وستبقى محطة في ذكرانا خالدة

[mind open]

المشاركة الأصلية كتبت بواسطة رواسي

الله يوفقكم في الدراسة

انا مترشحة حرة راني حايرة في التوقيت وتقسيم المواد
فهل من مساعدة ؟

بالتوفيق لك

أنا مقبل على اعادة برنامجي ...و عند تسطيره سأزودك به

[أمينة1994]

المشاركة الأصلية كتبت بواسطة mind open

السؤال تاع الاعداد المركبة جاء نفسو 2009....و حليت هذاك الموضوع ..العام لي فات و النتيجة لقيتها 7/12 هههه ماعلاباليش نفس التمرين ولا نفس الفكرة؟؟؟

ممكن نشوف برنامجك ؟؟لعلني أقتبس منه بعض التوزيع ؟؟؟

وين راكي في التربية الاسلامية ؟؟؟

أنا حافظها راني غير نراجع...في الباك ديت 20/20

ما بقاش الوقت لازم نزيدو شوية ...أنا ناوي على برنامج يبدأمن 4 صباحا الى مالانهاية ...

نعم نفس التمرين بكالوريا 2009 علوم تجريبية ...... لقيت النتيجة كيما انت.

البرنامج ماراهوش ثابت ساعات نبدل مي راني نخدم هكا تقريبا:

من 5 إلى 9 : رياضيات و فيزياء .... بالتداول يوما بيوم

من 10 إلى 12 : حفظ راني مع العلوم الإسلامية دخلت في الحديث تع الزبير بن العوام تع العمل .... أنا ثاني حافظتها من العام لي فات...... مي العام لي فات ديت 16 برك حابة نطلع العلامة راني نحفظ شوية من الكراس وشوية من الكتاب ...... قلي انت من وين تحفظ؟؟؟

من 13:30 إلى 14:30 : لغة عربية حل موضوع

من 14:30 إلى 17:30 : علوم طبيعية

من 18:30 إلى 19:30 : لغة أجنبية بالتداول

من 19:30 إلى 21:30 : فلسفة

وقبل النوم حفظ بعض التواريخ المعلمية 4 او 5 .

من 4 ؟؟؟؟ تع الصباح ؟؟؟؟؟ انا نقدر نوض على 4 مي ما نقدرش نكمل النهار بلا ما نرقد

انا قلت من 4 إلى 7 قراية ومباعد نرجع نرقد ل9 ...يروح هذاك التعب كامل ومباعد من9 نكمل النهار عادي

المشاركة الأصلية كتبت بواسطة mind open

أهلا أمينة ...راكي ماشية مليح ...بصح الفيزياء شوية (زيدي في la vitesse )

بالنسبة لوين لحقت أنا

العلوم ...راني في التمرين 10 من كتاب أحمد أمين خليفة ...في الاتصال العصبي

الفيزياء ...بقالي 10 تمارين من الكهرباء و ندخل في الميكانيك

الرياضيات ...راني اهملتها بزاف ...من جانفي ما قريتهاش بصح حليت من قبل تمارين الدوال و الاعداد المركبة و الهندسة ...يعني نراجع شوية هذو الوحدات و ندخل في المتتاليات

العربية ..قريب نخلص القواعد و نحل النصوص

...الانجليزية ...راني في القواعد

الاجتماعيات راني في الدروس الاولى و الفلسفة مازال ...

واش رايكم ....؟؟؟راني ماشي مليح ؟؟؟

+عندي يوم الثلاثاء tp et td في الجامعة ...نروح غير هذا النهار (نحفظ فيه دروس المواد الادبية فقط )

أمينة راكي مدايرة ليكور ؟؟؟

بالتوفيق...

الله يبارك .... والله راك ماشي مليح ... ربي يوفقك

علابالك بلي في الاول بديت عاودت الدروس كااامل وحليت عليهم شوية تمارين وكملت المواد العلمية الحمد لله

ضرك راني نخدم العكس نضرب طلة خفيفة على الدرس من الملخصات لي حضرتهم ومباعد نحل عليه التمارين بزاااف

ناوية نكمل إن شاء الله من المفروض ولا ماغلطتش في حسابي أفريل نكون كملت التمارين تع المواد العلمية باه نبدا مارس مع المواضيع

لي كوووور مارانيش دايرة..... برك كاين دعم في الليسي تاعنا في الفيزياء يعني زيادة من عند الأستاذ مرات نروح نحضر معاهم

الرياضيات قلت كي يوصلو للدروس لي ما قريناهمش العام لي فات نبدأ نقرا وثاني باه نحضر المراجعة النهائية

++ لازم تبدا في الفلسفة ديرلها على الأقل ساعة في اليوم على حساب وقتك معناها
أنا راني نخدم بطريقة فايزة نكتب المقالات من الكتاب المدرسي ونجمع فيهم أفكار من مقالات أخرى ومباعد نحاول نتفكرها على الأقل ....... عجبتني الطريقة جربت بيها 3 مقالات والله تهز منها الأسلوب الفلسفي و ثاني تبقى متفكر وش تكتب أنت أحسن من وش تقرا من مقالات الأساتذة ++ الكتاب المدرسي فيه فقرات روووعة تجي في المقالات

ننصحك تجرب

ربي يوفقك

وادعيلنا معاك

[sarah milano]

المشاركة الأصلية كتبت بواسطة صدى القوافي

استغربت حقا كيف أن درسا ليس في منهاجكم المقرر ومع ذلك طرح سؤال يتطلب فهمه ... على كل هذا شرحي واتمنى ان يكون مبسطا ومفهوما :d



موفقـــة

بوركتي يا مميزة ( دوك لازم نقعد نقسر معاه شوية و اكيد ابسط )
موفقة

[~ فآيـزة ~]

المشاركة الأصلية كتبت بواسطة ربّي ربّاني

اهلا صدوووووووش ولا فيوزتي

والله برنامجي لا يسير كما خططت له تماما

تعودت على الاستيقاظ على الساعة 5 لكن عندما تصل الساعة السادسة مساء تجيني وحد النعسة وش نقلك توب ثقافة ........ اليوم فوتت حصة العلوم لاني كنت نعسانة بزاااااااااااف رقدت ...ونضت مع المغرب ومباعد نحيت ساعة اللغة الاجنبية والفلسفة وحطيت العلوم في بلاصتهم

والله احترت كيفاه ندير ........ قلت نجرب نوض على 4 نقرا حتى 7 ومباعد نرقد ل9 ونكمل النهار عادي

النسبة للعلوم الإسلامية ماحلفتش قلت برك نكملها كي شغل وعد بيني وبين روحي ومتفكرينيش في كفارة اليمين عندي 11 يوم صيام تع كفارة ......العام كامل وانا صايمة وما يخلاصوش وش ندير؟؟؟

الفلسفة مالا راكي في المقالة الثالثة كيما انا مي أنا مازالني في الإشكالية الاولى بعثت مقالاتي تصححهملي الأستاذة تاعي ومازال مارجعوش كي يجوا نقلكم شحال قيمتني

ووهاذاك السؤال تع الأعداد المركبة منقدروش نقولو مضاعفات 12/7 ونسكتو

أنا شكيت بالاك كانوا يقراوهم في2009 ومباعد حذفوهم ...ربي يستر برك متجيناش حاجة كيما هك

ما قلتلكش بلي بدل برنامجي رجعتو تقريبا يشبه برنامجك ... حطيت الفيزياء والرياضيات الصباح يوم بيوم والعلوم كل يوم العشية

اما المواد الأدبية أنا حقارة ............. العربية البارح حليت اول موضوع كان شوية معقد تاع جل الإله فما تحصى معارفه ...حتان قريت الحل وفهمت مليح واش كان يحكي ..ديجا الشعر التعليمي نظن مايجيش لأنو الأسلوب تاعو ماشي راقي عمبالك عصر الضعف فرق كبير بين قصيدة إيليا أو ماضي و ابن العربي

اليوم حرقت العربي ماقريتهاش والله

العلوم الإسلامية زعما عندها ساعتين في اليوم قلت نكملها ونعقب للاجتماعيات أيا لا قريتها نص ساعة نحس روحي هازة جبل ....... ديجا لقيت روحي متفكرتها الحمد لله

أنا نروح نرقد ++ والله ما صليت العشاء

ادعولنا معاكم

في أمان الله

أهلا أمونـتي

بصراحة برامجنا التي نسطرها مكثفة الى حد ما وتتطلب إصرار وتحدي ومقاومة للنعاس والتعب ,,, وان لم تتوفر هذه الشروط يجب التخفيف في البرنامج حتى نطبقه كما ينبغي ...ونبدأه مثلا من 9 صباحا يعني نصلي ونذكر ثم نعود للنوم الى الساعة التاسعة... بالنسبة لي في كل مرة يصدني شيء ما عن الالتزام بالبرنامج فمثلا اليوم لدي رياضيات من 8 - 12 بدأت على 7:45 ولحد الان انا احاول في سؤال لم اجد حله رغم انني حللت نفس الموضوع العام الماضي بسهولة !! ساضعه هنا بعد قليل ان شاء الله ....

أعانك الله على قضاء الكفارة

بالنسبة للفلسفة حسنا اخبرينا عن تقييمها وتنبيهاتها بارك الله فيك


الأعداد المركبة هو قالك n عدد طبيعي واذا قسمنا 7/12 وضربناها في عدد صحيح k هل سنجد عددا طبيعيا ؟!! .... تعتبر اجابة خائطة إذا تركتيها 7/12 ..... لكن لا اظن سيطرحون عليكم سؤالا كهذا بما انكم لم تدرسوا القسمة في Z ... اذا طرح عليكم سؤال كهذا سيكون الامر بسيطا مثلا n= 12k ولا تلجؤون إلى تطبيق قواعد القسمة .... حسب علمي ان العلميين نظام قديم كانوا يدرسون القسمة والموافقات لكن في النظام الجديد ألغوها يعني من 2008 ..... اما 2009 الله اعلم ...


البرنامج هههه انا تاني زدت بدلتو كيما قتلك رجعت الثلاثاء والجمعة للغات .... ها هو

العربية حقرتها يومين غدوا نرجعلها حقها ( نحل 3 مواضيع ) ان شاء الله


ادا حبيتي ديري برنامجي وان شاء الله ماتحقري حتى مادة .. حتى العلوم عندك كل يوم ....

بالنسبة لي هذه الايام راني ندير في ملخصات تركيب البروتين والمناعة ان شاء الله نحطهملكم راهم شاملييين بالاك يفيدوكم بإذن الله

ربي يوفقك

[~ فآيـزة ~]

المشاركة الأصلية كتبت بواسطة رواسي

الله يوفقكم في الدراسة

انا مترشحة حرة راني حايرة في التوقيت وتقسيم المواد
فهل من مساعدة ؟

https://www.2shared.com/file/LoVvbf3p/programme.html
اقتبسي منه ما قد يناسبك

وفقك الله

[~ فآيـزة ~]

المشاركة الأصلية كتبت بواسطة sarah milano

بوركتي يا مميزة ( دوك لازم نقعد نقسر معاه شوية و اكيد ابسط )
موفقة

وفيك بارك الله

اممم مميزة ,,, ماشكيتش

ان شاء الله فهمتيه مليييح وبسهولة ..... ربي يوفقك ويسدد خطااك

[~ فآيـزة ~]

سؤال في الرياضيات ورد في موضوع قمت بحله السنة الماضية واليوم لم اتمكن !!

حاولوا معـي :

L عدد مركب جزؤه التخيلي tan θ و θ عمدة له حيث : π/2 > θ > 0

أكتب L على الشكلين الجبري والمثلثي

ملاحظة: لم انس شيئا هذه المرة هذا اول سؤال في التمرين !!


وجدت فقط x = 1 اما y ..... سيستمر البحث برفقتكم

[~ فآيـزة ~]

اخوتي اطلب منكم اعادة رفع مواضيع الفصول الثلاث في الرياضيات والفيزياء التي وضعتها هنا سابقا .. الروابط لم تعد تعمل لا ادري لماذا وصديقتي تود تحميلها ولم تستطع

بانتظار مساعدتكم بارك الله فيكم

[~ فآيـزة ~]

[~ فآيـزة ~]

كان دائما يبدو بان الحياة الحقيقية هي على وشك أن تبدأ.



ولكن في كل مرة كان هناك محنة يجب تجاوزها ،،، عقبة في الطريق يجب عبورها ، عمل يجب انجازه ،،، دين يجب دفعه ،،، ووقت يجب صرفه، كي تبدأ الحياة .



ولكني أخيراً بدأت أفهم بأن هذه الأمور كانت هي الحياة.

[~ فآيـزة ~]

كان دائما يبدو بأن الحياة الحقيقية هي على وشك أن تبدأ.



ولكن في كل مرة كان هناك محنة يجب تجاوزها ،،، عقبة في الطريق يجب عبورها ، عمل يجب انجازه ،،، دين يجب دفعه ،،، ووقت يجب صرفه، كي تبدأ الحياة .



ولكني أخيراً بدأت أفهم بأن هذه الأمور كانت هي الحياة.

[~ فآيـزة ~]

ايا نعطيكم لغز تتسلاو بيه يا عبااااقرة :d


.
عندك قطعة خشبية ...... طولها 3 متر

و كل يوم تقطع '' متر ''
.
.
.
.
.
كم يوم يلزمك لتكمله ؟

[أمينة1994]

سلاااااااااااااااام

راني مزروووووووووبة مزروبة مزروبة

شوفي راني قريت الردود كاااااااااااامل برنامجك راهو في طريق التحميل ونشوفو علابالي يعجبني

التمرين تع الرياضيات راني كتبتو ورايحة نحاول فيه وما ظنيتش نلقى الحل ....... المهم رايحة نحاول

عجبتني الكلمات لي حطيتهم رايحة ننقلهم ونحطهم في مدونتي علابالي تسمحيلي

واللغز الحل تاعو يومين .....

المواضيع نهار لي جيت نشارجيهم كانت الكونكسيون ثقيلة تشارجاو بصح ما يتحلوش ماعلاباليش علاه؟؟؟

المهم انا نروح عندي علوم لازم نحل 3 تمارين لأني من الصباح وأنا نأجل فيها والبشرى حليت موضوع تع عربية لمرة ثانية والله العربية تع الصح فووووووووور وبنينة

شوفي مباعد نجي إن شاء الله علابالي نلقاك ماكانش مي حليت زوج مرات الصباح ومالقيت حتى واحد ما عليه المهم نقراو الردود

أيا مباعد ولا غدوة إن شاء الله

[nour neaon]

المشاركة الأصلية كتبت بواسطة صدى القوافي

كان دائما يبدو بأن الحياة الحقيقية هي على وشك أن تبدأ.



ولكن في كل مرة كان هناك محنة يجب تجاوزها ،،، عقبة في الطريق يجب عبورها ، عمل يجب انجازه ،،، دين يجب دفعه ،،، ووقت يجب صرفه، كي تبدأ الحياة .



ولكني أخيراً بدأت أفهم بأن هذه الأمور كانت هي الحياة.

مشكورة الاخت صدى على المرور العطر ..كلمات جد رائعة الحياة مجرد لغز غامض احيانا نظن اننا قد توصلنا الى حله لكننا نكتشف اننا عدنا الى نقطة الصفر...
اما بالنسبة للغز فهو يومين لان في اليوم الثالث يتبقى فقط متر لايحتاج للقطع ...
بالتوفيق

[الحمامة المتفائلة]

انشاء الله لا يحرم احد من طعم النجاح وينجح جميع الاعضاء
كونوا متفاءلين ولا تياسوا