الجزء 148 من واش طيبتي اليوم كوزينة الاحباب و التفنن في الطبخ - الصفحة 42

ام مؤمن · 2015-10-10, 13:10

مليت انا مليت من الانترنت تاعي المهبولة
نهار مانكونيكتيش الدار ترجع غولة
يا حسرة كي كان الديبي طالع كنت نحمل الصور انا الاولى
و اليوم حصلت بالمراجعة راني مشغولة
نوكل ربي عليها رايحة ترجعني مهبولة

راني نشعر للانترنت كاش ما يهديها ربي و تخليني نشوف الردود عييت من الصباح نكتب ردود و ماتوصلش
ليزا شكرا على الرد العجينة درتها مرخوفة بالاك الحجم كبير فعلا
زهرة ال ريف خبز هايل
و زهرة يعطيك الصحة روائع
ام جوجو بصحتك شطيطحة
ام ياسو ارواحي نغديك لوبيا اممممم
سميرة مبروك الحمل و لعقوبة ليك سرور
ام سارة يعطيك الصحة كروكي هايل
شفت غير الصفحة الاخيرة يعطيكم الصحة كامل و بصحتكم

ام مؤمن · 2015-10-10, 13:12

رجاء شكرا على الوصفة ماشاء الله راكي صرت محترفة في تحميل الصور

أم ياسين الزهراء · 2015-10-10, 13:16

امممممممممم ام جوجو الشطيطحة تسخف ربي يديم النعمة اختي

زهرة الله يخليك وربي يزيدك من الخيرات وعجبتني يانتكى يانزنق هههههههههههههه والله قتلني التفنين باش نراجع برك عجزت

زهرتي اهلا بيك واش راهي البنيتة كبرت ولا انت برك اللي كبرتي ههههههههههههه ربي يحفظها والتحلية اممممممممممممممم

ام مومن نجي ندوق من اللوبيا تعيشي

نزنق شوي ههههههههههههههه

البحر الصافي · 2015-10-10, 13:18

اقتباس:

المشاركة الأصلية كتبت بواسطة om wassim

يومكم سعييييد
يعطيكم الصحة واش حطيتو كلش تووووب الله يبارك

ام وسيم وشراكي اختي كاش ما ناب ربي بالسكنة من هدا ك النهار مرجعتيش

البحر الصافي · 2015-10-10, 13:22

اهلا ام ياسين مبروك الكويزينيار حطيتيها ولا ما زال
حقا وحد المرة حطيتي تارت الثفاح عجبتني ونسيتها ادا عارفة المقادير تعيشي اكتبيهالي

x ام رحاب x · 2015-10-10, 13:42

مساءكم سعيد وصحة فطوركم جميعا انحطلكم كواليس البركوكس الي خدمتو

selmatitta · 2015-10-10, 13:42

مبروك الكوزينة الجديدة يا الاخت ام مؤمن
اهلا بكل شاطرات في المنتدى كل وحدة فيكم متالقة باطباقها
شهيتوني يعاطيكم الصحة

أم ياسين الزهراء · 2015-10-10, 13:42

الله بارك فيك البحلر ولعقوبة ليك والصور كيرضى علي مركز التحميل نحط

اما تات التفاح ماشفيتش حنونة وادا قصدك على تاع عقروبة نحوسلك على الوصفة هي اللي حطتلي الوصفة

ام وسيم اهلا بيك هدي غيبة توحشناك

أم ياسين الزهراء · 2015-10-10, 13:44

حقى لبنات بما انو الكوزينيار انتاعي فيها درجة الحرارة قولولي الخبز شحال من درجة نطيبو

ام رحاب على سلامتك قتلتيني باطايبك الله يديمها عليك وعلى كل الاخوات

اهلا سلماتيتة هداك وليدك الله يبارك تجيك ايات وتشوفي واش ديرلك وعندها الحق العين حق ردي بالك وربي يحفظو

omjoujou · 2015-10-10, 13:47

ام سارة الله يسلمك وبصحتك وش تغديتي عجبني الكروكي تاعك مع لحليب امممممممم
ام مؤمن تسلميلي وبصحتك اللوبيا راه وقتها
ام ياسين الله يسلمك حنونتي وبصحتك الكويزينيار انا شريت وحدة العام لي فات كوندور تاع 4كوانين متعبتني كي نطيب فيها قاطو ولا خبز الدار يطيبوا غير في الوسط والجوانب يبقاو عجين وليت خليتها ونطيب غير في الفور

x ام رحاب x · 2015-10-10, 13:47

اهلا ام ياسين مبروك الكويزنيار حبيبتي لعقوبة الحاجة خير
اهلا سلماميتا واش راكي البوبون اكبر ولا لالا
ام وسيم واش خرجتي مع تاع القرعة تاع السكنة ولا لالا والله راني غير انخمم فيك واندعيلك ربي يفرج عليك