني نزل منو

Simassim · 2014-12-20, 09:34

صباح الخيرات والبركات
انا راني عاد كحليت عيني
مارقدناش فالليل ولدي فيه الحمى. هلكو المرض هاد المرة يريح شوي وتعاود تجيه الحمى والله حرت فيه

راني ديت قهوة الغالية دائمة الحمد. ههه منشربش بصح نشمها.
وراني من كلشي حطيتوه حبة حبة باش نشرب حليبي

أم ياسين الزهراء · 2014-12-20, 09:34

تعيشي دائمة ياكريمة

شهرزاد حبيبتي اهلا بيك بصح اكتبي بالعربية عجزت نقرى

لبنات راني لقيت الوصفة وراهي في الصفحة 97 من الوصفات اللاولى

أم محمد تاج · 2014-12-20, 09:34

صباح النووور ياغاليات ونهاركم مبرووووك
الله يحفظكم حبيباتي لي باركولي بالفوز في المسابقة وحتى ليماباركوووش هههههه
وثاني الف شكر على تعليقاتكم الرائعة على واش حطيت البارح تسلمن
ام ديدو لحبيبة هذاك مايش عصير هذاك ليجوا تاع الغالية ام انس بصح حرفت فيه درت طبقة الليجوا وطبقة ياؤورت ذوق برتقال وطبقة كرام شونتتي aﻻمووووس نشالله نكون وصلت الفكرة

الأمنيات · 2014-12-20, 09:37

السلام عليكم ويومكم مبارك
يعطيكم الصحه كامل واش حطيتوا

lyzzabel · 2014-12-20, 09:40

صباح الخيييير عليكم كاااامل انشالله تكونو لاباس و نهاركم طيب

مازال ما راجعتش راني غير مع التابلات و الصور راكم عارفين المسلسل تاعي خخخخخخخ

نراجع و نولي بإذن الله

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر

الأمنيات · 2014-12-20, 09:44

بعض الاطباق الي درتهم
قلب اللوز ليليان درته بالحليب هاد المره كانديا

lyzzabel · 2014-12-20, 09:55

مممممممم ريحة الكرواصون راهي تفحفح فالكوزينة يعطيكم الصحة ام هبوبة و ام التوأم بصحتكم حبيباتي

داءمة الحمد بصحتكم الطعام و الفلفل مرقد و الدولمة حبيبتي من فضلك حطيلي الرابط تاع فلفل لينا ما لقيتهش

امنياتي يا سلام على قلب اللوز حتى انا كنت نديره بحليب كنديا شفتي شحال يجي شباب ممممممم و السفنج و الطعام يشهووووو بصحتك غاليتي

ام سهام بصحتك القليان و الحفافة تعرسي بالصحة ،، روحي بدلي اللوك قالك راه عنده إيجابيات كثيرة هههههههه

سمسومتي الف لاباس على ولدك ربي يشفيه و يعافيه ،، هاد الحمى كي ما خطاتهش تكون une fièvre virale لازم تتريتوله الفيروس لي راه يسببهاله و لازم تديروله لي زاناليز باش تعرفو التراتمون لي يوالمها و ربي يحفظهلك

آيه نروح ندبر على فطوري عندي نص جاجة و ما عرفتش واش ندير بيها مع لي نرسل لدار شيخي و ما ياكلوش لي كاين ،، الحمد لله على نعمه

حقا سكرتي الحلوةاللييجوا انا تاني حسبته عصير بصح يبان بلي مممممممممممممم يعطيك الصحة يا الكبيدة

اللهم انت خلقتني و انت تهديني و انت تطعمني و انت تسقيني و انت تميتني و انت تحييني

أم محمد تاج · 2014-12-20, 10:03

الله يخليك عسﻻيتي مواحاتي ليكم كامل كامل يالعزاز

دائمة الحمد · 2014-12-20, 10:16

امنيات قلب اللوز خرجلك روعة
ليزا احلى صباح ها وليك الرابط
انا عند التقديم نصب عليه شوي زيت زيتون

https://www.djelfa.info/vb/showthread.php?t=1723668